استطلاع راى هل أنت مؤيد أم معارض لثورة المعلمين الثانية

[teacher120]

نعم زى ما اساتذه الجامعات كبار المثقفين حجبوا النتيجه واستجاب الريس لهم احنا هنعمل ان شاء الله وقفه سلميه للمناداه بمطالبنا المشروعه

[بن الخطاب]

انا معاكم والله ياعم شريف انا برد على الناس المعترضه على المليونية وبتقول نديهم فرصه

[وفاء محمود]

نعم للتظاهر الراقى السلمى الذى يؤكد على حقوقنا .....ويجب ان يكون نفسنا طويل ...موش نتظاهر يومين ونروح ونخلى الحلوانى يقعد يضحك علينا هو والاخوان لانهم للاسف بيقهموا غلط وهيفتكروا ان المظاهرات دى من المعارضين للرئيس مرسى ..ومعلمى الاخوان هيحاولو يفشلو مظاهراتنا زى ما فشلو اضراب العام الماضى.. ادعوهم ان يضعو مصلحة المعلم المطحون فوق مصلحة الحزب والجماعة ...اقسم بالله انا بأحب الرئيس مرسى اكتر من ناس كتير فى الاخوان لكن حرام لما الغفير يزيد مرتبه من 400 جنيه ايام مبارك الى 1400 الان واحنا عندنا معلمين ب105 فى الشهر ....ارجوكم اخوانى انها مصلحة مصر كلها ان ينال المعلم حقوقه الكاملة ....ثوروا بجد مرة واحدة يرحمكم الله.

[الشافعى الشافعى محمد]

الحكومة إن شاء الله سوف تنصرنا هذه المرة قريبا جدا

[fathyaboalfadl]

المشاركة الأصلية كتبت بواسطة وليد غربية

أحبائى أعضاء منتدى معلمى التربيه والتعليم هذا الموضع خاص باستطلاع الراى هل انت مؤيد أم معارض لثورة المعلمين الثانيه الموافق يوم 10 سبتمبر نرجو احترام راى الاخرين بدون تجريح فى احد نرجو احترام الراى والراى الاخر والهدف من هذا الموضع هو معرفه الكم الموافق والرافض لثورة المعلمين الثانيه ونتمنى ان نكون يداً واحدة فى نهايه هذه المشاركات .

مؤيد ولكنى متأكد

انها لن تنجح

بسبب


1 - بعد الكثير من المحافظات عن مركز الاعتصامات

2 - اما عن المحافظات القريبة فلن يخرج الكثير من المعلمين و السبب طبعا الدروس الخصوصية فالمرتب لن يهمهم

[عاشقة الموج]

المشاركة الأصلية كتبت بواسطة fathyaboalfadl

مؤيد ولكنى متأكد

انها لن تنجح

بسبب


1 - بعد الكثير من المحافظات عن مركز الاعتصامات

2 - اما عن المحافظات القريبة فلن يخرج الكثير من المعلمين و السبب طبعا الدروس الخصوصية فالمرتب لن يهمهم

ممكن تنجح إذا أقنعت زملائك بإنهم يأخذون و يطالبون بحقهم و حق أولادهم
و تكون وقفتكم أمام المديرية التابعة لكم بالمحافظة ....
كل من لم يستطع الحضور للقاهرة عليه التوجه بزملائه
للإدارة أو المديرية
و لتكونوا أنتم ورقة ضغط من مكانكم بمشاركتم الإيجابية
و بهذا تكونوا نصرتم زملائكم بالقاهرة
و القادمين من المحافظات الأخرى
المهم تكون إيجابىاً
وربنا الموفق موعدنا 10 - 9 ...
ما ضاع حق وراءه مطالب

[donia0]

انا اؤيد لاي مطالبة بالحقوق
بس هل لو زادت مرتبات المعلمين هيبطلوا يدوا دروس
مع العلم ان اغلب المدرسين بعد الكادر اخر مرة زودوا همه كمان فلوس الدروس
يعني الناس دي عيزة اه مش مكفيهم الالفات من الدروس
لكن طبعا يوجد مدرسين كتيييييييييير مظلومين
الحل الوحيد هو اغلاق جميع السناتر ودفع غرامة علي كل درس

[هشام الشوري]

لو مفيش هنصبر فين الحد الادني والاقصي ولو علي الكل هنصبر فئة عايشة وفئة محرومة

[نادر خطاب]

نعم مؤيد طبعا

[ابراهيم موسى]

نعم مؤيد ان شاء الله و لكن بعد ساعات العمل ( فى البداية فقط )

الفئة الوحيدة التى سحقت بعد الثورة فئة المعلم
بعد 8 سنوات من العمل شامل ما اقبضه 742 جنيه بالزفت اللى أسمه الكادر فهل هذا يعقل
حتى عند الترقية تحصل على 25% ....و يخصم منك 25% .....هههههههههههههههه

*********
مرتب بداية اقل عسكرى ضعف مرتب مدرس 15 سنة خدمة

كل الفئات تظاهرت و اضربت و أخذت كامل الامتيازات
دكاترة الجامعة\ الشرطة\ البريد\ عمال النقل\ مصانع الغزل\ و هناك هيئات أخرى زادت مراتباتها التى لم تكن تحتاج لزيادة اساسا منها : الكهرباء\ التليفونات\ و الصفوة مثل البترول و السكة الحديد و المترو
ده غير العدية التى توزع على كل هيئات الدولة ما عدا معلموا التربية و التعليم
نقول ايييييييييييه و لا اييييييييييه
رسالة بسيطة و كلها صدق و حسرة اعجبتنى الى الرئيس مرسى كتبها أحد المعلمين فى صفحته على الفيس بوك ( منقولة )
يا سيادة الرئيس محمد مرسى والله العظيم احنا الفئة الوحيدة اللى كنا عندنا ما يسمى "كادر المعلمين" وكان بيقولو بالبلدى صيت ولا غنى وكانت الناس بصالنا باحترام شوية الكلام دة كان قبل الثورة واحنا الفئة ايضا الوحيدة اللى ماعملناش مظاهرات بعد الثورة مباشرة وقلنا نستحمل شوية علشان حال البلد ولكن لقينا احنا الوحيدين اللى استحملنا ولقينا كل الناس عملو وقفات واضرابات واخذو حقوقهم كاملا رحنا قمنا وعملنا ثورتنا فى يوم 10/9/2011م الشهيرة بثورة المعلمين الاولى وما تبعها من اضرابات فى جميع مدراس مصر ولكن وجدنا من يتهم المعلمون الشرفاء بالخيانة والعمالة وتعطيل مسيرة التقدم ورفاهية الشعب المصرى وتدمير التعليم ووجدنا ايضا من يهيج اولياء الامور علينا فى المدارس ويخطب فى المساجد على حرمانية اضرابنا مع ان الاضراب حق مشروع طالما مطالبنا مشروعة على العموم وقفنا اضرابنا وانتظمنا فى الدراسة وطالبنا الحكومة بتطبيق " 200% " على المعلمون وبعد طول انتظار تم تطبيقها على التربية والتعليم وكانت المصيبة الكبرى انهم حسبو لنا ما يسمى بالكادر ضمن 200% وتم بذلك الغاء ما يسمى بكادر المعلمين واصبحنا متساوون مع جميع موظفى مصر يعنى ياريس ينفع معلم على الدرجة الثالثة يعيش ب " 725 " جنية شهريا وهو متعين منذ 8 سنوات ازاى يعيش بهذا المبلغ كيف يدفع ايجار للشقة وعلاج اسرته ويوكل عياله ازاى ياريس ارجو الرد من رئيس الجمهورية محمد مرسى
العدل العدل
و حسبنا الله و نعم الوكيل

[ناصر الفخرانى]

مع احترامى الكامل لزملائى المعلمين

إلا أننا لن نقم بثورة وإن كانت فعدد من يتظاهر فئة فليلة جداً يسهل عدها على الأصابع

من يقول أنى سأفعل كذا وكذا ... لا يفعل شيئاً

والوزارة لم تستجب لآى مطلب إلا إذا قمنا بمليونية فعلية

نحن ننادى بأن يكون لنا كادر مثل أساتذة الجامعات ، والأستاذة ينظرون إلينا نظرة ــ مدنية ــ ليس لنا قيمة

حرام والله ... مرتب الخقير النظامى المعين حديثاً ضعف مرتبى بعد مرور 15 سنة .

إن كنت ترضى بذلك ... فالزم البيت ولا تبكى على اللبن المسكوب.

[ابوسمرة88]

لوكانت نجحت الاولى يبقى الثانية تنجح

[وليد محمد فوزى]

سوف اتظاهر لكى اتساوى بمرتبات تلاميذى اللى خلصوا دبلوم واتعينوا ف الكهربا السنه اللى فاتت وانا بقالى 12 سنه محلك سر ومش هنضيع البلد بثورتنا احنا هنضيع لو سكتنا وحسبنا الله ونعم الوكيل

[محمود ابو يزيد]

لن اتظاهر لن لن لن اتظاهر ولكـــــــــــــــــــــــــــــــــــــــــــــــ ــــــــــــــــــــــــــــــــــــن اين كرامة المعلم التى نطالب بها

[khaled1968]

اللى حالته المادية مرتفعه يسيب الغلابة يطالبوا بحقهم لأنه مش حاسس بيهم لأن كل متطلبات الحياة متوفرة له ولأولاده ليه حيعمل وقفة للمطالبة بحقة فالرجاء اللى مرتاح ماديا لايهبط الهمم والبلد والبلد البلد الحمد لله فيها خير كتير وبعدين اقول لكم
إن الله ليقيم الأمة العادلة ولو كانت كافرة ولا يقيم الأمة الظالمة ولو كانت مسلمة
العدالة بين الناس فى كل شىء يعنى واحد غير متعلم فى الكهرباء أو البنك يأخذ مرتب عش أضعاف المعلم دا عدل ربنا هو المعلم مش عايش فى البلد وبيشترى نفس السلع التى يشتريه أصحاب الدخول المرتفعة ولا لا ول المعلم لما يروح يشترى سلعة من اى مكان يقول لهم أنا معلم علشان يعطيها له بربع ثمن
ياناس اتقوا الله ويامعلمين يااما العمل بكرامة او ملعون ابو العمل الذى تهدر فيه كرامتنا