تصريح من خبراء الكمبيوتر التعليمي خطير شارك معنا

[طه حبيب]

هما الطلبة بيهتموا يبها وهى بتنضاف عشان يهتمو بيها وهى مبتنضافشى

[zeinab youssef]

على فكرة انا مدرس حاسب فى مدرسة ثانوى وبنهتم جدا بمنهج الكمبيوتر بندخل كل حصة بنشرح للطالبات وبنحط امتحانات شهرية محترمة لو البنت مش مذاكرة كويس مش بتعرف تحل و قبل امتحانات العملى علقنا كشوف امام المعامل بأن اللى غابت 5 اسابيع محرومة من امتحان العملى وجريت كل طالبة وجابت مرضى وكل اللى جابت مرضى امتحنت وبصراحة المادة لها قيمة عندنا فى المدرسة بصراحة ربنا كارمنا بمشرف قسم دماغه حلوة ربنا يكرمه وده امتحان من الامتحانات اللى انا حطيتها فى شهر من الشهور للطلبة موجود فى المرفقات ارجو مشاهدنه وابداء الرأى وعلى العلم الامتحان كان بيتغير يوميا يعنى كل فصل بياخد امتحان منفصل

[amro12]

ادارة الكمبيوتر بالوزارة لا تريد أن تجعل الكمبيوتر مادة تضاف الى المجموع لأنهم عايشين فى نعيم بدون تعمل بدون عمل كتب وتتغيير كل شوية - حتى امتحان الاعدادية يأتى به اخطاء فتنقلب الدنيا عليهم - علشان كده هما مش عايزين يخلو الاعدادى او الثانوى مادة اساسية

[tybaa]

كفاية ظلم لمادة الحاسب الآلي ومدرسيها وتهميشها وتهميش مدرسيها خلوها مادة نشاط في المرحلة الابتدائية هذا معناه أن التعليم في مصر يرجع إلي عصر الظلام

[عبدالناصر2005]

معلم الحاسب الآلي وراء تدهور المادة بشكل مستمر وتهميشها

[المدرس العربى]

احنا عندنا تخلف فى كل حاجة اشمعنا الكمبيوتر الا حنفلح فيه

[amr_asdoo]

كل عام وأعضاء المنتدى والمصريين والمسلمين كلهم بخير بمناسبة شهر رمضان الكريم

[هناءسيد]

حسبنا الله ونعم الوكيل

[nana melk]

لقد اصبحت مادة الكمبيوتر مادة لنهب الاموال من اولياء الامور و ايضا مادة ثقيلة العبء على الطالب

[نادية عواض]

يا ريت علشان الطالب يحب المادة لازم يخترها مش مجبر عليها علشان الدرجات كفاية باقى المواد أنا ولى امر بدفع اد كدة فى الدروس الخصوصية وكمان فى الحاسب الالى أو يجيبوا للمدرسين ضماير صحية ابنى مبيخدش حاجة فى المدرسة حسب الله ونعما الوكيل فى كل مدرس بياخد اجر ومبيشتغلش

[شكرى سمير الدستاوى]

طبعا لو الكمبيوتر نشاط
يكون لا قيمة للمادة من الطلاب والمدرسين
دا احنا مدرسى الثانوى مش قادرين على الطلاب لانها لا تضاف
ما بالك لو كانت نشاط
دا احنا من الدول المتقدمة فى التخلف
وطول ما فيه مخاخ بها عش العنكبوت مش هنتقدم ابدا

[شكرى سمير الدستاوى]

من المفترض اننا مميكنين البيانات فى مصر فى جميع مجالات العمل وعلشان الخريج يقدر يواكب هذا الميكنة لابد ان يكون قادر على استخدام الكمبيوتر وللاسف الخريج من المؤهلات العليا مش عارف الا الفيس بوك بس
وهذا يرجع الى :
1- الدول المتقدمة لا يريدون ان يكونوا المصريين على قدر من العلم
2- المخاخ الخربة للبلد وللتعليم فى مصر
3- عدم الاهتمام بالكمبيوتر فى جميع المراحل
4- عدم الاهتمام بالمدرسين بعمل دورات تدريبية كل فترة لمواكبة التغيير
5- عدم الاهتمام بالموجهه الفنى
.........

[hamdy26]

والله ياجماعة الواحد كان فاكر اني مادة الكمبيوتر هتكون احب مادة الى الطالب بس الحقيقة ان الطالب بيعتبرها غير موجودة اصلاً خاصة عندنا في الأزهر لانه لا يوجد امتحان للحاسب عندنا ولو قولت للطلبة ذاكرو يقولو لك يا استاذ احنا مش بنمتحن فيها يعني بيعتبرو الرسم والانشطة افيد لأنها فيها امتحان مع انهم بيقولو اننا في عصر تكنولوجيا المعلومات وعصر تكنولوجيا التعليم ولكن الحقيقة اننا في عصر تخلف التعليم

[amr soudy]

لك الله يا مصر

[محمود العجيري]

الحمد لله رب العالمين