نموذج إجابة إمتحان الجيولوجيا والعلوم البيئية 2014 ....... أ/أحمد فتحى

[ezmz3]

طب فى سؤال بتاع ملح الطعام انا كتبت بدل تبخير من البحيرات المغلقة او شبه المغلقة كتب الشواطىء بس كتبت السبخات الساحلية انقص ولا ايه ؟

[ahmedmagdoo]

هو احنا لما نقول نسيج دقيق التبلر لازم نشرح بعدها؟
يعني انا كاتب دقيق التبلر بس

[ezmz3]

رابع واحدة فى تصحيح الخطأ فى السؤال الرابع انا كاتب نسيج زجاجي صح ؟

[محمدطارق عاطف]

بعد اذنك يامستر
انا كتبت فى الرابعة فى تصحيح الخطأ نسيج زجاجى
وكتبت فى المقارنة .. نسيج دقيق التبلر والتانى نسيج خشن بس

[حبر القلب]

الامتحان جميل أنا هجيب 60 إن شاء الله

[عمرو احمد2000]

المشاركة الأصلية كتبت بواسطة احمد فتحى احمد عبد القوى

بتاعة الضوء صح
والمفروض كنت كتبت بالاضافة للكثافة والملوحة التيارات البحرية والمد والجزر والتيارات الهوائية والأمواج .. وإن شاء الله تتحسبلك صح ماتقلقش وربنا يوفقك

شكرا يا استاذ احمد بس معلش فيه حاجة تانية دلوقتي في السوال بتاع تحول الصخور مش المفروض يبقي عشان الصخر تعرض لدرجة حرارة مرتفعة و ضغط متزايد و المنطقة اللي وقع فيها كان عدم الاستقرار فيها محسوس و حاجة تانية السوال بتاع ايهما افضل انا عملت الحجر الرملي وكابت الاسباب كالاتي :
1 ـ صخر رسوبي

2 ـ به مسام يمكن من خلالها تسرب البترول و المياه الجوفية

3 ـ جيد التخزين

4 ـ به بقايا كائنات ميتة متحللة و لهذا فإن ظروفه مناسبة لوجود البترول و المياه الجوفية

عايز اتاكد من الاجابات دي ارجوك

[freshboyahmed]

انا نسيت اكتب فى تعريف المعدن غير عضوية بس كاتبة بقية التعريف صح تعدى و لا ايه

[lila khalil]

مستر لو سمحت ه بتاعت الكثبان دي لازم التلت رسمات ولا ه كفايه الاخيره اللي فيها اتجاه الكثبان وبتاعت البحيرات ينفع حواجز تسد الخلجان ف المنطقه الشاطئيه ولا لأ

[M!$$ P!nKy]

انا فى سؤال علل الحلقات الاولى اهم فى الطاقة كتبت عشان هى اللى بتنتج الغذاء وفيها الهائمات النباتية دى صح ؟؟

[احمد فتحى احمد عبد القوى]

هو احنا لما نقول نسيج دقيق التبلر لازم نشرح بعدها؟
يعني انا كاتب دقيق التبلر بس
مش لازم فى المقارنة أو صوب

[احمد فتحى احمد عبد القوى]

مستر لو سمحت ه بتاعت الكثبان دي لازم التلت رسمات ولا ه كفايه الاخيره اللي فيها اتجاه الكثبان وبتاعت البحيرات ينفع حواجز تسد الخلجان ف المنطقه الشاطئيه ولا لأ
سوف يراعى الإجابات الصحيحة للأسئلة المقالية ... ومتقلقش

[احمد فتحى احمد عبد القوى]

انا فى سؤال علل الحلقات الاولى اهم فى الطاقة كتبت عشان هى اللى بتنتج الغذاء وفيها الهائمات النباتية دى صح ؟؟
هى إجابة ناقصة والمفروض كنتى كملتى ومتقليش حتى لو اتحسبلك نص الدرجة أكيد انتى حليتى الخمس أسئلة

[احمد فتحى احمد عبد القوى]

انا نسيت اكتب فى تعريف المعدن غير عضوية بس كاتبة بقية التعريف صح تعدى و لا ايه
إن شاء الله تعدى ... مش قرآن التعريف يعنى

[احمد فتحى احمد عبد القوى]

مستر لو سمحت ه بتاعت الكثبان دي لازم التلت رسمات ولا ه كفايه الاخيره اللي فيها اتجاه الكثبان وبتاعت البحيرات ينفع حواجز تسد الخلجان ف المنطقه الشاطئيه ولا لأ
المفروض ارسم التلات رسومات وإن شاء الله سيتم مراعاتها مع مستشار المادة لأنه فيه ناس كتير رسمة رسمتين
والتانية إن شاء تتحسب صح

[احمد فتحى احمد عبد القوى]

إجاباتك صح ياعمرو متقلقشى وإن شاء الله حتاخد الدرجة كاملة