|
#46
26-08-2011, 12:31 PM
|
||||
|
||||
القصة جميلة وانا متابعة مع حضرتك اسفة جدا على تغيبى عن المتابعة الفترة اللى فاتت بس كان عندى ظروف والف سلامة على حضرتك اتمنى تكون بخير دلوقتى ــــــــــــــ بس مينفعش حضرتك تقف خالص بين الشوطين .. كله الا كدة انا بتحمس اوى لماتشات الكورة وحضرتك بجد اسلوبك فى السرد رائع حسيت انى بشوف الماتش ــــــــــــــــــــــ بس ليا بعض التعليقات: انا لا اعرف ما الهدف الذى يتطلع عليه الاصدقاء الثلاثة ولا هو مجرد يوميات واحداث تلقائية وان كان كدة هم لى دلوقتى بيشاكلو فى الصعيدى طالما هو بتاع اذى وحاجة كمان متغيبش علينا فى تفسير حكاية جابر عشان مثيرة جدا .. وصحيح حضرتك مش قلتلنا السباعى شاف اى فى ورقة البردى منتظرة باقى الاحداااث ويا ريت بقى حضرتك مترجعش تزعل تانى من الاعضاء دة رغم انى شايفة ان حضرتك معاك حق فى اللى قلته .. لكن اين روح التحدى ايها الكاتب؟؟  وزى ما حضرتك قلت انك تثق فيما تكتب يبقى دة يكفى لانها فعلا جميلة وبدون مجاملة ياللا بقى عاوزة اشوف الشوط التاااااااااااااااااانى  لو اخرت يا باشمهندس اسماعيل هحتسب دة كارت اصفر وبعد كدة احمر بعد كدة وقف زى الصعيدىـــــــــــــ اقتباس:
ـــــــــ 
|
|
#47
26-08-2011, 05:41 PM
|
|||
|
|||
|
اقتباس:
شكرا ليكى كيتر يا سمسمه و بخصوص التشويق انا كان كل همى انى اقفل كل حلقه بتشويق للقارئ ومكنتش اقصد ان الاحداث تتوه من بعضها وهاخللى بالى منها ان شاء الله فى المره القادمه وحبيت اكتب بنمط معين تتعود عليه عين القارئ علشان لو كله اسود هتلاقيه غصب عنه بيفوت سطور وبعدين يتوه وممكن ما يفهمش حاجه لو السطر مؤثر والنظام اه امريكى او اجنبى لانى لا اجد فى تراث بلدى او رويات كبار ادبائه من لا يكتب بهذا النظام الذى يجعل القارئ كاتب يفكر مثل ما يفكر من يكتب وان شاء الله يارب انى لا اقلد احد لا روايه ولا فيلم ولا اى حاجه وتبقى جديده جدا مش بس الفكره بس برضه فى السرد والقصه كلها وشكرا ليكى تانى نورتينى
|
بس الخط ممتاز عشان العين متملش والالوان فيه !!!!!!!والحجم والفكره جديده مديه علي نظام امريكي شويه
ربنا معاك للامام للامام عيزينك تكتب بطريقه تكتوكيه 
|
#48
26-08-2011, 05:52 PM
|
|||
|
|||
|
اقتباس:
|
|
#49
26-08-2011, 05:57 PM
|
|||
|
|||
|
10ــ الشوط الثانى استكمل الحكم المباراة وأعلن بداية الشوط الثاني ، ومع بداية الشوط الثانى عزم فريق [ الاسطورة ] على الفوز بالثلاث نقاط ، وبدأ الشوط بالتمرير القصير من جانب [ الاسطورة ] كما اشار عليهم ( يسرى ) بين الشوطين وبلمسه سحريه مرر ( ابو صلاح ) بينيه الى ( ابو سمره ) جهه يسار الملعب جعلته فى مواجهه فرديه بينه وبين ( جابر ) وبمجهود فردى خالص استطاع ( ابو سمره ) ان يمر منه بسهوله وانفرد بالمرمى ولكن هذه المره تأنى واستطاع ببرود اعصاب ان يضعها تحت يدى حارس المرمى معلنا الهدف الاول [ للاسطورة ] ، وبعد هذا الهدف كان معظم لعب [ الاسطوره ] محصور فى نصف ملعبهم بسبب ضغط [ الافعى ] محاولا منهم للعوده بالمباراه الى نقطه الصفر ، واستطاع ( جابر ) ان يستخلص الكره من ( ابو صلاح ) بعد ان ضغط عليه ولم يحسن ( ابو صلاح ) اخراج الكره خارج الملعب رغم تحذيرات ( الرازى ) له ، وبعد ان استخلصها ( جابر ) اصبح هو و( شعبان ) والمرمى ثالثهما وبمهاره عاليه وبخروج خاطيء من ( شعبان ) اسقطها ( جابر ) من فوق راسه لتتهادى الى داخل المرمى معلنه عوده المباراه الى نقطه الصفر من جديد ، وهنا لام ( الرازى ) ( ابو صلاح ) على ما فعل فاندفع فيه ( ابو صلاح ) قائلا { لا تمل على ما افعله وما لا افعله .. اين كنت انت } وتوتر الموقف وقبل ان يرد عليه ( الرازى ) اشار لهم الحكم ان يستأنفوا المباراه ، فقال ( السباعى ) ( لابو صلاح ) { ان كنت لا تقو على اللعب اخرج .. نحن فريق واحد ونريد الفوز لنا } فلم يرد عليه ( ابو صلاح ) ، ومرت اول عشر دقائق بالتعادل الايجابى وكان الجمهور مستمتعا بتلك المباراه لانها فعلا تستحق ان تكون المباراه الافتتاحيه ، وبعد مضى دقيقتين انطلق ( حسن ) و ( حسين ) من جهه اليمين وبتمرير قصير بينهما مرا من ( ابو سمره ) و( الرازى ) ولم يبق لهما الا ( ابو صلاح ) فأساء التصرف بينهما فاصبحا هما و( شعبان ) والمرمى رابعهما وطبعا تصرفا بهدوء ووضعا الكره داخل المرمى واعلن الحكم عن تقدم [ الافعى ] بهدف على[ الاسطوره ] ، ونظر ( السباعى ) الى ( ابو صلاح ) فهم انه ما كان له ان يبقى فى الملعب بعد الهدف الاول ، وفى الحال خرج من الملعب واشرك ( يسرى ) بدلا منه الذى ما أن وطأت قدمه ارض الملعب حتى اندفع قائلا { الثلاث نقاط ..لنا .. الفوز ..لنا ..هيا بنا } فأسرت تلك الكلمات الحماسه داخل قلوب باقى الفريق واندفع ( ابو سمره ) يبين مهاراته الفرديه بان يمر من اى لاعب يقف حائلا بينه وبين المرمى واطلق ليمناه العنان ولكنها لم تجد الا قفازى حارس المرمى (باسم ) وبعدها قدم ( زكى ) ليطيح بها خارج منطقه الجزاء فانطلقت الكره تعرف طريقها الى ( السباعى ) الذى اطلق قذيفه من قذائفه اخذت معها قلوب وابصار المشجعين لترتطم بالعارضه وتقف عند قدمى ( الرازى ) الذى لم يكن صعبا ان يرسلها الى داخل الشباك ليتعادل الفريقين بعد مضى خمسه عشر دقيقه من عمر المباراه وبعد عناق جماعى من فريق [ الاسطوره ] انطلق ( يسرى ) يضغط على [ الافعى ] حتى استطاع ان يمتلك الكره ومر من ( حسن ) ليجد قدم ( حسين ) تعرقله داخل منطقه الجزاء ليشير الحكم باحتساب ضربه جزاء مستحقه لفريق [ الاسطوره ] ، وطلب ( ابو سمره ) من الجميع ان يتركوها له ، وتم له ما اراد ، واطاح بها كالعاده ولكنها ترتطم بيدى ( باسم ) ثم العارضه ثم الى قدمى ( يسرى ) فينطلق الى الامام مره اخرى مراوغا ــ وفى اثناء ذلك عاد ( الرازى ) الى الدفاع خلفا (ليسرى ) لتامين المرمى ــ ومرر عرضيه ارضيه ممتازه الى ( السباعى ) الذى تلقى هديه ووضعها بسهوله داخل الشباك معلنا عن تقدم [ الاسطوره ] من جديد ، ولم يتبق على نهايه المباراه الا دقيقتين اسثمرهما [ الاسطوره ] فى التمرير القصير من قدم الى اخرى الى ان اطلق الحكم صافرته محتسبا اول ثلاث نقاط فى الدورى المدرسى الى فريق [ الاسطوره ] ، واثناء خروج باقى اللاعبين من ارض الملعب تلقى ( شعبان ) حارس مرمى فريق [ الاسطوره ] لكمه قويه فى وجهه من ( الصعيدى ) وكاد ان يكمل الهجوم لولا تدخل الاستاذ ( ايمن ) الذى فرض عقوبه على ( الصعيدى ) فى الحال الى ثلاث مباريات اخرى بالاضافه للمباراه القادمه وبذلك سيقضى ( الصعيدى ) اول خمس مباريات من الدورى اى نصف الدور الاول لا يلعب ، وبعد ان دخل فريق [ الاسطوره ] الى الحمام لتغيير ملابسهم هنأهم ( السباعى ) وقال { لابد ان يكون اداؤنا اكثر مرونه وانت يا ( ابو صلاح ) لاتنفعل هكذا مره اخرى } فاشار لهم ( ابو صلاح ) بالاعتذار ، وقبل المغادره همس ( السباعى ) فى اذنى ( الرازى ) و( ابو سمره ) قائلا { الليله .. الساعه السابعه .. فى المكتبه العامه }.
|
|
#50
27-08-2011, 01:23 AM
|
||||
|
||||
|
مبرووووووووك الفوز ويستاهل الصعيدى يتوقف خالص
عبال فوز الاهلى على مولودية الجزائرى يا رب اقتباس:
ودة كان التعليق الوحيد ليا لكن بجد سرد جميل ومنتظرة باقى القصة اقتباس:
ــــــــــــــــــــــــــ ياللا عاوزين نعرف هيحصل اى الساعة سبعة
|
|
#51
27-08-2011, 01:34 AM
|
|||
|
|||
|
اشكرك بجد على هذا التصحيح
ولكن فى الشوط الاول كانت الكره برده مع ابو سمره وشاطها عاليه جدا و حرف لكن هنا بتتدى معنى انه المره دى مش زى اللى قبليها وانه اتصرف صح لو برده بعد توضيحى ده الحرف غلط هاشيله وبجد هوه دا اللى عايزه نقد بناء شكرا و ماتش الاهلى هايبقى صعب لانه هناك
|
|
#52
27-08-2011, 01:51 AM
|
||||
|
||||
|
اقتباس:
اقتباس:
اقتباس:
اقتباس:
انا مش مخوفنى غير ظلم الحكام بسبب الضغط الجماهيرى هناك كالعادة ربنا يوفق الاهلى ان شاء الله
|
|
#53
27-08-2011, 02:19 AM
|
|||
|
|||
|
خلاص
ان شاء الله المره اللى جايهلما يبقى فى الحلقه حاجه من القديم هانوه عن ذلك المرات القادمه وربنا يوفق الاهلى ـــ رغم انى مش اهلاوى ـــ ويوفقك ويوفقنى ويوفق الجميع لما يحبه ويرضاه فى هذه الليله المباركه
|
|
#54
27-08-2011, 09:15 PM
|
||||
|
||||
|
اقتباس:
اقتباس:
مش اهلاوى بس مصراوى ولا اى؟
|
|
#55
28-08-2011, 06:25 PM
|
||||
|
||||
|
انا للاسف مش ليا خاااالص فى الكورة ...
بس طريقة عرض حضرتك يا باش مهندس اسماعيل بسيطة جداا ومش متكلفة لدرجة انى لما بقف فى النص برجع تانى واحاول افهم ... وبتوصل الفكرة والحمد لله . بس فى جزئية هو الفريق فى 2 عندهم عيوب زى ابوصلاح وابو سمرة ... ازاى فريق يكون معروف عيوبهم انها بتضيع المباراة ويكمل بيهم عااادى جدااا... متشوقين جداا نعرف هيعملوا ايه فى المكتبة العااامة وانا اخمن انهم هيقرأوا كتب عن السلسلة الغريبة والرسومات العجيبة اللى كانت فى اوضة باسم ...
__________________
 
|
|
#56
28-08-2011, 10:52 PM
|
|||
|
|||
|
اقتباس:
|
|
#57
30-08-2011, 09:58 AM
|
|||
|
|||
|
11 ـــ فى المكتبه العامه وقبل المغادره همس ( السباعى ) فى اذنى ( الرازى ) و ( ابو سمره ) { الليله .. الساعه السابعه .. فى المكتبه العامه } دقت ساعه المكتبه الضخمه تشير عقاربها الى السابعه مساء ، وعلى باب المكتبه العامه وقف الثنائى ( الرازى ) و ( ابو سمره ) ينتظران قدوم ( السباعى ) ليحدثهما كما قال فى امر هام وبعد مرور عشر دقائق ولم يأت ( السباعى ) قال ( للرازى ) { لابد ان نجد حلا ( للسباعى ) انه لا يحترم المواعيد } ، فقال له ( الرازى ) { يبدو انه نسى ميعادنا .. } وقبل ان يكمل كلامه سمعا صوت من خلفهما يقول { لم اتاخر .. لقد قلت السابعه فى المكتبه العامه .. وليس امام بابها } ، وهنا تبادلا النظرات واشار لهما ( السباعى ) ليتبعوه داخل المكتبه ويشير لهما ان يجلسا فى قسم التاريخ والاثار الفرعونيه ، فنظر اليه ( ابو سمره ) بتعجب وقال { لم اكن اعرف انك تنوى دخول كليه الاثار .. } فرد عليه وقال { متسرع كعادتك .. اجلسا اولا وساشرح لكما كل شيء } ، وبدء فى ان يحكى لهما كل ما فعله وراه عندما اقتحم عش الدبابير وذهب لرؤيه ( جابر ) فى حجرته واخبرهما عن الكتاب الاسود ، واخرج لهما قطعه الورق التى وقعت من الكتاب الاسود ، فقال له ( الرازى ) { وماذا سنفعل الان ؟؟ } فرد عليه ( السباعى) { لقد حفظت شكل الكتاب ولحسن الحظ وجدت مثله فى المكتبه هنا ولكنى لست متاكدا انه هو ، انه يشبه كثيرا ولكنى تائه .. } فقال له ( ابو سمره ) { تائه .. كيف … لقد وجدت الكتاب .. } فبادله قائلا { نعم وجدته ولكنى لم افهم ما المكتوبفى تلك الورقه .. انه مكتوب باللغه الهيروغليفيه .. وبحثت عن كتب لمعرفه كيفيه الترجمه من والى العربيه والهيروغليفيه .. ولكن هناك مشكله .. } فرد ( الرازى ) { وما هى .. لقد وجدت تقريبا كل شيء ومع ذلك تائه وهناك مشكله } فقال ( السباعى ) { اللغه الهيروغليفيه كما فهمت من كتاب الترجمه يمكن ان تقرا من اليسار او من اليمين او من فوق او من تحت والورقه بها العديد من الجمل ولا ادرى .. من اين ابدا .. اريد مساعدتكما لنعرف ما علاقه ( جابر ) بهذا الكتاب وتلك الورقه .. ماذا قلتما } وبعد تبادل للنظرات بين ( ابو سمره ) و( الرازى ) قالا فى نفس واحد { نحن معك } ، فارتسمت ابتسامه على وجه ( السباعى ) وقال { يا ( رازى ) لابد ان تستغل وجودك فى الغرفه مع ( الصعيدى ) لتعرف اى معلومه ممكنه ، اريدك ان تكون لطيفا للغايه معه ، اترك حربك معه الان ، وانت يا ( ابو سمره ) اريدك الا تتسرع وتتفرغ لترجمه قطعه البردى .. اتفقنا } ، فاندهشا من كميه الطلبات والاوامر وقالا معا { وانت ؟؟} فقال { انا ساحاول ان اقرا ذلك الكتاب الاسود بمعرفه كتاب الترجمه لافهم الى اى شيء يهدف ( جابر ) ، وماذا يريد ولكن اولا اتاكد انه هو نفس الكتاب } ، فقال له ( الرازى ) { اذا ماذا سوف تفعل هل ....؟؟ } فقال له ( السباعى ) بعد ان فهم ماذا ينوى ان يقول { نعم بالضبط ، ساقتحم عش الدبابير مره اخرى } ، فحذره ( ابو سمره ) { لابد ان تحترس تلك المره .... } ولم ينه كلامه حتى وجدوا ( حسن ) يمر وهو يجرى وورائه اخاه ( حسين ) ، فسأل ( السباعى ) ( حسين ) قائلا { لماذا اخوك يجرى هكذا ، اتعلم لو جرى هكذا فى المباراه لكنتم تعادلتم معنا .. } وسمعوا ضحكه مكتومه أتت من ( الرازى ) تعليقا على ما قال ( السباعى ) ، لم يهتم به ( حسين ) وقال ( للسباعى ) { ( باسم ) فى المستشفى .. ونحن ذاهبان لرؤيته الان } فقال له ( السباعى ) بتعجب { المستشفى … لماذا ؟!! } فرد عليه ( حسين ) فى عجاله من امره { لا ادرى قال لنا احد الاصدقاء انه ذهب للمستشفى فى حاله خطيره مصابا بكدمات وكسور ونحن ذاهبان للطمئنان عليه } ومضى ( حسين ) فقال لهما ( السباعى ) { لقد علم بما حدث .. } فقال له ( الرازى ) متلهفا { من … ؟ } .
|
بدأ التشويق مع وضوح الفكره وترابطها|
#59
31-08-2011, 12:11 PM
|
||||
|
||||
|
زى ما توقعت والحمد لله ... الرسومات اللى فى كتب جابر ..
منتظرين يا باش مهندس اسماعيل بقية التشويق .... القصة كل يوم اروع من اليوم السابق ...." ما شاء الله " كا عام وحضراتكم جميعا بخير ..
__________________
|
|
#60
02-09-2011, 01:28 PM
|
|||
|
|||
|
اقتباس:
طب كويس والله انك بتحبيهم لذلك لو فى اى معلومه غلط ذكرتها عنهم او هاذكرها وهى غلط ياريت تنبهينى على طول وشكرا ليكى كتير يا سمسمه
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:15 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
