مبادرة المعلمين

[ابو محمد ع م]

اقترح ان يتم خصم 20 جنية على كل 600 جنية من جميع العاملين بالدولة من الرئيس حتى الغفير
جميع من يقبض من الدولة مرتب

[سعد الشال]

نعم الرأى ويا ريت يكون من كل موظف فى البلد
نعم تم دعم اماكن أخرى زي جنية من كل طالب تم جمعة
إلى مستشفى 5757نسيتو ولا أية
يارب نصرك معانا يارب كرمك علينا

[عبده ع]

اما يقوم الرئيس والوزراء اللى مفروض يكونوا القدوه بعملوا ذلك يبقى المعلم الغلبان اللى مش لاقى ياكل وبيستنى الشهر يجى وبيعد ايامه عشان ياكل عياله يعمل زيهم زلا كلام وخلاص

[M..osama]

المشاركة الأصلية كتبت بواسطة الطبهارى

ار جو اولاعدم الزعل وخاصة الفلول من راى وهو ان نترك ال 50% الاخرى لمدة عام للبنك المركزى ولاتسترد لصالح وانتظروا الاجر من الله وشكرا وانا ولله مدرس وظروفى مثل ظروف الاغلبية العظمى من المدرسين بس نفسى اخدم بلدى

فكرة رائعة وأقل شىء نقدمه لبلدنا فى محنتها

[خالد نصار]

حكاية الـ 50 % التانية دي أصلا مش داخلة في حساب الحكومة ولا الرئاسة ولا الوزارة
دي عبارة عن أسبرينة مهدئ للمعلم لحد ما ييجي شهر يوليو وتبدا السنة المالية الجديدة وبعدين يقولوا القرار اتأجل لحد السنة المالية الجديدة يعني يوليو 2014 وهكذا ما احنا سمعنا عن الكادر من عشر سنين وتم تطبيقه من خمس سنين وفي القانون 155 اللي وقعه مرسي لم يتم الإشارة إلي الـ50% التانية من قريب أو بعيد
بصراحة أنا مش شايف ان فيه أي أمل في الكلام ده خصوصا اننا في اسكندرية ما فيش خبر عن الخمسين الأولي أو اننها دخلت مرتب شهر يناير أصلا
وبعدين انا خايف نوافق علي الخصم يقوموا يخصموا الاتنين ما هو استهبال بقه
معلهش يا اخواني احنا اقل مرتب في الدولة واقل مكانة اجتماعية ونفسي اشوف الحماس في التبرع ده من جهة تانية زي ما هي موجودة عندنا حد يتكلم عن اي وزارة اخري ويشوف ايه اللي حيجري بعد كده
الحكومة بكل ثقلها مش قادرة تنفذ الحد الأقصي علي الحكومة نفسها يعني موظفين وزارة المالية وقطاعات البترول ومجلس الوزراء والداخلية والجيش وغيرها كتييييير
وبعد كده يقول لك اتبرع
اللي موافق يقول هو بيكمل الشهر من مرتبه ؟ لو يقدر يدخل في تعليق ويحسب مصروف الشهر يساوي المرتب وللا لا
الحكاية مش حماس وخلاص لازم يكون فيه عدل ومساواة في البلد دي

[الباشا الأصلي]

من يرد فعل الخير ومساعدة الحكومة معدومة الكفاءة والتي ليس لها رؤية أو سياسة واضحة والتي تحوي الكثير من فلول النظام البائد - فليفعل ذلك هو حر في رأيه وفي تصرفاته ، ولكن لايزايد على الآخرين .. فخير مصر كثير ، ولكن بسبب السياسات المتخبطة وقلة خبرة النظام الحالي وعدم تطبيق العدالة الاجتماعية وتضييع الوقت والجهد في محاولة سيطرة النظام الحالي على كل مؤسسات الدولة وصلنا إلى ما نحن فيه .

[الطبهارى]

اشكر جميع من عبرنى ورد على الاستطلاع

[ahmed73h]

لما البلد محتاجة اوي كدة زود مرتبات الشرطة لية ولية السيلرات الجديدة اللانج ليهم وكمان بيعملو شرطة جوية واستيراد طا ئر ات عسكرية ب الملايين للشرطة طائرات هليكوبتر
نحن نريد عدالة اجتماعية في الحد الادني والاقصي للاجور لكل موظفي الدولة

[ahmed saed]

انا اعرف انه عندما يتقدم اي شخص لراسة دولة يكون علي اساس ان لديه رؤية وابداع فكري لتحمل المسؤلية

وعنده القدرة علي حل كل المشكلات والا لماذا يتقدم ويعرض نفسه علي الشعب وعلي اي اساس الم ننتخب

مرشح من بين ثلاثة عشر مرشحا على اساس انه الاجدر على حل مشكلاتنا الم يقدم لنا الوعود الكافية مثل

وعد ال مائتى مليار دولار و انهار العسل وووو الخلاصة نحن اخترنا رايسا يعرف هموم هذا الشعب وما يعانيه

من مشكلات ويعلمها مسبقا وقبل ان ياتى ومع ذلك وعد بحلها والان عليه ان يتفضل بحلها كما وعد

اماانا وانت علينا ان نتفرغ لعملنا ونبدع فيه ونترك السيد الرئيس يبدع هو الاخر فى عمله وفقه الله الى مافيه الخير للبلاد والعباد

[المستر أبو هبه]

معلم هو مربى الأجيال هو صانع الحضارات هو مع البلد فى الآزمات
أنا معاك بكل كيانى
أنا وكل زمايلى فى مدرسة كفر أبو جبل بل كل إدارة شرق الزقازيق التعليمية وكل الشراقوة الكرام معاك

[sadq7]

اللى عاوز يتبرع يتبرع من جيبة مش من جيب زمايله ولا يعطى الزريعة للمتربصين بملاليم زمايله الغلابة.
يا جماعة كل واحد حر المهم ألا يتهم بعضنا بعضا لا بخيبة ولا بخيانة وطن كلنا بنحب البلد وكلنا حريصين عليها.

[2احمد]

المشاركة الأصلية كتبت بواسطة الطبهارى

ار جو اولاعدم الزعل وخاصة الفلول من راى وهو ان نترك ال 50% الاخرى لمدة عام للبنك المركزى ولاتسترد لصالح وانتظروا الاجر من الله وشكرا وانا ولله مدرس وظروفى مثل ظروف الاغلبية العظمى من المدرسين بس نفسى اخدم بلدى

أوافقك الرأي بل يتم خصم 100% الجديدة التى لم تصر ف بعد والله على ما أقول شهيد إلى أن يتعافى الإقتصاد ولكن هناك اقتراح أفضل وهو إعادة هيكلة الأجور لجميع العاملين بالدولة بالتساوي مع وضع فارق بسيط بينهم في الأجور حسب طبيعة العمل وتحديد حد أدنى وحد أقصى للأجور على أرض الواقع وبذلك يتحقق فائض كبير يسد عجز الموازنة بل ويتم الشروع في برنامج النهضة الذي سبق وتحدث عنه النظام بس محتاج قرار شجاع مثل إقالة المجلس العسكري وإقرار الدستور . والله الموفق والمستعان

[عادل رجب]

أرجو من الأخ صاحب الفكرة ....عمل تحليل لكل المشاركات السابقة ....ماعدد المشاركات حتى الآن ؟؟؟ ماعدد من وافق على الفكرة مع إبداء أسباب مقنعة ؟؟؟؟ماعدد من وافق فقط دون إبداء أسباب؟؟؟؟؟ ما عدد من رفض الفكرة بأسباب مقنعة وموضوعية ؟؟؟؟؟؟ماعدد من رفض الفكرة لمجرد رفضها دون إبداء أسباب ؟؟؟؟؟؟
زمن التحليل ::: ( أسبوع من تاريخه )
مع أطيب التمنيات

[احمد بغدادي]

كفاية أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ أأأأأأأأأأأأأأأأأأأأأأأأأأأأأأأأأأأأأأ

[محمد جميل على]

لا لأن الذين يحكمون مش عارفين حاجة فى إدرة البلد لآنهم دنهم تحت الأسرة حتى نجح الإنقلاب وسرقوا الكرسى بعد ما حماس خلصت نصهم من السجون وعلى فكرة أنا أنتمى لأهل التبليغ والدعوة وملناش دعوة بالسياسة ولاننظر للكرسى ولو جاء لعندنا