|
أرشيف المنتدى هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
|
#1
|
||||
|
||||
اقتباس:
لا مش متساوى معاكى ان اللفة العادية برضو غلط بس افضل شوية من السبانيش من وجهة نظرى اقتباس:
مش بس تغطى شعرها المفروض تغطى كلها ما عدا الوش والكفين والسبانيش مش فيها الكلام ده دى اول حاجة تانى حاجة لازم يكون اللبس واسع ومش ملفت تالت حاجة بقى الخيمة اللى بتقولى عليها دى هى الحجاب الشرعى اللى المفروض كلنا نمشى عليه والبنت ( المتدينة الصح الامورة ) اللى بتلبس ( الخيمة ) هى بنت مسلمة وغالبا احسن منى ومنك اذا كانت ملتزمة ف اخلاقها نفس التزامها ف لبسها اقتباس:
لو شايفة ان السبانيش حجاب اصلا
يبقى مفيش مشاكل لكن بصى هنا اقتباس:
|
#2
|
||||
|
||||
اقتباس:
بفرض إنه الاتنين غلط هل لما تبيني الرقبة زي الطرحة العادية ؟ ده لو مكنش مع الرقبة جزء من الصدر ولو مفيش حتة من الشعر باينة بعيدة كل البعد فالطرحة صحيحة والخمار افضل واصح لكن الاسبانش مش حجاب اصلاً عشان تتقارن مع الطرحة اقتباس:
مش لازم توصل لتحت لحد ما تغطي الايدين إلا لو اللبس مفتوح الصدر وده حكاية تاني نظرياً اه لكن عملياً لأ الشبكة لو جبتهالك في كيس او في جيبي وقدمتهالك في ايدي حتحس بجمالها ؟ طيب لو في علبة محترمة ؟ نفس الجمال الحجاب بيزين المرأة ويجعلها اجمل ويحفظ جمالها ويغطيه بجد البنت كل ما بتسيب حتة من جسمها اكتر جمالها بيقل في نظري اقتباس:
ده بقى مش متفق فيها احنا الحجاب بتاعنا اسلامي يعني مكنش موجود قبلاً ولا بعداً وبالتالي مينفعش حد يخترعلنا حجاب ونلتزم بيه وليه نسيب الحجاب اللى عطاهولنا الدين احنا مش بناخد من اسرائيل كمبيوتر هما اخترعوه حديث احنا بناخد حاجة تخص ديننا اكيد اسرائيل مش بيلبسوا حجاب اسلامي وهما الد اعدائهم الاسلام يبقى ازاي ناخد منهم حجاب !! وبلاش كلمة خيمة ده االخمار صح والطرحة صح
__________________
It was over 3 years since my last visit |
#3
|
||||
|
||||
thanks alot for your amazing topic
__________________
أفضل للعالم أن يوقد شمعة .. من أن يلعن الظلام |
#4
|
||||
|
||||
خالص التحيه منى لاوركيديا على تجديد هذا الموضوع الاكثر من رائع هو اى نعم مش هيفدنى انا شخصيا بس طبعا احنا عندنا بنات واكيد بيحبوا يقلدوا الحجات الجديدة والاستيلات ديه... وربنا على الظالم والمفترى اسرائيل يعنى وشكرررررا لاوركيديا...تقبلى مرورى
__________________
لا اله الا انت سبحانك انى كنت من الظالمين |
#5
|
||||
|
||||
جزاك الله خير علي طرحك لهذا الموضوع القيم ومن المعلوم لأول وهله انه حجاب من مصتنع يهودي اذ اننا في زمن كله فتن حتي الحجاب بأه فتنه في ذاته كفي بألوان الحجاب وكفي باللمسات التي تضعها الاخت المسلمه علي الحجاب اللهم اهدي بنات ونساء المسلمين
ودمتم بخير |
#6
|
||||
|
||||
بجد احنا لو مسلمين بجد يااوركيديا وعارفين دينا كويس
وعارفين ان مش اى موضه هبلة ملهاش لازمة تطلع نقلد وتقليد اعمى وبس ونتهم الحجاب انه ده حجاب اكيد كان حالنا هيتغير بجد شكرا ليكى ياقمرى ع الموضوع تسلم ايديك
__________________
جدول حملة انا ملتزمة فى رمضان
|
#7
|
||||
|
||||
ههههههههههه
الخيمه هى الحجاب الشرعى وباقى بنات مصر كفره انا شفت واحده لابسه عبايه وبسبانش ومغطيه شعرها ومش مبينه غير وشها وكفيها دى تترمى فى جهنم صح .. وحلوه اوى تغطى كله ماعدا الوجه او الكفين امال الاسبانش دى بتبين ايه تانى مهى مش بتبين الا دول هى العمليه كلها شكلها ازمه من الاسم نفسه شكله اسم افرنجى وهو ده اللى عامل ازمه يبقوا يسموه ربطه ام عبده وساعتها هتبقى لفه عربيه من ايام الخديوى بطاطس والصراحه الخيمه دى مش عمليه اقصد النقاب والاسدال والكلام ده لو عبايه اوكيه بس عبايه مش ماشيه بجرجر شوارع البلد اصلا معفنه مش محتاجه انى الم قرف الشارع ككله فى طرف العبايه وامشي اتكعبل وكده هتقوليلى زمان وبتاع كانوا كده هو اصلا زامن كانو فيه ستات بتنزل الشارع عامه اى لبس محترم يكون عملى وشكله حلو يبقى والله حاجه زى الفل عامه مش فارقه |
#8
|
|||
|
|||
اقتباس:
مفيش فايدة
|
#9
|
||||
|
||||
كنت سمعت عن الموضوع دا قبل كده
انا طبعا يعنى اصلا مش بفضل حاجة زى دى مش عشان اليهود وكده عشان هو اصلا طريقته غلط ومش صح ومش اسلامى عموما اصلا يعنى العرب كل حياتهم تقليد اشمعنى جات على دى مش حاطين فى دماغهم انهم يبتكروا حاجة من عندهم بيبحبوا يقلدوا وبس شكرا يا ولاء على الموضوع
__________________
الحمد لله على كل شئ |
#10
|
||||
|
||||
اقتباس:
كفرة مين يابنتي اهدي ياياسو بالراحة مش كده من تشبه بقوم فهو منهم هنستفاد ايه لما نقلدهم غير اننا نقع ف بعض مواضع الشبهات واحنا عارفين اننا بنقلدهم وبعدين ايه فايده لفة الاسبانش مدام فيها كلام وشبهات ولما يبقى لبسك واسع ومحترم هتتضري ف حاجة؟ ولا انتي خايفة ان الناس اللي تفكيرهم زي تفكيرك كده يقولو شوفو الخيمة اللي ياسو لابساها بصي لا يصح الا الصحيح دينا بيقول ان الاسبانش مش من مواصافات حجابنا الشرعي خلاص يبقى منجادلش وبعدين مدام انتي مش بتلفي اسبانش بتدافعي عنها ليه
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله
|
#11
|
|||||
|
|||||
اكيد مفيش فايده .. ولا هيكون فيه فايده من كلام كلام عامه موش مشكله سوييه ( صح كده بردو :D
اقتباس:
حكم يا حنان والله .. انا ضده عشان ملوش لازمه بس مش عشان مش اسلامى وع رأيك البلاوى كتير اقتباس:
اقتباس:
حاجه واسعه شكلها حلو وعمليه مش ناقصه وجع دماغ بس بردو ايه لعاقه اللبس انا بتكلم عن الحجاب وحريه اى واحده حتى لو برابطه العفريت تلبس اللى هى عيزاه بدام مش هتعدى ع حريه حد ومش هأزى عنين حد ومعتقدش ان الاسبانش لو ع لبس كويس هيضر حد افهموا بئا اقتباس:
الوجه والكفين لما تبين غيرهم تبقوا تتكلموا اقتباس:
لانى انا مش مقتنعه انه غلط ومش شرط عشان مش بعمل الحاجه دى يبقى مدافعش عنها اعرف ناس شكلهم محترم اوى بيها وناس شكلهم سخيف بردو بيها الحاجه السهله المريحه هى اللى تهمنى او هى الحاجه اللى بشجعها وبالشروط اللى قلتها فوق عشان ميجيش حد امور يقلى مالبس المسخره سهل فى اللبس خدوا الكللام ع بعضوا عامه مش فارقه كل واحد ليه الحاجه اللى مقتنع بيها المهم ان انا زهقت :D كفايه بئا ع الموضوع ده ميستاهلش الكلام الكتير اوى ده |
#12
|
||||
|
||||
طيب هم بيلبسوه ليه اساسا
يعنى لا شكله حلو ولا ستايل حاجه غريبه والله و الله المستعان شكرا على التوبيك فى رعاية الله |
#13
|
||||
|
||||
الموضوع راااااااااااااااائع
جزاك الله كل خير |
#14
|
||||
|
||||
حد يحوش ياسمين يا جدعان قبل ما تقتل حد !!
قشطه يا لولو .. ايه يا عم المواضيع الجامده دي ؟؟ يعني يوم ما نتشبه .. نتشبه باليهود .. اخص .. بس بجد موضوع حلو .. وعرفت حاجات لاول مره بعرفها .. مالها لفة الطرحه العاديه ماهي زي الفل .. بس هي تقاليع بعيد عنك .. ربنا يسترها علينا .. وعلى عيالنا .. دي حاجه تفقع المراره يا شيخه .. تقبلي مروري يا سكر !! me dreamer
__________________
miss u buddies
|
#15
|
||||
|
||||
يا أخوتي تقوم الأخت ثائرة إذا انتقد أحد هذا الملبس الذي ترتديه و حاول إقناعها أنه بعيد عما أمر به الله و تجد ردود تنم عن نقص علم و فراغ عقل و كبر و غمط للناس فمثلاً تقول 1- أنا الحمد الله أحسن من غيري العارية الشعـر قال تعالى )قل لا تمنوا علي إسلامكم. بل الله يمن عليكم أن هداكم للإيمان إن كنتم صادقين ( 2- هذا حجاب يراعى الموضة قال r)عليكمبسنتي و سنة الخلفاء الراشدين المهديين من بعدي عضوا عليها بالنواجذ( 3- أصل ده الحجاب اللي بترتديه الفنانه الفلانية من يوم ما تحجبت قال تعالى ) كل امرئ بما كسب رهين( 4- أهم حاجة النية الخالصة لله و في غيري منقبة و بتعمل حاجات يـــاي قال الحسن t)إن قوماً أساءوا العمل، وقالوا: نحسن الظن! ولو أحسنوا الظن لأحسنوا العمل( يا أخواتي دعونا نتكلم الحق ( و لله المثل الأعلى ) عندما تضع الوزارة شروطاً لعمل ما نتسابق لفعله للحصول على رضا المسئولين فما بالنا بالله عز و جل هو خالقنا و الأعلم بنفوسنا و ووضع لنا قواعد لتزكيتها يا رب نجنا من الأهواء و ردنا لدينك مرداً جميلا ©يا أيها الذين آمنوا استجيبوا لله وللرسول إذا دعاكم لما يحييكم واعلموا أن الله يحول بين المرء وقلبه وأنه إليه تحشرون¨ لمزيد من المعلومات للتي يبحث عن الحق و ليس الجدل من هنا آخر تعديل بواسطة abou aliaa ، 09-07-2009 الساعة 10:39 AM سبب آخر: اضافة |
العلامات المرجعية |
|
|