التعليم بايظ

[Mohammed-Ahmed]

والله بالنسبه للمشكله ده فأنا شايف انها فعلا أهم من مشكلة الثانويه اللي احنا فيها ده لأن ده اللي بيبني عليها كل حاجه وأعتقد ان نظام الحضانه وكي جي ده نظام فاشل فيها مدرسين غير متخصصين في التعامل مع الفتره الدقيقه ده من العمر انا بيتهيألي انهم مدرسين للرعايه فقط لازم يكون مدرسين علي أعلي مستوي من حيث التعامل مع الطفل نفسيا وذهنيا وبدنيا وفعلا الأعتماد علي الحفظ ده مشكله كبيره زي ما تفضل الباش مهندس محمد يعني ايه الطفل المصري يبقي أذكي طفل تحت سن ست سنوات ليه؟!!! هو بيحصل ايه بعد كده فيه!!! ما هو هو الطفل .وبالنسبه لأولياء الأمور لازم أخليه يحس ان هو مسؤول في البيت ويكون ليه دور في البيت
مش أحسسه ان هو طفل مش يعرف أي حاجه
يتبع....

[ahmed kano]

بس التعليم هو سبب الفساد ده احنا لو اتعملنا صح واتعلمنا حاجات مفيده فى المدرسه وبالذات الابتدائى والاعدادى كنا هنكون تمام ونعرف وندى كل حاجه حقها واية مطلوب مننا وعلينا بجد كل الحاجات دى لو اتعملت حاجات كتير اوى هتتغير ومفيش بلد هتتقدم بجد غير بالتعليم الصح والاحترام

هل انت متعلمتش فى ابتدائى ولا اعدادى اى حاجة مفيدة .. انا شايف نفسى انى اتعلمت حاجات كتييييييييييييير زى مانا شايف برضه ان الناس للىهى بتقول انا متعلمتش حاجة .. بتقول كده لانها كانت بتذاكر عشان تنجح بس مش بتذاكر لمتعة المذاكرة و انها تتعلم حاجة جديدة و نتيجة لده هتنجح من غير ما تكون تعبانة اوى كده زى حضرتك

النظام ربع المشكله

صدقنى النظام هو المشكلة و مش لازم يكون نظام فى طريقة العمل لكن يكون فى نظام برضه فى طريقة التفكير

كل المشكله فى التعليم والله

طبعا كل المشككلة فى التعليم بس مش اللى انت اتعلمته كل المشكلة فى التعليم لان بلدك فى اكتر من نصها جاهل و أمى و لو عايز تعرف انت اتعلمت ولا لا قعدت مع حد جاهل مهما كان سنه هتعرف قيمة اللى انت اتعلمته

[m_cabo]

المشاركة الأصلية كتبت بواسطة ahmed kano

هل انت متعلمتش فى ابتدائى ولا اعدادى اى حاجة مفيدة .. انا شايف نفسى انى اتعلمت حاجات كتييييييييييييير زى مانا شايف برضه ان الناس للىهى بتقول انا متعلمتش حاجة .. بتقول كده لانها كانت بتذاكر عشان تنجح بس مش بتذاكر لمتعة المذاكرة و انها تتعلم حاجة جديدة و نتيجة لده هتنجح من غير ما تكون تعبانة اوى كده زى حضرتك


صدقنى النظام هو المشكلة و مش لازم يكون نظام فى طريقة العمل لكن يكون فى نظام برضه فى طريقة التفكير


طبعا كل المشككلة فى التعليم بس مش اللى انت اتعلمته كل المشكلة فى التعليم لان بلدك فى اكتر من نصها جاهل و أمى و لو عايز تعرف انت اتعلمت ولا لا قعدت مع حد جاهل مهما كان سنه هتعرف قيمة اللى انت اتعلمته

انا معاك جداا يا باش مهندس
بس بعد اذنكوا يا جماعه
احنا ان شاء الله هنتكلم فى كل الحاجات دى
فياريت دلوقتى نوحد كلامنا على حاجه واحده بس
وهى المرحله المبكرة للتعليم ( كى جى ) ( الحضانه )
ويا ريت من المسئول عن القسم يثبت الموضوع

[Shamy shemo]

انت اتعلمت حاجات كتيره اوك ماشى اتعلمت الحروف والارقام ودى ميه ميه

لكن اتعلمت حاجات فادتك فى حياتك العمليه
الانسان مش علمى فقط الانسان علمى وعملى ياريت تفهمنى
التعليم اوك بنتعلم كل حاجه بس الكل حاجه دى فادتك جامد قولى فادتك فى اية وانا معاك اهوه؟

[Shamy shemo]

يا جماعه انا بردو بحط اقتراحتكم وافكاركم ومشاركتكم بجد الجامده اوى على جروب التعليم بايظ ( هنــا ) عشان الكل يستفاد ونوصل صوتنا لاكبر مكان ممكن

[ENG.HAGAR]

هل فى حد مش بيغش مش عارف كده .. أكيد الكل عارف كده .. بس لو اتزنق للاسف هيغش لانه داخل مجال مش مجاله فبالتالى مش هيعرف يعديه الا كده

لا فى ناس فاكرة ان ده على سبيل المساعدة او الاضطرار او اننا بنتسرق كل يوم فيها ايه لو سرقنا وكدة .
بس ده قلة دين معلش يعنى الواحد ممكن يرتشى علشان يسقط عنه فريضة الحج !! ده مش منطقى خاالص
طبعا انا كلامى مش موجه لحضرتك كلامى موجة للحالة اللى حضرتك ذكرتها .
مش فى كلا الحالات الغاية تبرر الوسيلة

انت قلتى فى موضوع الرابطة مش عايزين نكون محبطين .. و انا شايف فى ردك ماشاء الله الهم لا حسد الاحباط بعينه اديكى يعنى بلوك دلوقتى

انا فعلا قولت ده
لكن انا قولت الامثلة دى على سبيل ذكر المشكلة وحلها
لاحظ حضرتك انا ما هولتش منها او كبرتها
لكن اذا عرف الداء بطل الدواء
وبالنسبة للبلوك انا اللى هعملة يا باشمهندس بالنيابة عن حضرتك

اهو هو ده اللى مضيع طريقة الحوار فى البلد دى و مضيع البلد اصلا جملة " اسمع بقى يا سيدى " على رأى حسن الاسمر مش بالذمة ده يبقى حراااااااااااااااام .. احكى يا شهر زاد

مش فاهمه معلش
انا اخطأت فى حاجة لو قولت حاجةغلط ياريت حضرتك تنبهنى وانا مستعدة افهم واسمع كمان .
وانا ما قولتش اسمع بقى يا سيدى انا قولت حصل موقف على سبيل ذكر بردو المشكلة واسبابها وطرق حلها
ولو كنت مش لبقة فى اختيار الفاظى انا اعتذر جداا

يا باش مهندسة حضرتك شايفة لو عملنا كده التعليم يبقى اتصلح !!!

هل التعليم امتحانات و تنسيق

معلش دقيقة
هو حضرتك المطلوب من كل واحد داخل يشارك انه يضع حل وانا حبيت اشارك بالحل ده علشان نقلل وبعدين نحل المشكلة نهائيا
لو حضرتك قرات اول صفحة هتلاقى انى قولت بالحرف ان المشكلةعمرها ما هتتحل نهائيا لا هى هتقل وبعدين هتزل بأذن الله
ارجو فهم الكلام المكتوب حرفا جزاك الله كل خير

يعنى مثلا فى البيت لو اتعلمتى تطبخى مثلا هل ده فيها امتحانات و تنسيق هل ده يعنى انك متعلمتيش حاجة جديدة !!!!!!!

حضرتك بتقيس حاجات مختلفة جدااعلىبعض
انا لو والدتى علمتنى الطهى فى الاخرهيبقى فى اختبار يعنى امتحان وبعدين يتم تقييم اللى هى النتيجة وبعدين يتم تأهيلى للمرحلة الجديدة وهى التنسيق
ارجو ان الفكرة تكون وصلت

كان من الافضل انكم تعملوا اسم الموضوع التنسيق بايظ كان هيبقى يليق اكتر

.

الموضوع معمول اساسا علشان التعليم
وحضرتك بردو لو لاحظت انى اتكلمت عن مرحلة ما قبل الابتدائى
وجريت الكلام لناحية تانية خااالص ردا على عضو تحدث عن التنسيق
وكان من الافضل وضع حلول علشان نوفر علينا عناء الجدال
بارك الله فيك

ـــــــــــــــــــــــــــــــــــ

يا جماعة انا اعتذر لو كان كلامى دايق حد من حضراتكم
وممكن انسحب خاالص من الموضوع لو مدايقاكو
ومش بقول كدة والله كنوع من الاشفاق عليا او كدة
لا والله خاااااالص
جزاكم الله كل خير

[Shamy shemo]

يا جمـــــــــــــــاعه

اسمعوووووووووووونى

ايـــــه رايكــــم اعمل الموضوع ده فى قسم المناقشات والارائات؟؟؟؟؟؟؟؟؟؟؟؟؟؟؟؟؟؟

[Shamy shemo]

باشمهندسه هاجر

لا مينفعش تنسحبى بالذات لانك بجد اللى نشطى الموضوع من الاول بجد

بليز متنسحبيش وخليكى معانا

وادينا بنناقش الناس ونشوف ونرد على اراء كل الناس

[m_cabo]

المشاركة الأصلية كتبت بواسطة eng.hagar

لا فى ناس فاكرة ان ده على سبيل المساعدة او الاضطرار او اننا بنتسرق كل يوم فيها ايه لو سرقنا وكدة .
بس ده قلة دين معلش يعنى الواحد ممكن يرتشى علشان يسقط عنه فريضة الحج !! ده مش منطقى خاالص
طبعا انا كلامى مش موجه لحضرتك كلامى موجة للحالة اللى حضرتك ذكرتها .
مش فى كلا الحالات الغاية تبرر الوسيلة

انا فعلا قولت ده
لكن انا قولت الامثلة دى على سبيل ذكر المشكلة وحلها
لاحظ حضرتك انا ما هولتش منها او كبرتها
لكن اذا عرف الداء بطل الدواء
وبالنسبة للبلوك انا اللى هعملة يا باشمهندس بالنيابة عن حضرتك

مش فاهمه معلش
انا اخطأت فى حاجة لو قولت حاجةغلط ياريت حضرتك تنبهنى وانا مستعدة افهم واسمع كمان .
وانا ما قولتش اسمع بقى يا سيدى انا قولت حصل موقف على سبيل ذكر بردو المشكلة واسبابها وطرق حلها
ولو كنت مش لبقة فى اختيار الفاظى انا اعتذر جداا

معلش دقيقة
هو حضرتك المطلوب من كل واحد داخل يشارك انه يضع حل وانا حبيت اشارك بالحل ده علشان نقلل وبعدين نحل المشكلة نهائيا
لو حضرتك قرات اول صفحة هتلاقى انىقولت بالحرف ان المشكلةعمرها ما هتتحل نهائيا لا هى هتقل وبعدين هتزل بأذن الله
ارجو فهم الكلام المكتوب حرفا جزاك الله كل خير

حضرتك بتقيس حاجات مختلفة جدااعلىبعض
انا لو والدتى علمتنى الطهى فى الاخرهيبقى فى اختبار يعنى امتحان وبعدين يتم تقييم اللى هى النتيجة وبعدين يتم تأهيلى للمرحلة الجديدة وهى التنسيق
ارجو ان الفكرة تكون وصلت

.

الموضوع معمول اساسا علشان التعليم
وحضرتك بردو لو لاحظت انى اتكلمت عن مرحلة ما قبل الابتدائى
وجريت الكلام لناحية تانية خااالص ردا على عضو تحدث عن التنسيق
وكان من الافضل وضوع حلول علشان نوفر علينا عناء الجدال
بارك الله فيك

ـــــــــــــــــــــــــــــــــــ

يا جماعة انا اعتذر لو كان كلامى دايق حد من حضراتكم
وممكن انسحب خاالص من الموضوع لو مدايقاكو
ومش بقول كدة والله كنوع من الاشفاق علياا وكدة
لا والله خاااااالص
جزاكم الله كل خير

مين قال ان فى حد مضايق احنا كلنا بنتكلم ونتناقش
وزى ماقلت كدا مش هنعرف نتكلم وكل واحد بيتكلم فى موضوع لوحده
يا ريت يا ريت يا ريت نتكلم كلنا فى موضوع واحد

[ahmed kano]

الثورة ما غيرتش نظام الثورة ازالت نظام ممكن يكون له جذور زى الشجرة بالظبط ممكن تلاقى كام جذر ماسك فى الارض وجذور كتيرة طلعت .

الثورة غيرت حاجات كتير كفاية انها خليتك ان حلمك ممكن يتحقق و ان صاحب الحق هو الاقوى

انا مش هرد على حد تانى و لا هعمل QUOTE تانى لحد

الحلول اللى ممكن اقدمها دلوقتى اكيد هتكون حلول وهمية لو خدتها وانا قاعد كده

نيجى مثلا لحل مشكلة الدروس دى فى التعليم و ان التعليم فعلا مبقاش مجانى

اهيقولك عايزين نلغى الدروس مع احترامى ليه هيبقى حمار فى فكره
لان لو عندك عمارة و شايف جارك عنده عمارة اطول و اكبرمن اللى عندك متفكرش انك تهد عمارته عشان تحصله فكر دايما انك تبنى اعلى منه .. لان كل تقدم مفيد

معروف خصوصا فى التعليم الثانوى ان مفيش حد بيروح مدارس فيها ايه لو قلبنا نظام الحصص دى دروس بشرط يكون الدرس مفيش اكتر فيه من 15 واحد بالكتير او اقل كمان زى اى درس و محدش يقولى مانت كده بتقول ع المجموعة .. المجموعة بتاخد يمكن اكتر من عدد الفصل نفسه

و مثلا لوالدرس فى المادة الفلانية الحصة بـ12 جـ مثلا " الاسعار هتتحدد لجغرافية المنطقة و الاسعار السائدة فيها "فى المنطقة دى المدرسة تحط الدرس فى المنطقة دى بـ 10جـ أو 8 جـ و يكون جر رجل زى ما بيقولو و يكون نفس نظام الدروس و المدرسة هتستفيد و الاستاذ هيستفيد .. طبعا هتلاقى فى مدرسين جشعين هيقولك لا انا باخد فى الدرس اكتر و فى مدرسين بيراعو ربنا و دول ما اكثرهم هيشتغلوا و مش هيهمهم 100 جنيه زيادةو لا حاجة و بكده هتنتهى حكاية الجشع دى .. و برضه نسمح للمدرسين انهم يدوا دروس فى مدارس تانية .. طبعا هيطلعلى واحد حالا اومال فين بقى مجانية التعليم و طبعا مش هرد عليه احتراما لصيامى .. و بكده نكون بنقلل شوية من على الاسرة و بنستفيد فى نفس الوقت بدل ما ياخد كل الفلوس مدرس او مركز و الاتنين مبيدفعوش ضرايب

اما بقى لحكاية تنظيم المناهج دى انا شايف مثلا ان فى حاجات كتير لازم تتحذف من ماهج التعليم كتير جدا لانها ممكن تكون حاجات ملهاش لازمة او مكررة بندرسها فى سسنوات تانية و لو حذفناها اكيد لازم نحدف سنة دراسية على الاقل و قصدى طبعا على 6 ابتدائى اللعنة دى

و شايف برضه ان اولى ثانوى دى سنة هبلة ولا استفدت منها اى حاجة و لا عملت فيها حاجة و لازم اللى بناخده فى تانية و تالتة لازم يتقسم على 3 سنين عشان فعلا نعرف نفهمه قبل ما نحفظه

و طبعا ناس هتقولى مانت كده مش هتعرف تحدد نفسك علمى ولا ادبى .. ده بقى هيرجع للى بتدرسه فى تالتة اعدادى و ممكن بكل سهولة نخلى نظام اعدادى هو اللى يخلينا نحدد احنا مفروض نخش ايه بالظبط و برضه مننساش اننا نعدد مزايا التعليم الصناعى و التجارى لاما نرفع الحد الادنى لدخول الثانوية العامة عشان احنا بكده بكنون بنظلم ناس و اهالى كتير بخولهم ث/ع

وطبعا هتقولى انت كده بتزود حمل الاهالى فى حكاية الدروس .. هرد هقول اولا مفيش حد فى اولى مبياخدش دروس و متنسوش حكاية اعمال السنة و ثانيا كل اللى مش هامه اعمال السنة يولك انا عايزاتأسس !!!!
و لاحظوا انى جايب الفكرة دى بعد الفكرة الاولى

و طبعا دى حلول بسيطة جدا اللى جات فى دماغى دلوقتى

و اعتقد انه مش مطلوب منى انى اقدم غير حلول بسيطة لانى غير كده بكون بتفذلك لانى مش متخصص فى الحكاية دى و كمان مش عايز اوجع دماغى بموضوع التعليم ده لانه ملف كبييييييييييييييييير و كبييييييييييير جدا كمان

و المهم انى اتعلمت و عرفت استفيد منه مش مهم اتعلمت قد ايه المهم انه زودنى و منقصنيش و يا ريت كل الناس تفكر كده و تفيد و تنصح غيرها فى اول فرصة متاحة للنصيحة

و برجو ميكونش فى حد زعل او اتضايق من كلامى

[Mohammed-Ahmed]

المشاركة الأصلية كتبت بواسطة eng.hagar

يا جماعة انا اعتذر لو كان كلامى دايق حد من حضراتكم
وممكن انسحب خاالص من الموضوع لو مدايقاكو
ومش بقول كدة والله كنوع من الاشفاق علياا وكدة
لا والله خاااااالص
جزاكم الله كل خير

أعتقد ان كلام حضرتك مش فيه أي حاجه تضايق كلام حضرتك عقلاني جداااا ومضبوط
وياريت حضرتك تكملي معانا باقي الحلول للمشكله ده

[Mohammed-Ahmed]

المشاركة الأصلية كتبت بواسطة DR/freaky deaky

يا جمـــــــــــــــاعه

اسمعوووووووووووونى

ايـــــه رايكــــم اعمل الموضوع ده فى قسم المناقشات والارائات؟؟؟؟؟؟؟؟؟؟؟؟؟؟؟؟؟؟

مواااااافقه

[ahmed kano]

يا جماعة انا اعتذر لو كان كلامى دايق حد من حضراتكم
وممكن انسحب خاالص من الموضوع لو مدايقاكو
ومش بقول كدة والله كنوع من الاشفاق علياا وكدة
لا والله خاااااالص
جزاكم الله كل خير

يا باش مهندسة انا اللى اسف لو حضرتك زعلتى من كلامى بس للاسف دى طريقة كلامى انى بهزر مع اللى بكلمه و اعتقد انى كنتب بهزر باحترام و بوصل فى نفس الوقت اللى عايز اقوله و اسف مرة تانية لو كلامى زعلك و مينفعش هنبقى فى كلية واحدة يعنى و هنخش شايلين من بعض من اولها هههههه

[ENG.HAGAR]

يا جمـــــــــــــــاعه

اسمعوووووووووووونى

ايـــــه رايكــــم اعمل الموضوع ده فى قسم المناقشات والارائات؟؟؟؟؟؟؟؟؟؟؟؟؟؟؟؟؟؟

اعتقد يا دكتور شامى ان الموضوع ده اكتر فاعلية فى القسم هناا
يعنى تنسيق 2011 يعتبر تقريبا من انشط الاقسام ان لم يكن انشطها .

مين قال ان فى حد مضايق احنا كلنا بنتكلم ونتناقش
وزى ماقلت كدا مش هنعرف نتكلم وكل واحد بيتكلم فى موضوع لوحده
يا ريت يا ريت يا ريت نتكلم كلنا فى موضوع واحد

اللى اقصده من مدايق ان اول خطوة فى الموضوع اننا نبدأ بالكى جى نلاقى رد على موضوع التنسيق ورد تانى بيرد على موضوع التنسيق ورد تالت بيعلم الناس طريقة الحوار !
كلها خطوات مش مرفوضة حتى توجيه شخص لغيره لطريقةالكلام اللبقة بجد انا بقبلها لكن القصد من ده كله هو توحيد جهة النقاش زى ما حضرتك قولت
وجزاك الله كل خير

الثورة غيرت حاجات كتير كفاية انها خليتك ان حلمك ممكن يتحقق و ان صاحب الحق هو الاقوى

حضرتك بتتحسس ما وراء الكلام !
هل انا ذكرت ان الثورة ما عملتش حاجة !
وكمان حضرتك عامل كوبى للبوست بتاعى ومافيهوش كلمة من اللى حضرتك بتحاول توصلنى انى قولتها .
والحمد لله وجودى فى الموضوع ده اكبر دليل ان الواحد عايز يكمل ثورة ممكن تكون على قدنا كطلبة لكن ان شاء الله هتكون ثورة كبيرة لما نبقى ماسكين وظايف وكدة
على العموم انا مش هعلق على كلام حضرتك انا مجهودى كله متجه ناحية كيفية اعداد الاطفال .

الرجاااااااااااااء " وانا اول الناس اللى هتبع الطلب ده " توحيد اتجاه الموضوع احنا عايزين المرحلة ما قبل الابتدائى يا جماعة بعد اذنكم المرحلة الثانوية والاعداديه هيكون لها يوم ياباش مهندس احمد .

[Mohammed-Ahmed]

المشاركة الأصلية كتبت بواسطة eng.hagar

اعتقد يا دكتور شامى ان الموضوع ده اكتر فاعلية فى القسم هناا
يعنى تنسيق 2011 يعتبر تقريبا من انشط الاقسام ان لم يكن انشطها .

هو فعلا القسم هنا أكثر فاعليه بس الموضوع ككل يناسب قسم الآراء أكثر.