ايه اخبار تعيين أوائل الكليات ياجماعة؟

[شريف الصعيدى 22]

حمد الله على سلامتك يادكتور عبدالرحمن
بصراحه والله العظيم الواحد مكنش له نفس اساسا
يدخل ويرد ع الموضوع من غير حضرتك ماتكون موجود
بجد حضرتك نورتنا والله يادكتور ويارب مايحرمنا من رؤيه حضرتك معانا دائما
ربنا يباركلنا فى حضرتك يارب
طبعا انا سألت حضرتك بما فيه الكفايه وبجد حضرتك افضت واستفضت فى موضوعى
بس يلا باه حصل خير
تصدق يادكتور عبد الرحمن اكتر حاجه ضايقتنى ايه لما دخلت على موقع اكاديمية البحث العلمى
ودخلت ع الاحتياجات لقيت جامعه كفرالشيخ طالبين كم هائل من التجاره والمؤهلات العليا
طبعا كفرالشيخ معملتش غير للأوائل من 2007 ل 2010
يعنى اول 4 فى 20 يعنى 80 طالب
ونيجى كمان لطنطا 8 فى 20 يعنى 160 طالب يبقى مجموع الجامعتين 240
والله يادكتور التجاره لوحدها فى قايمه الاحتياجات عاوزين حوالى 200 واحد
حرام والله انا اولى اتعين فى جامعتى اى وظيفة اداريه ولا اى حاجه
طبعا عارف ان حضرتك هاتقول عليا سلبى ومعرفش ايه
والله يادكتور انا يأست من الموضوع ده بس ان شاء الله خلاص بكره رايح
لمحافظ كفرالشيخ كتبت صيغة الطلب واخدت معايا الورق بتاعى هاروح الاول احجز معاد علشان اقابل المحافظ
وهاسيبلهم الطلب بتاعى علشان يعرضوه على معاليه
ادعيلى بس يادكتور يكون خير
انا طلبت منه فى الطلب انه يبعت منشور لجامعه كفرالشيخ بحصر اوائل الدفعات من 2003 ل 2007
اظن حضرتك طبعا المحافظ ليه حق فى كده يعنى من ضمن سلطته ولا رايك ايه ؟
هوه حضرتك قريت احتياجات جامعه كفرالشيخ

[شريف الصعيدى 22]

بصى يااستاذه ايمان هاقولك حاجه اعملى زى حلاتى
روحى قدمى طلب للمحافظ بتاعكم واحكيله على مشكلتك
شوفى رايه ايه ورد فعله ايه
لو جاب نتيجه غير وبركه
مجبش نتيجه يبقى الحل اللجوء للقضاء
انا عارف محامى من طنطا متخصص فى الحاجات ديه بس للاسف لسه مرحتلوش
مستنى مقابلتى مع المحافظ هايعمل ايه

[معلم مساعد 2011]

طب لو سمحت يادكتور عبدالرحمن
انا خريجه2008 وطالعه السابعه علي الكليه انا تربيه رياض اطفال هايعينوني ايه مثلا ؟

[د.عبدالرحمن المنياوي]

المشاركة الأصلية كتبت بواسطة معلم مساعد 2011

طب لو سمحت يادكتور عبدالرحمن
انا خريجه2008 وطالعه السابعه علي الكليه انا تربيه رياض اطفال هايعينوني ايه مثلا ؟

حضرتك جامعة إيه ؟؟

آسف يعني أقصد بياناتك إيه ؟؟

[ajeebmido22]

د عبد الرحمن بعد اذنك حضرتك بتقول ان جامعة أسيوط بعتت احتياجها على الاكاديمية طيب ممكن بعد أذنك تشرحلى ازاى اعرف واوصل لأحتياجات جامعة أسيوط ؟؟؟

[معلم مساعد 2011]

هي الجامعه المفتوحه هايعينو برضو الاوائل
ياريت حد يقولي لو عارف

[د.عبدالرحمن المنياوي]

احتياجات جامعة أسيوط ..

موجودة في الملف المرفق وبالتوفيق للجميع ..

هي الجامعة تقريبا أخدت كل أبنائها من طلاب المنح ..



:0 22yb4:

[mido_9_1987]

دكتور عبد الرحمن حمدا لله على سلامتك
اولا بارك الله فيك على ردودك وجعله الله فى ميزان حسناتك
ثانيا موضوع المؤمن عليهم دا كان اخر تصريح للوزير بشان التعيين وده كان فى الاهرام تقريبا وكلام العاملين بالاكاديمية عندما سالنا قالو اللى متامن عليهم سيستبعدو
وثالثا اختم كلامى بقول المصطفى صلى الله عليه وسلم:

(إن لله عباداً اختصهم بقضاء حوائج الناس،حببهم إلى الخير،وحبب الخير إليهم،هم الآمنون من عذاب الله يوم القيامة )

[د.عبدالرحمن المنياوي]

المشاركة الأصلية كتبت بواسطة mido_9_1987

دكتور عبد الرحمن حمدا لله على سلامتك
اولا بارك الله فيك على ردودك وجعله الله فى ميزان حسناتك
ثانيا موضوع المؤمن عليهم دا كان اخر تصريح للوزير بشان التعيين وده كان فى الاهرام تقريبا وكلام العاملين بالاكاديمية عندما سالنا قالو اللى متامن عليهم سيستبعدو
وثالثا اختم كلامى بقول المصطفى صلى الله عليه وسلم:

(إن لله عباداً اختصهم بقضاء حوائج الناس،حببهم إلى الخير،وحبب الخير إليهم،هم الآمنون من عذاب الله يوم القيامة )

ممكن حضرتك تجيبلي رابط للخبر أو أي تصريح للوزير بكده علشان كلام د.ماجد الشربيني لينا كان واضح بهذا الخصوص وهو رئيس الأكاديمية والمسئول عن مشروع التعيين ككل ..

لو فيه كلام زي اللي بتقول عليه ياريت تبلغني وتديني الرابط علشان نلحق الموقف واوعدك هانتكلم شخصيا مع الدكتور ماجد وهابعتلكم الرد ..

[سامح الجعيدي]

بالتوفيق للجميع ان شاء الله رب العالمين
أقر مجلس الوزراء فى اجتماعه اليوم الخميس، برئاسة الدكتور عصام شرف، المشروع القومى لتشغيل أوائل خريجى الجامعات المصرية، والذين يقدر عددهم بـ35 ألف خريج، على أن يناقش المجلس فى اجتماعات لاحقة آلية تنفيذ المشروع.

كان المجلس قد بدأ اجتماعه صباح اليوم لمناقشة وإقرار بعض مراسيم القوانين التى تتعلق بالتأمينات والمعاشات، وإعادة تنظيم المجلس الأعلى للسياحة، فضلاً عن بعض المقترحات الخاصة بزيادة موارد الموازنة، وإقرار بعض الاتفاقيات الدولية.

جريدة اليوم السابع
الخميس 16-6-2011

ممكن استفسار بعد اذنكم
حاصل علي بكاوريوس تربية نوعية حاسب آلي
تقدير ممتاز مع مرتبة الشرف
والاسم موجود الحمد لله فى اسماء الاوائل
وانا اول واحد بعد تعيين المعيدين
ممكن يكون في امل فى التعيين معيد اوالعمل في مكان محترم
و
وبالتوفيق للجميع
وربنا يحفظ مصر

[أبو عمر وإلياس]

د.عبد الرحمن.. جزاك الله عنا كل خير.. فقط لي سؤال.. أنا دفعة 2009 كلية الآداب جامعة المنيا ... ومعي صورة من كشف بأسماء الأوائل الذي أرسلته الكلية للمجلس الأعلى للجامعات وفيه اسمي الحمد لله.. لكن عندما أدخل على موقع الأكاديمية لا أجد سوى دفعتي 2006 و 2007 .. فهل سيتم تعيين هاتين الدفعتين فقط ؟؟؟ أم سيتم إدخال باقي الدفعات ؟؟؟ وأيضا معي صورة من كشف بأسماء أوائل دفعة 2006 ولكن عندما قارنته بما هو موجود على موقع الأكاديمية وجدت أن ما بالموقع ما فيه أقل عن ما هو موجود في الكشف ... فما معنى ذلك ؟؟؟ بارك الله فيـــــكِ وجزاكِ خير الجزاء لسعة صدرك...

[د.عبدالرحمن المنياوي]

المشاركة الأصلية كتبت بواسطة أبو عمر وإلياس

د.عبد الرحمن.. جزاك الله عنا كل خير.. فقط لي سؤال.. أنا دفعة 2009 كلية الآداب جامعة المنيا ... ومعي صورة من كشف بأسماء الأوائل الذي أرسلته الكلية للمجلس الأعلى للجامعات وفيه اسمي الحمد لله.. لكن عندما أدخل على موقع الأكاديمية لا أجد سوى دفعتي 2006 و 2007 .. فهل سيتم تعيين هاتين الدفعتين فقط ؟؟؟ أم سيتم إدخال باقي الدفعات ؟؟؟ وأيضا معي صورة من كشف بأسماء أوائل دفعة 2006 ولكن عندما قارنته بما هو موجود على موقع الأكاديمية وجدت أن ما بالموقع ما فيه أقل عن ما هو موجود في الكشف ... فما معنى ذلك ؟؟؟ بارك الله فيـــــكِ وجزاكِ خير الجزاء لسعة صدرك...

الكشف اللي على موقع الأكاديمية لسه بيكمل العبرة بالكشف اللي بيتبعت من الجامعة ..

وبالنسبة لكلية آداب المنيا تقدر تتابع مع الدكتور ضيف من قسم لغة عربية ..

[د.عبدالرحمن المنياوي]

المشاركة الأصلية كتبت بواسطة منى أبو الجود

حمداً لله على سلامتك يا استاذنا الفاضل , معلش ممكن بس أسأل حضرتك سؤال مكون من ثلاثة عناصر وأرجو أن لا أسبب لسيادتك إزعاج أو ملل .
اولاً : هو في جامعة الأزهر لسه قرار تعيين العشرين الأوائل على الدفعة في وظائف إدارية ساري أم اتلغى بعد صدور قرار بتعيين الأول والثاني معيدين ,
ثانياً : هل ممكن لأوائل الأقسام الموجودة في الشعب التي اعتبروها شعبة عامة دون أقسام لأن أقسامها مش موجودة غير في مرحلة الدراسات العليا وبالتالي أخدوا الأول والثاني على الشعبة كلها دون الأقسام إنهم يتظلموا او يلجأوا للقضاء , مثل كلية الدراسات الإسلامية والعربية قسم اللغة العربية خلال الأربع سنين دراسة مش بيتقسموا أما في مرحلة الدراسات العليا بينقسموا الى اربع أقسام أدب , وبلاغة , ولغويات , وأصول لغة وطبعا في الكلية الأقسام دي معترف بيها وكل قسم له رئيسه , هذا بالمقارنة بشعبة تانية في نفس الكلية هي شعبة أصول الدين هذه الشعبة بتتقسم خلال سنوات الدراسة الى أقسام حديث وتفسير وعقيدة وبالتالي حيخدوا الأول والثاني من كل قسم منهم , أعتقد كده ان الموضوع ده حيظلم ناس كتير مثلي لأن أولي الأمر وهم يتخذون القرار لم يضعوا في حساباتهم مثل هذه الشعب ذات الأقسام التي توجد فقط في الدراسات العليا وليس في سنوات الدراسة .
ثالثاً : هل لو تم تعيين العشرين الأوائل في وظائف إدارية بالجامعة وحصلوا على الماجستير هل سيتم ضمهم إلى هيئة التدريس .
معذرة على التطويل يا أستاذنا الكريم , ولكن هذا الموضوع يسبب لي أحساسا بالظلم خاصة أنني من الأوائل وحاصلة على ممتاز في الأربع سنوات وآخر سنة حصلت على ممتاز مع مرتبة الشرف ومن أوائل قسم اللغة العربية ولكن لا زالت لا أعرف ترتيبي ومن العشرين الأوائل على دفعة 2003 وحصلت على التمهيدي في قسم الأدب والنقد , وأوشك عل مناقشة الماجستير .

وعليكم السلام يا أختنا الفاضلة ..

بالنسبة للسؤال الأول : فإنه على حد علمي إن قرار تعيين الأول والثاني على القسم لم يلغي قرار تعيين الـ20 الأوائل كإداريين ..

بالنسبة للسؤال الثاني : العبرة في التنافس داخل الأندر يعني خلال الأربع سنوات .. ومادمتم شعبة واحدة يبقى ليكم حصر واحد .. أما التقسيم خلال الدراسات العليا فده موضوع تاني وموجود في كليات كتير ويعتد بيه كأساس ومعيار تفضيل عند نزول إعلان لتعيين مدرسين مساعدين أو مدرسين .. أما التعيين كمعيدين فالمعيار هو تقدير الشعبة العامة..

بالنسبة للسؤال الثالث : للأسف لأ .. تعيينك كإداري ثابت .. ولو حصلتي على الماجستير يتم زيادة مرتبك بحافز التميز العلمي .. لكن انتقالك من إدارية لعضو هيئة تدريس لن يكون وقتها إلا عند نزول إعلان ..

[د.عبدالرحمن المنياوي]

يا جمااااااااااااااااااااعة حد نفسه في حاجة علشان أنا مش ضامن ظروف النت اليومين دول


في انتظار استفساراتكم ..

أخوكم د.عبدالرحمن المنياوي




:gilj otiiniug3::giljotiin iug3:
:0 28ja7:

[معلم مساعد 2011]

الجامعه المفتوحه هاتعين برضو العشرين الاوائل
ياريت حد لو سمحتم يقولي