مستقبل فنون جميلة أكثر من عظيم هتغير رايك ليها

[محمد محمود بدر]

جزيل الشكر والتقدير لحضرتك
مجهود طيب
جزاك الله خيرا وبارك الله فيك

[Mohamed001]

شكرا جداا

[عصام الفنان]

المشاركة الأصلية كتبت بواسطة bahaaeldeen

انا لاحظت ان ناس كتير اوى اوى فى مصر متعرفش ايه قيمة كليات الفنون الجميلة وفاكرين اننا رسامين وفاكرين اننا فنانين وبس وفاكرين اننا بنتخرج مدرسين رسم
اولا الكلام دة كله غلط فى غلط
والاخر طلع فيلم فاشل بيسوء فى سمعة الكلية

اولا على فكرة مستقبل الكلية مش زى ما الناس فاكراه انه بيخرج مدرسين رسم وخلاص
ثانيا الفيلم دة اركنوه على جنب لانه مش بيعبر عن الكلية ابدا غير انه بيسيئ ليها
وعلى فكرة دكاترة الكلية رفعوا قضية على الفيلم وخدوا تعويض ممتاز جداا ودة اللى جاب الفيلم الارض برضو

اولا الناس اللى فاكرة ان الكلية مجموعها قليل وبتاخد خمسينات وستينات الكلام دة تعبان
الكلية بتاخد فوق التسعين لعلمى اللى هما قسم عمارة وديكور وادبى بتاخد فوق 85 غالبا واقل حاجة 84

ركز فى كل كلامى ولو انت مش ناوى فنون جميلة متاكد انك هتنويها باذن الله

اولا قسم العمارة
بتدرس كل المواد الهندسية والفنية يعنى بتدرس 5 سنين منهم اعدادى كل حاجات هندسة وزايد عليها مواد فنية ودة اعلى قسم فى المجموع وتنسيقه خاص بيه
وخريجه بيتبع نقابة المهندسين وبيدرسوا كمان شغل ديكور وبيتقووا فى برامج الكومبيوتر اللى بيشتغلوا بيها زى اوتوكاد وثرى دى ماكس وفوتوشوب
غير طبعا بتاع هندسة عمارة اللى بيدرس 4 سنين بس عمارة ومبيدرسش اى ناحية فنية ف بيكون ضعيف بالنسبة لبتاع عمارة فى فنون جميلة والمواااااااد هندسية 200% وباضافة مواد فنية كمان

ثانيا قسم الديكور
ودة تبع فنون فى التنسيق وامتحان القدرات لكن بياخد علمى ومجموعه اقل بفروق بسيطة يعنى عايز تعرف ديكور خد كام يبقى شوف تنسيق فنون جميلة فنون لعلمى
وبتدخل اعدادى ديكور وتدرس 4 سنين وتتخصص جواة على حسب اختيارك لعمارة داخلية وفنون تعبيرية والشهادة هى بكالريوس عمارة داخلية او بكالريوس فنون تعبيرية
عمارة داخلية بتكون مهندس معمارى وديكور ومصمم لكل حاجة ودى ناحية هندسية اكتر
وفنون تعبيرية اللى هى ديكور السينما والمسارح ودى ناحية فنية اكتر
القسم دة ملوش علاقة بفنون بس بتدرس كل حاجة تتخيلها يعنى بتدرس مواد عمارة ومواد فنية بحيث تتعلم كل مبادئ التصميم من الابرة للصاروخ ومن الشقة للعمارة والمؤسسات
بتتخرج بتشتغل مهندس ديكور ومعمارى ومصمم وكل حاجة لان امكانياتك بتكون جامدة وبتاخد خبرة فى الالوان يعنى القسم دة اكتر من قسم عمارة وبتدرس كل مواد قسم العمارة واكتر كمان والناحية الفنية اكبر شوية ومشروع التخرج بيكون مثلا تصميم مدرسة بتصممها من ناحية معمارية وبتعمل البوستر بتاعها وبترسم كل جزء منها برسم هندسى وبتصمم الالوان وبتقسم الفصول لمساحات وبتعمل استخدام كامل وشامل للمبنى دة غير طبعا التقوية الشاملة لاستخدام برامج الكومبيوتر

ملحوظة هامة جداا::
طلبة ديكور بتدرس فى اول سنين ليها عمارة داخلية وتصميم داخلى وبعدين التخصص وبيدرسوا تصميم معمارى فى اخر سنتين
لكن طلبة عمارة وهندسة عمارة بيدرسوا العكس فى اول سنين تصميم معمارى واخر سنتين تصميم داخلى

ثالثا اقسام فنون بتاخد علمى وادبى بس الاولوية لادبى:
اللى بيدخلها بيكون اعدادى فنون بعد كدة بيتخصص ع حسب المجموع لتلات اقسام هما جرافيك وتصوير ونحت
وملوش اى علاقة بالاقسام التانية

قسم جرافيك بيخرج مصممين جرافيك وشغلهم فى الانيماشن والكارتون وكله تمام طبعا يعنى بتصمم كل حاجة ثرى دى من افلام الكارتون لحد خدع السينما وشغل الافلام وشغل المراكز الثقافية
قسم تصوير بتتخرج تكون فنان جدارى او مصمم تشكيلى يعنى وظيفتك مثلا ترسم لوحة فنية واجهة فى فندق او اى ارت ورك
قسم نحت بتشتغل فى مصانع نحت كل حاجة تتخيلها خصوصا الارت ورك

من الاخر مرتباتهم جميلة جدا

وانا مش بجبرك على الكلية بس الكلية نظامها مختلف وجميل جدااااااا يعنى بتدخل الكلية عددكم قليل جدااااااا عكس الكليات التانية اللى عددكم فيها بالالاف
دة غير ان التانيين بتدرس حاجات نظرى والاخر تتخرج وانت حافظ مش فاهم ومش هتعرف تلاقى شغل
دة غير ان خريجين الكلية بالمئات مش بالالاف واظن هاتلى واحد بس خريج فنون جميلة ومش لاقى شغل
دة غير ان الدراسة اغلبها عملى مش كلها نظرى يعنى بتعمل تطبيق للواقع قدامك

اتمنى انكوا تغيروا قرارتكم

وشكرااا

تصحيح لاخويا الكريم فرع فنون فيه خمس اقسام
1- رسوم متحركة ولا يتبع قسم الجرافيك
2- قسم الجرافيك
3- قسم التصوير
4- قسم النحت
5- قسم ترميم الآثار
وهذا للتوضيح فقط وشكرا

[bahaaeldeen]

المشاركة الأصلية كتبت بواسطة عصام الفنان

تصحيح لاخويا الكريم فرع فنون فيه خمس اقسام
1- رسوم متحركة ولا يتبع قسم الجرافيك
2- قسم الجرافيك
3- قسم التصوير
4- قسم النحت
5- قسم ترميم الآثار
وهذا للتوضيح فقط وشكرا

اهلا بحضرتك اشكرك على التصحيح ولكن انا كان كلامى على فنون جميلة حلوان ولكن المنيا والاقصر فيها الاقسام الزايدة زى ترميم اثار

[basma moharm]

هو قسم عمارة فنون جميلة صعب زى عمارة هندسة وﻻ اسهل عشان الكل معقدنى من هندسة وبيقولوا صعبة جدا فعاوزة اعرف ايه اﻻسهل فيهم من حيث المزاكرة والضغط

[bahaaeldeen]

المشاركة الأصلية كتبت بواسطة basma moharm

هو قسم عمارة فنون جميلة صعب زى عمارة هندسة وﻻ اسهل عشان الكل معقدنى من هندسة وبيقولوا صعبة جدا فعاوزة اعرف ايه اﻻسهل فيهم من حيث المزاكرة والضغط

صعب بس حلو جدا لانه تصميمي وفيه رسم كتير بتدرسي مواد هندسية ومواد فنية وكمان مفيهوش تنسيق داخلى ولا حاجة ف الموضوع مريح نسبيا
بس المواد كتير واكيد مدام مجال عملى هيبقى صعب جدا من ناحية مشاريعه كتير وعايز شغل جامد مش اى كلام
ودة سر النجاح بتاع عمارة فنون جميلة بس الاسهل فى الضغط والمذاكرة فنون جميلة لان المواد النظري فيه تكاد تكون مش موجودة

[basma moharm]

شكرا اوى ويارب فعﻻ متكونش صعبة عليا بس عاوزة اعرف عمارة اسهل وﻻ ديكور لأن انا اعرف ناس كتير فى ديكور وبيشتكوا منها اوى بس هم فى فنون تطبيقية

[رورو محمد محمد]

السلام عليكم
انا طالبة ثانوية عامة علمي علوم
وكان هدفي اني ادخل كلية صيدلة او لو مش لحقتها ادخل فنون تطبيقية
وكنت ماشية كويس في الامتحانات الحمدلله بس امبارح في الفيزيا تعبت جامد
ومحلتش فيها حلو خالص يعني انا ممكن انجح بالعافية مع العلم انو مستوايا ممتاز وبقفل فيها والله بس قدر الله وماشاء فعل
بس انا من ساعتها مش قادرة اكمل مذاكرة باقي المواد ولا اي حاجة
وحاسة اني هجيب مجموع وحش اوي الحمدلله علي كل حال
انا بس كنت عايزة اسأل انا لو ملحقتش فنون طبيقية ممكن ادخل فنون جميلة وهي فيها نفس قسم الديكور اللي في تطبيقية ؟
وعايزه اعرف هي فنون جميلة المنيا بتاخد من كام لانو سمعت انها بتاخد مجموع اقل بكتير من فنون جميلة الاسكندرية والمنصورة
ارجوكم ي جماعة حد يساعدني لانو حاسة اني هتهبل بجد

[bahaaeldeen]

المشاركة الأصلية كتبت بواسطة basma moharm

شكرا اوى ويارب فعﻻ متكونش صعبة عليا بس عاوزة اعرف عمارة اسهل وﻻ ديكور لأن انا اعرف ناس كتير فى ديكور وبيشتكوا منها اوى بس هم فى فنون تطبيقية

ديكور بصراحة صعبة جدا وبهدلة بس قصاد دة بتتعلموا بجد حاجة مش مجرد كلام وخلاص والتعب دة هتعرفوا انه مفيد جدا بعدين لانكوا هتتخرجوا بجد فاهمين ومتعلمين غير نظام مصر فى التعليم خالص

[bahaaeldeen]

المشاركة الأصلية كتبت بواسطة رورو محمد محمد

السلام عليكم
انا طالبة ثانوية عامة علمي علوم
وكان هدفي اني ادخل كلية صيدلة او لو مش لحقتها ادخل فنون تطبيقية
وكنت ماشية كويس في الامتحانات الحمدلله بس امبارح في الفيزيا تعبت جامد
ومحلتش فيها حلو خالص يعني انا ممكن انجح بالعافية مع العلم انو مستوايا ممتاز وبقفل فيها والله بس قدر الله وماشاء فعل
بس انا من ساعتها مش قادرة اكمل مذاكرة باقي المواد ولا اي حاجة
وحاسة اني هجيب مجموع وحش اوي الحمدلله علي كل حال
انا بس كنت عايزة اسأل انا لو ملحقتش فنون طبيقية ممكن ادخل فنون جميلة وهي فيها نفس قسم الديكور اللي في تطبيقية ؟
وعايزه اعرف هي فنون جميلة المنيا بتاخد من كام لانو سمعت انها بتاخد مجموع اقل بكتير من فنون جميلة الاسكندرية والمنصورة
ارجوكم ي جماعة حد يساعدني لانو حاسة اني هتهبل بجد

رديت عليكى فى التوبيك بتاعك

[mas20001]

هل يوجد قسم كرديت فى عماره فنون لو سمحتم

[bahaaeldeen]

المشاركة الأصلية كتبت بواسطة mas20001

هل يوجد قسم كرديت فى عماره فنون لو سمحتم

لا للاسف موجود بس فى تطبيقية خاص

[عمرو خالد علي]

انا طالب علمي رياضة دخلت حاسبات كان مجموعي يدخلني فنون عمارة بس ممتحنتش القدرات هل اقدر احول بعد سنة اولى و امتحن القدرات و لا لأ و شكرا مقدما

[bahaaeldeen]

المشاركة الأصلية كتبت بواسطة عمرو خالد علي

انا طالب علمي رياضة دخلت حاسبات كان مجموعي يدخلني فنون عمارة بس ممتحنتش القدرات هل اقدر احول بعد سنة اولى و امتحن القدرات و لا لأ و شكرا مقدما

للاسف صعب جدا لا زم تكون ممتحنها فى سنتك

[smah so]

السلام عليكم
بصراحه كلامك جميل جدا بس عايزه اعرف لو انا مش بعرف ارسم ممكن ادخل فنون جميله انا بحب الرسمﻻجدا والالوان بس معنديش قدره على الرسم بحرفه فممكن ادخل ولا لازم اكون برسم كويس