بشرى سارة ... عودة الجيولوجيا من جديد معززة مكرمة مضافة للمجموع

[دراكو مالفوى]

المشاركة الأصلية كتبت بواسطة memoo66

دة غير الأفتصاد والأحصاد الى لازم تحفظها عشان هتخش الأمتحان سقوط ونجاح

مفيش حد حاسس بالطلبة

المهم هو الفلــــــــوس وخلاص

معلش يعنى انتوا بتستهبلوا بجد
يعنى هتذاكروا نص المناهح وزعلانين ؟؟
ياعم الاقتصاد والاحصاء اللى انت زعلان منها هتذاكرها ساعة كل اسبوع ولو حتى فى المواصلات هتجيب فيها الدرجة النهائية.ده غير كده المواد اللى مش بتضاف على المجموع بينجحوا فيها الكل مدام كاتب
يعنى نادرا لو تلاقى حد ساقط دين او تربية وطنية
واكيد محدش هيخش الامتحان ابيض.اصلا مادة قصيرة وسهلة

[محسب الحسانى]

ابناءنا طلبة وطالبات الثانوية العامة الجديدة للعام الدراسى الجديد 2013 / 2014 ننشر لكم تعديل القانون 88 الخاص بتوزيع مواد الثانوية العامة الجديدة وتوزيع الدرجات لكل مادة حسب التعديلات الجديدة
1- أصبحت عدد المواد المقررة على الصف الثالث الثانوى 7 مواد لكل شعبة بدلا من 6 مواد
2- اللغة العربية واللغة الأجنبية الأولى واللغة الأجنبية الثانية اجبارى على كل الشعب الثلاث وتضاف للمجوع الكلى حسب درجات كل مادة الموضحة فى الجدول ادناه.
3- لا توجد مواد اختيارية.
4- التربية الدينية والتربية الوطنية والاقتصاد والاحصاء يدرسها جميع الشعب ولا تضاف للمجموع الكلى.
5- اللغة العربية مخصص لها 70 درجة وفى ورقة واحدة لجميع الشعب
6- اللغة الانجليزية مخصص لها 50 درجة لجميع الشعب
7- اللغة الاجنية الثانية مخصص لها 40 درجة لجميع الشعب
- اجمالى المواد المشتركة ( 70 + 50 + 40 ) = 160 درجة
8- هناك 4 مواد مخصصه لكل شعبة وهى كالتالى :-
- مواد علمى علوم هى الفيزياء والأحياء والجيولوجيا والعلوم البيئية والكيمياء وكل مادة مخصص لها 60 درجة يعنى 4 مواد × 60 درجة = 240 درجة يضاف لها المواد المشتركة 160 درجة اذن الاجمالى 400 درجة

- مواد علمى رياضيات هى الفيزياء والكيمياء والرياضة التطبيقية والرياضة البحتة وكل مادة مخصص لها 60 درجة يعنى 4 مواد × 60 درجة = 240 درجة يضاف لها المواد المشتركة 160 درجة اذن الاجمالى 400 درجة

- مواد أدبى هى التاريخ والجغرافيا والفلسفة والمنطق وعلم النفس والاجتماع وكل مادة مخصص لها 60 درجة يعنى 4 مواد × 60 درجة = 240 درجة يضاف لها المواد المشتركة 160 درجة اذن الاجمالى 400 درجة

[ثريا فتحى]

عايزين نعرف المناهج ذى ماهى ولا اتغيرت فى علوم البيئة والجيولوجيا

[deezo]

والله العظيم ده استهبال وانا مش عارف العك اللى هم عمالين يعملوه ده ايه هو لزمته ولا هيطور التعليم ولا غيره وجايين يقولوا هيدونا جيولجيا عشان المدرسين بتوع الماده دى كانو زعلانين اوى عشان مش هيدوا دروس والفلوس بقى ( منكم لله ) تعليم فاشل فاشل فاشل فاشل فاشل فاشل بكل المقاييس

[nnn nnn]

ايه البهامة دى والعبط

[keko123]

انتوا بتلعبوا بينا ولا ايه !! و المدرسين مش هامهم غير الفلوس و الدروس الخصوصية لكن الطالب يولع .. تعليم فاشل ! و القرار دا متأخر ليه .. يعني احنا لازم ننزل نعمل مظاهرات عشان حقنا زي ما كل الناس بتعمل ؟! وزارة فاشله ... و المدرسين بيستغلوا الطلبة

[keko123]

طب ازاي هناخد جولوجيا و احنا مخدناش علوم بيئة في تانية ... ولا هوا أي حاجة و خلاص ... أنا مش مضايقني غير المدرسين اللي فرحانين في الطلبة !

[مريمار]

حسبى الله ونعم الوكيل فيهم كل واحد مش همة الانفسه طاب فكر فى حال الطالب الغلبان و ولى الامر حيعمل ايه لما طالب واحد ياخد 7دروس دول لوحدهم بكام فى الشهر .؟ امال باقى العيال نعمل فيهم ايه لما يكون عندى طالبه فى الكليه وبتسافر كل يوم واخوها فى تانية ثانوى الواحد عايز مرتب كام فى الشهر على شان يصرف عليهم تعليم فقط غير لوازم الحياه ؟ حسبى الله ونعم الوكيييييييييييييييييييييييييييييييييييييييييييييي ييييييييييييييييل

[ابوحنبل]

هي شعبة علوم سنه 3ث هتدرس الماده كلها ولا نصها الجولوجيا بس ارجو الرد يا مستر حسن

[ابوحنبل]

يارب .......

[wbassem]

هل الجيولوديا وعلوم البيئه سوف تدرس الانجليزي لمدارس اللغات

[مستر // حسن متولى]

الجيولوجيا والعلوم البيئية سوف تدرس بالكامل (9 أبواب ، 3 علوم بيئية و 6 جيولوجيا) وتم طباعة الكتاب دون تغيير عن العام الماضى (طبعة 2012 / 2013) وسوف تدرس المادة على علمى علوم وأيضاً المدارس التجريبية لغات وللطالب حق إختيار لغة الإمتحان حسب رغبته

[memo5757]

مستر حسن أنت راجل محترم

[abeermohamed]

هل اللغات لازم بالانجليزى و لا ممكن عربى ؟

[مستر حسن متولى]

فيه أخبار جديدة 2014 بحذف الباب الثانى بيئة والسادس جيولوجيا هنتأكد من الخبر إن شاء الله ، وبالنسبة للغات التدريس فى المدرسة باللغة المقررة إنجليزى أو غيرها فرنساوى أو ألمانى ، ولكن من حق الطالب أن يختار الإجابة باللغة العربية فى الإمتحان .