ملف التحويل بين الكليات والجامعات (أسئلة وأجوبة)

[ayman3000]

أيه ده يا جماعه ؟؟؟

مصر كلها عايزه تحول ولا أيه ؟

ده فيه ناس مجموعها مايوديهاش أي كلية أساساً

وأنتوا مرحلة أولى وجاكلوا كليات (قمة) ومش عاجبكوا

[M..e]

ياجماعه ماحد يرد

[ayman3000]

M.e أنتي مجموعك يجيب هندسة أيه اللي حصل ده !!!!!!!!!!!!!

[ayman3000]

أكيد فيه حد دخل برقمك السري ولعب في ترتيب الرغبات!!!!!!!!!!!

[yosry444]

سوال ارجوا الرد علية
هل يجوز التحويل الى كلية هندسة بعد اعدادى هندسة الى اى كلية هندسة داخل النطاق الجغرافى ؟؟
اى بمعنى لوكنت فى هندسة شبرا /بنها وبعد سنة دراسية كاملة ونجحت فى جميع المواد هل يجوز التحويل الى كلية هندسة جامعة القاهرة طلما انا ساكن فى فيصل الهرم ؟؟؟
ارجوا الرد ولسيادتكم جزيل الشكر والتقدير على المجهود الكبير على هذا الموقع
ولكم منى خالص الاحترام والتقدير ]

[TAAAAAZ]

يا استاذ اشرف رد عليا بالله عليك


انا جايب 77.3% وانشاء الله هاتجيلى تجاره اقاليم طنطا بنها اى حاجه فيا ترى مجموعى ممكن احول بيه لتجارة القاهره مع العلى اننى ساكن فى ارض اللواء يعنى انا جنب جامعة القاهره علطووووووووول بينى وبنها 5 دقائق ياريت تردوا عليا وشكراااا

[Venix]

شكراً على التوضيح ...

Funnybaby : لا أستطيع الرد على رسالتك لأن مشاركاتي لم تتعدى الـ50 مشاركة ..... عموماً مفيش مشكلة من التقديم بعد التحويل مثل ما الأستاذ ذكر في الموضوع .... ومبروك ليكي إنتي كمان .

[aly4000]

لوسمحت انا فى مدينه العبور وجايب 380 وجالى هندسه شبرا عشان التوزيع الجغرافى ممكن احول هندسه عين شمس الى واخده من 379.5 اقل من مجموعى

[salma_tito]

انا من الاسكندريه جاتلي هندسة شبين و انا طبعا مستنيه موعد التحويل علشان احول هندسه الاسكندرية
و مش عارفه هو المفروض اقدم في كليه هندسه شبين الاول ولا استنى موعد التحويل ولا ايه


يا ريت الرد بسرعه علشان لو مفروض اقدم الاول الحق اقدم

و شكرا على الموضوع بجد كنت محتاجه اعرفه

[FUNNYBABY]

المشاركة الأصلية كتبت بواسطة Venix

شكراً على التوضيح ...

Funnybaby : لا أستطيع الرد على رسالتك لأن مشاركاتي لم تتعدى الـ50 مشاركة ..... عموماً مفيش مشكلة من التقديم بعد التحويل مثل ما الأستاذ ذكر في الموضوع .... ومبروك ليكي إنتي كمان .

اوك ياجميل ومبروك ليك

المشاركة الأصلية كتبت بواسطة salma_tito

انا من الاسكندريه جاتلي هندسة شبين و انا طبعا مستنيه موعد التحويل علشان احول هندسه الاسكندرية
و مش عارفه هو المفروض اقدم في كليه هندسه شبين الاول ولا استنى موعد التحويل ولا ايه


يا ريت الرد بسرعه علشان لو مفروض اقدم الاول الحق اقدم

و شكرا على الموضوع بجد كنت محتاجه اعرفه

انا كمان من اسكندريه وجاتلى شبين
بس انا ان شاء الله هروح شبين على يوم السبت كده اعرف ايه النظام هناك وابقه ارد عليكى
وكمان هبقى اسال فى هندسه اسكندريه

[abs_mn123]

انا جبت 409 بالمستوى وترتيبى 232 وجالى طب الاسكندرية هل من الممكن ان احول لطب القاهرة مع العلم انها خارج توزيعى لجغرافى

[عبقرينومان]

المشاركة الأصلية كتبت بواسطة مايكل جمال

اولا:شكراااااااااااااااا وده اقل حاجة تتقال
من فضلك انا من الزقازيق وعلمي علوم وجبت 401.5 ومجموعي ده جابلي طب بنها وعاوز احول طب الزقازيق بالرغم انه اخذ 402 وانا مجموعي اقل ب نصف درجة ينفع احول الزقازيق ؟ طيب امتا يوم 13 اغسطس صح؟

هتحول بنسبة 10 في الماشة وهتقبل بأذن الله

المشاركة الأصلية كتبت بواسطة عروس البحر

السلام قبل الكلام

لو سمحتوا دلوقتى انا دخلت فنون جميلة الاقصر وطبعا هكون محتاجة انى احول لفنون جميلة اسكندرية عشان انا فى اسكندرية
هستني بدأ تنسيق المرحلة التالتة عشان احول من الاقصر للاسكندرية يوم 13 او 14 اغسطس
وسؤالى مهى فنون جميلة الاسكندرية قفلت من المرحلة الاولى يبقى ازاى هيكون فيها 10 % اماكن شاغرة
ولو مفهاش هقضى سنة فى الاقصر وبعد كده احول ارجوكم محتاجة الرد

هتحولي بأذن الله لأن قرار الوزير بالتسير من الحد الاغتراب

المشاركة الأصلية كتبت بواسطة ayman3000

عندي سؤال يا أستاذ أشرف
لو واحد جاله مثلاً معهد عالي خاص (علوم حاسب ) و عايز يحول إلى معهد عالي خاص (علوم حاسب) هل بيحول عن طريق موقع التنسيق الإلكتروني؟ ولا بيسحب ورقه من المعهد ده و يقدمه في المعهد اللي عايز يحول له ؟
,انا عارف أنك خبير في الكليات فا لو سمحت لو تعرف هل حاسبات ومعلومات الشروق أحسن من حاسبات مودرن (ياريت تقوللي)
شكراً جزيلاً على المساعده

من المعهد الخاص للمعهد الخاص مباشرة

المشاركة الأصلية كتبت بواسطة Se7r El3eyoon

بس لو مش فى اماكن فاضية اعمل هو مش انا لازم اثبت وجودى هناك علشان لو مش نفع احول وله لأ؟؟؟؟؟؟؟؟؟؟؟
ولو مش حولت ينفع احول انتساب فى كفر الشيخ و لما احول فى سنة تانية هيحولونى اسكندرية انتساب برده وله أنتظام؟؟؟؟؟؟؟
معلش انا اسألتى كتير بس ياريت تفدونى وشكرا كتير ليك

لو مش هينفع تحويل هتلاقي مكانك في كليتك الثانية عادي

المشاركة الأصلية كتبت بواسطة Ra2oF

السلام عليكم ::: يا استاذ اشرف انا عندي استفسار مهم ::: دلوقتي انا في اسماعلية و جاتلي هندسة بورسعيد :: و انا عايز احول اسيوط و هي ((مش في النطاق الجغرافي )) و عندي سكن في اسيوط و معايا شهادات تثبت اني من اسيوط ممكن احول ولا ايه ضروري لو سمحت يا استاذ اشرف و جزاك الله خيرااا

ما اظنش ان التحويل هيكون سهل عن طريق النت في عدم قبول تحويل عن طريق الانترنت خذ الورق الذي يثبت اقامتك وتوجه لاسيوط بعد التحويل وان شاء الله ربنا ييسر

المشاركة الأصلية كتبت بواسطة باسم على

لو سمحت يا استاذ اشرف انا حاصل على 391.5 وقبلت صيدلة بنى سويف وانا من المنوفية يحق لى عند التحويل كتابة اكثر من رغبة او راغبة واحدة ولو كانت اكتر من رغبة بتكون حسب التوزيع الجغرافى اواعشوائى

طبعا ينفع كتابة اكثر من رغبة في التحويل بأذن الله

المشاركة الأصلية كتبت بواسطة ahmed zanoun

لو سمحتم ياجماعة حد يجاوب على سؤالى جزاكم الله خيرا
متى يتم صرف أوراق تنسيق المعاهد الفنية نظام السنتين بعد الثانوية العامة ؟

مع الدبلومات وبدأ من الأحد الماضي

المشاركة الأصلية كتبت بواسطة ilary.blasi

ل لو سمحت يا مستر أشرف انا كنت عايزه اعرف ايه الفرق بين هندسه المطرية والهندسه العاديه. واى واحده احسن ياريت حضرتك ترد بسرعه لا لانى بجد محتارة جدا وشكرا

الله اعلم

المشاركة الأصلية كتبت بواسطة KinG Of PSP

السلام عليكم انا جاتلى هندسة المطرية جامعة حلوان وعايز احول لهندسة المنصورة وهى 379ز5

ينفع بأذن الله بعد نتيجة تنسيق المرحلة الثانية هيتم التحويل

المشاركة الأصلية كتبت بواسطة operati0n

السلام عليكم
حضرتك متأكد من مسألة إن إحنا منققدمش الورق بكرة؟
أصل بطاقة الترشيح مكتوب فيها لازم تتوجه بأسرع وقت للتسجيل
بالطريقة دى أنا ممكن متجليش المنصورة و متقبلش في المنيااااااا

طبعا مش لازم تقدم الورق الى بعد انهاء التحويل

المشاركة الأصلية كتبت بواسطة أميرة الورود

أنا عندي سؤال
أنا جايبة 408.5 وعايشة في القاهرة وجالي طب عين شمس
ينفع احول لطب طنطا؟
و شكرا

ما اظنش ان التحويل هيكون سهل بالنسبة لحالتك

المشاركة الأصلية كتبت بواسطة almallah

استفسار ياأستاذ اشرف انا مرحله ثانية وان شاء الله يجيلى هندسة اسيوط او المنيا او حلوان وانا من طنطا فهل ممكن التحويل وكيف اعرف واتاكد ان فيه اماكن فى طنطا ولا لا مع العلم ان هندسة طنطا هتفرق حوالى 10 درجات عن المرحلة الثانية حيث انها اخذت مجموع 381,5 والمرحلة التانية هتاخدمجموع طبعا اقل من 375 وشكر الله لكم وجزاكم خير الجزاء

سؤالك بعد ما تظهر نتيجة التنسيق بتاعك

المشاركة الأصلية كتبت بواسطة Dr.Ahmed fox

انا جاتلى صيدلة عين شمس وعايز احول القاهرة مع العلم ان القاهرة اقل فى الدرجة

القاهرة الكبري منطقة جغرافية واحدة وبالتالي لا يمكن التحويل داخلها

المشاركة الأصلية كتبت بواسطة salsa_alex

السلام عليكم ورحمة الله وبركاته
لو سمحت يا استاذ اشرف انا عندى مشكله صوغننه
انا ثانويه عامه 2007 ومن اسكندرية وتنسيقى جالى على خدمة اجتماعيه اسكندرية
بس انا السنه دى عاوزة احول من خدمة اجتماعيه لاى كلية تبع جامعه اسكندريه
عاوزة اعرف
هل هينفع التحويل؟؟
هل هياخدونى بتنسيق السنه اللى انا كنت فيها ولا السنهة دى؟
ولو ينفع التحويل ايه هى الاجراءات وامته بالظبط؟

وعلى العلم انا ناويه لو حولت اكيد طبعا هاخدها من اول سنه
وعلى العلم برضه انا اتصلت برقم 19468 اللى هو رقم استفسارات الطلاب
وقالولى ان التحويل هيبقه من المعهد للجامعه يعنى ادارة الجامعه هى اللى
هتقوم بالموضوع كله وانهم مش هيحولونى بالتنسيق لان انا اخدت حقى
فى التنسيق سنه 2007 فالتحويل هيبقه من المعهد للكليه .
فانا عاوزاك تفيدنى ضرورى لانى بجد تايهه جدااااا
معلش ان كنت طولت

هي فعلا مشكلة صغيرة بس للاسف كلام الاستفسار 19468 صحيح جدا وهو ده اللي هيتم

المشاركة الأصلية كتبت بواسطة nmme90

لو سمحت انا قبلت فى تجارة اسيوط و عايز احول الاسكندرية او دمنهور هل من الممكن مع العلم ان درجة الانجليزى 47\50 او تجارة دمنهور و امتى ممكن املى استمارة التحويل ال من على النت و اروح اادم ورقى امتى مع العلم انى عايز الحق مكان فى تجارة لنجليزى فى اسيوط و هل يمكن لو مجتليش الاسكندرية احاول احول ل دمنهور تجارة انجليزى باردو و هل تجارة انجليزى ليها اى صلة ب المجموع ولا درجة الانجليزى هل من الممكن التحويل الى تجارة انجليزى الاسكندرية فى هذة الحالة ارجو الرد شكرا

مش فاهم حاجة

المشاركة الأصلية كتبت بواسطة scorpion_200200

انا قبلت طب القاهرة
وعايزة احول طب اسكندرية لان قاريبي هناك
ينفع احول مع العلم ان اسكندرية اخدت اكتر بنص درجة
وكمان انا عايشة في الوجه الاقبلى ودا ضد التوزيع الجغرافي
ارجو الرد سريعاااااا .............وشكرا

مش هينفع الا باثبات قيد وده بعد انتهاء التحويل الاليكتروني وهيكون عن الجامعة مش الانترنت

المشاركة الأصلية كتبت بواسطة ebrahem_el

السلام عليكم

انا جبت 388.5 و جاتلي هندسة المنصورة ... مع العلم إني من المنصورة و أسكن بها ... لكن انا عاوز انقل هندسة الاسكندريه

هل ممكن انقل السنة دي و لا اصلا ماينفعش ... أرجو الافادة

مش هينفع السنة دي طبعا

المشاركة الأصلية كتبت بواسطة Grand_Dreams

طب انا وحده زميلتى جابت 90 % بالمستوى وجالها تجارة طنطا ودلوقتى هى عايزه تدخل اداب طنطا ينفع تحول وايه

ينفع بكل سهولة بس لازم مجموعها يقبل آداب طنطا

المشاركة الأصلية كتبت بواسطة yosry444

السلام عليكم ورحمة الله وبركاتة لو سمحت ياستاذ اشرف ارجوا الرد على الاستفصار الاتى
رشحنى مكتب التنسيق على هندسة شبرا/ بنها ومجموعى 379 واريد احول الى هندسة عين شمس لانى اسكن فى مدينة نصر
هل من الممكن التحويل علما بان هندسة عين شمس مجموعها 379.5
وشكرا وجزاك الله خيرا

القاهرة الكبري منطقة جغرافية واحدة وبالتالي لا يمكن التحويل داخلها

[dregyptian]

أنا حصلت على 401.5
وأريد الالتحاق بطب عين شمس أو طب بشري القاهرة
مع العلم انى قد رشحت الى طب أسنان المنصورة
حيث أن سكنى فى مدينة نصر
فما هى كيفية التحويل وهل أنتظر الى تاريخ اغسطس أم أحول الان
وما هى طريقة التحويل وهل هى على الانتر نت أم من خلال الذهاب الى الكلية بمقرها
وهل سيتم قبول التحويل ان شاء الله أم سيرفض؟

[عمرو حسن محمد على]

المشاركة الأصلية كتبت بواسطة عبقرينومان

لملف التحويل بين الجامعات يطرحه موقع الثانوية العامة thanwya.com بين أيدي الطلبة وأولياء الأمور للوقوف على حقيقة الأمور بعد إعلان نتيجة التنسيق للمرحلة الأولى وظهور الحدود الدنيا كان الكثير من الطلبة وأولياء الأمور يحلمون بكليات ولكن لم يقبلوا بها فلكي نفهم أكثر عملية التحويل سأقوم بشرح الملف بشكل مثال على طالب ما في التقرير التالي :نفترض أن هناك طالب حصل على درجة 373 في الشعبة الأدبية وهو طالب من محافظة الفيوم وسجل رغباته وكان يحلم بدخول كلية الآثار فرع الفيوم أو القاهرة وكتب الرغبة الثالثة آثار جنوب الوادي وكان يتوقع أن مجموع سيقبل بكلية آثار الفيوم ولكن بعد ظهور نتيجة التنسيق وجد الطالب نفسه لا يقبل بكلية الفيوم ولا القاهرة ويقبل بكلية جنوب الوادي وأكتشف أيضاً أن كلية جنوب الوادي بعيدة عن المسكن ويريد أن يقوم بالتحويل لكلية آثار الفيوم مع العلم أن تنسيق آثار الفيوم يقبل الحاصلين على مجموع 376 والطالب في هذا المثال حصل على 373 فهناك فرق 3 درجات بين الجامعتين فما الحل ؟ وما هي الخطوات ؟ وهل يجوز التحويل ومجموع الطالب لا يقبل هذه الكلية ؟ وما هو موعد التحويل ؟ وهل التحويل من الجامعة أم التحويل من الانترنت؟ وكيفية التحويل ؟ وما هو التحويل بنسبة 10% ؟ هذه الأسئلة كلها يجيب عليها موقعنا للجميع ليسهل على الجميع اتباع الخطوات السليمة لتجنب المشاكل والصعوبات :

* ما هو موعد التحويل ؟

- التحويل هذا العام سيكون بعد تسجيل طلاب المرحلة الثالثة رغباتهم ولكن ليس كل طلاب المرحلة الثالثة بمعنى أنه ابتداء من الاربعاء 30 يوليو الحالي سيبدأ تسجيل المرحلة الثانية وينتهي التسجيل في مساء يوم الأثنين 4 أغسطس ويوم الثلاثاء 5 أغسطس تسجيل بيانات الطلبة المتخلفين عن التسجيل في المرحلة الأولى والثانية ويوم الخميس تعلم نتيجة تنسيق المرحلة الثانية ويبدأ بعد ذلك تسجيل رغبات المرحلة الثالثة ولمدة أربعة أيام ابتداءاً من يوم السبت 9 أغسطس وينتهي يوم الثلاثاء 12 أغسطس ولا تعلن نتيجة التنسيق للمرحلة الثالثة هذا الوقت انما تعلن بعد تسجيل رغبات الطلبة الناجحين في الدور الثاني ويبدأ من يوم 13 أو 14 أغسطس عملية التحويل بين الكليات لطلاب المرحلة الأولى والثانية ولا يجوز قبلها عمل أي تحويل بين الكليات .

كيف تتم عملية التحويل

يبدأ التحويل في الموعد المحدد كما ذكرنا سابقاً وسيكون عن طريق الحاسب الآلي من خلال الموقع الاليكتروني للتنسيق أو من خلال موقعنا هذا http://www.thanwya.com/natgie

هل لعملية التحويل أي رسوم تدفع ؟

ليس هناك أي رسوم يتم سدادها نهائيا في عملية التحويل

هل يجوز للطالب المذكور في المثال السابق الحاصل 373 الالتحاق بكلية الاثار بالفيوم والتي تقبل من 376 درجة ؟

نعم يجوز التحويل ولكن بشرط أن يكون هناك أماكن شاغرة بكلية الأثار بالفيوم وليس بنسبة 10% فمن الممكن أن تزيد النسبة عن 10% أو تقل عن 10% وتحسب الكلية نسبة التحويل حسب الأماكن الشاغرة بالكلية بمعنى لو يقوم عدد من الطلبة المقبولين بكلية الآثار بالفيوم باللالتحاق بالكلية سيكون هناك أماكن شاغرة بالكلية ويحق للطالب الالتحاق والتحويل من كلية آثار جنوب الوادي المذكورة في المثال إلى آثار الفيوم .

لأي أسئلة أخرى بخصوص التحويل يمكنكم كتابة الاستفسار بالرد في هذا الموضوع وهذا الموضوع للاستفسار والمناقشة

انا عاوز استفسر بسرعه عن امكانية التحويل من طب المنيا الى طب سوهاج لاختى مع العلم انها حاصله على مجموع 400.5 وطب سوهاج من 402 ارجو الرد سريعا للاهميه او الرد على هذا الايميل amrhassan33@yahoo.com ولكم جزيل الشكر

[عمرو حسن محمد على]

انا عاوز استفسر بسرعه عن امكانية التحويل من طب المنيا الى طب سوهاج لاختى مع العلم انها حاصله على مجموع 400.5 وطب سوهاج من 402 ارجو الرد سريعا للاهميه او الرد على هذا الايميل amrhassan33@yahoo.com ولكم جزيل الشكر