متجدد شرح المنهج للطلاب - خش وإعرف إزاي - مع الخوارزمي ((بلال نصر))

[أستاذ الكمبيوتر]

كتير علينا كده يا أستاذ بلال
استمر للامام وجعله الله في ميزان حسناتك

[عمادالجزار]

السلام عليكم ورحمة الله وبركاته
أنا قرأت بعض الكلمات في البداية يأخي الحبيب وموضوعك مهم جدا وهتابعه جدا خاصة في الخرائط علشان أن مش فاهم فيها حاجة نهائي خاصة اللي فيها رياضة علشان أنا أدبي المستطيل والدائرة حجات كانت من زمان وكنت بليد كمان ياريت تنورنا بشرح فيديو كمان تبقى تمام وندعيلك وهندعيلك من غيره
أخلص الله عملك وجعله في ميزان حسناتك ونفعك به وجعلك دائما من
( خير الناس أنفعهم للناس )

[qasrsaad]

جزاك الله خير الجزاء

[l'eau de la vie]

جزاك الله خيرا

[asdzaza]

جزاك الله خيرا

[مرتضي منصور]

لو قلت شكرا قليل عليك

[l'eau de la vie]

مستر بلال
ممكن حضرتك تشرح النشاط اللى فى الكتاب
وعندى طلب بعد اذنك :
ممكن حضرتك ع مدار الاسبوع تشرح حسب توزيع المنهج
يعنى الاسبوع دا اللى هينشرح فى الفتره للطلاب

"22/9/2012 خرائط التدفق Flowchart:
• خرائط التدفق البسيطة (Simple Flowcharts).
• تدريب (1-1) خريطة تدفق لجمع عددين.
• تدريب (1 -2) خريطة تدفق لحساب متوسط وحاصل ضرب ثلاثة أعداد.
• تدريب (1 -3) حل معادلة من الدرجة الأولى Y=3x+2.

وجزاك الله خيرا وزادك علما وفضلا

[amadoamadoo]

جزاك الله كل خير ...... وباركلك فى طفلك

[رحابالله]

جزاك الله كل خير وجعله في ميزان حسناتك انت بجد وضعتلنا طريقة سهلة لشرح قواعد رسم خريطة التدفق
وننتظر منك المزيد ان شاء الله

[tarek elhamy]

المشاركة الأصلية كتبت بواسطة sir_belal

الحصة الخامسة
بسم الله الرحمن الرحيم
يا أهلاً بيكم

نستكمل على بركة الله شرح أمثلة خرائط التدفق

المثال الاول : رسم خريطة تدفق لجمع عددين يتم إدخالهما وإظهار الناتج :

بص يا سيد الناس انت و هو ....

قبل ما تتكلم عن اي حاجه قول للطلاب مين يا ولاد فاكر ايه التلت حاجات اللي لازم تكون في اي مسألة في الرياضيات

... صح يا بنت يا آلاء ................. معطيات و مطلوب و قانون
اللي هو مدخلات و مخرجات و عملية حسابية


يبقى على كدا يا ولا الخريطة دي بتحل المسألة بتحديد
1. المخرجات واللي هيه ناتج جمع الرقمين وحنفترض ان المكان اللي حيحط في النتاج دا اسمه c
2 . المدخلات واللي هيه المعطيات أي الرقمين اللي حنجمعهم ودول لسه مش عارفنهم لأن الرقمين دول ...وحنفترض انهم حيتخزنوا في مكان في الذاكرة اسمه a ودا للرقم الاول ومكان تاني اسمه b ودا للرقم الثاني

يجي واحد ويقولك ازاي يا استاذ مش حنعرف الارقم اللي جنجمعها
عارف تقوله ايه ...
قوله هي الالة الحاسبة معمولة لجمع أو طرح ... اي ارقام ولا ارقام محددة .... يرد ويقول اي أرقام ... تقوله ما هي دي آلة حاسبة بس لعملية واحد وهيه الجمع

3. الحل : ودا بعمل فيه المعادلة اللي بتقول
c = a + b

....

طيب ايه خطوات الحل الخوارزمية اللي حنتبعها علشان نحل المشكلة دي

1. لازم تكون البداية
2. بعد ما نبدء اي لما البرنامج يشتغل ندخل الارقام اللي المفرض تتجمع ..
3. بعد كده نجمعها ونخزن الناتج في الذاكرة في المكان اللي اسمه c
4. ونطلع الناتج
5. ونوقف البرنامج

صعب الموضوع لأ طبعاً سهل .

طيب تعالى نرسم الخريطة وحده وحده ونشوف حتترسم ازاي يا ولاد

الاول احنا قولنا قبل كده اي خريطة لازم تبدء برمز بداية يله نرسم


ودائما خلي باك بعد كل رمز بنرسم خط اتجاه


حلو اوي لحد هنا

هي المسألة دي عايز تجمع رقمين والرقمين دول طبعا انت مستني تخزينه في الذاكرة في المكان اللي اسمه a والمكان اللي اسمه b
صح برضه ولا
طيبا احنا علشان نخزن الرقمين دول نحتاج امر ادخال مين عارفه يا ولاد ...... صح با ينت يا مريم شكل المتوازي
ونكتب جواه input او read أو get أو enter للمتغيرات a و b طيب يله نرسمه


كده بقى عندنا رقمين وعايزين نجمعهم في المتغير c اللي هو مكان في الذاكرة
تبقى المعاجلة c=a+b ,اي عملية رياضية بتنكتب في رمز المعالجة اللي هو شكل ايه يا وبنات؟؟؟
........ صح يا بنت يا مريومة المستطيل


كده بقى عندنا ناتج الجمع في المتغير c يبقى لازم نعمل اخراج للناتج اللي هوه المطلوب ....
ايه الشكل اللي بتاع الاخراج ها مين يعرف ؟؟؟؟
برافو يا بنت يا الاء ..... المتوازي ونكتب بداخله يا كلمة print يا كلمة output


وفي الآخر زي البداية لازم ننهي الخريطة برمز النهاية


ودا شكل الخريطة في النهاية



وبكده تنتهي الحصة الخامسة

جزاك الله خير الجزاء ... وزادك الله من فضله وعلمه

[tarek elhamy]

المشاركة الأصلية كتبت بواسطة sir_belal

الحصة السادسة

بسم الله الرحمن الرحيم

يا اهلا بيكم

نبدء من مكان ما وقفنا مثال جمع رقمين

ازاي نعمل المثال دا طرح رقمين وكمان ضرب رقمين

بص يا سيد الناس نفس المثال ونفس الرسم بس حنغير علامة الجمع اللي في رمز المعالجة الا علامة طرح أو ضرب




طيب يا استاذ بلال العلامة دي * معناها ايه دي يا حبيبي اسمها علامة الضرب ×


سؤال لولبي اديه للعيال المثال دا ينفع قسمه ؟ يرد واحد ويقولك ينفع
تقوله ماشي ينفع طيب اذا فرضنا ان قيمة المتغير a بـ 6 و قيمة b بـ صفر يبقى الناتج كام ...
تبص تلاقيه عمل زي اينشتاين كده

امال ارسمها ازاي يا استاذ بلال ؟ اقولك .......
بص يا سيد الناس

الاول احنا بنبدء


ثانياً بنعمل ادخال للقيم او المعطيات اللي هما a و b

طيب خلي بالك بقى ...... المعادلة المسئولة عن القسمة بتكون كدا


لاحظ معايا اللي جاي
القاعدة اللي جاية دي من ابتكراتي الشخصية
لو احنا قولنا

يبقى دا في حالة اذا كانت قيمة a بصفر متفرقش معنا في حاجة لأن كدا كدا في ناتج

اما لو قلنا


يبقى هنا لو كانت قيمة b اي حاجه غير الصفر تصلح القسمة
اما لو كانت قيمة b اللي هيه المقام أو المقسوم عليه بصفر تبقى عملية القسمة لا تصلح

يبقى مقدميش غير اني أتخذ قرار

ثالثا : اتخذ قرار وأقوله هي b = 0
اي الرقم الثاني بيساوي صفر اللي هو المقسوم عليه

هنا احتمالان لا ثالث لهما
أ) ان b تكون فعلا بصفر (أي نعم )وهنا مش ممكن اقسم ولازم اطلع رسالة وأقولة فيها (غير معرف)
واقفل البرنامج


ب) ان b لا تساوي الصفر اي اكبر أو أصغر من الصفر (أي لا )وعلية يبقى نقوم بعملية القسمة


ونطبع الناتج اللي هو c

ونقفل البرنامج

ودي شكل الخريطة في النهاية



تلاقي العيال اللي بتفهم عملوا كده


والعيال اللي فهمها تقيل تتنح


وبكده تنتهي الحصة السادسة
الحصة السابعة بعد ما الاقي على الاقل عشر ردود
تحياتي للجميع

جزاك الله خير الجزاء ... وزادك الله من فضله وعلمه

[دعاء1979]

ده العيال كده مش هايغيبوا بعد كده لو الشرح كله كده
ربنا يجازيك خير يارب

[عبدالنبي الحداد]

جزاك الله خيراااااااااااااا

[tamtm sa]

بسم الله ما شاء الله
شرح جميل و رائع
جزاك الله خيرا

[Gustavi]

thqqqqqqqqqqqqqqqqqqqqqqqxxxxxxx