ايه اخبار تعيين أوائل الكليات ياجماعة؟

[heba_moukhtar]

المشاركة الأصلية كتبت بواسطة معتز عبدالكريم

فينك يا دكتور عبدالرحمن

الأستاذ معتز أشكرك على كلماتك الرقيقة التي ترد بها الجميل للراجل اللي مابيتأخرش علينا في حاجة
يعني انا عاوزة أعرف لو الراجل ده مثلا دخل وشاف اني حطيت موضوع و محدش عبره بكلمة أو بمسانده حتى
انت متخيل هيعمل إيه أو هيكون إيه شعوره
لو انت مش معايا براحتك ممكن يكون موضوعك مخليك قلقان جدا بس هل انت شايف انه مجبر يرد عليك ؟؟
انا بقول نحاول نقول كلمة خير بعيد عن مصلحتنا وحضرتك مش فارق معاك برضه
انا عاوزة أقول إني يمكن كنت باتابع المنتدى ده من بعيد بس لما لقيت كم الضغط والحب ده اللي موجود ممسكتش نفسي وحبيت أكتب انتم بقى بخلانين ليه ؟؟؟؟؟؟
انتم تعرفوا الراجل ده أكتر مني لكني كنت أول من يشكره ويفكر في تكريم بسيط له ولموضوعنا ده ويعلم ربنا إني عندي أسئلة هامة جدا جدا بس مش عاوزه آخد قبل ما أدي

وشكراااااااااااااااااااا

[heba_moukhtar]

السلام عليكم ورحمة الله وبركاته

والله ياجماعة أنا من المتابعين للموضوع ده من فترة طويلة بس ماكنتش باشارك وعاوزة أقول حاجة مهمة

بصراحة الراجل اللي اسمه الدكتور عبدالرحمن المنياوي ده راجل في منتهى الاحترام وعامل إقبال كبير جدا على المنتدى وعلى الموضوع ده بالذات يعني عامل حس للصفحة والحمد لله وصلت التعليقات هنا لأرقام عالية وغير مسبوقة

وعلشان كده أنا باشكر الراجل المحترم ده واللي متأخرش علينا في الردود خالص وباطلب من إدارة المنتدى طلبين هامين :

الطلب الأول : أتمنى تثبيت هذا الموضوع وهو موضوع هام فعلا ويستحق التثبيت

الطلب الثاني : أتمنى من إدارة المنتدى نيابة عنا جميعا تقدير هذا العضو المتميز المسمى د.عبدالرحمن المنياوي لمجهوداته المبذولة والتي كان من شأنها تزايد الإقبال والإيجابية على منتدانا الرائع

وأعتقد إن محدش مختلف معايا في المطلبين دول فياريت اللي متفق معايا يكتب ويحاول يتواصل مع إدارة المنتدى وياريت الأعضاء القدامى وذوي الخبرة في المنتدى يساعدونا في ذلك

انا بس عاوزة كل واحد ياخد حقه من التكريم لأنه نوع من الأنانية إننا ناخد ولا نعطي واللي شايف عكس كده يقوللي

وشكرااااااااااااااااااااا

[معتز عبدالكريم]

انا مش قصدى حاجه يااستاذه هبه والدكتور عبدالرحمن ده راجل فوق راسنا من فوق وهو عارف قدأيه الناس بتحبه وكمان هو السبب الرئيسى فى الضغط على المنتدى
بس بجد يعلم الله بحالى من شهر مش عارف اعمل ايه وانا لسه مسافر بره مصر مكملتش شهر واليوميين الى فاتوا انا كنت مستنى رده لانى فى امس الحاجه الى رده عشان انا مش عارف انزل والا لا لانه فى ناس تقول استبعاد المؤمن عليهم وناس تقول لا والدكتور قالى محصلش وعشان منجدلش ان بكره او بعده وهبلغك بالكلام
اسف لو كلامى دايق حد
واسف خاص ليك يادكتورى الجليل / عبدالرحمن المنياوى

[mhegazi]

المشاركة الأصلية كتبت بواسطة معتز عبدالكريم

انا مش قصدى حاجه يااستاذه هبه والدكتور عبدالرحمن ده راجل فوق راسنا من فوق وهو عارف قدأيه الناس بتحبه وكمان هو السبب الرئيسى فى الضغط على المنتدى
بس بجد يعلم الله بحالى من شهر مش عارف اعمل ايه وانا لسه مسافر بره مصر مكملتش شهر واليوميين الى فاتوا انا كنت مستنى رده لانى فى امس الحاجه الى رده عشان انا مش عارف انزل والا لا لانه فى ناس تقول استبعاد المؤمن عليهم وناس تقول لا والدكتور قالى محصلش وعشان منجدلش ان بكره او بعده وهبلغك بالكلام
اسف لو كلامى دايق حد
واسف خاص ليك يادكتورى الجليل / عبدالرحمن المنياوى

ياريت تتأكد من الخبر وتطمني
وجزاك الله كل خير
وجزا الله الدكتور عبدالرحمن المنياوي كل خير على ما يفعله

[nasr khlaph]

بعد اذنك يا دكتور عبد الرحمن انا التاسع على كلية التربية جامعة المنوفية فرع السادات ولكن انا شغال بعقد فى وزارة التربية والتعليم من 11 / 2008 ولم اتعين حتى الان هل سوف يتم تعيينى ضمن العشرين الاوائل ولا سوف استبعد ارجو الرد

[فاطمة الزهراء 86]

والله يا أستاذ معتز أنا كمان قلقانه من موضوع استبعاد المؤمن عليهم وانا كمان في قلق دائم عشان كده ياريت الدكتور عبد الرحمن يرد علينا وقول لنا هو الموضوع ده صحيح لأني في مشاركات كتيرة على النت بتقول أنهم هيستبعدونا .

جزاك الله خيرا على المجهود التي تبذله من أجلنا يا دكتور عبد الرحمن والله كلامك بيريح جدا وبيطمئن ويشرح الصدر .

[roaaaa]

انا كان عندى استفسار وياريت حد يفيدنى
اختى حاصلة على الماجستير وكانت تعمل مدرسة ثم انقطعت بمعنى الان لا تعمل فى اى جهه
هل يوجد فعلا تعيين للحاصلين على الماجستير والدكتوراه
لانى قرأت الخبر ده ::: .
وافق مجلس الوزراء يوم الخميس ( 16/6/2011 ) برئاسة الدكتور عصام شرف على قرار بتعيين أوائل الخريجين وحملة الماجستير والدكتوراة, وكلف المجلس وزارة المالية وجهاز المحاسبات بإعداد قوائم الأعداد المقرر تعيينها
لو سمحتوا حد يفيدنى ما صحة هذا الكلام ولو الكلام دا حقيقى يقولى اقدم اوراقى فين ؟؟؟
المصدر جريدة الوفد بتاريخ اليوم 18/6/2011

[كيميائى اسلام الشاعر]

السلام عليكم و رحمة الله

يا جماعة انتوا كده قلتونى مش طمنتونى لأن أنا من الناس اللى اشتغلت بعد التخرج و لكن أفضل الشغل الحكومى عشان مفيش حاجة فى القطاع الخاص مضمونة أى نعم هو افضل ماديا و لكن انا عاوز اعيش مطمئن انى مش شغال عند حد المشكلة بقا دلوقتى انى متأمن عليا اجتماعيا و صحيا هل يعنى ده انى مليش تعيين انا نفس مشكلة الاخ ميدو تقريبا لإن الشركة اللى انا فيها لا هى وحشة ولا هى شركة المستقبل .

[باختصـــــــــــــــــــــــــــــــــــــــــــــ ـار انا بين ناريـــــــــــــــــــــــــــــــــــــن " مش أغنية هدى لأ"

[عبدالرحمن احمد عيد]

ارجوكم افيدوني في تعيين الاوائل دفعة 2004 كلية دار العلوم فيتعيين ولا لا

[كيميائى اسلام الشاعر]

بسم الله الرحمن الرحيم

نسيت أسأل هو المسئولين إعطوا جدول زمنى للتنفيذ ولا سايبنها مفتوحة لما ننســــــــــــــــــــــــــــى ؟؟؟

[شريف الصعيدى 22]

لابجد الصفحه والله ماليها حس ولا طعم من غير مشاركة الدكتور عبد الرحمن
انا واحد من الناس اللى لما مش بشوف الدكتور عبد الرحمن منور الصفحه ديه
وربنا مايبقى ليا نفس ادخلها اساسا
دكتور عبد الرحمن ده شخصيه مش عارف اقول ايه
بس كل اللى يتقال اننا مهما عملنا مش هانوفى للراجل ده حقه
وفعلا زى مااولتلى يااستاذه هبه احنا بس بنعمل الواجب وده اقل شئ نعمله
وهوه توجيه الشكر للدكتور عبد الرحمن
والله انا اولت كلمه وبعيده يااابخت الطلبه اللى دكتور عبد الرحمن بيدرسلهم
نرجع باه شويه نتقمس دور الدكتور عبد الرحمن ههههههههههه
انا اطول طبعا بس للاسف مقدرش
المهم اللى انا اعرفه حاجه واحده شهر 7 داخل وكل حاجه هتظهر
يعنى مثلا موضوع الحد الادنى لو شهر 7 عدى ومفيش جديد هيبقى هانستنى للسنه الجايه
موضوع تعين الاولئل ممكن يطول شويه بس طبعا لو السنه الدراسيه بدأت ومحدش اتعين
يبقى انسو باه هههههههههه
هاقولك حاجه وبالذات للاخر معتز طالما انت مسافر بره مصر متفكرش ترجع غير لما ينبعتلك جواب تعيين رسمى
علشان انت من الاوائل
بس عارفين برده دلوقتى الجهة الرسميه هى الجامعه
كل واحد يروح جامعته يسأل فيها عن الموضوع ده
واحشنا يادكتور والله
ان شاء الله تنورنا عن قريب
واحنا مقدرين مدى معاناة ضرتك والله

[m.mabdo]

http://i403.photobucket.com/albums/p...0egypterp2.gif

[honest2010]

مش لما يعينوا المعلمين المتعاقدين بقالهم 10 سنين فى التربية و التعليم و بعدين يبقوا يعينوا ناس جديدة
صاحب العقل يميز

[د.عبدالرحمن المنياوي]

السلام عليكم ورحمة الله وبركاته وآآآآآآآآآآآآآآآآآآآآآآآآآآآآآآآآآآآآآآسف على التأخير في الرد يا جماعة وذلك لظروف خارجة عن إرادتي ..

وانا هاكون تحت أمر المنتدى انهاردة بإذن الله مساءا

أخوكم د.عبدالرحمن المنياوي

[أبو عمر وإلياس]

المشاركة الأصلية كتبت بواسطة د.عبدالرحمن المنياوي

السلام عليكم ورحمة الله وبركاته وآآآآآآآآآآآآآآآآآآآآآآآآآآآآآآآآآآآآآآسف على التأخير في الرد يا جماعة وذلك لظروف خارجة عن إرادتي ..

وانا هاكون تحت أمر المنتدى انهاردة بإذن الله مساءا

أخوكم د.عبدالرحمن المنياوي

وعليكم السلام ورحمة الله وبركاته

ربنا يكرمك ويعزك ويرفع قدرك يا دكتور في الدنيا والآخرة