مستشارك الازهري ( أ/سعيد موسى )للاستفسارات الخاصة بشئون المعلم

[أ/ سعيد موسى]

المشاركة الأصلية كتبت بواسطة سابى السعيد

السلام عليكم
لو سمحت كنت عايزة اسأل انا معايا كارنية صندوق التكافل من حوالى 4 سنين او 5 تقريبا ومعرفش وظيفته ايه
هو مثلا مختص بالتكافل بين الزملاء يعنى لو حد عنده مشكلة مادية ممكن ياخد من الصندوق ده والا ايه
ارجو التوضيح

ليس له اى فائده تذكر

[paradise seeker]

السلام عليكم ورحمة الله وبركاته
من فضلك أستاذى الفاضل كنت عاوزه أعرف هل أجازة رعاية الطفل وتقديم التقارير السريه بالامتياز حكما ممكن توقف الترقيه علماً بإن الموظف فى المنطقه استلم منى الملفات بس هو كتب بخط واضح على الملف من الخارج التقارير حكما فكنت عاوزه اعرف هل ده هيبقى سبب فى توقف الترقيه ولا ايه ؟؟

فى انتظار رد حضرتك وجزاك ربى الفردوس الأعلى

[أ/ سعيد موسى]

المشاركة الأصلية كتبت بواسطة paradise seeker

السلام عليكم ورحمة الله وبركاته
من فضلك أستاذى الفاضل كنت عاوزه أعرف هل أجازة رعاية الطفل وتقديم التقارير السريه بالامتياز حكما ممكن توقف الترقيه علماً بإن الموظف فى المنطقه استلم منى الملفات بس هو كتب بخط واضح على الملف من الخارج التقارير حكما فكنت عاوزه اعرف هل ده هيبقى سبب فى توقف الترقيه ولا ايه ؟؟
فى انتظار رد حضرتك وجزاك ربى الفردوس الأعلى

حسب كلام الموظفين فى الازهر يحرم من الترقيه لكن لى زميل يعمل فى الاكاديمية سالته نفس السؤال
اجاب لايحرم من الترقية بشرط ان يكون على راس العمل عند الترقى
اهم شىء قطع اجازتك وعند تحديد موعد الترقى تكونى فى معهدك وحضور الترقى وننتظر من يكون كلامه صحيح
مع ملاحظة يوجد صديق لى فى اجازة رعايه اسرة ونفس موقفك جعلته يقطع اجازته ورجع معهده وقدم ملفه
وايضا نحن فى الانتظار وان شاء الله خير

[حمزهه]

سؤال للساده المحترمين انا معلم مسابقة ٢٠٠٧عملت بعد التخرج فى التعدد السكانى ٢٠٠٦ فهل يعتبر هذا العمل خدمه عامه يجوز ضم هذه المده لسنوات الخدمه ام لا ولكم جزيل الشكر

[أ/ سعيد موسى]

المشاركة الأصلية كتبت بواسطة حمزهه

سؤال للساده المحترمين انا معلم مسابقة ٢٠٠٧عملت بعد التخرج فى التعدد السكانى ٢٠٠٦ فهل يعتبر هذا العمل خدمه عامه يجوز ضم هذه المده لسنوات الخدمه ام لا ولكم جزيل الشكر

اذا كان باجر فهو ليس خدمه عامه ... اما اذا كان تطوعى قدم مايفيد لشئون العاملين فى مشيخه الازهر وعندهم سيكون الرد الصحيح على سؤالك

[ميرو 16]

السلام عليكم ورحمة الله
معانا زميلة في العمل كانت واخده قرض وحصل اختلاط وبيبعتولها على الفيزا مبالغ مش من حقها وقدمت شكوى للمنطقه بكده قالولها دا لبس في حسابات الموظفين من الادارة في القلهرة مش تبعنا ومش هنعرف نتصرف وراسلي مجمع اللغه العربيه انا معرفش ايه دخل المجمع بكده طيب الحل ايه وتروح لمين لان كده بيوصلها مبالغ متعرفش اصحابها وبترجع يخصموها منها دا بالاضافه ان مرتب 5 لسه قابضاه امبارح فين المشكلة والحل السليم لو سمحت

[أ/ سعيد موسى]

المشاركة الأصلية كتبت بواسطة ميرو 16

السلام عليكم ورحمة الله
معانا زميلة في العمل كانت واخده قرض وحصل اختلاط وبيبعتولها على الفيزا مبالغ مش من حقها وقدمت شكوى للمنطقه بكده قالولها دا لبس في حسابات الموظفين من الادارة في القلهرة مش تبعنا ومش هنعرف نتصرف وراسلي مجمع اللغه العربيه انا معرفش ايه دخل المجمع بكده طيب الحل ايه وتروح لمين لان كده بيوصلها مبالغ متعرفش اصحابها وبترجع يخصموها منها دا بالاضافه ان مرتب 5 لسه قابضاه امبارح فين المشكلة والحل السليم لو سمحت

رد غريب من الموظفين والاغرب مراسله مجمع اللغه العربيه ... المفروض زميلتك كانت تسالهم
مادخل المجمع فى هذا ... حدثت مشاكل مع زملاء اعرفهم تقريبا نفس مشكله زميلتك وعند ذهابهم لوحده الدفع الاليكترونى اعطوهم خطابات للبنك وتم حل مشكلتهم بين وحده الدفع الاليكترونى فى المنطقه والبنك
ولايوجد طرف ثالث فى هذه المشكلة

[مصر الجديده]

لو سمحت عايز اعرف لو واحد معلم مساعد او معلم والاساسي له ٢٦٠ جنيه كم تكون قيمة مبلغ الكادر كل شهر من المرتب؟ شكرا

[أ/ سعيد موسى]

المشاركة الأصلية كتبت بواسطة مصر الجديده

لو سمحت عايز اعرف لو واحد معلم مساعد او معلم والاساسي له ٢٦٠ جنيه كم تكون قيمة مبلغ الكادر كل شهر من المرتب؟ شكرا

حوالى 130 ج

[samfantom]

بعد اذن حضرتك كنت عايز اعرف ازاى اعمل اجازة بدون مرتب بكل حالاتها سواء عقد داخلى او خارجى بالتفصيل .. انا مش مسافر ولكن عايز اعمل اجازة للتفرغ لظروف أسرية خاصة هل ينفع او ليها أى حل ولا لأ .. انا معلم لغة انجليزية مثبت قرار تعيين 2014

[أ/ سعيد موسى]

المشاركة الأصلية كتبت بواسطة samfantom

بعد اذن حضرتك كنت عايز اعرف ازاى اعمل اجازة بدون مرتب بكل حالاتها سواء عقد داخلى او خارجى بالتفصيل .. انا مش مسافر ولكن عايز اعمل اجازة للتفرغ لظروف أسرية خاصة هل ينفع او ليها أى حل ولا لأ .. انا معلم لغة انجليزية مثبت قرار تعيين 2014

هناك اجازة رعايه اسرة .. اجازة تعاقد داخلى ... اجازة تعاقد خارجى
تقريبا الاجراءات واحدة فى الجميع لكن الاختلاف يكون كالاتى
1- اجازة رعايه الاسرة تحتاج الى شهادة طبيه من مستشفى حكومى ان احد والديك مريض وفى حاجه الى رعاية
2- اجازة تعاقد داخلى تحتاج الى عقد عمل من اى مكتبه ويختم بختم البطاقة الضريبيه من جهه العمل
3- اجازة تعاقد خارجى تحتاج الى العقد
ثم تذهب الى منطقتك يعطوك استمارة بها عددة توقيعات من بعض الادارات فى المنطقه وبعد الانتهاء من الاجراءات
ترسلها مرة اخرى الى قسم الاجازات يطلبوا منك المرور بعد اسبوع او اثنان تستلم الموافقه على الاجازة

[ام لارا]

السلام عليكم،،،،اخى الفاضل هل أستطيع ان اعرف ما هى الأوراق المطلوبه لتجديد الاجازه لمن هوه تعاقد خارجى الى دوله الكويت ،و هل يوجد أوراق تحتاج للتوثيق لتقديمها هذا العام وشكرا لسعه صدرك

[أ/ سعيد موسى]

المشاركة الأصلية كتبت بواسطة ام لارا

السلام عليكم،،،،اخى الفاضل هل أستطيع ان اعرف ما هى الأوراق المطلوبه لتجديد الاجازه لمن هوه تعاقد خارجى الى دوله الكويت ،و هل يوجد أوراق تحتاج للتوثيق لتقديمها هذا العام وشكرا لسعه صدرك

للاسف كل عام يطلبوا ورق مختلف لتجديد الاجازة والافضل ارسال مندوب من طرفك للاطلاع على الجديد

[Mr. Mohamed Kamal Kamel]

تلميذ العام الماضي كان في الصف الأول الابتدائي في التربية والتعليم ويريد التحويل للأزهر فهل ينقل للصف الثاني أم يرجع للأول الابتدائي بسبب منهج القرآن الذي لم يدرسه

[أ/ سعيد موسى]

المشاركة الأصلية كتبت بواسطة mr. Mohamed kamal kamel

تلميذ العام الماضي كان في الصف الأول الابتدائي في التربية والتعليم ويريد التحويل للأزهر فهل ينقل للصف الثاني أم يرجع للأول الابتدائي بسبب منهج القرآن الذي لم يدرسه

الصف الثانى ويتم عمل اختبار شفوى قران فى المنطقه وهو اختبار روتينى وبعدها يقبل اوراقه على طول