|
|
|
#1
17-09-2010, 11:12 AM
|
||||
|
||||
[quote=ExpireD;2664822][quote=mr. mohannad;2662337]
كنت صغيرة او ماكنتش متابعه و مرتضى ماسك النادى فمش عارفه مستوى الفرقه كان ايه بس كل اللى بقراءده وبسمعه عنه غير مبشر بالخير خالص كفيه انه مخلينا ماده للتريقه للي يسوى و اللى مايسوااش و اسمع انه مرة ودى اللاعيبه الماتش بميكروباص وحاجات كده عجيبه ف واحد بيحب النادى يعمل اللى هو بيعمله ده و كل يوم قضيه و محاكم و بتاع ومش قال قبل الانتحابات ان مهمها كانت النتيجه مش هرفع اى قضيه ورجع ف كلامه زى العيال يا ياكسب الانتخابات يا يطعن فيها معندوش حل تالت كفايه انه متشرف بعضويه الاهلى و كان بيقول لو الواحد دور ع نادى يتمحك فيه مش هيلاقى احسن م الاهلى  فيه رئيس نادى يقول كده بالذمه فيه واحد زملكاوى يطلع يغلط ف رموز النادى زى حماده وحازم امام ع الهوا كده؟ فيه واحد زملكاوى بيبقى قاعد مستنى اى كبوة للزمالك علشان يطلع يقطع ف النادى واللى ماسكينه ولا هو حب ظهور ومرسى عايز كرسى وطظ ف الزمالك بقى ده حتى لما كسبنا الكاس مش يطلع يقول مبروك لا يقولك الزمالك كسب بسبب الحكم اليونانى شخصيه مريضه ربنا يحفظنا كابوس والله بالنسبه لى لو الراجل ده مسك النادى تانى طبعا اول حاجه هيمشى شيكا ماعتقدش ان فتح الله هيجدد ويبقى مبرك ع الاهلى و مش هيرضى يدى لعمرو 5 مليون و عمرو هيخلع طبعا ووحيد طبعا كمان هيمشى هو كمان ماجتش عليه الحضرى لو فلوسه اتاخرت 3 ثوانى هيخلع هو كمان ده غير بقى انه هيجبلنا ابراهيم سعيد و فرج شلبى احسن باك شمال ف مصر و اسامه حسن اللى جابنا الكاس و مصطفى جعفر اللى كنا مضطهدينه علشان تبعه وكله كوم وتصريحاته هتبقى كوم تانى بقى يالهوى بجد هيبقى هو وابراهيم حسن هنبقى فرجه للى يسوى واللى مايسواش مش هيبقى نادى الزمالك للالعاب الرياضيه خالص ربنا يعملنا الى فيه الخير محدش عارف الخير فين وربنا يستر ف ماتش بكرة ولو ان الواحد ملوش نفس يشوف حاجه آلاء،،، والله حرام عليكي ده اللي بتعمليه في نفسك. مش يمكن حال النادي يتصلح بوجود الشيطان ده. ماهو الحال مايل في وجود الملايكة. اصبري بس شوية ويمكن تتعدل. ولو فكرتي كتير بالطريقة دية هتتعبي. وذوي الكراسي والمناصب ولا يهمهم ودول عايشين باشوات واحنا اللي بنتعب وبنشرب المر وهم مستمتعين بحرق دم الجمهور. لكي ولنا الله وربنا يصبرك ويفرحك يارب ويكون مرتضى أحسن من عباس. وبصراحة أنا مشفتش حاجة من عباس غير الكذب وبس. ادعي معنا للزمالك النهاردة. 
|
|
#2
16-09-2010, 05:38 AM
|
||||
|
||||
|
وإن كنت زملكاويّاً لم أتطرق يوماً إلي مثل هذه المناقشات
أفيقوا من غفلتكم واهتموا بقضايا تخصُّ مستقبلكم دنيا ودين وبالله التوفيق
|
|
#3
17-09-2010, 01:19 AM
|
||||
|
||||
|
اقتباس:
مشكور على مرورك أولا بس المناقشات دى حاجه ترفيهيه بجانب الأمور المهمه فى حياتنا زى الصلاه مثلا أو الدراسه وحتى دى أحسن من حاجات تانيه زى الأفلام والمسلسلات اللى بقى فيها مناظر يعنى لا تعليق بصراحه أنا أوقات بقول برضه أنا هستفاد إيه لما أشجع الفرقه دى وأقعد أحرق دمى لما تتغلب بس بلاقى ده إحساس طالع من جوايا كده مقدرش أغيره أنا ممكن أعطى مثال حضرتك مثلا لو بتحب تسمع شيخ أو داعيه إسلامى معين بتقعد تتكلم عنه كتير ومتقدرش لو كان بيتكلم تطنشه ومتسمعش له لأن خلاص دى بقت حاجه متأصله فى قلبك إلا إذا ثبت حاجه تكرهك فيه بقى دى مشكله تانيه ده نفس حال حب الزمالك بالظبط
|
|
#4
18-09-2010, 04:11 AM
|
|||
|
|||
|
اقتباس:
بس مش ان يبقى رئيس الزمالك مرتضى ده الاهلاويه عالمين افراح و ليالى الملاح عشلان كسب القضيه واحتمال كبير لما الانتخابات تتعمل يكسبها و محمد نصر عمال يعملو ف كليبات و اخر حلاوة ياترى ده حبا ف الزمالك و ان ده لما يجى هيصلح حاله للاسف هما عارفين ان مرتضى لما يجى هيخربها اكتر مهى خربانه و اكيد مارفعوش اليافطه دى بردو خوفا ع مستقبل الزمالك  ومين عارف ممكن يكون انا بفكر غلط ويكون مرتضى حلو (مش عارفه ازاى ياعنى بس ماعلينا) اهو غالبا بنسبه كبيرة شكله هيمسك قريب وادينا هنشوف و عباس والله رغم ان ليه سلبيات كتير بردو بس عمل حاجات كتير نفسى ف حد جديد خالص يمسك اقتباس:
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#5
18-09-2010, 05:32 AM
|
||||
|
||||
|
[quote=ExpireD;2670304]
نفسى ف حد جديد خالص يمسك انشاء الله يمسك مرسي عطالله. بس حاجة غريبة أوي الأهلوية يرفعوا اليافطة دية لمرتضي ياترى ليه؟ -مش مفهومة.
|
|
#6
19-09-2010, 01:35 AM
|
|||
|
|||
|
اقتباس:
ولاحتى ده حلو بيقولك بنك الافكار اهم م بنك الفلوس ع كده بقى ان شاء الله لما نيجى نكلم فتح الله ف التجديد نقوله هاه بقى عايز كام فكرة مقدم العقد؟ اقتباس:
بالعكس مفهومه جدا علشان هما عارفين ان خراب الزمالك ع ايده و هيلاقوا بقى حاجات يضحكو عليها للصبح زى ماحنا كده عايزين البدرى يفضل ماسك الاهلى وكنا عاييزن امير يفضل جول وهما عايزين مرتضى علشان يخربها و عايزين احمد غانم يفضل وماكنوش عايزين اوسه يمشى وهكذا بقى
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#7
19-09-2010, 05:24 AM
|
||||
|
||||
|
اقتباس:
يارب استر داحنا تعبنا وتحملنا كتير أوي.
|
|
#8
19-09-2010, 03:06 PM
|
||||
|
||||
|
اقتباس:
بالعكس بقى يا آلاء احلى فترة للزمالك في السنوات الأخيرة اللي كان فيها مرتضى منصور رئيسا للنادي
__________________
يارب ارفع عنَّا وعن مصر الفتن ما ظهر منها وما بطن واحفظ بلاد المسلمين من كل شر وسوء يا أرحم الراحمين  
|
|
#9
19-09-2010, 07:36 PM
|
|||
|
|||
|
اقتباس:
اشتدى يا شده تنفرجى معرفش هيمشى مع الزمالك ولا احنا كالعاده نختلف عن الاخرين يلا ان شاء الله خير اقتباس:
 باالنسبه لينا اكيد لا
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#10
20-09-2010, 05:55 AM
|
||||
|
||||
|
[quote=ExpireD;2674457]ف مثل بيقول
اشتدى يا شده تنفرجى معرفش هيمشى مع الزمالك ولا احنا كالعاده نختلف عن الاخرين يلا ان شاء الله خير ان شاء الله هتنفرج
|
|
#11
20-09-2010, 02:28 PM
|
||||
|
||||
|
اقتباس:
اشكرك يا آلاء على هذا الاسلوب في الكلام .... !!!!!!!! واشكرك على هذه الصورة التي لا افهم ماذا تقصدي بها .... !!!!!
واعتبري يا آلاء ان هذه آخر مرة ارد على مشاركة تخصك او حتى ادخل موضوع يخصك بصفتي الأهلاوية طالما اعتبرتيني هكذا ..
__________________
يارب ارفع عنَّا وعن مصر الفتن ما ظهر منها وما بطن واحفظ بلاد المسلمين من كل شر وسوء يا أرحم الراحمين
|
|
#12
21-09-2010, 12:16 AM
|
|||
|
|||
|
اقتباس:
اقتباس:
ليكو كان قصدى بيها الاهلاويه فاهمه ان حضرتك كنت بتكلم انه كان حلو بجد مش م ان حضرتك عاوز الزمالك يبقى وحش بس انا مش مقتنعه خالص انهى صورة ؟حضرتك قصدك الايموشن ده ؟ ده كان قصدى فيه ع حال الزمالك ساعتهاسورى لو كان حاجه ضايقت حضرتك بس ماكنش قصدى حاجه بجد
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#13
21-09-2010, 06:02 AM
|
||||
|
||||
|
اقتباس:
|
|
#14
25-09-2010, 01:23 PM
|
|||
|
|||
|
اقروا يا جماعه
نص اجرأ واقوى حوار لجاسر فى قناه الفراعين .. * نظر لطول الحلقه قررنا كتابه نص الحوار لاعضاء اونـلى وان زمـالـك واهم ما جاء به فى حوار كشف رؤوف عن اسرار جديده ورد على جميع اتهامات مرتضى منصور ومكالمه هامه لرئيس نقابه العاملين بالشباب والرياضه يكشف لاول مره عن القصه الكامله لحمدى الذى اصبع حديث الشارع الرياضى وحقيقه اصوات لجنه 24 والذى ادلى سامر ابو الخير بصوته فيها وماذا قال عن هذه اللجنه ! نص الحوار :: * مرتضى يدعى ان المديونيه تعدت الـ 260 مليون جنيه وكالعاده كلامه بدول دليل .. مديونيه الزمالك لا تتعدى الـ 5 مليون فقط لا غير وهى مديونيه عاديه فى الوقت الحالى * عباس تبرع للزمالك بـ 10 مليون جنيه وباقى الـ 42 مليون جنيه هم دين مستحق ولا يحق لعباس المطالبه بهم الا بعد سنوات طويله لانه وضعهم كاستثمارات طويله المدى ! * ارفض اى مداخله لمرتضى وارحب بالتقرير المسجله لان مرتضى كثير التجاوز وانا ارى انى اكبر من هذا الاسلوب لانها فى الاخر شىء مسيىء للزمالك * مرتضى منصور عندما تم حل مجلسه على يد البلتاجى رفع قضيه وكسبها فى اول درجه ثم خسر امام المحكمه الاداريه العاليا .. الحكم عنوان الحقيقه ولكنه عندما يكون الحكم نهائى وبت وليس اول درجه ! * نعترف اننا لم نحقق كافه طوحتنا وليس طموحات الجماهير فقط .. ولكن يجب ان نعترف ايضاً ان الزمالك تركه كبيره وتولينا الزمالك فى ظروف ليست كالظروف الذى مسك فيها مرتضى او احد غيره من قبل ..فحينها الزمالك كان مستقر كفريق كوره ومن قبله مجلس منتخب مستقر والزمالك به مرفقات اما مجلسنا فستلم الزمالك منهار حتى المرافقات منهاره والنادى مهدم .. وبعترف ان دا مش سبب ولكنه احد الاساب انا رجل يمتلك الشجاعه عشان اقول اننا اخظأنا فى كذا وكذا وكذا * الزمالك فى مجلسنا عاش فى استقرار مالى ، زمان ماكنتش الفنادق بتقبل بدخول فريق الزمالك الا لما يدفع كاش !! لما مسكت الزمالك بعد ايقاف مرتضى بعد واقعه الجزمه الشهيره مكنتش عارف اعمل اعلان فى الجرنان عشان مافيش فلوس نهائى فى النادى حتى الكرديت لاين مافيش ! * احد اهم عيوب المجلس اننا مكناش بنطلع فى الاعلام نقول كل حاجه بنعملها انشغلنا بمشاكل الزمالك ونسينا دور الاعلام والتواصل مع الجماهير * الزمالك حاليا يمتلك كريدت لاين عند كل مستشفى او فندق او مؤسسه الزمالك بيتعامل معاها * سدادنا جميع مستحقات الاراضى عند النادى * استعدنا اهم موارد الزمالك الذى اهملها الكثرين ولدرجه توصل للتلميح بالفساد ولكن ممدوح عباس استعاد حق الزمالك فى المحلات المجاوراه للزمالك .. اصحاب المحلات كانوا رفيعن قضايا على الزمالك وحولوا المحلات لايجار طويل المدى وكانوا بيدفعوا الف جنيه فى السنه يعنى اقل من 100 جنيه فى الشهر وممدوح عباس بدء فى استرجاع حق الزمالك فى هذه المحلات عندما كان رئيس معين والزمالك اخد حقه من هذه المحلات ايام المجلس المنتخب * مرتضى منصور عضو مجلس اداره فى الزمالك من سنه 1994 واهمل تقاضى اصحاب المحلات وعباس رفع قضايا عليهم والمحل اللى كان بيدفع الف جنيه فى السنه حاليا اصغر واقل محل بيدفع 102 الف بجانب مقدم جديد * المجلس انشىء صاله مغطاه فى نادى الزمالك * عملنا عمره لحمام السباحه رغم ان للحفاظ على صحه الاعضاء كان من المفترض انه يتعمله العمره دى من عشر سنين .. عمره حمام السباحه كانت مهمه لان المياه كانت بتتسرب الى الغرف اللى فى الاسفل والجدران تشققت * بدئنا فى المبنى الاجتماعى من اول يوم ودفعنا فعلا لشركه المقاولين عشان تبدء فى بناء اول دور والتأخير مكنش من الزمالك كان من المقاولين والروتين واستخلاص الاوراق والتراخيص ولكن الفلوس ادفعت لبناء الدور الاول كامل * ابتدينا فعليا فى 6 اكتوبر ووضعنا خطه كامله لبناء 6 اكتوبر بدون قروض ولا مساعدات من البنوك بالاستعانه بخبير استشارى * عباس عندما كان معين اصلح ملاعب الناشئين على حسابه الخاص ولكن مع الجهد والحمل الزائد تتحول النجيله الطبيعيه لرمال وقررنا تحويلها لنجيل صناعى عشان تتحمل * مرتضى منصور صرف 30 مليون جنيه لهدم اشياء فى النادى * مرتضى كاذب لانه قال ان اخويا بياخد فى الزمالك 20 الف جنيه .. اخويا بياخد 10 الاف جنيه و انا مجبتوش الزمالك .. اخويا مدرب للزمالك من ايام ما كان مرتضى منصور عضو عامل فى النادى الاهلى وميعرفش نادى الزمالك !! * واستعجب من ان زملكاوى ولما يعمل عضويه يعملها فى النادى الاهلى .. فى الثمنيات الزمالك اجتماعيا كان اقوى بكثير من النادى الاهلى .. المساحه الكبيره التى يملكلها الزمالك لم تكن وقتها فى الاهلى ، حمام سباحه نادى الزمالك وقتها كان افضل واكبر حمام سباحه فى الشرق الاوسط .. انا لو معنديش ميول رياضيه اساسا وخيرت لعمل عضويه فى نادى حختار الزمالك بالتأكيد لانه الافضل اجتماعيا واستمتع بخدمات الزمالك لان الاهلى كان صغير ومخنوق.. حسن شحاته قال ان الخطيب مره دخل الزمالك فى التمينات وانبهر بنادى الزمالك .. ايه اللى يجعل زملكاوى يعمل عضويه فى النادى الاهلى فى التمنينات ولا يفكر اطلاقا لسنوات عديده انه يشترك فى الزمالك ؟ * اخويا " رامى جاسر " احد افضل مدربين تنس الطاوله فى مصر ومدرب فى نادى الزمالك من قبل ما ابقا عضو مجلس اداره اصلا واختى " رجاء جاسر " كانت مدربه فى نادى الزمالك وحامله لالقاب ذهبيه واستقالت وانا عضو مجلس اداره !! * كل انديه العالم بتلاقى اخوات وابناء واحفاء بيلعبوا وبيدربوا عادى .. الزمالك اسمه نادى !! لكن اثاره الموضوع بالشكل دا وتوجيه الاتهامات دا اللى اتعود عليها مرتضى منصور هى دى طريقته انه يكبر المسأل ويلبسها ثوب غير ثوبها ويوجها !! * لما كنت نائب مرتضى منصور فى المجلس " وانا بعتبرها اكبر غلطه فى حياتى " .. كنت بمسى حوار مرتضى بحوار الطرشان مرتضى بيقول الاتهام ويرد عليه ولما انت ترد عليه بالادله ميسمعكش ويطلع فى قناه تانيه يقول نفس الاتهمات اللى رديت عليها عشان الناس من كتر التكرار تصدق كلامه !! * ممدوح عباس عمل حديقه لطيف على حسابه الخاص * وانشىء ملاعب كوره القدم اللى ورا على حسابه الخاص * مرتضى يقول اللى يقوله كل شويه يطلع يقول عباس اتبرع للزمالك ب5 مليون جنيه رغم ان فيه اوراق رسميه ودين مسجل بيقول ان عباس تبرع ب42 مليون ولا يحق لعباس المطالبه بهم فى الوقت الحالى لانهم استثمارات طويله المدى وال 42 مليون جنيه دول قرض حسن وفوائدهم كل سنه متقلش عن 5 مليون جنيه يعنى عباس بالقرض الحسن غير ال42 مليون يعتبر بيدفع كل سنه 5 مليون جنيه .. فماذا دفع مرتضى منصور !! * طول ما احنا ادينا نضيفه واجتمعنا على عشق كيان الزمالك فما المانع من الاختلاف ليصب فى صالح الزمالك .. عمرى ما فكرت فى مجلس عباس انى استقيل لاننا مجلس ديموقراطى .. مجلس مرتضى استقال منه 8 اعضاء * مرتضى فى الانتخابات اللى نجح فيها كان بيلح عليه انى انزل معاه نائب وكل الاعلامين شاهدين على ذلك ومرتضى ميقدرش ينكر لانه قال الكلام دا فى مؤتمر صحفى فى الحديقه خلف المبنى اللى مرتضى للاسف هده !! * عندما كنت نائب لمجلس مرتضى قولتله وكان معانا الاستاذ المحترم جمال احمد :: انا حسيبلك الشو الاعلامى لانى عارفك بتحب الاعلام بس ارجوك رأى الاغالبيه فى المجلس يمشى ودا معجبش مرتضى وكان اول صدام بينه وبينه عندما قرر من نفسه وبالرغم ان خزينه الزمالك خاويه انه حيطلع اعضاء النادى رحله لشرم الشيخ ب100 جنيه رغم ان الرحله ب450 جنيه وكل دا عشان يتمنظر * مرتضى تم حل مجلسه لاخطاء ماليه و اداريه فى المجلس وحكم نهائى من المحكمه الاداريه العليا مش بسبب اخطاء اداريه فى اجراء الانتخابات ومن محكمه درجه اولى ! * مرتضى كالعاده كل قضاياه بيكسبها درجه اولى وبيخسرها فى المحكمه الاداريه * مرتضى منصور لا يستطيع ان يهاجمنى فى ذمتى الماليه * مرتضى دخل الزمالك فى التسعينات بالقضاء عندما رفع قضيه على محمود معروف لانه محضرش اجتماع مجلس الاداره وابعد معروف ودخل بدلاً منه .. يعنى هو متعود على هذه الاساليب * كلام مرتضى على انى وممدوح عباس لما الزمالك بيجيب جون بنزعل .. كلام لا يستحق الرد عليه ! * مرتضى حاول زمان يشكك فى اسمى النضيف ونزهتى وزمتى الماليه وقولتله يا مرتضى متحولش مش حتقدر ومقدرش * الاصول فى مجالس الادارات هى التحاور واختلاف الاراء ثم الاخذ برأى الاغلبيه .. لم اعترض على حشام حسن كان هناك تصويب على فينجادا وحسام حسن واخترت فينجادا والاغلبيه اختارت حسام .. ورأى الاغلبيه فى اى مجلس محترم هو اللى بيمشى وعمرو الجناينى اتصل بحسام عشان يبلغه القرار واخدت من الجناينى التليفون وقولتله ربنا يوفقك و عشان عارف ان الاعلام مش حيكست قولتله ميهمكش مين كان طارح اسمك ومين كان طارح اسم غيرك كلنا وراك وحندعمك وقالى يا بشمهندس رؤوف انتوا ناس محترمين وانا عارف ان دى اصول اداريه فى كل المجالس .. ايه المطلوب غير كدا ؟ * ممدوح عباس من يوم ما دخلت الاداره واقسم بالله انه لم يقم بتدليل اى نجم فى الفريق .. عباس دايما متهم بعشقه لشيكابالا صح ؟ شيكا اكتر لاعب وقعت عليه غرامات وحسام موجود وعارف .. انا من كتر ذن الاعلام على النقطه دى شكيت فى عباس وروحت قولته انت بتدفع لشيكا الغرامات اقسملى بولاده انه ما دفع ولا مليم لشيكا من الغرامات اللى وقعت عليه ... وكل ما قاله مرتضى على شيكا بان عباس دخله غرفه الملابس بعد اشاراته وحضنه وقاله برافو .. كذب وافتراء واحد مبيسمعش غير صوت نفسه والمساحات الاعلاميه مفتوحاله يتكلم زى ما هو عايز ويرمى اتهامات باطله لناس محترمين .. من امتى المساحات الاعلاميه دى بتتفتح لاى خير للزمالك ؟ * المجلس اتشاور وبالاجماع قرر توقيع غرامه على شيكابالا لانه اخطأ بالرغم انه قال لمرتضى اصمت فقط لا شاور ع حاجه تانيه بقا ولا شاور بالدبح ولا الاتهامات الباطله دى .. وانا مش موافق على اللى عمله شيكا ووقعنا عليه غرامه * اللى حيقول علينا مزورين حرفع عليه قضيه لانه كاذب وببيتهمنا اتهام حقير .. المحكمه احلت المجلس لاخطاء اداريه فى اجراء الانتخابات وليس للتزوير * نحن لم ندير المعركه الانتخابيه فكيف نزورها .. من الذى ادار الانتخابات ؟ القضاء والجهه الاداريه والدكتور محمد عامر .. هما دول اللى حطوا الاسماء والكشوفات وفرزوا الاصوات فى انتخابات لاول مره كانت تذاع على الهواء فى كل القنوات الرياضيه ! * انتخابات الزمالك اشرف واعظم وانزهه انتخابات نادى فى مصر بشهاده مرتضى نفسه وقت فرز الاصوات وقبل ان يكتشف انه سقط * اللى حيقول الانتخابات مزور يبقا بيوجهه كلامه لمحمد عامر والقضاء والجهه الاداريه فقط .. يدفعوا هما عن نفسهم * بخوصوص الناس اللى موقعتش فى كشوف الحضور وموقعين جوه .. فى بدايه الاجتماعات الناس بتدخل توقع فى كشوف الحضور حتى اكتمال الجمعيه العموميه وبعد ازدياد الازدحام والوصول الى الصندوق صعب من كتر الازدحام وفيه ناس مكنتش عارفه انها لازم تسجل بره فبتدخل على الصندوق علطول ولما الناس وصلت للصندوق بعد كم الازدحام دا مستحيل حيرجعوا تانى يمضوا ويعيدوا نفس الموضوع خصوصا ان الدخول بعيد تماما عن الخروج و الناس ابتدت تشتكى وتقول احنا جينا ومعانا البطاقه والكارنيه وعايزين نحط صوتنا واسمائنا مسجله عندكم فى الكشوف ومتمش الموافقه الا عندما تم اكتمال الجمعيه العموميه وبأمر من رئيس اللجان .. كشوف الحضور هو اثبات لاكتمال عقد الجمعيه العموميه فقط !! .. * كل كلمه بيقولها مرتضى بنرد عليها بس هو مش بيناقش دا راجل مش بيسمع غير نفسه وبيستمر فى ترديد الكلام وخلاص * انا بأكد ان المجلس حيرجع تانى فى خلال شهرين او تلاته حسب شطاره مرتضى منصور فى تعويق المحكمه من انها تاخد قرار ! :: اتصال هام مع مدحت السيد رئيس نقابه العاملين فى الشباب والرياضه :: * موظفى الشاب والرياضه قروا يرفعوا قضيه على مرتضى منصور لانه اتهامهم بالباطل انهم زوروا الانتخابات بالرغم من ان المحكمه لم تدينهم فى حاجه ومجبتش سيره تزوير كما قررنا رفع قضايا على كل الاعلامين اللى اتهمونا باتهامات غريبه من غير ما يكون تحت اديهم حكم المحكمه ليعرفوا ان الحل لم يأتى بسبب التزوير وانما اخطاء اداريه * قررنا رفع قضايا ضد ( مدحت شلبى ، علاء صادق ، محمود معروف ، خالد الغندور ، اسامه خليل ) وللاسف لا احد منهم حاول ان يقرء حيثيات الحكم وظل يردد فقط اننا مزورين واتهمنا بابشع التهم * وتوضيح مهم بخصوص اشهر موظف حاليا فى مصر حمدى .. لا يخلى برنامج رياضى من الحديث عن حمدى ومن هو ؟ * حمدى سكرتير لجنه مع مستشار ورئيس نيابه فى لجنه فئه 1 ممتازه ودا رداً على اللى قال مكنش فيه قضاه فى اللجان .. كان فيه 100 قاضى ورئساء نيابات واللجنه العليا نواب ورئساء هيئه وهم من اداروا العمليه الانتخابيه فى سبقه محترمه محصلتش فى تاريخ الانديه المصريه * حمدى كان تحت قياده رئيس اللجنه لانه موظف ورئيس اللجنه " هيئه قضائيه " أمره ان اللى يدخل اللجنه 500 صوت مش زى ما بيدعى مرتضى انهم 700 صوت وقاله ان ال500 صوت دول عهدت اللجنه اللى عايز يصوت تاخد كارنيهه وبطاقته ويدخل يحط صوته فى الصندوق وبعد ما يحط صوته فى الصندوق ترجعله بطاقته والكارنيه وتعلم قصاده ودى كانت تعليمات رئيس اللجنه يعنى تعليمات الهيئه القضائيه * ومفأجأه اخرى محدش يعرفها :: صندوق حمدى اللى ادعى مرتضى منصور ان فيه 700 صوت وأحد المذعين قاله يا خبر ابيض ايه الفخر دا بيزوروا 700 صوت مره واحد اضرب ال700 فى اربعه يبقوا 2800 !!! حمدى كان ماسك لجنه واحد بس لجنه 26 فقط والصندوق كان فيه 271 صوت فقط كان فيهم 2 صوت باطل و241 صوت صحيح منهم 75 صوت لمرتضى و120 صوت لعباس و44 صوت لدرويش واصوات متفرقه صغيره لبعض المرشحين * الكلام دا بالادله راح للمحكمه الاداريه العليا .. احنا عملنا انتخابات كتيره وعمر ما حد اساء لينا غير مرتضى منصور ولجنه حمدى كان فيها سامر ابو الخير وادلى بصوته و شاهد على كل حاجه * رؤوف جاسر : انا لو بحب الزمالك ومش همى الكرسى فقط وعايز الاسقرار للنادى ووقع عليه ظلم والانتخابات زورت حطعن لكن مش حطعن على الانتخابات عشان اخطاء اداريه فى اجراء الانتخابات ومافيش تزوير ولا اى حاجه من الكلام الفاضى دا ولو طعنت على اخطاء اداريه يبقا انا قاصد اعطل نادى الزمالك وبدور على نفسى وبستغل قدراتى القضائيه والقانونيه فى عرقله مسيره نادى الزمالك * كلام مرتضى على جدو كلام مسرحى جميل اننا بوسنا على ايد جدو عشان يسامحنا ولكن فى النهايه انا مش حلغى عقلى ولا عقلك ولا عقل المشاهدين ونعترف ان اداره الزمالك اخطأت فى قضيه جدو وبكررها تانى بعد نادى الزمالك عن الاعلام بيسببله مشاكل كتير اوى .. المشكله كانت بسبب موظف صغير فى نادى الزمالك هو اللى خلى موقف الزمالك القانونى بعد ما كان قوى يضعف جدا وسيبك من كلام مرتضى اننا دفعنا غرامه جدو هو ايه عرفه اصلا لو معاه دليل يطلع بيه كفايه كلام .. وهل الصفحه الكامله اللى نزلت فى جريده الاهرام اعتذار من جدو للزمالك بوسنا ايده عشان يعتذر * ولكن فى نفس الوقت بوجه كلامى لمرتضى وبقوله عملت انت ايه فى شطب كره اليد غير انك جبت كاس من السبتيه ونزلت بيه الملعب ودخلت الزمالك فى تحدى مع حسن مصطفى لاسباب شخصيه بينك وبينه وفى الاخر اعتذرت وضاع حق الزمالك و ضاع كاس مصر واتشطبنا * عمل ايه لما رفع الجزمه فى وش جمهور الاهلى ؟ فى الاخر اعتذر وعمل صفحه كامله اعتذار نزلت فى الجرنان لجماهير الاهلى * عمل ايه فى ازمتى اسلام الشاطر وابراهيم سعيد ؟ وعمل ايه لعمرو سماكه ؟ قدرات مرتضى الفذه فين ؟ * افتخر ان عمرى ما اتصالحت مع مرتضى حتى عندما تصالحت المصالح لما كانت خصومنا واحده .. كنت خصم لكمال درويش واسماعيل سليم ومحطتش ايدى فى ايده واهنتهم معاه ولن اضع يدى فى ايد مرتضى مهما كان كمان اللى كان ماسك انتخابات الزمالك طلع مع مصطفى يونس و رد ع كل الهبل اللى مرتضى بيقولوا كانت حلقه جامده جدا جدا جدا
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
آخر تعديل بواسطة Bent 3bdo ، 25-09-2010 الساعة 01:38 PM
|
|
#15
25-09-2010, 01:34 PM
|
|||
|
|||
|
فى حلقة من العيار الثقيل .. فجر رئيس اللجنة المشرفة على انتخابات الزمالك (مايو 2009) مفاجاءات مدوية فى حواره مع مصطفى يونس فى برنامج "هنا القاهرة" على قناة مودرن سبورت
كان ابرزها على الاطلاق عندما فند احد ابرز الاسباب التى استند اليها حكم القضاء الادارى و هى عدم تعليق كشوفات الناخبين قبل موعد الانتخابات ب 15 يوم حيث اكد الاستاذ مدحت السيد ان الكشوفات قد تم تعليقها قبل الانتخابات ب 17 يوم و تم اثبات ذلك فى محضر رسمى و لكن تم اخفاء هذه الاوراق عن القاضى الذى اتخذ الحكم يوم 15 سبتمبر الجارى الاستاذ مدحت السيد بتاع الشباب و الرياضة قال ان موجود في البرنامج للدفاع عن نفسه و عن زملائه مما يقوله مرتضي منصور و اتهامهم بالتزوير وهو كلام كله كذب و ليس له اصل الاستاذ مدحت و زملائه في حالة استياء من الاعلام و خصوصا مدحت شلبي لانهم بيهزوا راسهم فقط علي اي حاجة بيقولها مرتضي دون تفكير و من غير مايستخدموا عقولهم مرتضي منصور جاب صورة في اكتر من برنامج و انا شخصيا اعتقد ان كلكم شفتوها لواحد نايم و ادعي ان ده رئيس اللجنة و كان بيردد انتقاد ان الرجل نايم وسايب الانتخابات بتتزور و المفاجأة ان الراجل ده طلع احد المرشحين علي منصب مراقب الحسابات و للاسف محدش من مقدمي البرامج تعب نفسه و تحقق من الصورة اثبت بالاتصال بالمستشار سامر ابو الخير ان القاضي الخاص بلجنة حمدي هو الي طلب من حمدي التوقيع علي الكشوفات امام اسماء المنتخبين باسمه حمدي و حمدي ده موظف شباب و رياضة و سوف يقدم القاضي شهادته مكتوبة علي هذا الكلام لان ممنوع استدعاء قاضي للشهادة شخصيا اثبت بالمستندات ان لجنة هيئة مفوضي مجلس الدولة اثبتت ان عدد الحضور و كشوف المنتخبين متطابقة و لايوجد اختلاف الافي اربع صناديق و اثبت بان اللجنة اقرت ان العدد الموجود في الاربع صناديق لا يؤثر اطلاقا علي نتيجة الانتخابات و وضح هو شخصيا ان الملاحظات الموجودة علي الصناديق بسيطة قال انه تم اقالته من وظيفته كمدير بالمجلس القومي للرياضة في 26 ابريل الماضي و علي ذلك توقع ان في اوراق و مستندات هتختفي و لذلك عمل نسخة من كل الاوراق و المستندات و فعلا كان ظنه في محله و كده واضح ان في موظفين متواطئين مع مرتضي من داخل المجلس و رد ايضا على اتهام كمال درويش بانه لم يحصل على اى اصوات فى اللجنة التى ادلى فيها بصوته هو و زوجته فقد اثبت رئيس اللجنة بالمستندات ان درويش حصل على 42 صوت فى هذه اللجنة و اثبت ايضا بالمستنداث عدم صدق حكاية فرق ال 13 الاف صوت بين من ادلوا باصواتهم فى الصناديق و من سجلوا انفسهم فى كشوفات الناخبين و اتضح ان الفارق لم يتعدى ال 1500 صوت و عن ما قيل ان القضية الاخيرة رفعها 3 الاف عضو بنادى الزمالك فقد كشف الرجل ان من رفعوا القضية هم 15 فرد كلهم من اصدقاء و اقارب المحامى .................................................. . ده فيديو الحلقه علشان بيقولوا ان ده مختصر ده الجزء بتاع مدحت السيد رئيس الجنه المشرفه ع الانتخابات مشاهده http://arabtube.tv/viewVideo.php?vid...___&ref=Sniper تحميل http://rapidshare.com/files/42107112...b0ae32e496.flv و واستضافو رؤوف جاسرر ف الاخر مشاهده http://arabtube.tv/viewVideo.php?vid...___&ref=Sniper تحميل http://www.mirrorcreator.com/files/W...ed03.flv_links
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 03:06 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
