منتدى كلية العلوم

[اينشتاين]

اهلا بيك معانا يا سامح والله يكون فى عونك ... سمعت ان كيمياء اسبيشيل حاجة خنقة

[علمي علوم]

شكرا لك امون وجزاك الله خيرا

اسفة على التأخر فى الرد بس ده بسبب المشاكل اللى عندى فى النت ربنا يحلها يا رب

معلش يا اينشتاين هو اول اسبوع فى سنة اولى بيبقى كدا بس جديدة حكاية نايمة دى :D

وربنا يوفقك يا رب وتجيب امتياز عالى كمان وتثبت وجودك.
وعلى فكرة لو انت جبت تقدير كويس كدا فى الترم الاول إن شاء الله هتحس بالفرق الكبير والاحترام اللى هتلاقيه فى كل مكان خصوصا انت عارف سمعة كليتنا انها صعبة وكدا فاى حد يعرف انك جبت المجموع ده فى علوم يحترمك اوى إن شاء الله وكمان هتلاقى فرق فى المعاملة فى الكلية نفسها ومن قبل الدكاترة والمعيدين إن شاء الله.

وربنا يوفقك وطمنا عليك على طول.


اهلااا وسهلاااا بيك يا سامح معانا وربنا يوفقك يا رب وشكرا على مرورك الجميل ده

[halhol]

هاى يا جماعه انا هاله انا فى ثانويه سودانيه وتنسيقى مظهرش كنت عايزه اسال ان فعلا ممكن من علوم لو جبت تقدير فى اول سنه احول صيدله ولا لازم اخلص 4 سنين العلوم وبعدين اخش صيدله وبعدين كل الناس بيقولوا انها صعبه اوى اوى وفعلا محدش بيكمل فيها والكلام ده ماثر عليا اوى حد يجاوبنى ياريت

[أ. الدادمونى]

فكرة جميلة جداً يا أميرة

ويشرفنى أن أكون معكم فى عرض المشاكل التى تواجه الطلاب فى كلية العلـــــــــوم وأيضاًَ عرض الحلول لهذه المشاكل،،، مع خالص تمنياتى بالتوفيق للجميع،،

[علمي علوم]

اهلا بيكى يا هاله
بالنسبة للتحويل من سنة تانية علوم فالنظام ده اتلغى من زمان لكن ممكن بعد ماتخلصى ال4 سنين تكملى فى كلية طب اما بالنسبة لكلية صيدلة ففى كلام بيقول ان ينفع تكملى فيها وفى بيقول انه ماينفعش تكملى صيدلة ومش عارفى اتأكد من الكلام ده بصراحة بس لو انتى عايزة انا ممكن احاول وابحث فى الموضوع ده إن شاء الله:D , لكن اللى انا متأكدة منه ان ممكن تكملى طب ( بس بيقولوا لازم تدفعى 15 الف جنيه تقريبا علشان تدخليها ).

لكن بالنسبة لكلية علوم نفسها فالكلام اللى عليها ظالمها يا بنتى ,اه هى صعبة شوية بس كل الكليات العلمية بوجه عام صعبة وحكاية ان ماحدش بيكمل فيها دى فدى بقى اشاعة :D, اه فى ممكن ناس تحول منها لكن باقى الدفعة بتكمل عادى:D وبتتخرج الحمد لله وده مش مستحيل ولا حاجة , يعنى مثلا علشان اطمنك انا دلوقتى فى سنة تالتة علوم القاهرة والحمد لله ماقلتش فى ولا سنة عن جيد جدا مرتفع ده غير انى جبت امتياز فى اخر ترم الحمد لله.
يعنى بصراحة ماتتأثريش بكلام الناس , و انا برضه لما جيت ادخل علوم الكل قاللى كدا بس انا استعنت بربنا وقررت ادخلها والحمد لله نجحت فيها , فانتى استخيرى ربنا وتوكلى عليه وربنا يوفقك للى فيه الخير يا رب.

ولو عايزة اى حاجة , احنا فى الخدمة إن شاء الله

فكرة جميلة جداً يا أميرة

ويشرفنى أن أكون معكم فى عرض المشاكل التى تواجه الطلاب فى كلية العلـــــــــوم وأيضاًَ عرض الحلول لهذه المشاكل،،، مع خالص تمنياتى بالتوفيق للجميع،،

استاذ الدادمونى اهلاااااا وسهلاااااا بيك الموضوع نور بجد

انا اللى يشرفنى وجود حضرتك معانا وإن شاء الله حضرتك هتساعدنا فى حاجات كتير جدا بوجودك معانا

شكرا جزيلا لك

[halhol]

ميرسى يا علمى علوم على الدافع القوى ده عموما انا الحمد لله قبلت علوم الاسكندريه ولسا هاروح اول يوم كمان يومين وربنا يوفقنى ويطلع الكلام اللى عاليها دا كلوا غلط

[halhol]

بس انا كان عندى سؤال مهم هوا القسم اللى فتح جديد فى القاهره يعتبر قسم حلو اوى يعنى يستاهل انى احول من الاسكندريه للقاهره ولاا عادى وسؤال تانى معلش هوا ايه يعتبر احلى قسم فى الاقسام واسهلها ولاا دا هينطبق على السىء اللى انا احبه والاحسن ان يبقى التخصص من 2 سنه ولاا 3 سنه اصل الاسكندريه هتخصص فى القسم بتاعى فى سنه 3 فا دا شىء حلو ولاا وحش ياريت تجاوبنى وتبقى مشكوووووووووووور

[CrazY Bo$S]

عندكو فى اسكنرية نووى كويس

[halhol]

يا ريت يا جماعه لو حد فى علوم الاسكندريه سنه اولى او ثانيه يبعتلى ايميله وانا هضيفه لانى بجد فيه حاجات


كتيره اوى اوى محتاجه اعرفها ومعرفش حد هناك خالص عشان استفسر منه على اى حاجه لو فيه حد ياريت


يرد عليا بسسسسسسسسسسسسسسسرعه

[علمي علوم]

انا اسفة جدا جدا على التأخير فى الرد ده

وبالنسبة لأسئلتك يا هالة:_
القسم الجديد كويس بس انا شايفة ان اختيارك ليه او لأ على حسب ميولك انتى وعلى فكرة فى قسم جديد فتح ( جيويوجيا بترولية ) وبمصاريف برضه.

وبالنسبة لمين اسهل قسم: فده زى ما انتى بتقولى راجعلك انتى بس فى اقسام معروف عنها انها صعبة شوية عن غيرها زى الرياضة عندنا فى الكلية مثلا.

وبالنمسبة للتخصص فده مش بيفرق كتير الحقيقة , بس يمكن لان القسم بتاعى فيه التخصص من تانية فانا شايفة ان ده افضل شوية من ناحية الاستقرار. لكن احنا برضع عندنا فى القاهرة اقسام, التخصص فيها من ثالثة زى عندكم.

ربنا معاكى يا رب ويا رب يوفقك ويا ريت تقوليلى دلوقتى اخبارك ايه وانتى استقريتى فين؟؟؟


شكرا يا crazy boss على مرورك الجميل وعلى الاضافة

[prof.wessam]

يا جماعة انا نفسي ادخل علوم انا دلوقتي 3ث بس الحظ خاني في تانية وجبت 82.5% و نفسي اخل علوم ولو حتي اقاليم .صحيح هو ينفع لو كنت اقاليم احول في تانية للقاهرة .... المهم ايه رأيكم .أرجوكم ساعدوني بالرد.....

[prof.wessam]

سؤال اخير انا سمعت ممكن ادخل علوم من زراعة وقسم معين بس بشرط التقدير .ممكن حد يجاوبني ضروري

[CrazY Bo$S]

بيتهيألى صعبة شوية
انت على كده عايز مجموع عالى قوى قى 3 عشان تلحقحتى اقاليم ولو كن علمى علوم يبقى خلاص شيلها من دماغك من الاخر
اما لو علمى رياضة ..لو شديت حيلك ممكن تدخل علوم رياضة
انا جايب 93 % ومدخلتش علوم !
ولو رحت اقليم ينفع تحول من اول سنة كمان حتى لو مجوعك مش جايب القاهرة

[prof.wessam]

المشاركة الأصلية كتبت بواسطة CraZy Bo$S

بيتهيألى صعبة شوية
انت على كده عايز مجموع عالى قوى قى 3 عشان تلحقحتى اقاليم ولو كن علمى علوم يبقى خلاص شيلها من دماغك من الاخر
اما لو علمى رياضة ..لو شديت حيلك ممكن تدخل علوم رياضة
انا جايب 93 % ومدخلتش علوم !
ولو رحت اقليم ينفع تحول من اول سنة كمان حتى لو مجوعك مش جايب القاهرة

وانت دخلت ايه دلوقتي زراعة ولا حاجة تانية

[Soledad]

السلام عليكم جميعاااااا
بجد بشكر ( علمى علوم) على مجهودها دا ....انا يمكن جديد بس قرأت الفكره من اولها وقد ايه هى تعبت علشان تحبب الناس فى الكليه وعلشان كمان تسهل على كتير من الجداد مشاكلهم ........عموما بشكرها لتانى مره ....يشرفنى انى اكون معاكم ....محمد ...رابعه علوم (كمياء-فيزياء) المنصورة ..