قرار تعيين الكل غريب وظالم

[wardanthanwya]

حسبي الله ونعم الوكيل فيك ياعني الحقد والكره وصل بيك انك مستكتر التعيين علينا . معظمنا ليسانس اداب واخد تربوي وامتحن الرخصة الدولية ولكن للاسف عمل اختبار الكادر في 20/11/2009 ياعني مش كنا في الدبلومة ياعني . والحمد لله القرار رجع حقنا اللي ضاع لاننا حوالي 30 الف شغال بالاجر من 2000 حتي التعاقد

[asme8]

حلاللللللللللللللللللللللللللل الى بيتعمل فينا قاعدين نعض فى بعض

[hani_nabi]

طبعا الأخ اللي بيقول معانا وعلينا هو اتعين متى واشتغل كام سنة واشتغل بالأجر كام سنة علشان يتكلم ويقول أبو قرش وأبو قرشين هو أبو قرش ده مش بيتعب وبيقوم بنفس عمل المدرس الثابت بس هي حظوظ
ارحموا من في الأرض يرحمكم من في السماء
حدد قول اللي لسة خريج جديد ولم يعمل من قبل أو أول سنة في التعليم ينتظر ولكن الذي كان يعمل منذ فترة يتم تثبيته حتى يستطيع أداء مهام عمله بدون الاحساس بالظلم الذي تتحدث عنه

[محمد حسين امين]

يااخ ابو اياد لاتكن انانيا انا اتحداك لو انت خريج قبل 99 زيى وبرضة معايا تربوى وicdl ومدرس لغة انجليزية واشتغلت بكافة الطرق بالحصة وبالمكافاة الشاملة وبالعقد الداخلى وبالعقد المميز 174 جنية واخيرا معلم مساعد وكل دةبسماحصلتش على الكادر لانى كنت باخد التربوى وكنت لسة فاضل سنة ولما حضر زكى بدر كان همة يعمل كبسات على المدارس ولم يفكر يعمل امتحان كادر لو كان ممكن ناخدة على حسابنا كنا خدناة واللة من ضمن اللى صرفناة اتق اللة يااستاذ وحب لاخيك ما تحب لنفسك انا نفسى كل الناس تتعين لو لسة مشتغل امبارح ياريت تتغير زى مابنحلم ان مصر كلها تتغير

[mhammedsalama]

تعليق
انا اشتغلت بالحصة والعقد العادي والمميز منذ 2001الي 10/10/2010م
امتحنت الكادر وحصلت علي الرخصة الدولية
خريج كلية التربية
باختصار 9سنوات في خدمة التعليم كنت باعمل 105جنية في الشهر وكنت باركب موصلات 90جنية في الشهر !!!!!
ولكن بعد كل ده حصلت علي عقد عمل في الرياض-السعودية مدرس فيزياء- ثانوي براتب 2000ريال غير الاضافي.....
بصراحة كان ده حلم بالنسبة ليه انتظرته 9سنين علشان كده ما صدقت حصلت عليه .
مع العلم ان في الرياض صعب الحصول علي ما يسمي بصلاحية (معلم فيزياء ثانوي) ولكن ربنا وفقنا لهذا (الحمد لله)
ولكن كنت باتمني اني اتثبت - لن منطبق عليه كل الشروط- بحيث احفظ حقي
ولكني محتار جدا ياشباب
هل اترك السعودية وارجع الي مصر من اجل الحصول علي حقي ؟؟؟!!!!!!!!
بس خايف ان الفرصة الحالية في السعودية تضيع ولا اللي في مصري هية اللي تضيع ؟؟؟
محتار جدا افيدوني ارجوكم حالتي صعبة

[محمد السيد مرسى عجمى]

استاذى الفاضل انا معك فى ضرورة التدقيق فى تثبيت الحصة ولكن انا معلم مساعد حصلت على مؤهل تربوى العام الماضى والرخصة الدولية ول ادخل امتحان الكادر وأعمل منذ عشر سنوات ، اليس لى الحق فى التعيين بدون شروط؟

[aleman]

الحمد لله ان التعيين للكل
ربنا يكرم الجميع يارب

[أحمد شقشوق]

حب لأخيك ما تحب لنفسك
طب احنا اتأخرنا فى التعيينات ولكن الكل كان عارف ليه
ولكن زمن الفساد حل وانتهى فلما تنبش عنه أنت
مبروووووووووووووك التعيين للجميع

أحمد شقشوق ( أبو يحيى )

[ahmedsasa]

تصدق اقسم بالله مش عارف اقولك ايه
ايه ابو قرش دى
يا اخ عايز اقولك فيه ناس بالاجر ام قرش دى خريجى تربيه
ومعاهم الرخصةالدوليه ذنبهم نظام عقيم اسمه بالحصة
وهما اللى ف ضواحى المحافظات شايلين الشغل كله على دماغهم
واقسم بالله بنحط فوى القبض اللى بنخده وجاى تقولى ابو قرش
ومع كل ده بقى عايز اقولك انى بقالى اسبوعين ف الاعتصامات
والواحد طلع عينه ومع ذلك متعينتش عشان مكملتش 3 سنين
بس فرحان لزمايلى جدا
مش انت اللى اتعينت ومش حابب الخير للناس

[عصفور حائر]

على فكره انا معايا ناس شغالين بالاجر وحاصلين على ماجستير وتربوى وicdl كمان ومش اقل مننا فى حاجه خالص وشغالين كمان من 5 سنين ولسه لغايه انهارده محصلوش على معلم مساعد
هل هذا حلال ام حرام؟؟؟؟؟؟؟؟

[عصفور حائر]

المشاركة الأصلية كتبت بواسطة ahmedsasa

تصدق اقسم بالله مش عارف اقولك ايه
ايه ابو قرش دى
يا اخ عايز اقولك فيه ناس بالاجر ام قرش دى خريجى تربيه
ومعاهم الرخصةالدوليه ذنبهم نظام عقيم اسمه بالحصة
وهما اللى ف ضواحى المحافظات شايلين الشغل كله على دماغهم
واقسم بالله بنحط فوى القبض اللى بنخده وجاى تقولى ابو قرش
ومع كل ده بقى عايز اقولك انى بقالى اسبوعين ف الاعتصامات
والواحد طلع عينه ومع ذلك متعينتش عشان مكملتش 3 سنين
بس فرحان لزمايلى جدا
مش انت اللى اتعينت ومش حابب الخير للناس

كملوا اعتصاماتكم ربنا معاكوا بجد وان شاااء الله هنحقق اللى نفسنا فيه

[الأستاذ محمد عامر]

المشاركة الأصلية كتبت بواسطة البروفيسير ابو اياد

ادهشني واصابني ذهول عندما قرأت قرار وزير التعليم الذي كنا ندافع عنة ونطلب مجيئة الي الوزارة ولكنة خيب امالنا للاسباب التالية
1- كيف بحدث تعيين للكل حتي بتوع الاجر انة حط ابو قرش مع ابو قرشين
2- كيف يساوينا ونحن معدين تربوين ومعنا الرخصة الدولية للحاسب الالي بمن لم ياخذوا سوي شهادتهم وتعينوا بالمجاملات والواسطة
3- اين ذهب تعب المذاكرة في الدبلومة او التربوي ومذاكرة الكادر بمن لم يفعلوا شئ
4- كيف تضييع سنوات خبرة عملنا بها اكثر من سبع سنوات بمن هم حديثوا التخرج
5- مافائدة كلية التربية اذا
سيدي الوزير انت لم تصب قرار مخطئ فعلت ذلك من اجل خوفك من المظاهرات
المساواة في الظلم عدل

يا عم اقول يارب ماهو سواك انت ياللى بقالك يدوب 3 سنوات ومنحك رتبة معلم وبدل اعتماد 50% بمن بقاله 11 سنة ومؤهل عالى وتربوى فى الوقت اللى متعين قبل منى بشهرين بياخد 75% مفيش حاجة كويسة فى التربية والتعليم كله طبيخ

[ashrafe2003]

المشاركة الأصلية كتبت بواسطة البروفيسير ابو اياد

ادهشني واصابني ذهول عندما قرأت قرار وزير التعليم الذي كنا ندافع عنة ونطلب مجيئة الي الوزارة ولكنة خيب امالنا للاسباب التالية
1- كيف بحدث تعيين للكل حتي بتوع الاجر انة حط ابو قرش مع ابو قرشين
2- كيف يساوينا ونحن معدين تربوين ومعنا الرخصة الدولية للحاسب الالي بمن لم ياخذوا سوي شهادتهم وتعينوا بالمجاملات والواسطة
3- اين ذهب تعب المذاكرة في الدبلومة او التربوي ومذاكرة الكادر بمن لم يفعلوا شئ
4- كيف تضييع سنوات خبرة عملنا بها اكثر من سبع سنوات بمن هم حديثوا التخرج
5- مافائدة كلية التربية اذا
سيدي الوزير انت لم تصب قرار مخطئ فعلت ذلك من اجل خوفك من المظاهرات
المساواة في الظلم عدل

لا تعليق ...... على كلامك بس يا اساذ يا الى تعبت فى المذاكرة دول بشر و ناس فاتحة بيوت لية تحرم الناس من مطلبهم وحقهم ولا انت بس الى تعبت لالالا فوق لنفسك فى ناس شافت الويل وحقها
واتكلم عن نفسك طالما مش هتقول خير لزمايلك

[hob7a]

الناس اللى بالاجر فى منهم ناس كتير شغاله من 10 سنين ومازلوا بالحصه
غير كده كمان بيعملوا التربوى وicdl
وفى ناس كتير منهم تستاهل التعين
وكل مكان فى الحلو والوحش بلاش تحكم عليهم بصفه عامه دول اخوتك

[مريمار]

حسبى الله ونعم الوكيل فى كل انسان حاقد