حصريا ...... نموذج الاجابة الرسمي لأمتحان الاحياء 2012

[مستر حسن متولى]

بالنسبة للجزئية رقم 1 يمكن إحتسابها (تجاوزاً) صحيحة ويتوقف هذا على المصحح والمراجع إنت وحظك يابطل .
الجزئية رقم 2 ستحتسب إجابة صحيحة حيث أننا نعتمد الإجابة الأولى وحظك حلو لإنك ذكرت الإجابة الصحيحة أولاً .
الجزئية رقم 3 هيضيع منك نصف درجة يعنى هتاخد درجة ونصف من درجتين
بشرط
يكون تعريف الإنتحاء صحيح بمعنى لازم تذكر فى التعريف إن جذر النبات والساق يقع جانبيها بصورة غير متساوية تحت تأثير المؤثر
وتكمل التعريف
ربنا يوفقك
Mr.Hassan.Metwally

[fighter_ss11v]

ارجووووووووووووك رد عليا

[مستر حسن متولى]

لقد ذكرت الموقع صح ستأخذ عليه نصف درجة
أما بخصوص الوظيفة فلو حظك حلو ورقتك تقع مع واحد فاهم كويس ويقرأ إجابتك بعناية
هيديك النصف درجة الأخرى خاصة لأنك ذكرت
نقل الببتيديل
لإنه مش هيعرف يديلك ربع درجة
أما لو مصحح السؤال ومراجعه من النوع اللى بيحفظو النموذج ويطبقوه كما هو هيتخصم منك نصف درجة
ربنا يوفقك يابطل
Mr.Hassan Metwally

[Boody2]

استاذنا جزاكم الله خيراً رد عليا
انا عملت وظيفة النفرون
يتم فيه عملية اعادة الامتصاص الاختياري وشرحتها
بس دي نازلة في النموذج الوحدة الوظيفية ؟

اية دة ؟

[Boody2]

وعملت في تصحيح الخطا
عامل ريسس الموجب ..
مش ريسس بس

[Boody2]

ارجوك رد علي رسايلي الخاصة يا استاذ
انا بنهاااااااااااااااار

[مستر حسن متولى]

بالنسبة للجزئية الأولى
لو حظك حلو مع المصحح والمراجع ممكن تتحسب صح وتأخذ النصف درجة
لكن بالمناسبة هى أنيونات وليست كاتيونات أى لاتنتقل بالتبادل الكاتيونى فالجزء الأول فقط من الإجابة صحيح
ولكن إذا إلتزم المصحح بالنموذج فقط
(وهذا من حقه بالطبع)
هيحسبها خطأ وكلا الإحتمالين وارد

بالنسة للجزئية الثانية

صعب تتحسب صح
لأن الريبوسوم يتكون من تحت وحدتين كبيرة وصغيرة وإنت ماحددتش وحتى أوضح أكثر
ماذا يحدث إذا كان موقعه فى تحت وحدة الريبوسوم الصغيرة ؟
الإجابة بالطبع لن يؤدى وظيفته وبالتالى
فالإجابة خاطئة
ربنا يوفقك

Mr.Hassan Metwally

[محمد اسماعيل 99]

ربنا يخليك ويديك الصحة يا استاذ حسن

[مستر حسن متولى]

بالنسبة للجزئية الأولى
إجابتك صحيحة
بسى ربنا يسترها معاك من اللى ملهومشى فيها
والنفرون يسمى الوحدة الوظيفية للإخراج فى الكلية

بالنسبة للجزئيةالثانية

الله ينور عليك يادكتور الإجابة صحيحة وأحسن من النموذج كمان
ربنا يبارك فيك
ونلاقى غنيم آخر فى المنصورة

Mr.Hassan Metwally

[TITOOOOOOHATRK]

لو سمحت يا مستر انا فى حاجة عملتها غلط بس مش عارف ممكن يديلى فيها نص درجة ولا لأ سؤال العلل بتاع الكبد عملته علشان بيتحطم فيه كرات الدم الحمراء وبيتكون الحديد اللى بيكون هيموجلوبين

[babagamil]

طيب انا عرفت الانتحاء هو استجابة النبات النامى لمؤثر خارجى ودى اجابه الصح لانه قال عرف الانتحاء بصفه عامه

[نقاء القلوب]

طيب يا مستر انا برضوا مكنتش هكتب بيانات بس سبحان الله دماغى خلتنى اكتب الماء والزئبق كده هاخد الدره وكمان بالنسبه للفسفره التاكسديه مش المفترض انها من اول ما تتحرك الالكترونات على السيتوكرومات

معلش يا مستر انى كررت المشاركه بس انا بجد مضايقه جدا من النموذج ده

[mariomalovely]

والله حرام هو قال اللى يتتم فيه عملية الاخصاب مهو رقم 2 مش تلت اول خاااااااااالص ازااااااااااااى بقى حسبى الله ونعم الوكيل ف اللى حاطط السؤال

[مستر حسن متولى]

التنوية Renucleation

http://en.wikipedia.org/wiki/Renucleation

Renucleation

Renucleation technology is a type of technology which enable scientists to transfer a fertilized nucleus of an ovum ( with diploid number 2n) into unfertilized one after destroying its nucleus using radiation
When the fertilized ovum is transplanted to mother's ovary it develop to normal individual which gained its characters from the parents source of the 2n nucleus

معنى ذلك أن

زراعة الأنوية تبدأ بنواة (2 ن) أى ناتجة من الإخصاب ثم تزرع فى بويضة غير مخصبة نزعت نواتها أو تم تحطيمها بالإشعاع (لاحظ أن هذه البويضة) لاتتدخل فى المادة الوراثية ولكنها تعمل كمحفز للنواة على الإنقسام فمضت كل بويضة فى النمو العادى إلى أفراد ينتمون فى صفاتهم للأنوية المزروعة وهذا مإ إستند إليه نموذج الإجابة

ولكن ماسبب هذا الجدل الذى أثير حول هذه النقطة ؟

السبب هو أن زراعة الأجنة تعتبر تكاثر لاتزاوجى وطريقة زراعة الأنوية هى تطور لزراعة الأجنة

وبالفعل هذه وجهة نظر لها وجاهتها ولقد طلب بعض المعلمين إعتبارالتنوية إجابة صحيحة للسؤال ولكن لم تعتمد هذه الإجابة

Mr.Hassan Metwally

[مستر حسن متولى]

بالنسبة للجزئية الأولى
ماء وزئبق إجابة صحيحة هتاخدى عليها الدرجة الكاملة (درجة واحدة)

بالنسبة للجزئية الثانية
الإجابة غير كاملة إرجعى ياإبنتى لكتاب الوزارة
سوف تجدى تعريف الفسفرة التأكسدية كما ورد فى نموذج الإجابة بالضبط
وهذا هو التعريف العلمى الصحيح الكامل
لكى كل العذر فأنا أعرف كيف تقوم بعض الكتب الخارجية بتقسيم التعريفات الطويلة لأجزاء متعددة لتسهيله وينجرف وراءها بعض السادة المعلمين
وهذه هى النتيجة ضياع درجة كاملة مضمونة
100%
ربنا يكرمك ويسامح اللى كانوا السبب

Mr.Hassan Metwally