ايه اخبار تعيين أوائل الكليات ياجماعة؟ - الصفحة 44

منى أبو الجود · #**646** 17-06-2011, 01:01 AM

أكرمك الله يا دكتور عبد الرحمن

وأسأل الله العظيم

أن يرزقــــــك علــــم الحياة وحيـــاة العلـــــم

وأن يغمــرك بفضل مــن النور ونــــور من الفضل

وأن يعطيــــك قــــوة الأبـــدان وأبــدان القوة

وأن يهبـك نعمة الشفاء وشفاء النعمة

وأن يرفــــع نسبك وذكــرك في الأولين والآخـــرين إلى يوم الدين
اللهم تقبل دعائي وبعد, جزاك الله يا دكتور كل الخير على اهتمامك ولكني أريد أن أوضح لسيادتك شيئ بالنسبة لموضوع الإداريين الذين يضموا لهيئة التدريس أن أقصد من كان منهم من الأوائل فقط وعين في الجامعة بمنحة الأوائل ثم حصل على الماجستير , وليس كل موظف في الكلية , بدليل ان من يعين إداري في الكلية ويكون من الأوائل يعفونه من مصروفات الدراسات العليا والماجستير والدكتوراه .

ايمان العطار · #**647** 17-06-2011, 01:26 AM

اقتباس:

المشاركة الأصلية كتبت بواسطة ايمان العطار

السلام عليكم جميعا وللدكتورالمحترم عبد الرحمن انا عندى احساس شديد بالظلم وياريت يتسع صدرك لى هل تكون االقوانين الظالمة قبل الثورة يمكن السكوت عنهابعدالثورة لان تنسيق فنون جميلة عمارة لها تنسيق مختلف فى الثانوية العامة واصلا علمى رياضيات لكن الاقسام الاخرىمختلفين عايزة افهم بالعقل والاقناع مش سمعا وطاعة من غير اقناع هل ممكن ارفع قضية عن طريق محامى بس على مين وشكرا جزيلا على الردمن اخ كبير سنا ومقاما

هو ده السؤال يا دكتور عبد الرحمن.

سامح الجعيدي · #**648** 17-06-2011, 03:03 AM

بعد اذنك يادكتور عبد الرحمن يامحترم
انا اختي خريجة تربية نوعية امتياز مع مرتبة الشرف قسم حاسب آلي
والاولي مباشرة بعد تعيين المعيدين والعاشرة على ترتيب الكلية
ممكن يكون مكان التعيين في الجامعة ولا ده صعب
ولومكنش التعيين في الجامعة ممكن يكون التعيين فين
وشكرا جزيلا لسعة صدرك

أبو عمر وإلياس · #**649** 17-06-2011, 03:14 AM

خريج آداب قسم الدراسات الإسلامية التاني أو التالت تقريبا مش متذكر بالضبط على القسم بعد استبعاد المعيدين.. والثامن على الكلية بالمعيدين.. .. ممكن يكون التعيين ايه يا دكتور؟؟؟

mido_9_1987 · #**650** 17-06-2011, 03:53 AM

دكتور عبد الرحمن
سؤال بس مهم دلوقت فى الكلية فى تقديرات العشرين فيه اربعة جايبين جيد جدا 75 هل دول يعتبرو فى نفس الترتب مثلا السادس مكرر كلهم ولا يعتبروهم 6.7.8.9 ولو اعتبروهم مكرر يبقى لازم يدخل حد من بعد العشرين دا كلام عملته كلية تجارة جامعة بنى سويف فهل لو تم التعييين فى الجامعة دى ممكن واحد يرفع قضية يطالب فيها بالمساواه ولا لا ارجو الافادة

حمادة جبل · #**651** 17-06-2011, 09:41 AM

أنا دفعة 2002 بتقدير ممتاز مع مرتبة الشرف ، وترتيبي الثاني علي الدفعة ، وحاصل علي ماجستير في اللغويات ، وعاوز أسأل التعيين علي التوزيع الجغرافي ، أو كل في كليته ، أرجوا الرد لمن عنده علم بهذا الأمر ، وجزاكم الله خيرا.

بحراوية من دمنهور · #**652** 17-06-2011, 12:20 PM

شكرا د.عبد الرحمن على سعة صدرك والرد على الاسئلة الكتير دى ودى اول مرة اتابع الموضوع بجد
ممكن سؤال؟؟؟؟
واحد خريج شريعة وقانون جامعة الازهر 2006 وطالع ال12 على الدفعة .... هل لو راح وسأل فى الكلية عن كشوف الاوائل ممكن يلاقى اسمه موجود ؟؟؟و هل فعلا الازهر بعت كشوف بالاوائل زى باقى الجامعات لانى مش لاقية جامعة الازهر موجودة على موقع اكادمية البحث العلمى زى باقى الجامعات؟؟؟؟ ارجو الرد وشكرا لمجهودك معانا

د.عبدالرحمن المنياوي · #**653** 17-06-2011, 03:00 PM

اقتباس:

المشاركة الأصلية كتبت بواسطة mido_9_1987

دكتور عبد الرحمن
سؤال بس مهم دلوقت فى الكلية فى تقديرات العشرين فيه اربعة جايبين جيد جدا 75 هل دول يعتبرو فى نفس الترتب مثلا السادس مكرر كلهم ولا يعتبروهم 6.7.8.9 ولو اعتبروهم مكرر يبقى لازم يدخل حد من بعد العشرين دا كلام عملته كلية تجارة جامعة بنى سويف فهل لو تم التعييين فى الجامعة دى ممكن واحد يرفع قضية يطالب فيها بالمساواه ولا لا ارجو الافادة

لأ .. يعتبروا 6.7.8.9 ومينفعش يعتبروا واحد فقط .. لأن فيه 20 درجة متاحة للكلية ومينفعش أربعة ياخدوا نفس الدرجة ..

د.عبدالرحمن المنياوي · #**654** 17-06-2011, 03:02 PM

اقتباس:

المشاركة الأصلية كتبت بواسطة أبو عمر وإلياس

خريج آداب قسم الدراسات الإسلامية التاني أو التالت تقريبا مش متذكر بالضبط على القسم بعد استبعاد المعيدين.. والثامن على الكلية بالمعيدين.. .. ممكن يكون التعيين ايه يا دكتور؟؟؟

الثامن على الكلية كلها تبقى ضمن الحصر .. وممكن يكون تعيينك في أحد مراكز البحوث الخاصة بالدراسات الإسلامية أو ما شابه .. انت أدرى بالأماكن المتاحة ليك ..

د.عبدالرحمن المنياوي · #**655** 17-06-2011, 03:05 PM

اقتباس:

المشاركة الأصلية كتبت بواسطة سامح الجعيدي

بعد اذنك يادكتور عبد الرحمن يامحترم
انا اختي خريجة تربية نوعية امتياز مع مرتبة الشرف قسم حاسب آلي
والاولي مباشرة بعد تعيين المعيدين والعاشرة على ترتيب الكلية
ممكن يكون مكان التعيين في الجامعة ولا ده صعب
ولومكنش التعيين في الجامعة ممكن يكون التعيين فين
وشكرا جزيلا لسعة صدرك

لو قسمها طلب وقال عندي احتياج ستتم مقارنتها بالأوائل على قسمها خلال دفعات 2003-2010 ولو هي أعلى هتتاخد معيده ولو أقل ممكن تروح مراكز الحاسب الآلي في الجامعة ..

د.عبدالرحمن المنياوي · #**656** 17-06-2011, 03:07 PM

اقتباس:

المشاركة الأصلية كتبت بواسطة منى أبو الجود

أكرمك الله يا دكتور عبد الرحمن

وأسأل الله العظيم

أن يرزقــــــك علــــم الحياة وحيـــاة العلـــــم

وأن يغمــرك بفضل مــن النور ونــــور من الفضل

وأن يعطيــــك قــــوة الأبـــدان وأبــدان القوة

وأن يهبـك نعمة الشفاء وشفاء النعمة

وأن يرفــــع نسبك وذكــرك في الأولين والآخـــرين إلى يوم الدين
اللهم تقبل دعائي وبعد, جزاك الله يا دكتور كل الخير على اهتمامك ولكني أريد أن أوضح لسيادتك شيئ بالنسبة لموضوع الإداريين الذين يضموا لهيئة التدريس أن أقصد من كان منهم من الأوائل فقط وعين في الجامعة بمنحة الأوائل ثم حصل على الماجستير , وليس كل موظف في الكلية , بدليل ان من يعين إداري في الكلية ويكون من الأوائل يعفونه من مصروفات الدراسات العليا والماجستير والدكتوراه .

اللهم تقبل منك ومنا صالح الدعاء ويجعله في ميزان حسناتك وأن يرزقك من حيث لا تحتسبي ..

المسألة زي ما قلتلك .. وكونك من الأوائل دي قصة بتنتهي بعد مرور سنتين من تخرجك .. ومسألة الإعفاء دي مسألة تشجيعية مش أكتر .. الميزة الوحيدة ليكي لو نزل إعلان هتكوني أولى لأنك أعلى ..

د.عبدالرحمن المنياوي · #**657** 17-06-2011, 03:09 PM

اقتباس:

المشاركة الأصلية كتبت بواسطة حمادة جبل

أنا دفعة 2002 بتقدير ممتاز مع مرتبة الشرف ، وترتيبي الثاني علي الدفعة ، وحاصل علي ماجستير في اللغويات ، وعاوز أسأل التعيين علي التوزيع الجغرافي ، أو كل في كليته ، أرجوا الرد لمن عنده علم بهذا الأمر ، وجزاكم الله خيرا.

شوف يا دكتور حمادة لو الجامعة اللي انت اتخرجت منها طلبت تخصصك هتروح هناك دوغري .. لو غير كده يبقى انت ونصيبك .. لأن مفيش حاجة اسمها توزيع جغرافي في الحالة دي ..

د.عبدالرحمن المنياوي · #**658** 17-06-2011, 03:14 PM

اقتباس:

المشاركة الأصلية كتبت بواسطة بحراوية من دمنهور

شكرا د.عبد الرحمن على سعة صدرك والرد على الاسئلة الكتير دى ودى اول مرة اتابع الموضوع بجد
ممكن سؤال؟؟؟؟
واحد خريج شريعة وقانون جامعة الازهر 2006 وطالع ال12 على الدفعة .... هل لو راح وسأل فى الكلية عن كشوف الاوائل ممكن يلاقى اسمه موجود ؟؟؟و هل فعلا الازهر بعت كشوف بالاوائل زى باقى الجامعات لانى مش لاقية جامعة الازهر موجودة على موقع اكادمية البحث العلمى زى باقى الجامعات؟؟؟؟ ارجو الرد وشكرا لمجهودك معانا

جامعة الأزهر بعتت فعلا بس مش لوزارة التعليم العالي والبحث العلمي لأنها لا تتبع لها .. ولكن المسئول عنها وعن التعيينات فيها هما شيخ الأزهر ورئيس جامعة الأزهر .. والموضوع لا يخرج عنهما ..

وكمان جامعة الأزهر لها معاييرها اللي ممكن تاخد بيها لوحدها دونا عن باقي التعليم العام .. وهي مثلا تعيين الـ2 الأوائل على كل قسم كمعيدين من 2003-2010 !!!!!!!!!!!!!!!!!!!!!

شوف اسمك في كشف كليتك اللي انبعت لرئيس جامعة الأزهر..

د.عبدالرحمن المنياوي · #**659** 17-06-2011, 03:27 PM

اقتباس:

المشاركة الأصلية كتبت بواسطة uiuiui

اولا حمدلا على السلامه يادكتور عبد الرحمن
انا كنت عاوزة استفسر على شويه حاجات من حضرتك
انا خريجه جامعه اسكندريه فرع دمنهور وكليه تربيه تخصص طبيعه وكيمياء والحمد لله اسمى نازل فى اوائل الخريجين بشتغل بعقد دلوقتى انا عاوزة اتاكد كدا انا طلعت من حكايه تعيين الاوائل علشان بتشتغل وهيكون مصيرى تعيين من يوم ما اتخرجت بس ولا ايه
طيب هما اتكلموا فى موضوع المؤمن عليهم واستبعادهم ولا
وفى حاجه كمان لو مفيش موضوع المؤمن عليهم وانا هختار دلوقتى جامعه دمنهور اللى هيا انا متخرجه منها منزله وظايف مش عارفه اقدم فى ايه هى عاوزة شئون تعليم يعنى اداريين صح ولا لا وكل اللى طلباه مدرس مساعد ومدرس واستاذ يعنى مش احنا لانى مش محضره ولا دكتوراه ولا ماجستير يبقى المتاح ليا ف دمنهور بتاعت شئون التعليم ولا ايه
طيب هو هل انا ممكن اقدم ف جامعه تانيه غير اللى انا متخرجه منها ولا كل واحد يتبع جامعته
اما بالنسبه للوظايف البحثيه انا شايفه ان معظمها عاوز كتييير خريجين علوم يا تخصص كيمياء او تخصص فيزياء هل ممكن اقدم فيها وانا كليه تربيه فيزياء وكيمياء برده ولا لا
كمان انا ليا ترتيب على قسمى الرابعه
واحنا قسم مشترك كيميا وفيزيا يوم ما اتخرجنا اتخدتا الاولى بس على الدفعه كلها معيده تربوى اما قسمنا لا افيزيا ولا الكيمياء طلبوا معيدين لان الايحه واقفه وما اتجدتتش هل ممكن فى ظل موضوع الاوائل ده ياخدوا الاول والتانى مثلا كيميا والتالت والرابع فيزايا ولا لا
ارجو من حضرتك الافاده اقدم فى ايه بالضبط لانى محتاره ومش عارفه حاجه

فى موضوع تانى بقه عاوزة اخد راى حضرتك فيه انا بعد الكليه اخدت دبلومه مهنيه تخصص فئات خاصه والحمد لله نجحت دلوقتى بقه اكمل دبلومه خاصه ولا بلاش طيب لو هكمل هستفيد بيها فى حاجه فى ظل موضوع الاوائل ده ولا لا ولو هكمل اكمل ايه تخصص ايه وكمان انا عاوزة لو هخدها اخدها فين فى دمنهور افضل ولا طنطا وهيا كام ماده وامتحنها ترم واحد ولا السنه كلها وهل الدراسه عربى ولا انجلش ومصاريفها كام

معلش يادكتور انا طولت على حضرتك بس فعلا انا محتاره ومتلخبطه وعاوزة اللى يبنصحنى

إن شاء الله المؤمن عليه سيخير ولن يستبعد ..

ماينفعش ياخدوا ناس تخصصات دقيقة ويسبوا التخصص العام ..

وانت مش محتاجة تقدمي هم هيوزعوا الناس وانت هتشوفي مكانك ..

في ظل الوضع الجديد ده كل تكمله في الدراسات العليا هترفعك ماديا ووظيفيا .. ومين داري مش يمكن بكرة تكوني دكتورة قد الدنيا وتشرفي بلدك .. بس لو أخدتي دبلومة خاصة يبقى تكملي ماجستير ماتقفيش لأنها لو وقفتي مش هيبقى ليها لازمة ..

(لو هخدها اخدها فين فى دمنهور افضل ولا طنطا وهيا كام ماده وامتحنها ترم واحد ولا السنه كلها وهل الدراسه عربى ولا انجلش ومصاريفها كام)

هههههههههههههههههههههههههههههههههههههههههههههههههه هههه

أنا مش عميد كلية تربية وأكيد الناس عندك في تربية هم الأدرى .. ومتزعليش من تأخير الرد لأنه من كتر المشاركات فيه مشاركات بتزوغ وأسئلة مش باشوفها ..

uiuiui · #**660** 17-06-2011, 03:28 PM

لو سمحت يادكتور عبد الرحكمن ترد على موضوعى ضرورى