كنت في الادارة النهادرة " لازم نعمل وقفة "

[العروبة2]

تعالوا نحسبها بالعقل
نشوف مين اللي مش هيتكلف حاجة
بنأخذ كافة صلاحيات الأساسي من تأمين ومستشفى ونقابة ........ الخ
وبنقبض من بند أول أجور
يبقى زايين زاي الأساسي
طيب ما يرياحوا دماغهم ويثبتونا على الدرجة الثالثة وخلاص
طالما الموضوع متساويين فيه
شوفت العقل راح يودي فين
لكن بالراحة

[محمد محمد الجمل]

أرجو أن تأخذوا كلامى بجد لازم يكون الاعتصام فى أول يوم من الدراسة ونبلغ أكبر عدد من الصحفيين والقنوات الفضائية وكل واحد فى محافظة أو ادارة يبلغ زملاءه بميعاد الاعتصام ويكون الاعتصام أمام الادارات أو مبنى مديرية التربية والتعليم فى كل محافظة و أنا معاكم من الغربية ومعايا 400 متعاقد فى ادارة شرق المحلة
ده الاقتراح الاول لو موافقين بالكيفية والميعاد أرجو الرد وكل واحد يقول الادارة اللى هوة تابع ليها وبلغ 10 من زملاءه على الاقل

[عاشقه الجنه 29]

ياجماعة كلنا ايد واحدة ويلا نحدد الزمان والمكان بس ياريت باقصى سرعة وعلى فكرة هنلاقى مساعدة كبيرة من جميع اعضاء مجلس الشعب لان دى قرصتهم انهم يعملوا ارضية كويسة فى كل دايرة خاصة بيهم فيلا نبلغهم ونظم الاعتصام ونحدد ميعادة وياريت يكون 1\7 اليوم الموعود

[عاشقه الجنه 29]

لا طبعا مينفعشى اول يوم فى الدراسة لازم نتحرك دلوقتىوباقصى سرعة لان لو محصلشى تثبيت قبل الدراسة عمرة ما هيجى بعد ماتبدا الفكرة دى بطيئة المفعول

[M.Ahmed Elsaid]

إلهى يا عالم باحوالى .. عليك رزقى واتكالى


يارب يسر أحوالنا

[hazem ali]

مين قالكم ان الميزانية اتوضعت ومفهاش المتعاقدين اطلعتوا عليها ولا ايه غهمونى يمكن انا مش فاهم

[(هند)]

السلام عليكم
انا عايزة حد يرد ويوقل ان الناس الى عملت اعتصامات عند مجلس الشعب حد عبرها ولا نفذها الى هى عايزاه ولالا؟؟
محدش تابع الناس الى ماتت فى لاعتصام ولا الاعتصام ا لى اتعمل عشان حد يبص على اعتصامهم ؟
ياجماعة الاعتصام مش ليه معنى احنا ندور على خطوات تحركنا مش مجرد اعتصام وبعدين محدش هيعبرنا ولو مات مننا حد الا هيعبر الفضائيات الى عايزة تعمل سبق وخلاص وبعدين ما فيه ناس بتعمل جروب على الفايس بوك وبتتشهر بردة وبيطلعوا على الفضائيات ما نجرب حاجة زى كدا وكمان نعمله اسم غريب كدا او حاجة ملفته ممكن حد يعبرنا

[مني 22]

ياجماعة الفصل الواحد اتعينو ومن سكات كدة ولا فضيحة ولاحاجة زى ماعملو لنا فى الامتحانات ولا لما ادو للاساسى الكادر والمؤسف فعلا ان اغلبهم دبلومات مع احترامى ليهم يعنى طبعا لكن مين قال كدة اى قانون ولااى عدل ان المؤهل الاعلى هو اللى بيدور ازاى انه يتساوى بالاقل وعلى فكرة برضو لو اتكلمنا هيقولك اصل دول مش تبع الوزارة مباشرة ومنحة ومعونة وسوزان مبارك ومش عارف ايه ؟؟؟؟؟؟؟؟؟ فعلا ياجماعة بيقولك شهادة صلاحية وتسكين على درجة معلم مفيش كلمة تعيين دى غير فى النتيجة بتاعتنا والكتاب الدورى بس برضو هيرد عليك ويقولك ماهو تعاقدك اسمه تعيين لانه فيه تامينات ومعاشات والعارضة والاعتيادى وبدل المعلم واحتمال الكادر ربنا يفرجها يعنى كل حاجة ليها عندهم حل واحنا مش اقل من متعاقدى الفيوم ولااقل من متعاقدى المحليات فى وقفة احتجاجية واعتصام لان ده فعلا حقنا كلنا حملة مؤهلات عليا وفيه دراسات عليا كمان وامتحان ودخلنا ونجحنا واى سى دى ال واخدنا وتقييمات توجيه ومدير المدرسة وعملنا مش عارفة ناقص ايه عشان ناخد حقوقنا ونتثبت بقى انا بقترح ياجماعة اننا لاننتظر 7 لان مفيش حاجة فعلا فى 7 والميزانية فعلا اتحطت للسنة الجديدة واحنا مش فيها يبقى لازم نتحرك عشان لو فيه اى مخرج ليهم ويدخلونا فى الميزانية وندخل حسابات الدولة دى هى مش بلدنا ولاايه؟







أبلغ عن مخالفة
جارةالوادىمشاهدة ملفه الشخصيإرسال رسالة خاصة إلى جارةالوادى
كلامك صحيح

[tahataha40]

والله انتو بتهزروا ولا حد فيكم هيعمل حاجه ولو حد فى المنطقه بتاعته قالولو احنا هنفصل المتعاقدين اللى هيعتصمو كل واحد فيكم هيقعد ساكت ............
ولا هنسمع صوت ....... احمدو ربنا على النعمه اللى احنا فيها وكل واحد يشوف شغله بضمير مش عاوزين دوشه

[(هند)]

المشاركة الأصلية كتبت بواسطة tahataha40

والله انتو بتهزروا ولا حد فيكم هيعمل حاجه ولو حد فى المنطقه بتاعته قالولو احنا هنفصل المتعاقدين اللى هيعتصمو كل واحد فيكم هيقعد ساكت ............
ولا هنسمع صوت ....... احمدو ربنا على النعمه اللى احنا فيها وكل واحد يشوف شغله بضمير مش عاوزين دوشه

السلام عليكم
والله دا فعلا ممكن يحصل بس مش معقول انه يتقال كدا المفروض حضرتك يكون كلامك مشجع مش محبط كدا

[tahataha40]

هو انا علشان بقول الحقيقه اللى احنا كلنا عارفينها يبقى كلامى محبط ........... ولا اقعد اقول انا معاكم بالكلام وبس ونقعد نصفق لبعض ايوة كلنا مع بعض ايوة هنعمل وهنسوى ............. ولاهنعمل اى حاجه ..........

والله كله بيضحك على كله اسمعو كلامى وسيبوها على الله ........

[مستر / طاهر أبو خزيم]

اعتقد يا اخوانا ان كلنا لازم نعمل حاجة ايجابية لصالحنا زى ايه مثلا: جماعة مننا يروحوا يتكلموا عننا فى برنامج تليفزيونى شهير وجماعة تانيين يعملو وقفة احتجاجيه على اوضاعنا امام وزارة التربية والتعليم او الأزهر بالنسبة لمعلمى الأزهر وجماعة يبعتوا فاكسات وشكاوى للجهات المختصة او حتى لرئاسة الجمهوريه اعتقد دا ممكن يجيب فايدة بس لازم يكون فيه تنسيق بين هذه الأشياء وبلاش الكسل والسلبية والجبن اللى زادو عن حدهم لو كلنا عملنا كده فى وقت واحد ومحدد اكيد الوضع هايتغير

[zemosat]

فى حاجة يا جماعة أنا سمعت عنها قبل كدة وهى " مفوض الدولة " وهو تقريبا تابع لسلطة القضاء وسمعت من اختصاصاته النظر فى شكاوى الموظفين ايه رأيكم لو نبعت له شكاوينا وتقوم كل مجموعة فى كل محافظة برفع قضية من أول شهر سبعة أما من ناحية عمل اعتصام واضراب عن العمل وخصوصا اننا قد أصبحنا القوة الضاربة فى مدارسنا وليس من السهل الإستغناء عنا فهو ليس بمجدٍ فى أيام الأجازة لعدم حاجتهم لنا الآن واقترح أن يكون الإعتصام مع بداية العام الدراسى الجديد لأنه سيحدث ربكة شديدة فى العملية التعليمية وسيشعر الذين لاينصتون لنا ولا يعطونا أدنى إهتمام بذلك وربما يضعونا فى دائرة اهتمامهم وأولهم السيد الوزير الذى أتى بهالة حوله وكأنه الذى سيغير موازين الكون والشعور الذى أخاف منه أن هذا الرجل اتى من أجلنا نحن بعد أن قرر يسرى الجمل تثبيتنا لتظل سياسة وزارة نظيف كما هى وطبعا سياسته على الغلابة فقط لكن السادة الضباط ووكلاء النيابة والمستشارين طبعا لأ* لأنهم حاميين حمى النظام وهذا العمل لابد أن يكون منظما وليس غوغائيا حتى لاتقع مجموعة من المجموعات فريسة لهم ويقومون بإلقاء الرعب فى قلوبنا

المهم أنى لا أقوم بإلقاء خطبة ولا أريد من أحد أن يقول بأنك تحلم ولن تجد من يتصدى لهذا الموضوع فأنا أرى عكس ذلك تماما لأننا كلنا اكتوينا من هذه النار المحرقة والكل يريد أن يتخلص من هذا الوبال وما من زميل إلا وتعرض لمشاكل بسبب أنه متعاقد أقلها الإحراج وكأن كلمة متعاقد أصبحت وصمة عار تلحق بنا فتكفى كلمة متعاقد التى تدل على شخص من الدرجة الثانية دون ادنى ذنب ولست إنسانا محترما ذاكرت وتعبت وتخرجت من جامعة والشاب الذى يريد أن يتزوج هل يستطيع أن يتفوه بكلمة متعاقد عندما يسأل عن عمله لأن كل أب يريد لإبنته حياة لا أ قول هانئة ولكن على الأقل مستورة آمنة ومن أين يا عزيزى المتعاقد تأتى بهذا الأمان طالما أنك مهدد فى كل وقت وكل زمان وربما تجد نفسك فى أى لحظة فى الشارع و لماذا ترغم الحكومة نفسها على تثبيت من يعمل بثلث الأجر و العملية تسير على ما هم يريدون أهم أغبياء لهذا الحد طبعا لا فحكومتنا ولله الحمد من أقوى الحكومات فى تهديد المواطن وجعله طول الوقت يلهث وراء لقمة العيش ولا أدرى لماذا كل هذا النقم على المعلم ونكران الجميل رغم أنه صاحب فضل على كل إنسان فلولاه لم يكن الطبيب ولا المهندس ولا الضابط ولا المحامى .......إلخ أهكذا يكون جزاؤه ولم يجعلونه فى مرتبة إجتماعية أقل من هؤلاء ولقد تذكرت فكاهة سمعتها من قبل وأضحكتنى وأبكتنى كثيرا " ذات مرة تقدم مدرس لخطبة فتاة قد أعجب بها وسأله والدها عن عمله فقال له إنى أعمل مدرسا فرد عليه " وماله يابنى الشغل مش عيب "
ولله درك ياشوقى إذ قلت
سبحانك ربى كنت خير معلم علمت بالقلم القرون الأولى
قم للمعلم وفه التبجيــــــــلا كاد المعلم أن يكون رسولا

اللهم صل على سيدنا محمد النبى الأمى الطاهر الذكى صلاة تحل بها العقد وتفرج بها الكرب وعلى آله وصحبه وسلم
اللهم صل على سيدنا محمد النبى الأمى الطاهر الذكى صلاة تحل بها العقد وتفرج بها الكرب وعلى آله وصحبه وسلم
اللهم صل على سيدنا محمد النبى الأمى الطاهر الذكى صلاة تحل بها العقد وتفرج بها الكرب وعلى آله وصحبه وسلم
اللهم صل على سيدنا محمد النبى الأمى الطاهر الذكى صلاة تحل بها العقد وتفرج بها الكرب وعلى آله وصحبه وسلم
اللهم صل على سيدنا محمد النبى الأمى الطاهر الذكى صلاة تحل بها العقد وتفرج بها الكرب وعلى آله وصحبه وسلم

[mratwa7]

1-7 كمان ايام والمستخبى هيبان لومظهرش حد يطمنا بقرار واضح لالبس فيه و لاغموض ان احنا هنثبت ......فى الحالة دية لازم نصعد الموضوع لاعلى مستوى .... كل الخيارات متاحة -اعتصامات -اضراب عن العمل....ويا يدونا حقنا ييسيبوا البلد لناس محترمة تديرها توفرللشباب المجتهد حياة مستقرة.

[tahataha40]

الحمد لله على كل حال .........