جـروب 3 ثـانوى ( ادبـى )

[*HOPES*]

المشاركة الأصلية كتبت بواسطة a7la 7abeb

يا جماعه يابتوع التاريخ في عندي اسئله في الفصل الاول واقفه قدامي من كتاب الامتحان ياريت لو حد يعرف اجابتها يقولي
1-تنتمي قبائل الازد بالجزيره العربيه الي دوله (الانباط-الغساسنه-تدمر-الحيره)

دوله الغساسنةوهى قبائل هاجرت من اليمن بعد أنهيار سد مأرب وأقاموا بئر غسان فى منطقه حوران حول جبل الدروز

2-بم تفسر: اضطهاد الملك ذو نواس لاهالي نجران

بسبب دخول المسيحيه لبلاد اليمن وأعتناقهم الدين المسيحى فقام بحرقهم فى الاخدود و تدخل الامبراطور الرومانى جيستنيان وارسل النجاشى القائد ابرهة الذى *** يوسف ذو نواس وأسقط مملكة حمير 525 م

أن شاءالله تكون الأجابات صح ونموذجيه

[شذى العطر]

ياه أنا واحدة الكلام ده في تانية ثانوي
بس ممكن اعرف مش متأكدة

[hamada fesal]

هاااااااااااى ياجماعة عضو جديد
انتوا هنا وانا قالب عليكم الدنيا فى النت

[SwOrD OF JusTice]

المشاركة الأصلية كتبت بواسطة hamada fesal

هاااااااااااى ياجماعة عضو جديد
انتوا هنا وانا قالب عليكم الدنيا فى النت

ياهلا ياهلا جروب الادبى زاد واحد

[hamada fesal]

يا جماعة مفيش معاه المنهج لكل مادة بصيغة وورد او تكت او بدف

[Alyaa Dfnany]

الحقيقة الجدول كويس الى حد ما .

خاصة فى المواد ال 50 درجة .

بس لو يقدرو يضبطو فيه .

لان التاريخ قبليه بس 3 ايام و نص .. كان السنة اللى فاتت 15 يوم .

فى المقابل ان الفلسفة السهلة .. 8 ايام .

وعلم النفس يوم ونصف .. وكذلك الانجليزى يوم ونصف .

يعنى انا معترضة بس على التاريخ .. ازاى 3 ايام ونص .. دى اتقل مادة ادبى التاريخ . ؟!!

[Alyaa Dfnany]

المشاركة الأصلية كتبت بواسطة hamada fesal

يا جماعة مفيش معاه المنهج لكل مادة بصيغة وورد او تكت او بدف

[right]الحقيقة عندى المنهج كامل .. فى علم النفس و الفلسفة . (( pdf )) بس .

وشوية ملفات فى التاريخ و العربى .

اما باقى المذكرات (( وورد )) .

وممكن تحمل من هنا .. لان اغلبية الملفات هنا وورد . والمذكرات جميلة جدا فى كل المواد

[/right]

[شذى العطر]

المشاركة الأصلية كتبت بواسطة hamada fesal

هاااااااااااى ياجماعة عضو جديد
انتوا هنا وانا قالب عليكم الدنيا فى النت

منور الجروب
ان شاء الله ينورنا اعضاء تانين

[شذى العطر]

دورت في كتاب تانية ثانوي وكتاب الامتحان ولقيت
الازد هم الغسسانة وهم قبائل هاجروا من اليمن بعد انهيار سد مأرب *
اما السؤال التاني موجود ان الملك ذو نواس اظطهد نصارى نجران وأحرقهم بالنار وهم اصحاب الاخدود بس مش جايبين ليه أحرقهم*

[SwOrD OF JusTice]

المشاركة الأصلية كتبت بواسطة شذى العطر

دورت في كتاب تانية ثانوي وكتاب الامتحان ولقيت
الازد هم الغسسانة وهم قبائل هاجروا من اليمن بعد انهيار سد مأرب *
اما السؤال التاني موجود ان الملك ذو نواس اظطهد نصارى نجران وأحرقهم بالنار وهم اصحاب الاخدود بس مش جايبين ليه أحرقهم*

احرقهم لانهم دخلوا الدين المسيحى فقام جستنيان امبراطور الروم بامر النجاشى ملك الحبشه بغزو حمير ( لتعاطفه معهم لانه على نفس الدين )


دا الى فاكره من السنه الى فاتت

[شذى العطر]

المشاركة الأصلية كتبت بواسطة sword of justice

احرقهم لانهم دخلوا الدين المسيحى فقام جستنيان امبراطور الروم بامر النجاشى ملك الحبشه بغزو حمير ( لتعاطفه معهم لانه على نفس الدين )


دا الى فاكره من السنه الى فاتت

من السنة إلي فاتت مش بردوه العام بيخدوه ده في ثالثة ثانوي

[Princess nemo]

يا جماعة الجدول نزل على موقع الوزارة
http://portal.moe.gov.eg/Sanaweya/Pa...sSchedule.aspx

ادخلوا شوفوه بقى و ربنا معانا بجد

[شذى العطر]

ياجماعة طيب انا هسئل شوية اسئلة لحظة

[شذى العطر]

أيد بالادلة التاريخية
بالرغم من النهضة الاقتصادية التي احدثتها الحملة الفرنسية إلا انها كانت موجهة لخدمة مصالح فرنسا
بم تفسري
عودة نابليون سرا
انا تقريبا قلت بسسب الخطر من قبل النمسا وحلفاؤها على فرنسا لكن ليه يرجع سرا ماممكن يرجع علني

شروط امتياز قناة السويس كانت من مظاهر التدخل الاجنبي في مصر

كانت لسياسية محمد علي الاقتصادية اثرا في تشكيل القوة الاجتماعية في مصر

[Alyaa Dfnany]

المشاركة الأصلية كتبت بواسطة شذى العطر

أيد بالادلة التاريخية
بالرغم من النهضة الاقتصادية التي احدثتها الحملة الفرنسية إلا انها كانت موجهة لخدمة مصالح فرنسا
بم تفسري
عودة نابليون سرا
انا تقريبا قلت بسسب الخطر من قبل النمسا وحلفاؤها على فرنسا لكن ليه يرجع سرا ماممكن يرجع علني

شروط امتياز قناة السويس كانت من مظاهر التدخل الاجنبي في مصر

كانت لسياسية محمد علي الاقتصادية اثرا في تشكيل القوة الاجتماعية في مصر

السؤال الاول :-

اولا هى الاحوال الاقتصادية انتعشت فى عهد "مينو " .

لذا بالرغم من تطور الاحوال الاقتصادية الا انها كانت موجهة لصالح الحملة حيث ان فى عهد مينو قام بتنفيذ المشروعات ومنها المشروع العظيم " تحويل مصر لمستعمرة فرنسية " وهذا هو السبب الرئيسى للنهضة الاقتصادية .
وقامت فلسفته : او اسسه : على الاتى :
1- المساواة بين المصريين فيما يؤدونه من ضرائب
2- حرمان الملتزمون من ممارسة شئون الادارة و القضاء
3- الغاء كافة الضرائب التى ابتكرها الملتزمون و البكوات المماليك وقرر ضريبة واحدة .
4- تحرير الفلاح من القيود المالية و القضائية ليتصرف فى الارض التى بحوزته .

وكذلك فى مجال الصناعة . فكانت موجهة لخدمة الحملة :

1- حيث اقرتح مينو انشاء مصانع للنسيج و الحدادة و الساعات و الدباغة و حروف الطباعة يعمل بها الفرنسيون حتى لا تتسرب اسرار الصناعة الى المصريين .
2- انشاء طواحين الهواء و اصلاح الترسانة التى انشأها مراد بك .

على ما اذكر ان الاجابةكده كاملة . لكن من الافضل تتاكدى من مدرس للمادة .

اما باقى الاجوبة اللى قالها العضو" SwOrD OF JusTice "فهى نفس الاجابات اللى كنت حقولها .
وفى الامتيازات ممكن تزودى نقطة او نقطتين .

لكن فى اسئلة بتكون نقاطها كتيرة و بيكونو عايزين كل النقاط لانه ممكن يجيب على النقطة الواحد سؤال .. زى مثلا سياسة الاستعمار الاوروبى فى الوطن العربى " فى الفصل ال 13 "
فياريت تركزى و تخلى بالك من الاسئلة اللى زى كده .
ويارب اكون افدتك .