بدر بيقول مفيش تثبيت

[ايمن عابد1985]

واللهى الحل الوحيد نشارك كلنا فى الوقفة بتاعة يوم 30 وانا ان شاء الله هشارك فيها

[Miss Ola]

ههههههههههههههههههههههههههههههههههههه


لا تعــــــــــــــــــــــليق

[111سمسمة]

حــــــــــــرام عليك يا وزيـــــــــر

[Miss Ola]

المشاركة الأصلية كتبت بواسطة drfayoum2010

هذا الكلام كتبته بالحرف الواحد في موضوع آخر بعنوان " أرجو التأكيد أو النفي وقد كتبته هنا أيضا كي يشاهده أكبر عدد من الأخوة الأعضاء
يا جماعة أرجو أن تصدقوني فأنا والله دكتور جامعي ، ولكن زوجتى معلم مساعد ، لذلك انا متابع جيد لأخبار المعلمين المساعدين وبحاول أعرف كل الأخبار الخاصة بالتعيين ، مش علشان حاجة غير لأني عايز زوجتي تتعين وبإذن الله بعد شتة أشهر تاخد أجازة بدون مرتب وتحفظ وظيفتها، وتخلي بالها من الأولاد
المهم ، أنا آسف على الإطالة، اليوم كان هناك اتصال تليفوني بيني وبين شخص على درجة كبيرة من الثقة ويشغل منصب في مديرية التربية والتعليم بمحافظة بني سويف وقال لي بالحرف الواحد ، أن كل الكشوفات والاسماء التي أرسلت للوزارة تم إلغائها ( لو تتذكرو كانت هناك كشوفات تعدها الاكاديميات وترسلها للوزارة على مراحل) المهم تم إلغائها ، وأن الوزارة أرسلت بالظبط عدد 2619 ( ألفان ستمائة وتسعة عشر اسما ) لمحافظة بني سويف وقالت لموظفي الأكاديمية اشتغلو على هذه الأسماء وجهزو كل ملفاتهم ويتم مراجعتها بدقة ، وانتهت الاكاديمية من هذا العمل وتم إرسالها إلي شئون العاملين بمديرية التربية والتعليم
وقد أكد لي هذا الشخص أن كل ذلك يتم في السر ولا يعلمه أحد وبالمناسبة طلب مني الكود الخاص بزوجتي علشان يشوف اسمها موجود ضمن هذه الأسماء ولا لأ.
وللعلم ، بمجرد أن يبلغني، أقسم بالله ، سوف أبلغكم فورا سواء كان اسمها موجود أو غير موجود

انا من بنى سويف تعليم تجارى ووصلنى كلام ان 4 بس اللى جه اسمهم الاكاديمية وكله طبعا فى السر ومحدش يعرف
وفى ناس قالو ان معظم مدرستنا اتعينت وده طبعا فى السر والناس دول فى الادارة التعليمية
مش عارفة بجد ايه الحقيقة

[AlaaElden]

هدأت الأوضاع داخل وزارة التربية والتعليم، إثر اجتماع أحمد زكي بدر، وزير التربية والتعليم، مع موظفى قطاع الكتب، المحتجين على إلغاء انتدابهم فى القطاع، مساء الأحد، وموافقته على إلغاء القرار.
ويعد هذا هو أول حوار من نوعه يدور بين الوزير والموظفين داخل أروقة الوزارة، وقال عدد من الموظفين لـ«المصرى اليوم» إن الوزير اجتمع بهم فى ساعة متأخرة من مساء الأحد، بعد دخوله إلى مبنى الوزارة بنحو 20 «بودى جارد» وجلس معهم، مؤكداً عدم علمه بقرارات النقل التي اتخذتها وفاء عبدالفتاح، المنتدبة للقطاع من إدارة العجوزة التعليمية منذ أشهر قليلة، وأنه سيتفادى ذلك فوراً، بإلغاء القرار لعدم تصديقه عليه، فضلاً على إلغاء انتداب رئيس القطاع.
واستمر الموظفون فى رصد مشاكلهم، موضحين أن إلغاء الانتداب يعني «خراب بيوتهم»، بسبب ضعف رواتب المديريات التعليمية عن قطاع الكتب، فرد الوزير قائلاً: «عشان تحسوا باخواتكم المظلومين»، وعندما قال له أحدهم «إحنا مدخلين ولادنا مدارس خاصة»، رد الوزير:«فيه غيركم مش معاه فلوس يدخل ولاده مدارس حكومية، وأنا معنديش فلوس عشان أنصفهم».
ووافق بدر، على عدم إلغاء العقود والانتدابات المختلفة، مؤكداً أن تثبيت أصحاب العقود ليس من صلاحياته، وأنه من اختصاصات وزارة أخرى في الدولة، رافضاً فى الوقت نفسه مطالب البعض بإلغاء قرارات النقل كافة خلال الفترة الماضية، وكتابة «تعهد» على «نفسه» بعدم إصدار مثل هذه القرارات مرة أخرى.
وعلى الرغم من انتهاء الاعتصام، إلا أن شارع الوزارة الذي يقع فيه المدخل الرئيسى لوزارتي التعليم والإنتاج الحربي، تحول إلى ثكنة عسكرية، بعد إحاطته بـ 10 سيارات أمن مركزي، ووضع حواجز حديدية على أول وآخر الشارع، مع منع المواطنين من الدخول من ناحية شارع المبتديان.

http://www.almasryalyoum.com/news/%D...AA%D8%A8%C2%BB

فديو حديث بدر لبرنامج مصر النهاردة
http://www.youtube.com/user/MasrElNa.../4/V60C4db_XKc

[alirahim]

معناه ان احنا مش فى الدماغ ولا فى الحسبان خالص ملهاش حل ياجماعة غير الاعتصام

[eamohamed_15]

الحمد لله علي نعمه علينا
وربنا علي الظالم

[مستر /سامح على عبد العظيم اليمانى]

مينفعشى وزير .......بسى العيب مش فيه ........فى اللى جايبينه

[bright.light****]

حسبنا الله ونعم الوكيل ربنا ينتقم من كل ظالم

[hishamhassan]

حسبنا الله ونعم الوكيل

[hishamhassan]

[gigi1983]

بصراحه انا مش عارفه انتم مستغربين ليه ومين اصلا قال ان فيه حاجه اسمها تثبيت
ده حتى لما هيتغير المسمى لمعلم هيبقى عقد مش تثبيت وهيفضل المعلم المساعد طول عمره عقد
ياجماعه ده نظام خصخصه لاحظوا معايا نظام الجوده في المدارس وهو مسمى المقصود من ورائه الخصخصه وبعد كده هيبقى المعلمين عقود زي المدارس الخاصه تمام وقت مالمدرس يتخنقو منو يقلوله مع السلامه عقدك اتفسخ
مش عاوزاكم تتفائلو اوي كده والي شايفله شغلانه تجيب فلوس احسن من التربيه والتعليم ينفد بجلده احسن
انا عن نفسي هسيبها خالص عشان الواحد قرف
والله المستعان

[m_ezoo]

احنا نستاهل أكتر من كدة شغالين بثلث الاجر وما حدش متكلم مفيش تثبيت وبرضة محدش متكلم مفيش اجازات وبرضة محدش متكلم...... هيلاقوا فين أحسن من كدة

[alirahim]

المشاركة الأصلية كتبت بواسطة m_ezoo

احنا نستاهل أكتر من كدة شغالين بثلث الاجر وما حدش متكلم مفيش تثبيت وبرضة محدش متكلم مفيش اجازات وبرضة محدش متكلم...... هيلاقوا فين أحسن من كدة

كلام مظبوط مية فى المية وعلشان كدة المفروض منسكتشى وندور على حقنا وكفاية علينا ذل بقى دا انا كنت تعبان ومش عارف اخد اجازة زى الناش علشان اتعالج قلولى عشر ايام بس والباقى بالخصم اذا كان عاجبك فاضريت انى اروح وانا فى شدة التعب هو المرتب فية كام خصم (حسبى الله ونعم الوكيل)

[micha sam]

واحنا تاعبين دماغنا ليه
احنا نسيبها وندور على حاجة تانى