دعوة لإسقاط دفتر التحضير ( دفتر تحضير المدرس )

[nabhab2]

يا ريييييييييييييييييييييت

[nile2004]

أنا بدأت من السنة الى فاتت و تحديت الكل
و عملت حاجة جديدة أنا مدرستى أخدت الجودة أستغليت دى و خليت كل ما حد من الناس الى دماغهم محجرة يقولى دفتر التحضير أقولة الجودة أوصت بتطويرة و أنا نفذت و لو سمحت أكتبلى أنك رافض الطريقة دى فى التحضير و أمضى و ترخ و ساعتها كلهم من أول الموجة و المدير حتى مدير عام الادارة يرفض الامضاء و يقول ربنا يوفقك يبنى

كل الفكرة أنى بقيت أحضر فى البيت على الكومبيوتر و عامل أستامبة جاهزة و بغير فيها من درس للأخر و بطبع كل درس فى ورقة مستقلة و طبعا كلة من teacher guide علشان حدبيقولى أنت بتألف وقمت بتحضير بعض الدروس بور بويت و عرضتها فى الفصل على اللاب بتاعى و لما الموجهه شافت دة كانت بتقولى أنت أحسن مدرس فى الادارة " كلة قرع و كلام فاضى "

التعليم لن يتطور إلا بأن بحكمة وزير من المعلمين يعرف ما يدور فى المدارس و ما هو الافيد للطلاب و ما يضيع الةقت و لكن هذة مصر و لن تتغير ...............

[Mohamed Ibrahim Shady]

بالله عليكم فيه شيء ينجح من غير إعداد مسبق (تحضير) وما شكل المدرس لما يوصل بيه الحال إنه بسأل الطلاب ح ناخد إيه النهاردة وأخدنا إيه امبارح ، التحضير علشان بنعمله بشكل روتينى وبطريقة خاطئة تدعون لإلغاء دفتر التحضير ، مع احترامى ده مش صح وكان نفسى أرى من صانعى الأجيال دعوة لتطوير وتحسن وتعديل دفتر التحضير فيه فرق بين التعليم وأى مجال آخر تحفظ طريقة عمله وتصبح روتينية، إذا تحول عمل المدرس لشيء روتيني تكون كارثة ، أين التنوع والتجديد والابتكار وكيف يتسنى هذا من غير إعداد ، إذا وجهت دعوة لمدرس لتقديم درس أمام مجموعة من زملائه ياترى مش ح يحضر نفسه؟ أعيدوا التفكير فى الأمر وغيروا العوة إلى تعديل وتطوير دفتر التحضير وكل عام وأنتم بخير. محمد شادى ، موجه اللغة الإنجليزية

[mr_s@ber]

المشاركة الأصلية كتبت بواسطة mohamed ibrahim shady

بالله عليكم فيه شيء ينجح من غير إعداد مسبق (تحضير) وما شكل المدرس لما يوصل بيه الحال إنه بسأل الطلاب ح ناخد إيه النهاردة وأخدنا إيه امبارح ، التحضير علشان بنعمله بشكل روتينى وبطريقة خاطئة تدعون لإلغاء دفتر التحضير ، مع احترامى ده مش صح وكان نفسى أرى من صانعى الأجيال دعوة لتطوير وتحسن وتعديل دفتر التحضير فيه فرق بين التعليم وأى مجال آخر تحفظ طريقة عمله وتصبح روتينية، إذا تحول عمل المدرس لشيء روتيني تكون كارثة ، أين التنوع والتجديد والابتكار وكيف يتسنى هذا من غير إعداد ، إذا وجهت دعوة لمدرس لتقديم درس أمام مجموعة من زملائه ياترى مش ح يحضر نفسه؟ أعيدوا التفكير فى الأمر وغيروا العوة إلى تعديل وتطوير دفتر التحضير وكل عام وأنتم بخير. محمد شادى ، موجه اللغة الإنجليزية

الأخ الفاضل :

نحن نريد ان بتم الغاء دفنر التحضير لا التحضير نفسه

فمن منا لا يقوم بالتحضير قبل دخول الحصة اعتقد من مجهة نظرى المتواضعة انه لن يكون معلما ناجحا


ثانيا بالنسبة لى كمدرس لغة انجليزية ليس لهذا المدعو "دفتر التحضير اى 60 لزمة" و ليس لها اهمية

[فوتوغرافيا الالم]

انا مؤيده لفكرة الغاء دفتر التحضير الى بالاسلوب العقيم الى بنستخدمه تحضير المعلم الحديث ممكن يكون بالوسائل الحديثة الى تفيد الطالب من ناحيه وتشجع المعلم انو يبتكر فى تقديم مادته العلمية من ناحية تانيه

[aboez2006]

أنا يا سادة معلم أول حالياً
أقوم بتدريس المادة منذ عام 1999
و طالما عانيت من كل المساوىء اتى ذُكرت
ولكن .....
اسأل نفسك بعض الاسئلة
هل قمت بتدريس منهج جديد لاول مرة؟
هل تستعين بكتاب المعلم؟
هل جربت أن تنفذ و لو مرة ماهو مكتوب بدفتر التحضير و الذى يتعين عليك أن يكون متجدداً و ليس متورثاً؟
سوف تعلم تماما اننا نحن المعلمون هم الذين يجعلون من دفتر التحضير كنزاً اثرائياً ام كشكولاً عقيماً و ذلك على قدر اهتمامنا بتحضير الوسيلة و الشرح المناسب لكل درس على حدا.
لابد من التحديث لا للتوريث
حدث من اسلوبك فى الشرح و التحضير !!
من ليس يسخو بما تسخو الحياة به
فإنه أحمق بالحرص ينتحرُ
إذا كان دفتر التحضير مجموعه من الخطط ، فإن أول المستفيدين من هذه الخطط هو المعلم
أنا وبكل تأكيد وراء الكلمات العظيمة التى كتبها الاستاذ / محمد حسن ضبغون مشرف عام التعليم بكفر الشيخ
أخيكم أحمد دياب
معلم أول e مدرسة اللغات بجهينة- سوهاج

اطلبوا العلم، فإن عجزتم فأحبوا أهله، فإن لم تحبوهم فلاتبغضوهم

[tasneem sa]

معاك والله فنحن نحضر تحضير روتينى ولا نلتفت الى دفتر التحضير لكن فليعد المدرس الدرس جيداً فى ذهنه ومن الممكن فى مذكرة خاصة به ان لزم الأمر ومن الممكن فى CD or Flash

[ابوعبدالله المصرى]

أوافقكم الرأى تماما كما أجده معوق رئيسى للمعلم داخل وخارج الفصل وهناك البديل له وهو دليل المعلم للمراحل التعليمية المختلفة ومثبت به تحضير لكل درس على حده فلم لايعتد به كبديل ولا هو كمالة كتب والسلام

[Mr.Zing0]

معلش يا جماعه علشان منخلطش المفاهيم
أنا مع التحضير للدرس و ضد دفتر التحضير

يعنى المعلم لازم يتمتع بقدر من المرونه و الحرية فى أستخدام الطريقة اللى هيحضر بيها الدرس زى مبعض الزملاء عملوا
ممكن على شكل عرض توضيحى ( باوربوينت) أو حتى ملازم زى اللى بنعملها للدروس
و محدش ينكر أن إى مدرس بيطلع أفضل ما عنده فى شغله الخارجى. يبقى أيه المانع لما يشتغل منه فى الفصل و يرضى ربنا فى شغله؟
المانع: أن المنهج = التجهيز للإمتحان = الملازم و الكتب الخارجيه
و هو ما يتعارض تماماً مع دفتر التحضير بشكله العقيم الحالى
و إذا كان هناك من إصرار للتحضير الورقى فى دفتر: لتكن المرونه فى التحضير و الطباعه الجاهزة من الكمبيوتر مش لازم تنقل الدرس كل عام ( علشان تحسن خطك يعنى)!!!!!!

[aid904]

كنت بس عايز أقولكم أن عندي كشكولين تحضير واحد عقيم منقول من teachers' guide والتاني هو اللي فعلا بأشتغل منه وهو تصوري الخاص بسير الحصه وبعض الاسئله والامثله التي أجدها هامه وأحاول أن أضع فيها كلمات أستدلاليه وحتي مواقف ظريفه تساعدني كثيرا على الابقاء على الحصه بعيدة عن الملل والرتابه ولا أجد لها موقعا في كشكول التحضير التقليدي.

[MIDO ASWAN]

اية ياخوانا احنا بعد ثورة 25 يناير عاوزين نسقط كل شئ . قلنا عاوزين نسقط النظام وسقط النظام قلنا عاوزين نسقط الرئيس سقط الرئيس العملية مش كدة . اسقاط اسقاط لغاية ما تسقط الدولة لا قدر الله .
دفتر التحضير مهم جدا للمعلم مع احترامى للجميع على الاقل انت بتراجع افكارك وبتعرف اية النقاط اللى هتذكرعليها فى الدرس وبعدين العملية مش متعبة قوى كدة الدرس بيتحضر فى دقائق عبارة عن افكار واهداف ونقاط اساسية . انا بقول الكلام دة علشان فى اخوة من المدرسين ممكن يدخلوا الحصة وهما مش عارفين اية اهم النقاط اللى هيركزو ا عليها وهتلاقيهم تايهين فى الحصة ودة مش كويس
طيب سؤال احنا لو اسقطنا دفتر التحضير مش برضة ضرورى هنشوف اية هنقول بكرة فى الدرس على الاقل شفهى . طيب اية المنانع اننا نكتب النقاط دى فى ورقة او ورقتين علشان الموجة بدل ماييفضل طول الحصة علشان يعرف من التحضير انت هتقول اية
على فكرة انا مش موجة انا معلم اول أ لغة انجليزية وخبرتى 26 سنة دفعة 86

[lifestar]

دفتر التحضير ماهو الا اسلوب بيروقراطي معقد يتمسك به كل المديرين و الموجهين ممن عقولهم تجمدت ونحن في طريقنا الى ما صاروا اليه

[batman_star]

انا معاكم على للقضاء على هذا الروتين

[Mr.Ramadan Seddik]

فعلا كلام ناس متحضرين . هذا الدفتر ليس له فائدة . هو مجرد اثبات ان سيادتك موجود وتم شرح الدرس. فين الكتاب المدرسى. فين اللاب توب. فين المعمل ؟

[حسن الهلال]

]دفتر التحضير شئ اساسي مع المعلم ولكن لي اقتراح ان تعمل الوزارة كتاب تحضير نموذجي معد عن طريق الخبراء موحد لكل مدرسي المادة وتترك خانة الفصل والتاريخ يكتبها المعلم سنويا ثم يستخدمه العام القادم فنوفر وننجز
أ/ أشرف رمضان -مدرسة بني مزار الثانوية للبنات