الى كل من التحق بكلية العلاج الطبيعي جامعة القاهرة

[dr.loai]

تابعونا على صفحة معلومات الفرقة الأولى على الفيس بوك

عفوا ممنوع وضع روابط فيس بوك


مقدمة من اسرة الحياة حلوة
الاسرة المثالية بكلية العلاج اطبيعى

[dr\ola]

السلام عليكم
انا بردو معاكم داخله سنه اولى علاج طبيعى
بس بجد فعلا كلام الناس الى حولينا ده بيحبطنى جدا
المهم معلش عايزه اسال شويه اساله
هوه ينفع حد غيرى يروح التقديم ده ولا لازم انا المسافه بعيده
وكمان هوه المعاد امته بالظبط
وبالنسبه للمدينه اقدم فيها ازاى
بجد مش عارفه ومحتاره كمان بس انا راى ان العلاج الطبيعى افضل من الصيدله
وكمان شكراااااااااااااااااااااااااااا جدا على المعلومات دى

[ork3d]

و انا ايه من المنوفيه يا toto

[dr.loai]

https://www.facebook.com/groups/240961975925072/

[سمسم ك.م]

انا فعلا رحت وقدمت بس لسة مش حد قلنا عن الكورسات او الادوات
ياريت يا دكتور لؤى تقولنامطلوب مننا اية بالظبط

وكمان معلومات اكتر عن المقابلة علشان هى يوم الاتنين

اسفة على التطويل

[dr.loai]

المشاركة الأصلية كتبت بواسطة سمسم ك.م

انا فعلا رحت وقدمت بس لسة مش حد قلنا عن الكورسات او الادوات
ياريت يا دكتور لؤى تقولنامطلوب مننا اية بالظبط

وكمان معلومات اكتر عن المقابلة علشان هى يوم الاتنين

اسفة على التطويل

بصى يا ست الكل بالنسبة للكورسات فان شاء الله فيه كورس medical english فى شهر 10 ان شاء الله للى يحب ياخده اما الاداوت فكل اللى مطلوب منكم بالطو و لبس العلمى ( تى شيرت و بنطلون و شورت ابيض ) و متخافوش البنات لوحدهم و الصبيان لوحدهم

أما المقابلة فمتخافيش منها خالص و اعتبريها دردشة بسيطة مع الدكتور او الدكتورة و كله بينجخ فيها بشرط ميكنش فيه اى اعاقة

[سمسم ك.م]

المشاركة الأصلية كتبت بواسطة dr.loai

بصى يا ست الكل بالنسبة للكورسات فان شاء الله فيه كورس medical english فى شهر 10 ان شاء الله للى يحب ياخده اما الاداوت فكل اللى مطلوب منكم بالطو و لبس العلمى ( تى شيرت و بنطلون و شورت ابيض ) و متخافوش البنات لوحدهم و الصبيان لوحدهم

أما المقابلة فمتخافيش منها خالص و اعتبريها دردشة بسيطة مع الدكتور او الدكتورة و كله بينجخ فيها بشرط ميكنش فيه اى اعاقة

اشكرك جدا يا دكتور

[rosze storm]

السلام عليكم ورحمه الله وبركاته
الف مبروك لكل الدكاتره اللى هيدخلو الكليه
وكنت بستاذنكم هسأل سؤال
انا طالبه فى الفرقه الرابعه تربيه رياضيه ونفسى بعد اما اخلص كليتى ادخل علاج طبيعى فكان سؤالى هو هل ممكن وله لازم معهد ولو ممكن فا ايه هى الشروط ؟
وشكرا ليكم
او ممكن تقولولى اسالى فين واعرف الزاى الشروط وشكرا ليكم

[dr.loai]

العفو يا دكتوره

[A.M.S.]

يا جماعة أنا مجموعي اقل من الحد الادنى للكلية بـنص :s
في ناس قالتلي ممكن اقدم التماس للكلية . . . هل ده صحيح ؟؟
لو آه . . . طيب إيه إجراءاته ؟؟؟
يا ريييت تردوا عليا بسرعة

[rana3994]

هم اللى بيدخلوا علاج طبيعى بيبقوا دكاترة

[Nada_Mohsen]

المشاركة الأصلية كتبت بواسطة rana3994

هم اللى بيدخلوا علاج طبيعى بيبقوا دكاترة

أيوا بننبقى دكاترة طبعا
و لينا نقابة خاصة بينا و كمان حاليا الحمد لله دخلنا مشروع علاج المهن الطبية تمهيدا لأننا نخش اتحاد المهن الطبية "ع ما الورق يخلص يعنى "

[Dr.Nihal]

انا داخلة اولى ان شاء الله
بس سمعت انها هتكون خمس سنين دراسة و سنه امتياز .. الكلام ده بقى هيطبق من السنه دى ولا ايه بالظبط ؟

[Rozal Nona]

انا جديدة معكو
انا ان شاء الله قررت ادخل علاج طبيبعى بس خاص فى كلية 6 اكتوبر
كنت عايزة اعرف اولا
الكلية هناك بتعلم حلو؟
العلاج الطبيبعى فى العموم ايه هى الوظايف ال ممكن اخرج استغلها على طول
وهى بتجيب فلوس على طول ولا نظامها اية
وشكرا كتييير

[رامى قشوع]

والله بالنسبه لجامعه 6 اكتوبر انا اعرف ان هى و فاروس ف اسكندريه من احسن الجامعات الخاصه عموما وفى العلاج الطبيعى خصوصا

خريج العلاج الطبيعى بيشتغل فى اكتر من مكان
اولا فى المستشفيات و العيادات . زى الطبيب البشرى بتشتغلى ف المستشفيات العامه و الخاصه وليك حق انك تفتح عيادتين حد اقصى ..
2- تشتغل فى الانديه . عشان كل نادى بيحتاج اخصائى علاج طبيعى للطب الرياضى و للمتابعه مع الرياضيين

اما بالنسبه للفلوس فدى ارزاق محدش بيقدر يتكلم ف دى بس زيك زى اى طبيب بشرى بتحتاجى دراسات وماجيستير بعد التخرج وكلما تدرجتى ف الدرجه العلميه الفلوس بتزيد خصوصا ف السفر