الامتحان عامل ايه؟ ياريت حد يطمنى

[eman saber]

حسبنا الله ونعم الوكيل اللهم ارحمنا من لا يخافك ولا يرحمنا

[mhpharma_2007]

يا ريت اي حد يعمل scaning للامتحان...عاوز اشوف الامتحان ضروري

[pooh2006]

انا عايزة اعرف ايه الاولمبياد دي اللي بيقول عليها انا الامتحان جيه منه

[one way]

عانا ليه اخويا فى كلية الهندسة قعد يحل مسالة اللى هى انبوبة ذات شعبتين فى الاختيارات فى ثلث ساعة وطلع الحل بع عذاب قولتله امال انا اعمل ايه اللى بحل اضعاف اضعاف الاسئلة دى وفى وقت صغير كمان انا بقول لواحدة صاحبتى مالها تجارة انجلش قالتلى ماها تجارة عربى انا مش عارفة هما عاوزين يعملوا فينا ايه واشمعنا احنا
حسبى الله ونعم الوكيل وربنا على الظالم والمفترى وفى الاخر يقولوا الامتحان فى مستوى الطالب المتوسط وخالى من الاخطاء العلمية والفنية والمطبعية انا حفظت الجملة دى من كتر ما بسمعها من صعوبة الامتحانات مش من سهولتها

[pooh2006]

انا عايزة اعرف ايه الاولمبياد دي اللي بيقول عليها انا الامتحان جيه منه

[pooh2006]

انا عايزة اعرف ايه الاولمبياد دي اللي بيقول عليها انا الامتحان جيه منه

[modycode]

الاولمبياد ديه زي مسابقة كدة معمولة بحيث كل مدرسة تختار عدد من الطلبة من عندها , بيروحوا يمتحنوا الاول على مستوى المحافظة , و بيختاروا عشر طلاب او اكتر من كل محافظة على حسب الدرجات اللي جابوها في الامتحان , و بعدين يروحوا القاهرة يمتحنوا امتحان تاني , و بردوا بيختاروا عدد من الطلبة , دول هما اللي هيشاركوا في المسابقة الدولية
ده اللي انا اعرفوا
و الامتحان ده كان شهر واحد اللي فات في اجازة نص السنة و كان في جامعة القاهرة اعتقد

[محمد اشرف شحاتة(G)]

انا كنت جايب 96 فى تانية وعلمى علوم وحاطط املى على السنادى الله ينتقم منه اللى حاطط الامتحان خلانى اسيب الامتحان واشطب الورقة واكتب اقرار واجل الفيزياء بعد التعب دا كله رغم انا كنت مطمن من ناحية الفيزياء وضيعلى سنة ماذا افعل!!!!!!!!!!!!!!!!!!

[شموخ مسلمة]

و الله يا جماعة انا بجد مش عارفة اعمل ايه فى لحظة واحدة شفت كل حاجة بتروح منى قدام عينى سواء كلية او مجموع او انى احافظ ع ترتيبى
انا من توترى فى حاجات المفروض انى عارفاها لخبطت فيها

حسبي الله و نعم الوكيل
ماعنديش حاجة تانى اقولها
قدر الله و ماشاء فعل

قل لن يصيبنا الا ما كتب الله لنا

ربنا يصبرنا

[fizom]

المشاركة الأصلية كتبت بواسطة محمود خاطر

يا جماعة ممكن حد يقولي هما مدلعين ادبي لية مدلعينهم في الجدول ومدلعنهم في الجولوجيا والعملية اخر حلاوة لان هما اساسا مكبرين كلهم على تجارة واداب وحقوق مع احترامي للكليات دية بس الكليات دية لاتنتج عقول متفتحة وعقول تخطط للمستقبل بشكل سليم وهو دا اللي عاوزينة بالظبط ان احنا كلنا نشد على تجارة اللي هية كلية الشعب او اداب اللي هية كلية الكعب العالي او حقوق اللي نص مصر فيها حاليا واللي معاة فلوس خلي ابوة يطلع عينة ويدفع هو دة حال التعليم في مصر

ردا على كلامك واستهانتك بكليات مثل ( الآداب - الحقوق - التجارة)

الذي يريد دخول كلية من كليات القمة سواء الطب أو الصيدلة أو حتى الهندسة من طلاب العلمي عليه بالجد والاجتهاد والتعب ولكن ما أراه حاليا من صراخ وعويل من صعوبة الامتحانات إلى آخره

كأن الطالب يريد كل الامتحان سهلا أو ثلاثة أرباعه على الأقل لكى يستطيع دخول الكلية التى يريدها سواء الطب أو الصيدلة وإذا ما أتى الامتحان صعبا مثل التفاضل والتكامل أو الفيزياء تقوم الدنيا ولا تقعد من صراخ الطلاب أولياء الأمور

أنت طالب تقول أن طلاب القسم الأدبي مكبرين دماغهم على حسب كلامك وكلهم على التجارة والآداب والحقوق وتصف التجارة بكلية الشعب والآداب كلية الكعب العالى ولم أفهم معنى الكعب العالى هنا ولكن ما أريد أن أقوله لك أن هذه الكليات لا تقل قيمة أو شأنا عن كليات الطب والصيدلة فالآداب تخرج المدرسين الأفاضل والحقوق تخرج المدافعين عن الحق والمستشارين فهم لا يقلون عن الأطباء أو الصيادلة

أرجو أن تكون رسالتى وصلت

لا تحسبن العلم ينفع وحده ما لم يتوج ربه بخلاق
والسلام ختام

[pody_777]

الى الاخ Fizom انا فى طب بشرى ومتفهم وجهة نظر حضرتك وما وراء رسالتك دى واكاد اكون معك فى معظم نقاطها بس لازم نعزر الطالب اللى قال كدا لان بجد توتر الثانوية العامة ورؤية هدف ليك طول عمرك ممكن تحلم بيه يضيع تدريجى امام عينك فدى صعبة بكل المقايس والاصح انه يتم وضع نسبة للطالب المتفوق لبيان التدرج الفكرى للطلاب بس دا لا يعنى انى اتمادى فى النسبة دى واخلى معظم الامتحانات كدا فدا مش قياس لمستوى الطالب ابدا بالعكس دا تعقيد ليه وخصوصا لو انة شايف زمايلة فى الادبى امتحاناتهم مباشرة وسهلة ودا اللى بيزود الاحتقان اكتر . ارجو من حضرتك تقدير الحالة النفسية للطلبة دى خصوصا التوقيت دا بجد ربنا يكون فى عونهم . وتاكدوا ان كل شىء ربنا يريدة فيه خير اى كان . وربنا يوفقئنا جميعا

[smartsway]

موضوع الجامعات الخاصة ده حقبقى لانهم عايزين يبطلوا يعلموا الشعب بالمجان وبصنعة لطافه هيخلوا الممتازين من ابناء الشعب
واللى ما عرفوش يلحقوا كليات القمة من هذه الخطة الجهنمية (الامتحانات الابليسية) ان يتجهوا للجامعات الخاصة وبكرة افكركم ان فضل حد يتعلم ببلاش فى المحروسة بس السؤال هنا ؟ لمصلحة مين كل ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[اسماء3334]

امتحان زفت
يظهر انه كان متوجه لعلماء الفيزياء فى مصر لكن غلطوا ووجهوه لفئران التجارب فى الثانوية

[نورسين محمود]

حسبى الله ونعم الوكيل تعبنا راح انا زهقت معنديش استعداد ازاكر تانى ومش عارفة اعمل ايه ربنا يستر على الجبر والفراغية والميكانيكا

[lily2222]

الحمد لله كويس ان انا متفقة مع بابا على اى جامعة اجنبية لان الجامعات الحكومية دى مفيهاش تعليم من اصله ولا بطلع علماء ولا حاجة