لو سألتك انت مصرى ياترى هاتقول اية؟؟؟؟؟

[رجاء فكرى ابراهيم]

مصر هى امنا حد يقدر يتبرى من امه - - - ممكن يزعل منها لكن كل واحد مننا بيحبها ولايجد الراحة الافى حضنها - -ومصر تنتظر من ابنائها - - ان يعوضوها و يصلحوا كل شىء فيها - - -بلاش كده تتطلع لكلمة طيبة فى حقها

[عبير الشذى]

مصر هى بلدى اللى كبرت وتربيت فى خيرها واللى ينكر فضل بلده ميستهلش يعيش فيها ، والرسول عليه الصلاة والسلام عندما اخرجه اهل مكة قال :"انكى لاحب بلاد الله الى قلبى ولولا ان اهلك اخرجونى منك ما خرجت". ************************************************** *** ************** طبعا هقول انا مصرى وابويا مصرى.،كلنا بنحب مصر لكن مش بنحب حكومتها وفى فرق كتير ما بين مصر وحكومة مصر.

[wesam zeitoon]

مصريه وافتخر

واللهي مصر دي جميله اوووووووووووي

ولو فيها حاجات وحشة مش بتيقي منها اكيد

العبرة بالناس الي فيها

واي بلد بثرواتها الطبيعيه ومش بناسها

[SA3EEDY]

كلنا نفتخر بمصريتنا
بس المشكلة مش فى مصر
المشكلة فى البعض القليل...........اللى كلنا عارفينهم

[أ/رضا عطيه]

لو كان حبى للبلد دى عيب يبقى أنامن ســاسى لراسى عيوب
ولاعمرى ظلمت خلق الله ولا ببكى أبدا على اللـبن المسكوب
وبالطيابه اللى بتحسبوهــا خيابه بقيت للناس ودود ومحبوب
ولاعمرى فى مره عملت ديب ليقينى إن ربنا-- رب قلوب
واللى يكره حضن أمه يبقى ياويله من غضبها ومن المكتــوب
ما هيعرف أبدا طريق ربنا وما هيرضى عنه المولى مهمايتوب
إرجع لرشدك وصون ياعم وطنك ومفيش عاقل يتباهىبالذنوب
حب بلدك ياعمنا لذاتها وخليك دايما عنتر وبلاش تبقى شيبوب
كل اللى تملكه بس تعيط وتلم الناس حواليك وفاكر نفسك موهوب
كل مصرى وأنا أولهم بقضيهاكلام والأفعال سوده بلون الخروب
وأم الدنيا مابخلت عنا يوم بخيرها من أكل طيب وأعذب مشروب
اللى لوث النيل مين --غيرأنا وأنت وكل المصلحين اللى فى النقد شغالين
واللى سرق الأراضى مين غير مصريين مفسديين وربناالمنتقم قولوا أمين
وعشان نحررها من العدا دفعنا من الشهدا--- ملايين من أولادها الطيبين
إيه ذنب البلد تتبرأ منها وكل حصاها ورمالها علينا غضــبانين ومتحمليين
نعيب الزمان والعيب فينا ونسىء للبراءة وفى خيرهامنعمين وكمان ناقمين
الله يكون فى عونك ياغاليه وأم الدنيا ع اللى جرى واللى هيجرىليوم الدين

[amenelhoda]

كلامك صح
بس احنا مش عيزيين الظروف المحيطة بنا تكون سبب فى فقداننا الحب لهذا الوطن
لان هناك فرق بين كره الوطن وكره السيادة الموجودة
ان شاء الله الفرج قريب
وشكرا على هذا الموضوع

[faten forever]

لو لم اكن مصريه لوددت ان أكون مصريه ثم مصريه ثم مصريه

[أ/رضا عطيه]

الله عليكى تسلم إيديكى

[zoooo]

انا مصرية ومبسوطة لاننا شعب طيب وبيحب الناس كلها بس للاسف بينسي يحب نفسه ويهتم بها

[أ/رضا عطيه]

وهو ده قمة الوفاء والعطاء والولاء والانتماء وشيم الشرفاء-- ويكفى أنها دائما وقت الشدة تكون النداء- بس ضع الناس اللى بتكرهم جانبا هتلاقى الخير ماليها أرض وسماء وبتحبك حب كبير ولاعمرها غضبت منك رغم كل هذا الجفاء(هى مش أم الدنيا ) ولا إيه؟

[أ/رضا عطيه]

وجهت سؤالى للعقلاء فلم أجد هم ؟
لعل المانع خير ---
ياعالم أنا قلبى مفتوح لكل الناس اللى عايشه فيه
وكمان صدرى مفتوح لو حتى تفكر تطلق النار عليه
وانت ياأبو صوت مبحوح فاضل لك إيه راح تبكى عليه
اتكلم ويلا اتعلم تقول وتنقد وتسأل إزاى وإمتى وليه
دا انت المستقبل والأمل لوطن عظمته فى كل مافيه
واللى رافض يعلق على كلامى فتعظيم سلام وتحيه ليه
الوطن بينا يصبح واحه ومن غيرنا ساحه تلعب الديابه فيه
والضوء الأخضر صبح واضح للحرية - وياريت نتمسك بيه
ونبطل نواح فى المسا والصباح ونشيل همنا ونتغطى بيه
راح اللى راح والفجر لاح بينادينا وزمن الصمت قضينا عليه
والفضل يرجع لصاحب الفضل وكل من له دور يشكر عليه

وشكرا للجميع