جـروب 3 ثـانوى ( ادبـى )

[SwOrD OF JusTice]

هههههههههههههههه اه ياعينى على السنه الى فاتت ..


انا بقى حفظت كل الوورك بوك وكل فايند ذا ميستيك بتاع دليل التقويم وفى الاخر ...... انضحك علينا

[SwOrD OF JusTice]

المشاركة الأصلية كتبت بواسطة Yes We Can

فكرتينـا ليه بـ السنه اللى فاتت

ده السنه اللى فاتت حليت الوركـ بوك .. و حفظت الاسئله كمان

على حساب انـى كنت فاكر هيجـى كام سؤال منهم

و مجاش و لا سؤال و لا ترجمـه و لا حتـى Chosse واحده

كده كده مهمـا حلينا كتب .. مش بيجـى حاجه مـ الكتب

اهم شىء فـ الانجلش نحفظ كلمـات Units و كام كلمه للترجمـه و للقطع

و الـ سبيكـر و الفآنكشن و هنحل اتخن امتحـان

و كمان صحيح .. المهم Text بتاع كل Unit و حروف الجر مهمين اوى

ربنـا يوفقنـا جميعـا . . .

ياشماته ابله طازه فيا

[mimo108]

جماعة انتوا وصلتوا لفين فى علم النفس
انا مشكلتى بذكروا مع نفسى مش باخد فيه درس والمشكلة رمياه خالص كل لما ابدأ اضاكره يطلعلى امتحان معرفش اكمل
عايزة اعرف لو عايزة ابدأوا من اوله لاخره حاخد فيه وقت اد ايه
والاقتصاد ايه اخباره معاكم انا شايفة الفصل الرابع رخم اوى

[SwOrD OF JusTice]

شدوا حيلكوا يابتوع ادبى مفيش حلاوه من غير نار
----------

احنا طول السنه

لما نقرب على الامتحان <_<

يوم الامتحان

الاسبوع الى قبل النتيجه

يوم النتيجه ياكدا ياكدا


--------------

ايه الى انا كاتبه فوق ده .. اظاهر كنت فاضى

[*HOPES*]

المشاركة الأصلية كتبت بواسطة mimo108

جماعة انتوا وصلتوا لفين فى علم النفس
انا مشكلتى بذكروا مع نفسى مش باخد فيه درس والمشكلة رمياه خالص كل لما ابدأ اضاكره يطلعلى امتحان معرفش اكمل
عايزة اعرف لو عايزة ابدأوا من اوله لاخره حاخد فيه وقت اد ايه
والاقتصاد ايه اخباره معاكم انا شايفة الفصل الرابع رخم اوى

أنا باخد درس فى علم النفس واحنا فى درس المراهقه وفى علم الاجتماع خلصنا التخلف
بصى هو علم النفس سهل اووى الحمدلله يعنى لو ركزتى معاه بس ممكن ياخدمنك حوالى 15يوم بس مذاكرة بجد والاقتصاد انامعاكى الفصل الرابع رخم جدااا بس حوالى تراجعيه بأستمرار يعنى مثلا تحفظى مع الجديد صفحه او اتنين كل مرة لحد ماتتمكنى منه

[*HOPES*]

المشاركة الأصلية كتبت بواسطة SwOrD OF JusTice

شدوا حيلكوا يابتوع ادبى مفيش حلاوه من غير نار
----------

احنا طول السنه

لما نقرب على الامتحان <_<

يوم الامتحان

الاسبوع الى قبل النتيجه

يوم النتيجه ياكدا ياكدا


--------------

ايه الى انا كاتبه فوق ده .. اظاهر كنت فاضى

هههههههههههه حراام عليك أنت بتخوفنا ليه
أحنا نعمل اللى علينا وأن شاءالله ربنا يستر

[the chosen one]

انا عايزة اعرف يا جماعة ايه طريقة المراجعة اللى هنراجع بيها , وانا مش قصدى مع المدرسين لاء انا قصدى احنا مع نفسينا لانى تايهة خااااااالص واتخنقت الصراحة
انا خلصت الانجلش , علم النفس والفلسفة هبدأ مراجعة فى 15\3 , الجيولوجيا فى الباب الخامس لان المستر خلاه اخر حاجة لانه رخم اوووى ومليان , العربى قال هيخلص على اخر 3 تقريبا , هل كده متأخرة ؟؟؟؟
قولولى بقى هتعملوا ايه عشان المراجعة وازاى كمان احفز نفسى للمذاكرة لان الواحد مبقاش عنده دافع خالص انه يعمل اى حاجة :\

[Alyaa Dfnany]

بالنسبة للمراجعة .. حتى الان معملتش اى جدول او تنظيم للمراجعة .

لانى مستنية اخلص المواد كلها ان شاء الله . وبعدين ابدأ باذن الله .

وحاسة انى حتاخر .. لان خلاص الامتحانات كل يوم بتقرب اكتر . بس ان شاء الله نقدر نراجع المنهج كويس .

التاريخ .. الاستاذ قلنا حنخلصه اخر 3 و ممكن ناخد او اسبوع فى 4 . (وده متاخر طبعا )

علم النفس و الاجتماع .. على شهر 3 كذلك . بس ممكن جدا يتلم لانه سهل و الحمد لله .

الفلسفة .. قربنا نخلص المنطق و فاضل الفلسفة اخر بابين . وبعد كده نبدأ مراجعة و امتحانات باذن الله .

الانجلش .. احنا فى ch 5 و unit 13 .. يعنى بردو متاخرين .

والعربى حاسة ان احنا متاخرين فيه جامد .

يعنى تقريبا كل المواد متاخرين فيها .. وعايزين نخلص عشان نبدأ مراجعة . بس ربنا يسهل .

[Yes We Can]

الصراحه ... الواحد بيمر بـ لحظات مـ يعلم بيها الا ربنـا

و ملوش نفس للمذاكره او المراجعه .. زى مـ تيجى تيجـى

ساعات بـحس انى خلاص وصلت لـ مرحله انى مش هقدر اكون كويس تانـى

يمكن حاله يأس .. ملل .. زهق .. مش عارف !!!!

بس بجد الواحد خلاص مش قادر

و ما علينا ان نقول .. " لتكن مشيئتك " . .

[*HOPES*]

انا برده لسه مبدأتش مراجعه غير بس العربى
لأن المواد كلها لسه محدش خلص
لسه فيه كتير فمش عارفه أراجع بذاكر جديد بس وياريت الوقت مكفى
كل مدرس بيدينا كميات كبيرة علشان نلحق نخلص ونراجع
بس أن شاءالله هبدأمن بكرة أنظم الوقت وأحاول أراجع بس لسه مش عارفه أبدأاراجع ازاى

[mimo108]

المشاركة الأصلية كتبت بواسطة *hopes*

أنا باخد درس فى علم النفس واحنا فى درس المراهقه وفى علم الاجتماع خلصنا التخلف
بصى هو علم النفس سهل اووى الحمدلله يعنى لو ركزتى معاه بس ممكن ياخدمنك حوالى 15يوم بس مذاكرة بجد والاقتصاد انامعاكى الفصل الرابع رخم جدااا بس حوالى تراجعيه بأستمرار يعنى مثلا تحفظى مع الجديد صفحه او اتنين كل مرة لحد ماتتمكنى منه

شكرا ليك
وان شاء الله حبدأ فعلا اقسم الفصل الرابع زى ماقولتى وعلم النفس ربنا يسهل يارب فعلا اعرف اخلصه فى 15 يوم ده اكتر مادة قلقانى مع انه سهل ومخوفنى برضوه الباب الاول اجتماع كله بيقولى عليه رخم وانا مقرتش حاجة فى علم الاجتماع خالص

[*HOPES*]

المشاركة الأصلية كتبت بواسطة mimo108

شكرا ليك
وان شاء الله حبدأ فعلا اقسم الفصل الرابع زى ماقولتى وعلم النفس ربنا يسهل يارب فعلا اعرف اخلصه فى 15 يوم ده اكتر مادة قلقانى مع انه سهل ومخوفنى برضوه الباب الاول اجتماع كله بيقولى عليه رخم وانا مقرتش حاجة فى علم الاجتماع خالص

لالا علم الاجتماااع سهل وكويس الباب الاول مش صعب هو علم النفس اسهل منه كتير بس هو مش صعب بيتلم بسهوله أن شاءالله

[mimo108]

المشاركة الأصلية كتبت بواسطة *hopes*

لالا علم الاجتماااع سهل وكويس الباب الاول مش صعب هو علم النفس اسهل منه كتير بس هو مش صعب بيتلم بسهوله أن شاءالله

يارب بقى
انتى الوحيدة اللى طمنتينى ربنا يخليكى

[Alyaa Dfnany]

لا متقلقوش .

علم النفس و الاجتماع اسهل مادة سواء علمى او ادبى .

انا بدأت فيه النص التانى و الحمد لله قربنا نخلصه فى الدرس .

والاستاذة بتعملنا امتحان عليه كل فترة .. والحمد لله سهل جدا .

واللى مختار جغرافيا بداله .. بصراحة خسارة انه مخترش علم نفس .. يعنى مادة ضامن فيه ال50 مية بالمية ان

شاء الله .

[Alyaa Dfnany]

موضوع جديد يارب تستفادو منه .

عن ( كيف اذاكر اللغة العربية ) ..!! :

"[color="rgb(72, 61, 139)"]الأسلوب الأمثل للمراجعة :-

يكمن الأسلوب الأمثل لمراجعة مادة اللغة العربية فيما يلي :

أ ) ممارسة البعد التطبيقي أثناء العام الدراسي ، ونقصد به تطبيق الطالب للقواعد النحوية والبلاغية والصرفية ، وتوظيفها المعلومات الأدبية العلمية على نصوص حيّة غير تلك التي يحتوى عليها المقرر الدراسي ، تقوم باختيارها بعناية بمساعدة معلمتها أو والديها ، ويكون مهمة هذه الممارسة تأكيد المعلومة ، واكتشاف مواطن الضعف عند الطالب . على أنه يجب أن تسبق هذه الممارسة مراجعة شاملة للمعلومات التي تحتوى عليها المادة.

أما فيما يتعلق بفرع التطبيقات اللغوية ( القواعد النحوية ) فننصح الطالب بربط القاعدة النحوية والصرفية والدلالية بأكثر من مثال ، وعدم الاعتماد على الأمثلة المباشرة السهلة . أما النصوص الأدبية فينبغي فهمها ، والتعرف على معانيها ، وعلاقة الألفاظ فيما بينها . كما أن استيعاب الترتيب المنطقي للموضوع ومعانيه وترابط أجزائه يساعد على حفظ الطالبة للنص وتمثلها له ؛ لاستحضار الأمثلة من النص إذا ما طلب منها ذلك.
بعد ذلك يعتمد الطالب إلى جمع أكبر قدر من الأمثلة على كل موضوع ، وتقوم بدراستها ، وتصنيف هذه الأمثلة بما يضمن لها الإحاطة بأوجه الاختلاف بين كل موضوعين أو درسين ؛ سواء أكان ذلك في النحو ، أم الصرف ، أم النصوص ، ولكي يطمئن الطالب إلى حصيلة سليمة لمراجعتها ننصحه بحل بعض الأسئلة التي تتناول هذه المواضيع معتمدة على الاختبارات .

[color="rgb(72, 61, 139)"]ج ) التأكد من حسن المراجعة :[/color] تعتبر تغطية المادة الدراسية أثناء المراجعة إحدى العوامل النفسية
المساعدة على ثقة الطالب في نتيجة مراجعته ، والاطمئنان إليها ، بالإضافة إلى ذلك ننصح بالآتي :
- بعد أن تتم دراسة المادة بشكل كامل يأخذ الطالب قسطا من الراحة ، تعمد بعد ذلك إلى حل أسئلة شاملة للمادة جميعها ، أو أسئلة الكتاب ، أو امتحانات سابقة ، وعلى ضوء النتيجة يتم الثبت مما لم يتم استيعابه من المادة
- مناقشة الزملاء فيما تمت مراجعته من المادة أولا بأول.

[color="rgb(72, 61, 139)"](1أساليب مقترحة لمراجعة كل فرع من فروع مادة اللغة العربية :
[/color]
اولا : النصوص : اقرأ النص الأدبي قراءة متأنية ، وحاول فهم المعاني ، ثم قسم النص إلى وحدات صغيرة بحسب المعنى ، ثم احفظ البيت الأول وكرره أكثر من مرة حتى تطمئن على أنك حفظته بشكل جيد ، انتقل إلى البيت الثاني وكرر العملية نفسها ، ثم أعيد قراءة البيتين معا _ الأول والثاني _ وبعدها انتقل إلى البيت الثالث ، وهكذا حتى تنتهي من النص ، بعد ذلك حاول كتابة النص من الذاكرة ؛ لتتأكدي من أنك قد حفظته جيدا .

بعد حفظ النص ، قوم بتحليله تحليلا أدبيا مركزة على الأفكار الرئيسة ، وجمال الألفاظ ، ومدى مناسبتها للمعاني ، والعاطفة ومدى صدقها ، والصور الخيالية ومدى توافقها مع المعاني ، مع تدوين ذلك في ورقة جانبية ، فذلك يعمق فهمك واستيعابك للنصوص .


[color="rgb(46, 139, 87)"]ثانياً- القواعد النحوية :
[/color]
اقرأ الأمثلة والشرح ، وطبق ذلك على القاعدة ، ثم أعيد القراءة مرة أخرى للتأكد من استيعابك للموضوع ، ثم انتقل إلى حل التمارين التطبيقية ، وحاول مناقشتها ، وفهمها ، وحاول أن تأتي بأمثلة من إنشائك الخاص ، ووظف نصوص القراءة والنصوص في النحو. وعليك أن تستوعب جيدا الأساسيات في قواعد اللغة .

[color="rgb(46, 139, 87)"]ثالثاً : القراءة الخارجية :
[/color]
من المعروف أن نص القراءة الخارجية لا يدرسه الطالب و لكن تدرس كفايات القراءة التي تدرب عليها الطالب داخل الصف ،و ومن أبرز الكفايات ما يلي:

1- الأفكار العامة و الرئيسة و الفرعية.

2- المفردات ( المعنى – التضاد – المفرد – الجمع ) وتوظيفها في جملة.


3- الأساليب الإنشائية و الغرض منها .( أسلوب الاستفهام – الشرط – التعجب – الأمر – النهي- التمني ...... )


4- دلالة الألفاظ والعبادرات.


5- الصور البلاغية ، وسر جمالها ، و أثرها في المعنى.


6- العلاقات ( مقابلة – توضيح – تأكيد – تضاد – تفصيل – إجمال – سبب و نتيجة .... )


7- العنوان. ( مدى مناسبته للنص )

8- الكشف في المعجم. ( مع مراعاة الخطوات )

و أخيرا إليك هذه اللاحظة أثناء الامتحان :

اقرأ النص قراءة واعية متأنية ( أكثر من مرة قبل قراءة الأسئلة ) ، وقسمه إلى وحدات صغيرة بحسب الأفكار الرئيسة ، تعرف على الأفكار التي وردت و استوعبيها جيدأ ، لا تخاف إذا لم تعرفي معاني جميع المفردات ، بل حاول فهم المفردة من خلال السياق ( الجملة ) بعد ذلك اشرعي في الإجابة.

وأخيرا نود أن نؤكد أن اللغة العربية كل متكامل يعتمد بعضها على بعض ، ولا تستطيع أن تفهم أي فرع من فروعها بمعزل عن غيره .


[color="rgb(139, 0, 0)"]إرشادات عامّة
[/color]
1) قوم بإعداد دروسك أولا بأول ؛ فالطالب الجيد هو الذى يعد دروسه مسبقا ، وتتابع واجباته أولا بأول ، فلا تؤجل مراجعة أية مادة من المواد لوقت الامتحان ؛ بل يجب دراسة المادة واستيعابها خلال العام الدراسي ؛ حتى إذا جاء الامتحان النهائي اكتفى الطالب بالمراجعة العامة ، والتركيز على بعض الجوانب المبهمة .

2) نظم وقتك للدراسة ؛ بحيث تخصص في كل يوم ما لا يقل عن أربع ساعات للدراسة ، والإعداد ، والمراجعة .

3) لا تذاكر وأنت مرهق أو شارد الذهن ، ولا تشغل نفسك أثناء المراجعة بأية أمور أخرى .

4) لا تنتقل من درس إلى أخر قبل فهم الدرس الأول واستيعابه ؛ فقد بني الكتاب المدرسي على التسلسل في المعرفة ، وتراكم الخبرات والمهارات.

5) اختار مكانا ملائما للاستذكار، تتوفر فيه وسائل الراحة،والهدوء ،والتهوية الجيدة.

6) احتفظ بورقة وقلم ، وحاول تدوين بعض الأفكار والمعاني الرئيسة في الدرس الذي تراجعينه على شكل نقاط ، ثم قارن ما دونت مع الكتاب ؛ لتتأكد من أنك قد استوعبت جميع العناصر الأساسية في الموضوع .

7) تعود القراءة الصامتة فهي الأفضل لاستيعاب ما تقرأ .

8) إن أفضل وقت للدرس والمراجعة في الصباح الباكر ، وفي وقت المساء ، بعد أن تكون أخذت قسطا وافرا من الراحة .

9) إذا شعرت بالتعب ، اترك المراجعة ، وحاول ممارسة أي نشاط محبب إليك .

10) لا تحاول أن تحفظي عن ظهر قلب ـ ما عدا النصوص - بل عليك أن تفهم المعنى وتصوغ ذلك بلغتك الخاصة . وعليك أن تراعي سلامة اللغة ، وتسلسل الأفكار ، وترابط المعاني .

( منقول للافادة ) [/color]

ملحوظة :هى الخطوات كتيرة .. بس حاولو تطبيق ما استطعتم فهمه .