أخبار المعلمين المنقطعين بمحافظة كفر الشيخ و المحافظات الأخرى

[ايناس محمد.]

المشاركة الأصلية كتبت بواسطة محمود لطفى1

بصى يا اختى العزيزة احنا رجعنا للعمل 17/9/2011 المنقطعين وانا منهم واخت زوجتى كانت تعمل معلم بالمكافأة الشاملة منذ 2010 احنا كنا بناخد مرتب 151 جنيه وهما كانو بياخدو 400 جنيه فى 2012 احنا مرتبنا رفع 418 جنيه وهما دخلوا معلم مساعد ومرتبهم بقا 647جنيه والعام الحالى 2013 هما والدفعه اللى قبلهم دخلوا جميعا التعيينات طبعا فى خلال العام الدراسى الماضى 2012/2013 دخلوا دورة الكادر وانا والله متأكد من كلامى لان دى حالة انا شايفها قدامى مع العلم ان المعلم المساعد 2011+2012 كلهم دخلو تعيينات جميعا فى 7/2013 وتقدرو تتأكدوا من إدارة سيدى سالم أما بالنسبة لموضوع لازم سنتين معلم مساعد انا وضحت الكلام دة فى قانون الكادر وموضوع العامين ده مش قانون لكن المقصود أن يستوفى المعلم المساعد شروط التعيين من التربوى والكادر فى مدة أقصاها ثلاث سنوات وأقلها سنه واحدةوعلشان تتأكدو حطيت قانون الكادر كامل واللى يعرف معلم مساعد 2012 من سيدى سالم يسأله

والله انا قلت كل اللى عندى

كل اللى اقدر اقوله ان المعلم المساعد تثبيت 2012 فى بيلا و انا متأكدة من ذلك

لم يتعينوا حتى الان و ايضا لم يدخلوا دورة التطبيقات التربوية

انا بصراحة هتجنن ازاى هيعينوا ناس فى ادارة من المحافظة و يسيبوا زملائهم فى الادارات الاخرى فى نفس المحافظة

على فكرة انا معايا فى المدرسة معلمين مساعدين تثبيت 2012 و لم يأتى لهم اى قرار بتعينهم او حتى دخول دورة التطبيقات التربوية

[محمود لطفى1]

أرجو أن تتقبلوا كلامى انا من المنقطعين وكلنا بندور على المصلحة لان كلنا فى مركب واحد ويارب نتعين كلنا دلوقت مش كمان شوية مهو الخير هيعم على الجميع علشان ننسى لقب منقطعين بقا ونغير عنوان الموضوع ونخليه أخبار المعلمين بمحافظظة كفرالشيخ وبس

يارب الخير للجميع

[ايناس محمد.]

المشاركة الأصلية كتبت بواسطة محمود لطفى1

أرجو أن تتقبلوا كلامى انا من المنقطعين وكلنا بندور على المصلحة لان كلنا فى مركب واحد ويارب نتعين كلنا دلوقت مش كمان شوية مهو الخير هيعم على الجميع علشان ننسى لقب منقطعين بقا ونغير عنوان الموضوع ونخليه أخبار المعلمين بمحافظظة كفرالشيخ وبس

يارب الخير للجميع

يارب نتعين كلنا النهاردة قبل بكرة

هو احنا كارهين التعيين بس يجى

ياااااه يوم الهنا يوم لما يجى قرار تعيننا

[محمود لطفى1]

سؤال للأخت فريال

هل استلمتم الكود وكلمة السر من الاحصاء فى بيلا أم لا

[ايناس محمد.]

المشاركة الأصلية كتبت بواسطة محمود لطفى1

سؤال للأخت فريال

هل استلمتم الكود وكلمة السر من الاحصاء فى بيلا أم لا

ايوه استلمنا جميعا الكود و الباسورد من الاحصاء منذ عدة أشهر

[عبير الرووووح]

فعلااااااااااا ياريت نسمع خبر تعيينا

يس ده شىء بينطبق على الجمهوريه كلها ولا يختص بفئه او اداره معينه

يعنى على كده انا اتعينت انا استوفيت كل الشروط وزياده على المطلوب كمان وتعاقد 2012

معنى كده انى خلاص هتعين ؟؟؟

يارب يكون صحيح الخبر ده

[ايناس محمد.]

المشاركة الأصلية كتبت بواسطة عبير الرووووح

فعلااااااااااا ياريت نسمع خبر تعيينا

يس ده شىء بينطبق على الجمهوريه كلها ولا يختص بفئه او اداره معينه

يعنى على كده انا اتعينت انا استوفيت كل الشروط وزياده على المطلوب كمان وتعاقد 2012

معنى كده انى خلاص هتعين ؟؟؟

يارب يكون صحيح الخبر ده

شكلنا كده هنحلم كلنا اننا هنتعين قريبا

لسه هنكمل سنتين فى معلم مساعد احنا ندخل على التعيين على طول

[ايناس محمد.]

عودة "ورشل" وكيلاً لمديرية التربية والتعليم بكفر الشيخ

الجمعة، 20 سبتمبر 2013 - 16:01

عبدالمقصود ورشل وكيل مديرية التربية والتعليم بكفر الشيخ
كفر الشيخ – محمد سليمان

تسلم عبد المقصود ورشل عمله كوكيل لمديرية التربية والتعليم بكفر الشيخ أمس الخميس.
كان المهندس سعد الحسينى محافظ كفر الشيخ السابق، قد أقال ورشل من منصبه ضمن الإقالات التى قام بها الحسينى فى عدد من القطاعات والمحليات بمحافظة كفر الشيخ، مما دعا ورشل لإقامة دعوى قضائية قضت بعودته لمنصبه.

[مدرس انجليزي 2000]

يا جماعة ادارة بلطيم و كفرالشيخ المنقطعين دخلوا دورة التطبيقات
اللى عنده اخبار يقول لنا و نشكر الاستاذ لطفي
عايزين نضغط شوية
الله المستعان

[شذى الليل]

المشاركة الأصلية كتبت بواسطة مدرس انجليزي 2000

يا جماعة ادارة بلطيم و كفرالشيخ المنقطعين دخلوا دورة التطبيقات
اللى عنده اخبار يقول لنا و نشكر الاستاذ لطفي
عايزين نضغط شوية
الله المستعان

فعلا ادارة بلطيم دخلت دورة التطبيقات التربوية وخلصت اول دفعة يوم الخميس وفيه دفعة تانية يوم الاحد القادم ان شاء الله بس ده لان ادارة بلطيم تعتبر الادارة الوحيدة اللى كانت عاملة عقود للمنقطعين بتاريخ 17/9 ومقيدين بصحيفة الاحوال على نفس التاريخ والاكاديمية بتاخد بالعقود مش بتاريخ استلام العمل فقط

[مدرس انجليزي 2000]

المشاركة الأصلية كتبت بواسطة شذى الليل

فعلا ادارة بلطيم دخلت دورة التطبيقات التربوية وخلصت اول دفعة يوم الخميس وفيه دفعة تانية يوم الاحد القادم ان شاء الله بس ده لان ادارة بلطيم تعتبر الادارة الوحيدة اللى كانت عاملة عقود للمنقطعين بتاريخ 17/9 ومقيدين بصحيفة الاحوال على نفس التاريخ والاكاديمية بتاخد بالعقود مش بتاريخ استلام العمل فقط

معنى كدا ان منقطعين هيتعينوا قبلنا

[ايناس محمد.]

طب ليه الاستاذ عبد الخالق مدير قسم التدريب فى ادارة بيلا قال لنا

مفيش تدريب للمنقطعين الان

[شذى الليل]

المشاركة الأصلية كتبت بواسطة مدرس انجليزي 2000

معنى كدا ان منقطعين هيتعينوا قبلنا

والله انا لحد دلوقتى مش عارفة في ناس بتقول ان الاكاديمية هى اللى هتقرر يا اما تقبل الورق بالعقود دى يا اما ترجع الورق محدش عارف وبعدين مدرسين مسابقة الرياضيات هيدخلوا الدورة الشهر اللى جاى بحجة انهم محتاجين التخصص

[mohmed ibrahim]

المشاركة الأصلية كتبت بواسطة شذى الليل

والله انا لحد دلوقتى مش عارفة في ناس بتقول ان الاكاديمية هى اللى هتقرر يا اما تقبل الورق بالعقود دى يا اما ترجع الورق محدش عارف وبعدين مدرسين مسابقة الرياضيات هيدخلوا الدورة الشهر اللى جاى بحجة انهم محتاجين التخصص

مدرسين مسابقة الرياضيات هيدخلوا الدورة الشهر الجاى فى بيلا .... الكلام دة اكيد..ومين اللى قال؟؟؟؟؟؟؟؟؟؟؟

[محمود لطفى1]

المشاركة الأصلية كتبت بواسطة شذى الليل

فعلا ادارة بلطيم دخلت دورة التطبيقات التربوية وخلصت اول دفعة يوم الخميس وفيه دفعة تانية يوم الاحد القادم ان شاء الله بس ده لان ادارة بلطيم تعتبر الادارة الوحيدة اللى كانت عاملة عقود للمنقطعين بتاريخ 17/9 ومقيدين بصحيفة الاحوال على نفس التاريخ والاكاديمية بتاخد بالعقود مش بتاريخ استلام العمل فقط

ان شاء الله سيدى سالم الحلوه هيكتبو تاريخ التعيين 2013 علشان يضيعونا لان انا لما سألت قالو ان الاسماء بتاعت المنقطعين لسة متسجلتش على قاعدة البيانات وان شاء الله الموضوع بالشكل ده مش عايز سكات لازم ندور على حقنا والا كل واحد ميلومش الا نفسه احنا لما كنا بنروح عند المحافظة كنا بيطلع روح اللى خلفونا وغيرنا نايم وبيقول اللى يسري عليهم هيسرى علينا ولما رحنا نعمل العقد فى التطوير فى كفرالشيخ 2012 كانت الاعداد مهولة لازم ندور على حقنا