لطلاب الثانوية اسالنا اى سؤال عن اى جامعه - الصفحة 45

semsim · #**661** 13-04-2009, 03:54 AM

ممكن سؤال كمان عن الجامعه المفتوحه لطلاب الثانوى اى شروطها ومصاريفها وشكراااااااااااااااااااااا

semsim · #**662** 13-04-2009, 02:39 PM

ومصاريف جامعه الاهرام الكنديه كام بالظبط وياريت فعلا حد يفيدنى بأسئلتى

heshammm · #**663** 13-04-2009, 11:05 PM

اولا السلام عليكم
انا عضو جديد معاكم ياجماعه ونفسى استفسر عن حاجه
انا مخلص ثانويه عامه من 2003 ودخلت معهد وخلصت .والحمد لله بس عايز ادخل معهد فنى صناعى هل ينفع ?ولو مينفعش ايه الحل ولو فيه خاص مصاريفه كام وشكرا للمنتدى الجميل ده.

sangam6 · #**664** 14-04-2009, 06:22 AM

واضح ان الجماعة مشغولين عننا

heshammm · #**665** 14-04-2009, 10:34 PM

ياريت رد يطمنى انا مخلص ثانويه عامه من 2003 ودخلت معهد وخلصت .والحمد لله بس عايز ادخل معهد فنى صناعى هل ينفع ?ولو مينفعش ايه الحل ولو فيه خاص مصاريفه كام وشكرا للمنتدى الجميل ده.

semsim · #**666** 14-04-2009, 11:36 PM

هو مافيش اى حد بيفيدنا ولا ايه؟

sangam6 · #**667** 15-04-2009, 09:16 AM

الحقوووووووووووونا

yazn_zero · #**668** 16-04-2009, 12:17 PM

عايز اعرف معلومات عن جامعة فاروس و المصاريف

heshammm · #**669** 17-04-2009, 03:48 PM

اولا السلام عليكم
انا عضو جديد معاكم ياجماعه ونفسى استفسر عن حاجه
انا مخلص ثانويه عامه من 2003 ودخلت معهد وخلصت .والحمد لله بس عايز ادخل معهد فنى صناعى هل ينفع ?ولو مينفعش ايه الحل ولو فيه خاص مصاريفه كام وشكرا للمنتدى الجميل ده.

mena 2020 · #**670** 01-05-2009, 10:37 AM

انا فى 3 ثانوى ومجموعى مش هيلحق هندسة حكومى وكنت عاوز ادخل جامعة مصر للعلوم والتكنولوجيا علشان المصاريف كويسة تنصحونى انى ادخلها ولا لا ونظام الدراسة كويس والطلبة كويسين ياريت ياجماعة تفيدونى

abdo_oo8 · #**671** 03-05-2009, 02:03 PM

لو سمحت انا فى 3 ثانوى وكنت عايز ادخل الاكادمية العربية للنقل البحرى فرع اسكندرية بس مش عارف ايه شروطها ومصاريفها كام السن دى

vampire1188 · #**672** 03-05-2009, 11:27 PM

اقتباس:

ممكن سؤال كمان عن الجامعه المفتوحه لطلاب الثانوى اى شروطها ومصاريفها وشكراااااااااااااااااااااا

الجامعة المفتوحة دي تابعة لجامعة القاهرة .. جنب المقر الرئيسي بتاع مكتب التنسيق

الجامعة دي فاتحة ابوابها للمصريين ولغير المصريين كمان

كل الشروط بتبقي متركزة على حاجتين ..

1- لو انتا كنت ثانوية عامة او دبلوم .. يبقي عشان تخشها لازم يكون عدَّى مدة 5 سنين على حصولك للشهادة دي

2- لو كنت مؤهل عالي يبقي مش هاتتقيد بمرور 5 سنين او حاجة .. الحياة هاتبقي ماشية معاك ايزي خالص

أما لو كنت من بره مصر (غير مصري) .. فشرط الـ 5 سنين بتاع الثانوية العامة دا مش هايبقي ساري عليك

وطبعاً الجامعة للاسف مش مديه الفرصة لدراسة جميع الكليات والتخصصات

مافيهاش غير كلية التجارة ، الزراعة ، دار العلوم ، الحقوق ، الآداب ، الاعلام

بالنسبة لدخول اقسام تجارة وزراعة وحقوق دول مافيهومش مشاكل .. بتقدم وبتخش عادي

لكن كلية الاعلام و الاداب (قسم انجليش او فرنسي) و دار علوم ..

دول لازملهم امتحان قدرات (تحديد مستوي يعني)

وعشان تلتحق بيهم لازم تمر في الامتحان دا

وعشان برده ماتفتكرش انهم بيظلموكوا .. في الكليات العادية اللي هيا تبع الجامعة اصلا

الالتحاق مابيبقاش الا بكدا .. بامتحان برده .. يعني انتوا مفيش ظلم عليكوا ولا حاجة

الملفات المطلوبة عن التقديم :

1- أصل استمارة الثانوية أو الدبلوم الفنى أو مستخرج رسمى منها، وبالنسبة للطلاب غير المصريين تكون موثقة من خارجية الدولة التابعين لها أو من سفارة هذه الدولة من جمهورية مصر العربية.
2-أصل شهادة الميلاد أو مستخرج رسمى منها.
3-عدد 4 صور شخصية.
4-صورة البطاقة الشخصية أو صورة جواز السفر.
5-أصل الموقف من التجنيد بالنسبة للذكور المصريين.
6-شهادة البكالوريوس أو المؤهل فوق المتوسط إذا كان حاصلاً على مؤهل أعلى من الثانوية.
7-بيان بتقديرات المواد التى سبق أن درسها الطالب فى المعهد أو الكلية، حتى يمكن النظر فى إعفائه من المواد السابق دراستها والنجاح فيها، وبحد أقصى عشرة مقررات.

vampire1188 · #**673** 05-05-2009, 07:17 PM

اقتباس:

ومصاريف جامعه الاهرام الكنديه كام بالظبط وياريت فعلا حد يفيدنى بأسئلتى

بالنسبة لمصاريفها .. دا طبعا بيعتمد على القسم اللي انتا عايز تدرس فيه

الجامعة هناك فيها حوالي 4 تخصصات

كلية الصيدلة .. ودي 17000 جنيه في الترم الواحد

كلية الاعلام .. 13000 في الترم الواحد

كلية ادارة الاعمال ، الحاسبات والمعلومات .. 8500 في الترم الواحد

معا ملاحظة ان المصاريف دي شاملة كله من مجاميعه ..

يعني شاملة الكتب والمعامل والتأمين الصحي

وطبعاً زيها زي اي جامعة في مصر سواءا خاصة او حكومية ..

فيه حاجة اسمها الـ scolarship .. أو منحة التفوق

اذا انتا ربنا وفقك وكنت من الاوائل بتاخد خصم على المصاريف بتاعة السنة اللي بعديها

ودا تبعا لدرجاتك او تقديرك العام اللي بيبقي اسمه GPA

نظام الدراسة هناك طبعا ماشي بنظام الساعة المعتمدة مش بنظام السنة كاملة

vampire1188 · #**674** 05-05-2009, 07:26 PM

اقتباس:

انا فى 3 ثانوى ومجموعى مش هيلحق هندسة حكومى وكنت عاوز ادخل جامعة مصر للعلوم والتكنولوجيا علشان المصاريف كويسة تنصحونى انى ادخلها ولا لا ونظام الدراسة كويس والطلبة كويسين ياريت ياجماعة تفيدونى

اولاً : الجامعة عامة كدا .. خلطبيته .. يعني زيطة من الاخر .. كله سايح على كله

ثانياً : معظمهم بعد مابيتصدم من اول سنة بيقوم محول لجامعة 6 اكتوبر

ثالثاً : انا مش بكرهك فيها .. بس بجد مانصحكش انك تروحها ..

عايز تخش جامعة خاصة كويسة وبفلوس معقولة روح 6 اكتوبر

sangam6 · #**675** 06-05-2009, 07:47 AM

و انا مليش حظ من الاهتمام ده يا فامباير. قول لي فين مدرج العيوطي ده و انا اجليلك لغاية عندك