الكلام كلامهم - الصفحة 4

اسلام رشوان · #46 20-08-2006, 01:53 PM

عاوزك تقولي اكتر قصيدة بتحبها و اكتر واحدة بتكرهها

مرة انت اللي كاتبها و مرة حد تاني اللي كاتبها

#47 20-08-2006, 01:57 PM

اكتر قصيدة بحبها وانا كاتبها فيه رثاء قلبي دي ليا

اما تلاتة بعشق اني اقرأ لهم اكرم المسيري واحلام ( نغم البحر ) ومحمد القباني (msamido)

دول شعراء المنتدى

اكتر قصيدة بكرهها والله مكرهتش الا قصيدة الشعر الحر النسور لابو سنة اللي اخدناها في تالتة لانها كانت كئيبة

اسلام رشوان · #48 20-08-2006, 01:59 PM

يا محمد لسه فاضل اكتر قصيدة بتكرهها و انت اللي كاتبها

#49 20-08-2006, 01:59 PM

قصيدة كتبتها وكرهتها هيه قصيدة اهداء لقلب قد حرمني من الحب

اسلام رشوان · #50 20-08-2006, 02:01 PM

دلوقتي عاوزك بصراحة تقولي عضو من المنتدي

لو جت لك الفرصة تقتله كنت قتلته

و عضو نفسك تشوفه

و عضو ندمت انك شوفته

#51 20-08-2006, 02:15 PM

انا والله عضو نفسي اقتله هو اخوك باتمان 2 :D

عضو نفسي اشوفه كتير بس هما هقولك احمد منصف ومصطفى غريب وزيزو وبورسعيدي وجمعه ( طبعا اساتذتي التلاته دول ) وفيه برضو مين مش عاوز انسى يا ربي مساميدو حبيب قلبي بلا شك

عضو ندمت اني شوفته هو اخوك برضو :D :P

وانا قابلت بس ابو النور حبيبي في اليكس ولا ندمان ولا حاجا وقريب نقابل ناس كتير ان شاء الله واولهم الدرش ابو غريب

اسلام رشوان · #52 20-08-2006, 02:17 PM

اوك يا ميدو

انا حسألك في السياسة اوك ؟

لو قالولك اختار رئيس للجمهورية و امين لجامعة الدول العربية حتختار مين ؟

#53 20-08-2006, 02:20 PM

لو قالوا ليا رئيس للجمهورية بلا شك كنت هختار كمال الجنزوري لان الراجل دا عمل كتير للبلد بس جزائه كان وحش قوي

لو قالوا ليا للجامعة العربية هقول محدش ينفع نهائي ابدا لان العرب اصلا بيكرهوا بعض ولا هيكون لينا امة عربية ولا جامعة اصلا الا لما يكون كلنا تحت قيادة واحدة يعني نتوحد زي الخلافة الاسلامية

والريس بتاعنا دا بأى منفعش اتكلم واعيد وازيد فيه لانه بجد فوق الوصف :D :D

اسلام رشوان · #54 20-08-2006, 02:21 PM

هههههههههههههههههه

انا عاوزك تقولي ازي بلدنا حيبقي فيها حرية وديمقراطية و حاجات من الحلوة دي ؟؟؟

#55 20-08-2006, 02:25 PM

هقولك يا اسلام الحرية هتيجي والديمقراطية هتيجي امتى بأى لم كل واحد قاعد زي الحجرة او الطوبة ينطق احنا شعب جبان بجد بنخاف نتلكم ونطالب باقل حقوقنا وهيتم دا بانقلاب عارم او انه هيحصل ان مصر هتحتل من بره زي 73 وهنعمل حرب جامدة بجد وهنرجع اقوياء وهنطالب بحقوقنا وربنا يرحم عبد الناصر لانه بهدلنا بجد انا مش هدعي عليه بس بوظوا البلد لانهم ادوا الجيش كل حاجا السلطة محدش يقدر يبعمل انقلاب الا الجيش يعني الشعب ملوش لازمة من الاخر

وانا قلت صرخة ضمير في صرخة شعب في ثورة عارمة هيرجع لينا كل حقوقنا وربنا يرحمنا من الراجل اللي حالف بالله ما هو ميت دا كابس على نفسنا 26 سنة يا ساتر يا رب

اسلام رشوان · #56 20-08-2006, 02:27 PM

شكلنا حنروح امن الدولة بعد ما نخلص :D

المهم

طبعا انت زملكاوي حتي النخاع :P

عاوز رايك في مرتضي منصور و اللي حصل له من ممدوح عباس

و هل ممكن يوم تبقي اهلاوي ؟؟؟ :D :D

#57 20-08-2006, 02:29 PM

انا الحمد لله زملكاوي

مرتضى منصور منفعش اشتم فيه من هنا لاخر الموضوع لان الموضوع مش هيكمل

ممدوح عباس ولا اعرف هيعمل ايه يمكن يصلح ممكن يخربها اكتر واكتر بس لانه صحفي وراجل ناقد يمكن يصلح الزمالك بالذات انه ناوي يجيب التابعي وشيكابالا تاني للزمالك

اما اني اكون اهلاوي فدي من سابع المستحيلات ولا عمرها هتحصل انا اهون عليا اموت ولا اكون اهلاوي

اسلام رشوان · #58 20-08-2006, 02:31 PM

طيب

ممدوح عباس شطب مرتضي من عضوية نادي الزمالك

ايه تعليقك ؟؟؟ بما انك بتقول انك زملكاوي

ينفع يتشطب رئيس النادي السابق حتي لو عمل ايه ؟؟

#59 20-08-2006, 02:32 PM

اول حاجا صح يعملها ممدوح عباس وربنا وانا لو عليا مرتضى منصور يتعلق في ميدان عام وسوري يعني ينضرب بالشوز

اسلام رشوان · #60 20-08-2006, 02:33 PM

بص بقي

سيبك من الرياضة

تعرف كلوديا شيفرز ؟؟