ايه اخبار تعيين أوائل الكليات ياجماعة؟

[د.عبدالرحمن المنياوي]

المشاركة الأصلية كتبت بواسطة عبدالله فتحى محمد

انا خريج علوم سوهاج 2007 ورحت الشئون وسالت عميد الكليه ورئيس الجامعه قالولى الفاكس اللى وصلهم انهم طالبين العشرين الاوائل متضمنين المعيدين وليس باستثنائهم وانا ترتيبى 22 بالمعيدين وباستثناء المعيدين يبقى ترتيبى ال 17 حد يدلنى على الصح واللى المفروض اعمله وهوه بالمعيدين ولا باستثنائهم حد يقولى ايه الحكايه انا تعبت من كتلر ما رحت وجيت

كان فيه فاكس طلع أولا بحصر الأوائل العشرين وبس - ساعتها ضمنوا الباحثين معاهم ..

ولكن جاء فاكس بتعديل ذلك وعمل حصر للكل بعد حذف المعينين ..

لازم حضرتك تتحرك على رئيس جامعتك علشان لا يتم استبعادك يا حبيبي

[د.عبدالرحمن المنياوي]

المشاركة الأصلية كتبت بواسطة معاكم قلبى

مساء الخير يا دكتور عبد الرحمن
حمدا لله على سلامة حضرتك
ياريت تفيدنى فى موضوع المنح ده وزى ما رئيس الوزراء اخد قراتر بتعيين اوائل الازهر ليه ما ياخدش قرار بتعيين طلاب المنح
رجاء تطمنى
ولكم جزيل الشكر

في التعليم العام وزير التعليم العالي ليس له سلطة على الجامعات ورئيس الجامعة ليس له سلطة على الأقسام

لكن في الأزهر الوضع مختلف شوية هي جامعة واحده وليها رئيس واحد بالرغم من وجود عدة فروع في أنحاء مصر لكن الرئيس واحد وهو من أخذ القرار وله الحق في ذلك

[ايمان العطار]

السلام عليكم جميعا وللدكتورالمحترم عبد الحمن انا عندى احساس شديد بالظلم وياريت يتسع صدرك لى هل تكون االقوانين الظالمة قبل الثورة يمكن السكوت عنهابعدالثورة لان تنسيق فنون جميلة عمارة لها تنسيق مختلف فى الثانوية العامة واصلا علمى رياضيات لكن الاقسام الاخرىمختلفين عايزة افهم بالعقل والاقناع مش سمعا وطاعة من غير اقناع هل ممكن ارفع قضية عن طريق محامى بس على مين وشكرا جزيلا على الردمن اخ كبير سنا ومقاما

[شريف الصعيدى 22]

حمد الله على سلامتك يادكتور عبدالرحمن
بصراحه والله العظيم الواحد مكنش له نفس اساسا
يدخل ويرد ع الموضوع من غير حضرتك ماتكون موجود
بجد حضرتك نورتنا والله يادكتور ويارب مايحرمنا من رؤيه حضرتك معانا دائما
ربنا يباركلنا فى حضرتك يارب
طبعا انا سألت حضرتك بما فيه الكفايه وبجد حضرتك افضت واستفضت فى موضوعى
بس يلا باه حصل خير
تصدق يادكتور عبد الرحمن اكتر حاجه ضايقتنى ايه لما دخلت على موقع اكاديمية البحث العلمى
ودخلت ع الاحتياجات لقيت جامعه كفرالشيخ طالبين كم هائل من التجاره والمؤهلات العليا
طبعا كفرالشيخ معملتش غير للأوائل من 2007 ل 2010
يعنى اول 4 فى 20 يعنى 80 طالب
ونيجى كمان لطنطا 8 فى 20 يعنى 160 طالب يبقى مجموع الجامعتين 240
والله يادكتور التجاره لوحدها فى قايمه الاحتياجات عاوزين حوالى 200 واحد
حرام والله انا اولى اتعين فى جامعتى اى وظيفة اداريه ولا اى حاجه
طبعا عارف ان حضرتك هاتقول عليا سلبى ومعرفش ايه
والله يادكتور انا يأست من الموضوع ده بس ان شاء الله خلاص بكره رايح
لمحافظ كفرالشيخ كتبت صيغة الطلب واخدت معايا الورق بتاعى هاروح الاول احجز معاد علشان اقابل المحافظ
وهاسيبلهم الطلب بتاعى علشان يعرضوه على معاليه
ادعيلى بس يادكتور يكون خير
انا طلبت منه فى الطلب انه يبعت منشور لجامعه كفرالشيخ بحصر اوائل الدفعات من 2003 ل 2007
اظن حضرتك طبعا المحافظ ليه حق فى كده يعنى من ضمن سلطته ولا رايك ايه ؟
هوه حضرتك قريت احتياجات جامعه كفرالشيخ

[شريف الصعيدى 22]

بصى يااستاذه ايمان هاقولك حاجه اعملى زى حلاتى
روحى قدمى طلب للمحافظ بتاعكم واحكيله على مشكلتك
شوفى رايه ايه ورد فعله ايه
لو جاب نتيجه غير وبركه
مجبش نتيجه يبقى الحل اللجوء للقضاء
انا عارف محامى من طنطا متخصص فى الحاجات ديه بس للاسف لسه مرحتلوش
مستنى مقابلتى مع المحافظ هايعمل ايه

[معلم مساعد 2011]

طب لو سمحت يادكتور عبدالرحمن
انا خريجه2008 وطالعه السابعه علي الكليه انا تربيه رياض اطفال هايعينوني ايه مثلا ؟

[ajeebmido22]

د عبد الرحمن بعد اذنك حضرتك بتقول ان جامعة أسيوط بعتت احتياجها على الاكاديمية طيب ممكن بعد أذنك تشرحلى ازاى اعرف واوصل لأحتياجات جامعة أسيوط ؟؟؟

[mhegazi]

المشاركة الأصلية كتبت بواسطة د.عبدالرحمن المنياوي

وعليكم السلام يا أخت فاطمة ..

تعيينك بعقد مؤقت أو حتى دائم سواء مؤمن عليكي أو لا .. كل ده لا يحرمك من الدخول في مشرو تعيين الأوائل .. هتجيلك وظيفتك وهيتم تخييرك ما بين الوظيفتين .. ما تقلقيش ومتزعليش كده .. وبرضه ماتسيبيش وظيفتك المؤقتة دلوقت ..

جزاك الله كل خير لانك طمنتنا
لان الموضوع كان شاغلني جدا

[معلم مساعد 2011]

هي الجامعه المفتوحه هايعينو برضو الاوائل
ياريت حد يقولي لو عارف

[د.عبدالرحمن المنياوي]

احتياجات جامعة أسيوط ..

موجودة في الملف المرفق وبالتوفيق للجميع ..

هي الجامعة تقريبا أخدت كل أبنائها من طلاب المنح ..



:0 22yb4:

[mido_9_1987]

دكتور عبد الرحمن حمدا لله على سلامتك
اولا بارك الله فيك على ردودك وجعله الله فى ميزان حسناتك
ثانيا موضوع المؤمن عليهم دا كان اخر تصريح للوزير بشان التعيين وده كان فى الاهرام تقريبا وكلام العاملين بالاكاديمية عندما سالنا قالو اللى متامن عليهم سيستبعدو
وثالثا اختم كلامى بقول المصطفى صلى الله عليه وسلم:

(إن لله عباداً اختصهم بقضاء حوائج الناس،حببهم إلى الخير،وحبب الخير إليهم،هم الآمنون من عذاب الله يوم القيامة )

[سامح الجعيدي]

بالتوفيق للجميع ان شاء الله رب العالمين
أقر مجلس الوزراء فى اجتماعه اليوم الخميس، برئاسة الدكتور عصام شرف، المشروع القومى لتشغيل أوائل خريجى الجامعات المصرية، والذين يقدر عددهم بـ35 ألف خريج، على أن يناقش المجلس فى اجتماعات لاحقة آلية تنفيذ المشروع.

كان المجلس قد بدأ اجتماعه صباح اليوم لمناقشة وإقرار بعض مراسيم القوانين التى تتعلق بالتأمينات والمعاشات، وإعادة تنظيم المجلس الأعلى للسياحة، فضلاً عن بعض المقترحات الخاصة بزيادة موارد الموازنة، وإقرار بعض الاتفاقيات الدولية.

جريدة اليوم السابع
الخميس 16-6-2011

ممكن استفسار بعد اذنكم
حاصل علي بكاوريوس تربية نوعية حاسب آلي
تقدير ممتاز مع مرتبة الشرف
والاسم موجود الحمد لله فى اسماء الاوائل
وانا اول واحد بعد تعيين المعيدين
ممكن يكون في امل فى التعيين معيد اوالعمل في مكان محترم
و
وبالتوفيق للجميع
وربنا يحفظ مصر

[معاكم قلبى]

المشاركة الأصلية كتبت بواسطة د.عبدالرحمن المنياوي

السلام عليكم يا أختي العزيزة

موضوع طلاب المنح ده حكايته حكاية ..

القصة إن فيه سوء فهم واستعجال شوية

الكلام من الأول إن الدكتور ماجد الشربيني رئيس الأكاديمية بلغنا شخصيا بأن مشروع أوائل الخريجين سيتم كالآتي:

أولا : التعيينات ستشمل الفئات الثلاثة التالية:

1- طلاب المنح الدراسية التي أنهت المنح والتي لازالت على قفيد المنحة.
2- الـ20 الأوائل على كل كلية من 2003 وحتى 2010.
3- الحاصلين على الماجستير والدكتوراة من غير المعينين بالجهاز الحكومي بالدولة.

ثانيا : خطة التعيين ستتم كالآتي:

- جزء يتم تسكينه في الجامعات الحكومية حسب احتياجات كل جامعة.
- جزء يتم تسكينه في الجامعات والأكاديميات الخاصة.
- جزء يتم تسكينه في أكاديمية البحث العلمي والمراكز التابعة لها (وهذا سيشمل بعض التخصصات فقط وليس الكل).
- الباقي سيتم تعيينهم كفرق بحثية تابعة لوزارة الصناعة يرأس كل فرقة بحثية أستاذ جامعي وهدفها تطوير مجال تخصصها في مكان محدد.

طيب الكلام ده المفروض هيحصل امتى .. المفروض الكلام ده يحصل قبل بداية يوليو 2011
على أن تكون التظلمات خلال شهر يوليو كاملا ..

المشكلة هنا بقى في إن طلاب المنح وكمان برضه بعض الحاصلين على الماجستير والدكتوراة من الخارج بيحاولوا يحصلوا على قرار سيادي للتعيين في الجامعات بغض النظر عن المشروع ده

طيب الناس دي بتعمل كده ليه ؟!!!!

لأحد سببين :

الأول : أنهم على غير ثقة في رؤساء الأقسام اللي دايما بيقولوا معندناش عجز .. وبصراحة احنا معانا حق في النقطة دي لأن الأقسام بتستهبل على طوووووووووووووووووول.

الثاني : ناس عارفه إن احتياجات كلياتها قليلة وهي تقديراتهم مش عالية علشان تنافس فهم عاوزين قرار سيادي لأنهم لن يتم تعيينهم لو تمت مقارنتهم بالباقيين..

عندك حل يا عم :

آه .. لما اتكلمنا مع الدكتور ماجد رئيس الأكاديمية قال مش هنخلي الأقسام هي اللي تحدد الاحتياجات في الجامعات
أمال مين يا عم ..

تم تخصيص لجنة محايدة في كل جامعة يرأسها نائب رئيس الجامعة للدراسات العليا والبحوث وتتكون من أستاذ دكتور يدرس احتياجات الكليات النظرية وأستاذ دكتور يدرس احتياجات الكليات العملية .. واستاذ آخر للمراجعة ..

هذه اللجنة تأخذت الأحمال التدريسية من كل كليات الجامعة وتحدد احتياجات كل جامعة وفقا لمعايير الجودة المقررة .. ثم ترسل النتائج لأكاديمية البحث العلمي لعرضها في قائمة الاحتياجات..

في أسيوط وفي جنوب الوادي كانت الجامعة هي السباقة لعمل تلك اللجنة حتى من قبل صدور قرار الوزارة بتكوين تلك اللجان لذلك جاءت النتائج سريعة .. أما باقي الجامعات فإنها ترسل نتائج الاحتياج تباعا ..

عندنا في المنيا مثلا اللجنة لم تنهي عملها حتى الآن ولذلك لم تنزل الجامعة في قائمة الاحتياجات المعلنة على موقع الأكاديمية .. وكل يوم فيه جديد بس المتوقع أنه قبل نهاية الشهر الجاري ستنزل الاحتياجات كلهاعن كل الجامعات ليتم بعدها تسكين الناس ..

طيب مين الأولى في التسكين ياعم عبدالرحمن ؟!!!!!!!!!!

الأولويات بالأعلى في الدرجة العلمية ثم الأعلى في التقدير ثم الأكبر سناً ..

وياريت أكون قدرت أرد شوية على بعض استفساراتكم وأكرر اعتذاري الشديد على عدم تواصلي معكم الفترة السابقة وياريت اللي ليه استفسار يكتبه وانا تحت أمره ..

أخوكم وأقلكم والأحوج إليكم د.عبدالرحمن المنياوي

جزاك الله خيرا على الاايضاح والافادة
بس معلش عندى شوية اسئله؟؟؟؟؟؟؟؟؟؟؟
انا كده فهمت موضوع التعيين غلط ولا ايه؟لانى كنت فاكرة بعد ما اخدوا الدرجات الماليه للكل وبعد الاسماء ما نزلت على الموقع ان الكل هيتعين؟
بس معنى كلام حضرتك ان خطة التعيين هيبقى فيها ناس ملهمش مكان
يعنى اللى كليته مش محتاجة؟او محتاجة وفى اكتر من واحد.او اللى تخصصه مالوش مركز بحثى ولا له علاقة بالصناعة هيبقى مالوش وظيفة؟؟؟؟؟؟؟؟؟؟؟ده اللى انا فهمته؟؟؟
والدكتور ماجد فى الاجتماع قال ان اللى اسمائهم بس على النت واخدوا الدرجة هيتعينوا؟
وكمان فى اخر الاجتماع قال ان لازم نساويكم ببتوع جامعة اسيوط وناخدها حجة للتعيين
واخيرا قال هنحاول نستصدر قرار سيادى؟؟؟؟؟؟؟؟؟؟؟؟؟
معلش طولت على حضرتك بس ده من عشمنا فى حضرتك
ولكم جزيل الشكر

[د.عبدالرحمن المنياوي]

المشاركة الأصلية كتبت بواسطة mido_9_1987

دكتور عبد الرحمن حمدا لله على سلامتك
اولا بارك الله فيك على ردودك وجعله الله فى ميزان حسناتك
ثانيا موضوع المؤمن عليهم دا كان اخر تصريح للوزير بشان التعيين وده كان فى الاهرام تقريبا وكلام العاملين بالاكاديمية عندما سالنا قالو اللى متامن عليهم سيستبعدو
وثالثا اختم كلامى بقول المصطفى صلى الله عليه وسلم:

(إن لله عباداً اختصهم بقضاء حوائج الناس،حببهم إلى الخير،وحبب الخير إليهم،هم الآمنون من عذاب الله يوم القيامة )

ممكن حضرتك تجيبلي رابط للخبر أو أي تصريح للوزير بكده علشان كلام د.ماجد الشربيني لينا كان واضح بهذا الخصوص وهو رئيس الأكاديمية والمسئول عن مشروع التعيين ككل ..

لو فيه كلام زي اللي بتقول عليه ياريت تبلغني وتديني الرابط علشان نلحق الموقف واوعدك هانتكلم شخصيا مع الدكتور ماجد وهابعتلكم الرد ..

[منى أبو الجود]

المشاركة الأصلية كتبت بواسطة د.عبدالرحمن المنياوي

ياجماعة بخصوص الأزهر

رئيس جامعة الأزهر خصص الاول والثاني على كل قسم للتعيين كمعيدين فقط وباقي الـ20 كوظائف إدارية في الجامعة

أنا عارف إن الخبر معروف للكل بس أنا بصراحة مش عارف إيه اللي ممكن يحصل أنا شايف ةناس كتير زعلانه من الموضوع ده

انا بيتهيألي إن جامعة الأزهر أو أي جامعة في الدنيا هل تستطيع تعيين العشرين الأوائل على مدار 8 دفعات كمعيدين ؟؟

الموضوع صعب شوية .. بس عليكم السعي وعلى الله التوفيق

حمداً لله على سلامتك يا استاذنا الفاضل , معلش ممكن بس أسأل حضرتك سؤال مكون من ثلاثة عناصر وأرجو أن لا أسبب لسيادتك إزعاج أو ملل .
اولاً : هو في جامعة الأزهر لسه قرار تعيين العشرين الأوائل على الدفعة في وظائف إدارية ساري أم اتلغى بعد صدور قرار بتعيين الأول والثاني معيدين ,
ثانياً : هل ممكن لأوائل الأقسام الموجودة في الشعب التي اعتبروها شعبة عامة دون أقسام لأن أقسامها مش موجودة غير في مرحلة الدراسات العليا وبالتالي أخدوا الأول والثاني على الشعبة كلها دون الأقسام إنهم يتظلموا او يلجأوا للقضاء , مثل كلية الدراسات الإسلامية والعربية قسم اللغة العربية خلال الأربع سنين دراسة مش بيتقسموا أما في مرحلة الدراسات العليا بينقسموا الى اربع أقسام أدب , وبلاغة , ولغويات , وأصول لغة وطبعا في الكلية الأقسام دي معترف بيها وكل قسم له رئيسه , هذا بالمقارنة بشعبة تانية في نفس الكلية هي شعبة أصول الدين هذه الشعبة بتتقسم خلال سنوات الدراسة الى أقسام حديث وتفسير وعقيدة وبالتالي حيخدوا الأول والثاني من كل قسم منهم , أعتقد كده ان الموضوع ده حيظلم ناس كتير مثلي لأن أولي الأمر وهم يتخذون القرار لم يضعوا في حساباتهم مثل هذه الشعب ذات الأقسام التي توجد فقط في الدراسات العليا وليس في سنوات الدراسة .
ثالثاً : هل لو تم تعيين العشرين الأوائل في وظائف إدارية بالجامعة وحصلوا على الماجستير هل سيتم ضمهم إلى هيئة التدريس .
معذرة على التطويل يا أستاذنا الكريم , ولكن هذا الموضوع يسبب لي أحساسا بالظلم خاصة أنني من الأوائل وحاصلة على ممتاز في الأربع سنوات وآخر سنة حصلت على ممتاز مع مرتبة الشرف ومن أوائل قسم اللغة العربية ولكن لا زالت لا أعرف ترتيبي ومن العشرين الأوائل على دفعة 2003 وحصلت على التمهيدي في قسم الأدب والنقد , وأوشك عل مناقشة الماجستير .