للأهلاويه فقط والزملكويه لااااااااااااااااااااا

[فتاة الاسلام]

اية يا جماعة هو انا دخلت الاستاد ولا اية

هههههههه اكفل زملكاوى فى بيتك يا حرااااااااااام هما الزملكاوية مش لاقين بيوت اوك يالا يا اهلوية نكسب فيهم ثوان دول مها كانوا زملكاوية هههههههههه

[M.Neo]

يا طارق

انت زملكاوي اقتناع ولا بالوراثة

[M.Neo]

طارق السعيد زمان كان كويس
بس دلوقت مش عارف

واضح ان الاهلي بيفضي الونج الشمال للزمالك

بس اللي هيبقي كويس في الاهلي قريب محمد صديق

[M.Neo]

ثم يلا يا زملكاوي منك له كل واحد يروح

الموضوع هنا للاهلاوية فقط

[madyrules]

المفروض السؤال ده تسأله لكل اهلاوي يا نيو لانهم بالفعل اكتر من الزملكاويه وانا اعرف اصحاب كتير بصوا لما كبرو لقوا نفسهم اهلاويه
لكن الزمالكاويه قله عددهم عن الاهلى بيدل انهم مش بالوراثه ولا حاجه

[M.Neo]

مستحيل يا مادي

انت لو فعلا مش زملكاوي بالوراثة كنت بقيت اهلاوي
بص يا عمري

نقول اخر عشر سنين في الدوري المصري علي اعتبار ان عندك 18 او 19 سنه

هنقول فاتت اول 8 سنين من عمرك وانت ما تعرفش حاجه في الكورة

تيجي بعدها ال12 سنه اللي هتكلم عليهم

الاهلي اخد الدوري 6 او 7 مرات والله ما فاكر متتتالية

وبعدين الزمالك مرتين والاسماعيلي مرة والزمالك تاني

وبعدين الاهلي موسميين متتاليين
يبقي نقول الاهلي اخد الدوري 8او 9 مرات قدام 3 زمالك

حاجه تانية
الاهلي في الاربع دوريات اللي اخدهم عمره ما قل عن امركز التاني

الدوري اللي فات اللي هو قبل ده الاهلي اخد الدوري والزمالك الخامس

يعني لو انت مش بالوراثة كان زمانك اكيد اكيد اكيد اهلااااوي

ياراجل ده حتي مصطفي باشا قال

لو لم اكن اهلاويا لوددت ان اكون اهلاويااااااااااااااا

[zizo2_2]

وانا اتفق معك يا نيو في كل ما قلت


أهلي .......... أهلي

[madyrules]

انا ممكن اقولك انا ما عنديش 19 سنه او 18 سنه بس عشان حاجه معينه كده مش هكذب انتى اكيد فاهمنى
عموما الدورى مش كل حاجه يا نيو شوف الزمالك خد الدورى كام مره وخد الكاس كام مره
ولأك متأكد انو بابا زملكاوى فأنا مش هكلمك عن نفسى
اكاد اجزم ان 80 فى الميه من اللى اعرفهم زملكاويه من اصحابى ابوهم مش زملكاويه
شوف انته بأه ايه نظام اللى انته تعرفهم
وبعدين ايه يعنى لما اشجع فريق بياخد بطوله اه وبطوله لا دا ده هوه فعلا الاستمتاع ودى فكره علميه معروفه جدا
بدليل ان الناس اللى فى السويد مثلا حياتهم سهله خالص خالص خالص وكل حاجه متوفره ليهم فبيطروا انهم ينتحروا من مللهم وزهقهم
لكن المتعه انك مثلا تاخد 4 بطولات وتخسر بطوله
وبعدين الزمالك مش فريق وحش زى ما انته محسسنى من كلامك
بدليل انك انته نفسك لما بتتكلم عن الكوره فى مصر , بصفتك اهلاوى دايما بتقرن الزمالك بعد الاهلاى
ولو الزمالك وحش زى ما انته بتوقل ما كنتش هتديه الاهميه وماكنش اللى كتب الموضوع ده كتب <بلاش الزملكطاويه >
لو كان الزمالك بالنسبه ليك زى اى فريق كان قال ومشجعى حرس الحدود لا او المصراويه لا او الاسماعلاويه لا
لكن علشان حاليا الزمالك احسن فريق فى مصر بعد الاهلى حاليــــــا ,فلازم يقول الزملكاويه فقط
صدقنى النقد للزمالك مش عشانه اوحش فريق
مثلا الموسم ده شوفت حد انتقد النادى المصرى او اى فرق كانت مهدده بالخروج من الدورى مع انها اكتر فرق ممكن ننتقدها
لكن انا مش عارف الاهلاويه مالهم ومال الزمالك خليكو ففريقكو الاهلى اللى انا شايف انو حاليا احسن من الزمالك
اســــــــــــــف جـــــــــــــــــــــــــــــــــــــــــــــــــ ـــــــــــــــــــــــــــــــــــــــدا على الاطاله

[M.Neo]

لا عادي يامان انت مطولتش انت كلامك كله حكم ومواعظ

حتي وانت بتقول <بلاش الزملكطاويه >

ههههههههههههه

شكرا مادي علي الرد
انا حاسس ان ردي اللي قبلك مقنع جدا

[mannas]

اولا بلاش الكلام عن حكاية الملل دى يا مادى
انت بتقول ان الزمالك اخد 4 بطولات وساب واحده
احب اعرفك ان اكتر فوز بالدورى متتالى كان للاهلى وكان 7 دورى
الواحد دلوقت شايف الاهلى فاز ب 2 دورى ورا بعض ومش مصدق نفسه
وبعدين السنين اللى الزمالك بياخد فيها الدورى بيكون عشان مستوى الاهلى هو اللى وحش
وايه حكاية المتعه دى ... خد بالك ان المتعه دى جمهور الزمالك هو الل بيدهالنا
قبل كل ماتش بيحسسنا انه ممكن يفوز ع الاهلى وانه رجع لمستواه ومش عارف بقى لسوء الحظ ولا ايه.. اللى بيخليكوا تخسروا
ولما تبقى المتعه انك تفوز 20 مباراه متتاليه فى افريقيا فى وجود فرق زى انيمبا والرجاء والنجم والزمالك زى مابتقولوا
ولما تفوز 54 ماتش متتالى ف الدورى
ولما تفوز ب 2 دورى ورا بعض بدون ولا هزيمه (بلستثناء ماتش الاسماعيلى اللى جاى )
ولما تشجع فريق موقع الفيفا بيفرد ليه صفحه خاصه عنوانها مين يقدر ع الاهلى
http://www.fifa.com/en/comp/index/0,2442,1...rticleid=117964
كل ده ومفيش متعهه .. ده احنا كل مباراه بنتمتع سواء بأداء او نتيجه
ومتحاولش تقارن الفرق اللى فى الدورى بالاهلى او الزمالك او الاسماعيلى

[M.Neo]

برافو منص

[madyrules]

اولا بالنسبه اوضوع الفيفا ده فأنا ما قولتلكش حاجه انا قولت كزا مره فى ردى انو الاهلى احسن فريق فى الدورى حاليا مش حاجه يعنى تقولها
تانى حاجه انا ما قلتلكش انو الزمالك خد ارع بطولات وساب بطوله شوف ردى كان بيقول ايه اقراه كويس
ثالثا : والله العظيم انا اكاد اجزم انو انتو اكبر فرحه ليكو فى الدورى هى انكو تغلبوا الزمالك عشان تغيظوا الزمالكويه
الفرحه تقريبا الوحيده ليكوا هى انكو بتغيظوا الزمالكويه
بدلــــــــــــــــــــــــــــــيل ودى حاجه شخصيه شويه انته مثلا فى اخر مظاهرتين للاهلى لما غلب الزمالك وخصوصا المظاهره بتاع الماتش اللى قبل اللى فاتت
اكيد كنت سامع بيقولو ايه
انته نفسك كنت بتردد الكلام معاهم
والله العظيم كان كل الكلام اللى بيتقال شتايم فى الزمالك مع انكو المفروض انكو فرحانين لفريقكم مش فراحنين ان فريق خسر؟
شوف المظاهرات بتاعت الاهلاويه احسن جمهور فى مصر بيقولو فيها ايه
فين الشعارات بتاتعكو؟
مع ان فى ماتشات زى حرس الحدود والاهلى غزل المحله والاهلى ولا فى مظاهرات ولا اى حاجه ده ليه؟؟؟
لان الزمالك وحش
ولا لانكو بتلاقو المتعه فى انكو تغيظوا الزمالك
والله العظيم اكتر من واحد اهلاوى يوقلى احنا مش عايزيين الدورى احنا عايزيين نغلبكو انشا الله بعدها ما نخدش الدورى
ها ايه رايك فى الكلام ده ما تقوليش ما حصلش لانو كان ادام عينينا
اسف مره اخرى على الطالـــــــــة

[M.Neo]

لا يا مادي الموضوع كده كبر

انت يا بني مش زملكاوي

هتقولي اه

وانا اهلاوي

هتقولي اه

طيب انا بحب الاهلي وبشجعه
واحنا اخدين الدوري
ومتهزمناش في دوريين متتالين

لما تبقوا تعملوها في تاريخكم تعالي كلمني تاني

مستني منك تقولي ماشي

[mannas]

يا عم لا اطاله ولا حاجه
اول حاجه .. حكاية انا الاهل هو الافضل حاليا...................!
على فكره الاهلى الافضل طول عمره بس بييجى عليه فتره صغيره ومستواه يقل بس مش يبقى السادس
والزمالك بيهيص فى الفتره دى
والا مكانش اخد الدوري 30 مرة , الكاس 33 مرة ده فى مصر
ده غير طبعا بطولات افريقيا
وبعدين حكاية فرحة الفوز على الزمالك ... ف انا مانكرش كده
وانتوا كمان لما بتفوزا على الاهلى ده اذا حصل برضه بتبقى الشماته موجود
دى حاجه ابديه وماتقدرش تكدبها
وعل فكره حكاية الشتايم دى برضه ماتنكرهاش ولو نسيت افكرك كانوا بيقولوا ايه لمتعب و بركات
وشتايم جمهور الزمالك والاسماعيلى المشتركه فى ماتشتهم مع بعض
وبعدين .. اذا كان رئيس النادى شتم جمهور الاهلى وقال : جمهور الاهلى الحقير
ده غير موقع الزمالك tv الل كان عنوان صفحته الرئيسيه بعد تولى مرسى عطاالله الرئيس السابق ( لا للتطبيع مع الاهلى )
ايه يا عم بص لجمهوركو وادارتكو وانت تعرف الفرق

[M.Neo]

بص يا مادي انا هسيب منص يقطعك