صوت هل منهج علوم الصف الرابع مناسب للمستوى العمرى للتلاميذ

[الاستاذ مدحت]

جزاكم الله خيرا يا استا ذ يوسف

[الأستاذه أمل]

بما انى بدرسة فبجد بقول حسبى الله ونعم الوكيل لا منهج ولا وقت احنا بجد تعبنا ومحدش بيسمع كان المفروض يسألونا ما دام احنا اللى حندرسه بس نقول ايه هما كان سألونا فى غيروا علشان يسألونا رأينا فى هوه
القصد منهم لله ربنا ينتقم منهم وقال يقولك ديموقراطيه

[eman1212]

هو المنهج يعتبر صعب شوية بس انا شايفة انه شيق
المشكلة الوحيدة انه عاوز وقت اطول يعنى اللى المفروض انه يخلص ف تيرم المفروض يتشرح غلى مدار السنة كلها
و بكده بعتبر منهج العلوم للصف الرابع هو اصعب منهج علوم بالمرحلة الابتدائية و نقلة كبيرة اوى للأولاد
و ياسلام بقى على شرحة باللغات كمان ؟؟؟؟؟؟؟؟
انا بضطر افهم المعلومة الاول بالعربى و بعد كدة احول المفاهيم دى للانجلش
ربنا يكون ف عون اولادنا

[عبدالوارث]

هو مش بس لا يتناسب هو حسبي الله ونعم الوكيل في اللي حطه واللي حط منهج الدراسات للصف الرابع
منهج العلوم يا جماعه باختصار هو مضمون منهج 5 و6 للاعوام اللي قبل التحديث
والدراسات فهو منهج الصفالاول الاعدادي القديم
اما عن الرياضيات فهو من منهج 5 و6 تخيلواالمنظراني عندي ابني بالصفالرابع وبنتي بالصف السادس بياخدوا درس في الهندسة درس واحد

[كوثر رضا]

حقيقى كنا نتمنى بتغيير النظام يتغير كل اللى فات يعنى نتخلص من كل المساوىءولا يستمر الظلم سواء لنا او للاولاد
منهج العلوم للصف الرابع لايراعى جميع المستويات
غير انه اكثر من اللازم
ولا اقول سوى اللهم ارحمنا برحمتك ياارحم الراحمين

[كوثر رضا]

لااله الا الله ...رغم كل التغييرات فى الكثير الا ان وزارة التربية والتعليم تحافظ على القديم
ومنهج العلوم للصف الرابع فوق المستوى او ممكن نقول انه للجيد والممتاز
المفروض ان اى منهج يخاطب جميع المستويات
اتمنى ان ينظر له

[sayed81]

منهج الحساب والعلوم غير مناسب بالمرة

[نادية الماظ]

المنهج مناسب الي حد ما ما يعوقه ان تلاميذ الصف الرابع معظمهم لا يعرفون القراءه والكتابه وهذا ما نعانيه جميعا في تلاميذنا
ولكن بعد الشرح اجد انهم يفهمون ويتجاوبون شفعا وطبعا طريقه التقويم الجديد تعتمد علي الشفوي قال بكده هيحلوا نسبه الاميه
لك الله يا مصر

[عاشق الأقمار]

أنتم تتكلمون عن مقرر العلوم بالصف الرابع مدارس حكومية أي المنهج الذي يدرسه الطالب باللغة العربية، فما بالكم دام فضلكم لو تكلمنا عن نفس المنهج باللغة الإنجليزية للمدارس التجريبية وبرضو الطالب لم يدرس حرف واحد قبل كده عن حاجة اسمها علوم وفجأة لقى قدامه بلاوى.
فاكرين فوازير عمو فؤاد؟؟ وطلعت جبال الهيمالايا وكنت راح اقع من فووووووووووووووووووووووووووق
نفسي أقول للشخصية الجهنمية اللي حط المقرر ده يا عم فووووووووووووووووووووووووووق
وحسبي الله ونعم الوكيل في اللي بيخططوا واللي بيعتمدوا المقررات الدراسية في بلدنا

[ناجي عبد العزيز]

الحمدلله إني وجدت معلمين علوم يشكون من منهج العلوم فقد كدت أشك في نفسي لم أنتهي من الدرس الثاني

[محمد جنتى انا]

هو سهل بس لونقدر نطبقه عملى... ودا اللى صعب بئا نظرا للكثافة وحدود الامكانيات

[وفاء عويس]

فعلا المنهج بالنسبه للفئه العمريه 9 سنوات اوحتى 10 سنوات غير مناسب انا ابنى فى الصف الرابع تجريبى لغات مخه مش قابل المنهج نهائيا عماله اشرحله واعيد وازيد ومش راضى يثبت الله المستعان