اى حد داخل هندسه الازهر بنات القاهره يتفضل بالدخول لو سمحتم

[mustafaelfateh]

انا فى تالتة ثانوى وعايز اعرف اية المستوى العلمى للكلية حلو ولا نص نص ولا وحش واية احلى الاقسام

[eng refa3y]

المستوى العلمى زى الفل
زيك زى اى جامعه تانيه
وهم فى الشغل مبيفرقش معاهم انت ازهر ولا عام
المهم انت تقديرك ايه
كويس فى الانجليزى ولا لأ
كويس فى الكمبيوتر ولا لأ
وطبعا كل ده بيتعرف من الانترفيو ان هم هايسألوك حبه اسئله يشوفو مستواك فى الانجليزى وتقديرك ده مظبوط ولا لأ
وطبعا شويه كورسات لو موجوده وكده يعنى


اما بالنسبه لاحلى الاقسام على حسب القسم اللى انت شايف نفسك فيه
بس انا من رأى ان بترول وبعد كده مدنى وبعد كده ميكانيكا والله اعلم

وربنا يوفقك وتجيب مجموع كويس تشرف نفسك بيه
واعمل اللى عليك وملاكش دعوه
ان الله لا يضيع اجر من احسن عملا

وربنا يوفق الجميع آمين

[mustafaelfateh]

شكرا انجى على ردك الجميل وربنا يوفقنا كلنا

[mustafaelfateh]

قصدى باش مهندس محمد انا اسف

[Eng.Rasha]

المشاركة الأصلية كتبت بواسطة eng refa3y

اعترااااااااااااااااااااااااااااااض
انا من رأى ان بترول احسن قسم فى هندسه للبنين
وعشان تتأكدى أكتر شوفى الشغل جوه مصر وبره مصر عامل ازاى
وشويه خبره فى بترول مع كورسات انجليزى
ساعتها بتلاقى مهندس البترول ده بيعدى جامد


وعشان تتأكدى اكتر ان بترول فى العام ليه تنسيق لواحده وده معدى كل حاجه
وفى الازهر اعلى قسم فى اقسام الهندسه كلها

ودى مجرد وجه نظر والاختلاف فى الرأى لا يفسد للود قضيه

وطبعا احسن قسم للبنات هو عماره فعلا
وممكن الكمبيوتر اواتصالات لو اتفتح لكم ده بالنسبه للبنات اللى مش هاضمين الرسم قوى
وطبعا اتصالات احسن من الكمبيوتر

مع احترامى ليك يا بشمهندس ولوجهة نظرك

انا من راى ان اكتر قسم بهدلة للبنات فى شغله هو عمارة واخف هو كمبيوتر او اتصالات

دى وجهة نظرى

[yasssmine]

مع احترامى يا رشا بس انا وانتى عارفين ان احل قسم للبنات هو العماره والدليل على كده انه بياخد اعلى تقدير ومش معنى انك عيزه تدخلى كمبيوتر يبقى احلى قسم يمكن هو احل قسم من وجهه نظرك ده لانك بتحبى الكمبيوتر ومتفوقه فيه بس الهوايه شى والدراسه شى تانى وكمان انتى عارفه ان الدراسه بالذات فى القسم ده فى الكليه زباله وال مش بياخد كورسات مش بينفع وبعدين ربنا يعدى السنه دى على خير وبعدين نشوف القسم ايه وكمان انتى ناسيه انك مش بتدخلى القسم بمزاجك ده بالتقدير اوعى تنسى الموضوع ده لانه مهم يا ربت والله يسيبو كل واحد يدخل القسم ال يحبه لو الموضوع ده حصل يمكن يبقى فى حد نافع فى الكليه دى وربنا يستر

[yasssmine]

رشا لو كنتى حضرتى محاضره الانجليزى بتاع الدرس the status of prayer in islam يا ريت الترجمه بتاعه بسرعه ضرورى

[Eng.Rasha]

المشاركة الأصلية كتبت بواسطة yasssmine

مع احترامى يا رشا بس انا وانتى عارفين ان احل قسم للبنات هو العماره والدليل على كده انه بياخد اعلى تقدير ومش معنى انك عيزه تدخلى كمبيوتر يبقى احلى قسم يمكن هو احل قسم من وجهه نظرك ده لانك بتحبى الكمبيوتر ومتفوقه فيه بس الهوايه شى والدراسه شى تانى وكمان انتى عارفه ان الدراسه بالذات فى القسم ده فى الكليه زباله وال مش بياخد كورسات مش بينفع وبعدين ربنا يعدى السنه دى على خير وبعدين نشوف القسم ايه وكمان انتى ناسيه انك مش بتدخلى القسم بمزاجك ده بالتقدير اوعى تنسى الموضوع ده لانه مهم يا ربت والله يسيبو كل واحد يدخل القسم ال يحبه لو الموضوع ده حصل يمكن يبقى فى حد نافع فى الكليه دى وربنا يستر

لا ركزى شوية يا ياسمين فى كلامك

اغلب البنات عندنا فى الكلية عاوزين يدخلوا عمارة وبيدخلوها لانه اكتر قسم بيريح الدماغ من المذاكرة وكله خيال ورسم وانتى عارفة البنات كويس يموووووووووتوا فى الخيال

وبعدين الهواية لما ترتبط بالدراسة بتعمل ابداع وبتخلى الواحد حتى لو مش متفوق بيعدى من الكلية على الاقل

زيك انتى مثلا بتحبى الرسم وبترسمى كويس عشان كدا عاوزة تدخلى عمارة ومصممة عليها رغم عمايل الفنيين والمعيدين فينا

ورغم ان فيه ناس بينصحوكى بدخول قسم اتصالات

وعند اهو الفارس المتالق داخل هندسة عشان نظم وحاسبات

ولعلمك اى كلية من غير كورسات مش بيشغلوهم وانتى عارفة كدا كويس

يعنى مش نظم وبس وبعدين دا احلى ما فى نظم منحة اتصالات

اسئلى مجرب

[Eng.Rasha]

المشاركة الأصلية كتبت بواسطة yasssmine

رشا لو كنتى حضرتى محاضره الانجليزى بتاع الدرس the status of prayer in islam يا ريت الترجمه بتاعه بسرعه ضرورى

تخيلى انى لقيت نفسى مترجمة الدرس دا لما تدخلى على الميل هابقى اشرحهولك

[yasssmine]

المشاركة الأصلية كتبت بواسطة eng.rasha

لا ركزى شوية يا ياسمين فى كلامك

اغلب البنات عندنا فى الكلية عاوزين يدخلوا عمارة وبيدخلوها لانه اكتر قسم بيريح الدماغ من المذاكرة وكله خيال ورسم وانتى عارفة البنات كويس يموووووووووتوا فى الخيال

وبعدين الهواية لما ترتبط بالدراسة بتعمل ابداع وبتخلى الواحد حتى لو مش متفوق بيعدى من الكلية على الاقل

زيك انتى مثلا بتحبى الرسم وبترسمى كويس عشان كدا عاوزة تدخلى عمارة ومصممة عليها رغم عمايل الفنيين والمعيدين فينا

ورغم ان فيه ناس بينصحوكى بدخول قسم اتصالات

وعند اهو الفارس المتالق داخل هندسة عشان نظم وحاسبات

ولعلمك اى كلية من غير كورسات مش بيشغلوهم وانتى عارفة كدا كويس

يعنى مش نظم وبس وبعدين دا احلى ما فى نظم منحة اتصالات

اسئلى مجرب

لا والله يا ر شا البنات ال كانو عيزين يدخلو عماره بعد ال شافوه بعد الاسقاط لعمودى غيرو رايهم مفضلش غير ال فعلا عنده الهوايه ويستاهل القسم ده فعلا وبعدين مش هنتخانق يا ستى ربنا يوفقك فى القسم بتاعك ويديكى التقدير ال يدخلهولك وبعدين بالنسبه للاتصالات انا مش كرهاها بس انا بحبه ا غامر زى ما نتى عرفه ومش يزه ادخل حاجه على مزاج حد انا بحب اكون اسبشيل ويا ريت لما تجى تدخلى علىالنت ابقى رنى علشان ترجمه او ممكن تضعيه على التوبيك علشان الكل يستفاد وشكرا يا رشروش وكمان عايزه اعرف اخر الاخبار عندك

[الفارس المتألق]

المشاركة الأصلية كتبت بواسطة eng.rasha

لا ركزى شوية يا ياسمين فى كلامك

اغلب البنات عندنا فى الكلية عاوزين يدخلوا عمارة وبيدخلوها لانه اكتر قسم بيريح الدماغ من المذاكرة وكله خيال ورسم وانتى عارفة البنات كويس يموووووووووتوا فى الخيال

وبعدين الهواية لما ترتبط بالدراسة بتعمل ابداع
الله هو ده الكلام السليم

وعندك اهو الفارس المتالق داخل هندسة عشان نظم وحاسبات

ولعلمك اى كلية من غير كورسات مش بيشغلوهم وانتى عارفة كدا كويس
انا فعلا اللي عرفته ان في قسم نظم ماينفعش ان الواحد يعتمد علي الدراسه في الكليه بس
طبعا عشان متطلبات سوق العمل بتتغير والبرامج بينزل منها اصدرات جديده وطبعا للاسف
المناهج في الكليه زي ما هي مش بتتغير

يعنى مش نظم وبس وبعدين دا احلى ما فى نظم منحة اتصالات

اسئلى مجرب

منحة اتصالات دي بتاعت ايه؟ يعني انا اول مره اسمع عنها ياريت تقوليلي معلومات عنها

المشاركة الأصلية كتبت بواسطة الفارس المتألق

منحة اتصالات دي بتاعت ايه؟ يعني انا اول مره اسمع عنها ياريت تقوليلي معلومات عنها

انا اقول لحضرتك على المنحه دى ال اعرفه لانى اعرف ناس خدوها ودلوقتى ما شاء الله كل الشركات بتتخانق عليهم المنحه دى مقدمه من الدوله بتكلف الدوله تقريبا 25 ال جنيه ال بياخدها بيمر باختبارات كتير فى كل المجالات خاصتا الكمبيوتر واختبارات ذكاء ودى بتكون اختبارات صعبه بجد وكمان مفيش كوشه خالص بتتعلم فيها كل حاجه تخطر على بالك حتى ازاى تاكل وتقعد فى المطعم واهم حاجه انها بتعلمك ازاى يكون لك برستيج واهميه بين الناس دى كله بجانب الغرض الاساسى وهو الكمبيوتر والاتصالات بتتعلم فيها كل حاجه من الالف للياء وعلى فكره المنحه دى بتتعمل كل سنه وكمان ال بيدخلها بيقبض 500 جنه شهريا وكمان سمعت انه بياخد لاب توب يعنى بالمختصر حاجه مفيده جدا لاى مهندس او مهندسه دى كل معلوماتى عنها لو عايز تعرف اى حاجه عنها ممكن تسالنى وانا اسال واقول لك

[نورالحياه]

السلام عليكم ورحمه الله وبركاته
انا معاكم فى هندسه الازهر اعدادى
واكون سعيده ان انا اشترك معاكم فى التوبيك ده

[yasssmine]

المشاركة الأصلية كتبت بواسطة نورالحياه

السلام عليكم ورحمه الله وبركاته
انا معاكم فى هندسه الازهر اعدادى
واكون سعيده ان انا اشترك معاكم فى التوبيك ده

ايه ده انا تقريبا اعرف كل الدفعه معرفكيش ازاى انتى اسمك ايه اصلا .اصل لو انتى نور يبقى معايا فى الفصول الاخيره وعلى العموم اهلا بيكى وده شرف لينا ومن دلوقتى تعتبرى نفسك اخت لينا فى التوبيك وتقدرى تطلبى اى حاجه انتى عيزاها واحنا ان شاء الله نساعدك

[yasssmine]

المشاركة الأصلية كتبت بواسطة الفارس المتألق

منحة اتصالات دي بتاعت ايه؟ يعني انا اول مره اسمع عنها ياريت تقوليلي معلومات عنها

انا هقول لحضرتك ال اعرفه عن المنحه دى لانى اعرف ناس اخدوها المنحه دى مقدمه من الدوله بتكون من وزاره الاتصالات بتتعمل كل سنه وبتكون صعبه انك تاخدها لانك بتمر باختبارات كتير جدا حتى الذكاء وكمان مفيش فيها كوسه خالص مش بياخدها الا ال يستحقها بتكلف الدوله حوالى 25 ال جنيه للفرد وكما بتقبض فيها 500 جنيه وسمعت انك بتاخد كمان لاب توب بس ده كله لل بيجتاز الاختبارات ويتقبل بتتعلم فيها كل حاجه عن الكمبيوتر والاتصالات وكمان بتتعلم فيها لغه وبعض الشكليات زى ازاى تقعد فى المطعم وازاى تلبس وازاى يكون اك برستيج واهميه امام الناس وبعد ما تخلصها بيكون لك وظيفه مضمونه اما بالجامعه او فى احد الشركات يعنى باختصار حاجه مفيده لكل مهندس ومهندسه ده ال اعرفه عنها لو عايز تعرف حاجه عنها اكتر ممكن تسال عن الحاجه دى بالتحديد وانا ممكن اسال وارد عليك