خبر من جمهورية الغد : اليوم القرار النهائي العام الدراسي الجديد بعد العيد

[samsama]

[e_a]

* واحد مدرس خلف بنت سماها «كوادر».
* مدرس ضبط زوجته ماشية مع الكادر بتاعها ***ها وغسل عاره.
* أم العروسة للعريس المدرس: إحنا عندنا الشقة وكل شيء، ومش مطلوب منك حاجة.. إحنا بنشتري «كادر».
* المدرس لحبيبته: بصراحة يا حبيبتي أنا مش «كادر» أتقدم دلوقتي وظروفي صعبة خالص.
* طلب وظائف: مؤسسة تعليمية كبري تطلب عدد ٤ مدرس «بكادر» وعدد ٣ مدرس «بنصف كادر».
* فرصة: مؤسسة تجارية كبري تعلن عن توافر «كوادر» للمعلمين.. جميع المقاسات بجميع الأسعار.
* إعلان: لدينا «كادر» استعمال خفيف بحالة الزيرو.
* تلميذ بيسأل مدرسه: هو «الكادر» بتاعك يا أستاذ لونه إيه؟
* تنبيهات ناظر المدرسة: كل مدرس يعلق «الكادر» الخاص به علي صدره منعاً للإحراج.
* عاجل عاجل: مدرسة تطلب «كادر» مستعملاً وارد الخارج بترخيص سنة.
* الأب: تقدر تقول لي الدرجات ضعيفة ليه الشهر ده.
الولد: أصل المدرس بتاعنا معاه «كادر» صيني!
* واحد مدرس طلق زوجته لأنها بعد سنين عمر مش عارفة تجيب له «كادر»!

[محمد عبد العظيم وسية]

يارب تتأجل الدراسة ــــــــــــــــــــــــــــــــــــــــــ لأجل غير مسمى ............. كما كان أيام الحرب

[D.Ayman Hassan]

الدراسة زي ماهي 20/9 ومافيش ما يثبت في التفكير في تأجيلها

[seifeldeen]

يا أخي مع علمهم التام بإن الأسبوع ده ما لوش أي قيمة في المنهج إلا إنهم يطلعوا ويقولوا كام أسبوع وكلام فارغ ..وكان الوزير حسين يقارن اسرائيل وأمريكا والبلاد دي بالأسابيع وعايزنا نبقى زيهم أو أكتر منهم..ياخوالنا يا ناس افهموا .العبرة موش في عدد الأسابيع ..العدد في اليمون .العبرة في محتوى المنهج وطرق التدريس ......إلخ .ثم أنا موش فاهم موقف وزير التعليم العالي المتمسك بالدراسة في رمضان بحجة الدين ووووو..دا لأنه عارف إن مافيش طلبه ها تيجي وطبيعي هاتبدأ الدراسة بعد العيد ..يا ريت بلاش نضحك على بعض ونمثل على الناس أدوار وهمية ..وشكرا يا أخي على الخبر

[aly almasry]

يأجلوها علشان يقدروا يلموا المصروفات الدراسية

[ظاظا مدير عام]

انت متأكد يا استاذ منتصر من المعلومة دى ولا دى اشاعة اصل كل سنة قبل بداية العام الدراسى بتطلع اشاعة عن تأجيل الدراسة فهل ياترى دى اشاعة ولا حقيقة

[ظاظا مدير عام]

الخبر ده قديم يا استاذ منتصر والموضوع حسم من زمان الدراسة 20/9 / 2008 وخلاص ما فيش تغيير وشكرا

[سامي أبو سماحة]

تحية لكل العاملين في هذا المنتدى وايضا المشاركين ، تفتكروا لو الواحد أرسل بنداء لرئيس الجمهورية ، سيصله .ولا الوزارة تتقصد ه طول العام الدراسي وتسقطه في اختبار الكادر ، ماهو كله بالقلم الرصاص ، واللي مالوش ظهر بينضرب على بطنه .

[احمد 112233]

يا ريت تتاجل خالص بعد الاعياد كلها وبعدين ما الطلبة بدأوا دراسة خلاص هما مستنين مدارس بلا نيلة

[medoouoon2008]

يا جماعة يمكن كلامى يزعل ناس كتييييييييييييير بس ده الأكيد الدراسة يوم 20 / 9 وصل فاكس من الوزارة للمدرسة عندى بيؤكد ذلك و عند واحد صاحبى بالأسكندرية إدارة المنتزة و قرأ الفاكس و بلاش أحلام و خلينا ننسى حلم الكادر شوية

[سامي أبو سماحة]

إلى معلمي مصر : الفرق بين الناجح والراسب ، إن الناجح سيزيد 25% فقط عن الراسب فمثلا : لوكنت مرشح لشغل وظيفة معلم أول ونجحت ستأخذ 75% من أساسي الراتب بالإضافة إلى 50% الأولى ، ولو لقدر الله رسبت ستأخذ 50% من أساسي الراتب بالإضافة إلى 50% الأولى ، فيصبح جملة ما حصلت عليه = 100 % من أساسي الراتب ، أي 50 % من قيمة الكادر ( لكل ما هو بوظيفة معلم ) ، وتفسير ذلك :
إن زميلك المرشح لشغل وظيفة معلم لو نجح سيأخذ 50% من أساسي الراتب بالإضافة إلى 50% الأولى ، فأصبح جملة ما حصل عليه = 100% من أساسي الراتب ، أي 50 % من قيمة الكادر ( لكل ما هو بوظيفة معلــم ) ذلك كما نص جدول التسكين ، وأنت أصلاً معلــم مساوي له في الدرجة و أقدم منه أيضـــا ، فكيف تأخذ الـ 50% الأولــى فقط ( كما قال مستشار وزارة التربية والتعليم في حديث تليفوني مع الأستاذة منى الشاذلي في برنامج العاشرة مساءً ) 0 لو حدث ذلك ، سنلجأ إلى القضـــــاء فوراُ مهما كلفنا ذلك .

[sawa190]

وزارة متخبطة لسه جايين يفكروا يبدأوا ولا يأخروا

[omomar2000]

الكلام ده قديم جدا لان الدراسه اتحددت واعلنوا البرنامج الزمنى للعام الدراسى تاجيل ايه اللى انتم جايين تقولوا عليه دلوقت يا جماعه رجاء اصحوا كفايه احلام

[btasah]

المشاركة الأصلية كتبت بواسطة أنور محمد إسماعيل

يارب ياخويا يارب ومالوا يأجلوها يلغوها كله محصل بعضه

هههههههههههههههههههههههههههههههه