هل تحس بالظلم لدخولك الازهر

[مريم الشرقاوى]

اولا جزاك الله خيرا على الموضوع
أنا أكتر حاجه بتشرفنى كونى ازهريه لأن من رأيي ان طالب الازهر جمع بين علوم الدنيا وعلوم الدين
وبذكر كل اللى كارهين الازهر بقول الرسول الكريم صلى الله عليه وسلم (من يرد الله به خيرا يفقهه فى الدين)فالحمد لله الذى ارادبنا خيرا

[dr.asmaa]

لا لانى مش ازهر بس حاسة بالظلم عشان مدخلتوش

[*ساسُّو*]

مرسيي كتير ليك *صاحب الموضوع* عصبتني بجد
لو والد حضرتك جابلك هدية مش هتطير من الفرحة بيها*او على الاقل هتبقي هدية مميزة جدا لانها من اعز شخص فى الدنيا*
ولو رب العالمين ادالك هدية
ترفضها!!!!!!!!!!
لا بجد حضرتك شايف جانب سلبي اوى للازهر
على حد علمى ان الازهر ده منارة العالم
مستحيل حد مش يحمد ربنا عليه
*من يرد الله به خيرا يفقه فى الدين* يعنى كدة ربنا عاوزلك كل الخير
ومش الذنب على الازهر انما على اللى بيسيؤا اليه*سواء كان طالب متذمر زى حضرات الطلبة اللى ردوا بقوة هنا او مدرس مش بيتقى الله فى عمله او صاحب منصب منش بيتقى اللى فى كلامه اللى بيتحسب عليه وملايين لازم يتبعوا رأيه وفتواه *
وطلبة الازهر كتير منهم عباقرة ومتميزين جدا ما شاء الله الله اكبر عليهم *مش اشوف طالب بيدعى انه فاشل عشان انه ازهرى ومش عارف يذاكر*
واسال ملايين خرجوا من الازهر الشريف ده قبلك هيقولولك
والازهر لوقت قريب كان فى غاية القوة بس للاسف فيه جيل مستهتر بيه
بدل ما تزعل من والدك اشكره واحمد ربنا على النعمة دى كتير بيتمنوها
العلم مش ليه حدود اتعلم زيادة وهتلاقي علمك اللى اخدته من الازهر هينفعك فى كل حياتك
فعلا *كفانى فخرا انى مسلمة ازهرية*

[نصر غزه]

حرااااام عليك بجد حرااام عليك زي ما حد قال الازهر ده مناره العلم ..ميستهيلش منك اللي انت قولته ده
حتي لو كان في ظلم في الدرجات واسألني انا عن كده....
بس برده انا افتخر اني ازهري.........

[nooreyes]

الموضوع مش حكاية ندم وللا مش ندم
كل واحد كان مقدر له شئ وحصله
اللى دخل تربية وتعليم او ازهر مينفعش يندم او يقول اتظلمت
بس كل واحد يشوف المميزات والعيوب للمكان اللى هو دخله
مش عشان يقلل من شان الازهر
لا
عشان لو حد من المسئولين قرأ كلامنا احنا طلاب الازهر اللى متربيين فيه وعارفين كل كبيرة وصغيرة ممكن يصلح اللى احنا عانينا منه
بصراحة
دخولى الازهر هدم شخصيتى
والسبب فى كدة مش ان اهلى ظلمونى لما دخاونى ازهر
ومش تقليل من الازهر
بس العاملين فيه مش بيراعوا ربنا فينا وفى شغلهم
انا كنت فى ابتدائى الاولى على محافظتى
وفى اعدادى كمان
انا دلوقتى فى تالتة ثانوى وجالى احباط من كل حاجة
اولا مش بنام طول الليل افضل اذاكر وتانى يوم فى الامتحان الاقى البنات بيدخلهم ورق متجاوب فيه الامتحان كلوا
ودة مش بيحصل فى معهدى بس
دة فى كل محافظات الجمهورية واتحدى اى حد يقول كلام غير كدة
انا مش هقدر اجيب الكلية اللى بتمناها فى الوقت اللى بنت مبتعرفش تكتب اسمها هتجيب طب بدون تعب
باختصار الغش وعدم الضمير واضح ودى اول حاجة

تانى حاجة التفرقة بين الولاد والبنات
البنت تجيب مجموع نفس مجموع الولد هو يدخل كلية ممتازة وهى بنفس مجموعه تدخل كلية اقل
وغالبا بتكون ذاكرت وتعبت اكتر من الولد

غير كدة مفيش كليات غير فى اماكن ومحافظات معينة
نتبهدل لما نروح كليتنا

وحاجات تانية كتير

انا محبطة بطريقة رهيبة
وخايفة جدا من السنادى وعارفة انى مش هجيب مجموع كويس
بسبب حاجات كتير خارجة عن ارادتى غالبها كانت بسبب وجودى فى الازهر
ومتاكدة مليون فى المية ان التصحيح بيكون فيه ظلم لانى جربت قبل كدة
المدرسين بيلفوا الورق مش بيعلموه وهما قالوا كدة بلسانهم
حسبى الله ونعم الوكيل

وزعلانين عشان بنتكلم وبتقولوا بنقلل
خلينا نتكلم يمكن دى حاجة تريحنا رغم انها مش هتغير حاجة من الواقع اللى احنا فيه

بجد بشكر اللى فتح النقاش دة

ويارب الاجيال اللى بعدنا تعيش ايام احسن من اللى عشناها وتكون نفسيتهم احسن من الدمار اللى جوانا دلوقتى

ربنا يهدى الجميع

[PROFESSOR91]

لالالالالالالالالالالالالالالالالالالالا




انا ازهرى وافتخر

[A.M.M.]

أنا أزهرية ومش ندمانة على ده حتى لو مجبتش مجموع أو مدخلتش الكلية اللى أنا عايزاها علشان أنا حاسة ازاى دراسة المواد الأزهرية بتفتح العقل وبتوسع المدارك حتى لو كنت دائمة التذمر والمقارنة بين مثلا ظروف امتحاناتى والمواد الكتير ونتيجة التنسيق بينى وبين أى حد فى مثل سنى فى التربية والتعليم وانهم بعد التخرج بيبقى لهم الأولوية فى العمل بسكمان بحس بفرق كبير لما بتكلم مع حد فيهم وأحس انهم شبة ميعرفوش أى حاجة فى دينهم (أساس حياتهم) ومعظمهم اراهم هوائية وميعرفوش يتكلموا فى أى موضوع بيحصل حواليهم وكل ماافتكر إن "من أراد الله به خيرا يفقهه فى الدين "بحس إن بابا عمل فيا خير......وقل الحمدلله

[live.nour11]

والله كلمكم كله منطق وبعدين التعليم بيختلف من محافظة لمحافظة احنا مش بنحارب فى بعض احنا عوزين الخير للأزهر وووووو
(اختلاف الرأى لا يفسد فى الود قضية)طالبة ازهرية

[anwr6]

والنبى انا نفسى ادخل ابنى الازهر
وسؤالى اللى طرحاه فى كل المنتديات هو
ماهى الشروط وماهى الاوراق
والعناوين المدارس الازهرية النموذجية او الحكومية ارجوكم مع العلم انى من سكان المهندسين ارجوكم ياطلاب الازهر ردو عليا

[*ساسُّو*]

المشاركة الأصلية كتبت بواسطة anwr6

والنبى انا نفسى ادخل ابنى الازهر
وسؤالى اللى طرحاه فى كل المنتديات هو
ماهى الشروط وماهى الاوراق
والعناوين المدارس الازهرية النموذجية او الحكومية ارجوكم مع العلم انى من سكان المهندسين ارجوكم ياطلاب الازهر ردو عليا

أستاذى الفاضل
اوراق ابن زي اى مدرسة بس للاسف مش اعرف الشروط
بس حضرتك تقدم له فى معهد ازهرى قريب بيت حضرتك
أسفة انى مش عرفت افيد حضرتك بمعلومات

[live.nour11]

المشاركة الأصلية كتبت بواسطة *artery of life*

انا ازهريه اينعم بتظلم فى المجموع شويه بس برده مش كنت احب انى ابقى غير ازهريه

انت كلامك عجنى وانا ازهرية مثلك وده رأيى

[anwr6]

شكرا ليكى ياساسو على انك رديتى عليه بس
وعبرتينولو بكلمة
بسى انا ساكنه فى منطقة المهندسين متعرفيش اية الادارة القريبة منى
يارب تكونى قريبة منى علشان تكونى عارفة ياساسو
ام انور

[*ساسُّو*]

سورى انا مش اعرف الادارة التعليمية بس بعت لحضرتك حاجة على الخاص يارب تساعد حضرتك

[فياض]

انا طال ازهرى والله الازهر ده نعمة من اكبر النعم على الانسان واساتذتى فى الازهر هم خيار المدرسين فى الجمهورية باكملها

[afaf mohammad]

الازهر في تدهور كبير انافي هندسة ومفيش حدمهتم بينا وليس عندنا مبنى يسعنا وحدفنا في جامعه البنين في مبنى مش ممكن تتخيل انه مبنى فية طلاب اذا كان هم مش عارفين يعملوا مبنى عدل تتوقع انه يكون منهم اهتمام بينا