ما هي افضل كلية علمية من حيث الشغل ؟؟؟؟؟

[محمد ميزو]

خريج العلاج الطبيعي بيبتدي الحياة العملية بدري جدا ممكن من سنة تانية غير كده شغلها مضمون جدا عشان خريجي العلاج الطبيعي ف مصر كلها ميجوش من ساعت ما اتعملت الكلية 50 الف و كمان غير كده الكلية مصنفة عالميا

[راجي الخير2009]

المشاركة الأصلية كتبت بواسطة dr/ nancy

مفيش أحسن و لا أرقى من الصيدلة..

هو ده الكلام الصح هههههههههههه

[Dr/Reem2011]

إيه يا جماعه أمال الطب البشري ملوش نصيب في وسط كل الاراء دي والا ايه
دنتو على كده المفرض تقولو ممنوع الدخول لطلبة طب منعا للتعقيد
وشكرا

[‏Dr.KaR!MaN]

الطب طبعا من الناحيه الماديه والعمليه أعتقد إنه الأفضل بس مشكلته إن الدراسه مدتها طويله جدا.

[صبا الورود]

انا اعتقد انه كلية العلاج الطبيعي مجالها مفتوح في الشغل
خصوصا انها مجال جديد والخريجين قليلين فبيشتغلوا بسرعة
وناس كتير دلوقتي اتجه للعلاج الطبيعي

[‏Dr.KaR!MaN]

من ناحية الإتجاه للعلاج الطبيعي فدا صحيح أول أقسام إكتملت في الجامعات الخاصه كانت العلاج الطبيعي .
وناس كتيره كانت جايبه مجموع أسنان وصيدله وكتبت رغبه أولي علاج طبيعي فالظاهر كده إنها المستقبل بجد !

[DR.NANCY]

انا شايفة ان علاج طبيعى فرصتها فالشغل اكبر انا كان ادامى صيدلة وعلاج طبيعى انا كنت هدخل صيدلة بس بصراحة حبيت علاج طبيعى اكتر مع ان معظم الناس بتقول ان صيدلة للبنت احسن بس دى لو مش حابة الشغل لانها وهى قاعدة فالبيت تقدر تجيب دخل وانا بصراحة مش حابة الحكاية دى انا حابة اشتغل وابقا دكتورة لقب وفعل وكمان دراستة جميلة وسهلة و4سنين وسنة امتياز اما الطب فطبعا كلية جمييلة بس انا شايفاها احسن للولد مش للبنت لان دراستها طويلة وكمان نبطشيات اما علاج طبيعى مفهوش نبطشيات واسنان برضة جميلة بس لو ولد افضل وبيطرى وكل الكليات الطبية شغلها كتير فدة بيرجع لرغبة الواحد بس انا شايفة ان علاج طبيعى بتجمع بين طب بشري انك بتدرس فيها تخصصات كتير ومواد من بشري وافضل ان مفيش نبطشيات ومدة دراسة اقل وعددالخريجين اقل وتقدر تمارس شغلك بدري دة رايي

[‏Dr.KaR!MaN]

وأنا موفقاكي علي رأيك د/نانسي

[سمسم ك.م]

وانا كمان معاكى ف الراى دة
وربنا يوفق الجميع

[vito123]

بصوا بقي الحمد لله رب العلمين اقول راي انا كنت ناوي علي بشري لكن كنت ناوي علي بشري علشان بابا و ماما كانوا عايزين بشري بس انا كنت عايز صيدله
الحمد لله مجموعي جايب صيدله
تعالوا بقي نتكلم بصراحه الكتير بيوصف الصيدلي انه مجرد بياع وان اي حد يقدر يقف في صيدله اه معاك حق بس متنساش ان الصيدلي شغلته مش كده بس ممكن يشتغل مليون شغله في مصانع الادوية سواء جوده او انتاج تو اي حاجه تانيه كمان صيدلي اكلنيكال انتوا لو شوفتوا صيدلي اكلينكال اد ايه الظغط عليه محدش هيتكلم وبعدين صيدله دراسه من واجهة نظري خفيفه طيب اتكلم علي الطب والسواء الي كنت شايفه فيها طب انت اسمك دكتور اه لكن تعالي بقي يا دكتور انت مثلا هتدرس سبع سنين وبعد كده سنتين تكليف وبعد كده سنتين ماجستر و2 دكتوراه المحصله 13 سنه سوال هو العمر في كام 13 سنه اه انا نسيت قول سنتين كمان تعمل اسم وتشتهر طيب بالله عليك العمر في ايه علشان نضيع منه 15 سنه طيب تعالي بقي تعب اهلك والمصاريف وده كله هتقبض كام قبضك عمره مهيزيد عن 1000 جنيه طيب استنوا كمان انا اعرف دكتوره قالت لماما انا لو جبت بنت عمري مهدخلها طب او ولد حتي ادخله اسنان او صيدله اسنان انا شايف ان ان هي كويسه وكل حاجه بس مش متاكد من ظروف شغلها علاج طبيعي اسالوني انا عليه انا دراعي كان مكسور وكنت بعمل جلسات علاج طبيعي اما بيطري فانا شايف ان معالمها لم تتضح بعد في مصر وكمان اعرف دكتور بيطري بيغير عربيه كل سنه وبيسافر وكل حاجه
ده كمان بياكد ان كل حاجه بتاع ربنا بس منساش ان ربنا قال اعقلها وتوكل
فياريت كل واحد يعقلها الاول وشكراااااااااااااااااااااااااااااااااااااااااااااا اااااااااااااااااااااا

[محمد ميزو]

المشاركة الأصلية كتبت بواسطة vito123

بصوا بقي الحمد لله رب العلمين اقول راي انا كنت ناوي علي بشري لكن كنت ناوي علي بشري علشان بابا و ماما كانوا عايزين بشري بس انا كنت عايز صيدله
الحمد لله مجموعي جايب صيدله
تعالوا بقي نتكلم بصراحه الكتير بيوصف الصيدلي انه مجرد بياع وان اي حد يقدر يقف في صيدله اه معاك حق بس متنساش ان الصيدلي شغلته مش كده بس ممكن يشتغل مليون شغله في مصانع الادوية سواء جوده او انتاج تو اي حاجه تانيه كمان صيدلي اكلنيكال انتوا لو شوفتوا صيدلي اكلينكال اد ايه الظغط عليه محدش هيتكلم وبعدين صيدله دراسه من واجهة نظري خفيفه طيب اتكلم علي الطب والسواء الي كنت شايفه فيها طب انت اسمك دكتور اه لكن تعالي بقي يا دكتور انت مثلا هتدرس سبع سنين وبعد كده سنتين تكليف وبعد كده سنتين ماجستر و2 دكتوراه المحصله 13 سنه سوال هو العمر في كام 13 سنه اه انا نسيت قول سنتين كمان تعمل اسم وتشتهر طيب بالله عليك العمر في ايه علشان نضيع منه 15 سنه طيب تعالي بقي تعب اهلك والمصاريف وده كله هتقبض كام قبضك عمره مهيزيد عن 1000 جنيه طيب استنوا كمان انا اعرف دكتوره قالت لماما انا لو جبت بنت عمري مهدخلها طب او ولد حتي ادخله اسنان او صيدله اسنان انا شايف ان ان هي كويسه وكل حاجه بس مش متاكد من ظروف شغلها علاج طبيعي اسالوني انا عليه انا دراعي كان مكسور وكنت بعمل جلسات علاج طبيعي اما بيطري فانا شايف ان معالمها لم تتضح بعد في مصر وكمان اعرف دكتور بيطري بيغير عربيه كل سنه وبيسافر وكل حاجه
ده كمان بياكد ان كل حاجه بتاع ربنا بس منساش ان ربنا قال اعقلها وتوكل
فياريت كل واحد يعقلها الاول وشكراااااااااااااااااااااااااااااااااااااااااااااا اااااااااااااااااااااا

تعرف ايه عن العلاج الطبيعي؟؟؟؟؟؟؟؟؟؟؟؟؟؟؟؟؟

[Analyzer.Mn3m55]

انا شايف ان طب الاسنان افضل بيجيب فلوس اسرع .. لكن انا بفضل بردو الطب البشرى انا اختى لما كانت اثناء الدراسه كانت فى بهدله بس لم ااتخرجت ارتاحت من حيث الماده و ليس المجهود

[احمد حميده]

انا شايف ان مفيش حاجة احسن من التانية وكل واحد كويس في حاجة معينة وده اللي ربنا بيختاره لينا واكيد لو كل واحد اجتهد في عمله هيشعر ان مهنته احسن مهنة
وبالله التوفيق
اللهم وفقنا الي كل خير

[dr\shimaa]

اولا السلام عليكم انا عايزه ارد علي الاستاذ اللى بيقول ان البيطريينانهم متطفلين كلمه مستفزه اوووووووووووووى عايزه اقولك ان صيدله فاتتني علي 3من عشره في 100 مش ذنبي اني هادخل بيطري ثانيا اهنا باذن الله هادرس كمياء حيويه زيى زيك

[الاميرة المرحة]

السلام عليكم
انا عن نفسى افضل الصيدلة و العلاج الطبيعى
وبما انى من عائلة فيها كل انواع الكليات الطبية دى
فدول اكتر حاجة اتنصحت بيها
يعنى انا بابا وماما كانوا فى طب بشرى و هما الاتنين مدينى الحرية انى اخش المجال اللى انا عايزة معادا الطب البشرى مش عشان هو وحش لا عشان مرهق جدا ومظلوم فى البلد دى للى مش هايفتحو عيادات
وبالنسبة للطب البيطرى فانا شايفة ان طب المستقبل وبعدين اللى داخلة ومش عاجبة اعتقد ان ممكن يعمل دبلومة تحاليل ويبقى دكتور تحاليل
والعلوم مجالتها كتير ومتنوعة ودرستها اصعب من اى الكليات فى المجموعة الطبية وبردو مظلومين فى حاجات كتير
نيجى للصيدلة مريحة ودرستها حلو وخاصة للبنات
اما العلاج الطبيعى فهي طب المستقبل برضو زى الطب البيطرى ومجالاتها متنوعة
والاسنان حلوة برضو
المهم فى دا كله ان الانسان يخش الكلية اللى هو عايزه وبيحبها وعارف انه هيعمل حاجة فيها مش هيبقى كمالة عدد
واسفة للاطالة