اكتب وعبر عن رايك فى منهج الفلسفة الجديد ووجه الف شكر للجنة علم النفس

[حسام جابر]

منهج جميل ‘‘‘ً غير ملائم للمرحله الثانوية
ممكن الاطلاع عليه في المكتبه

[محمود احمد محمد عمار]

المنهج الجديد : سمك - لبن - تمر هندى ( مغشوش ) ،
بس للامانه هوا منهج شامل كل مواد الثانوية العامة جولوجيا - احياء- علم اجتماع - ..... دا حتى مسبش الحاسب الالى
والسؤال ؟ هيا لجنة وضع المنهج دى هيا اللى بتوافق عليه ولا لجنة تانية ؟

[thomasahmed]

فعلا الف شكر للقائمين علي منهج علم النفس لغيرتهم علي الماده وحبهم لها والف شكرررررررررررر لواضعي منهج الفلسفه لما سببوه من احباط للمعلم قبل الطالب وهنيئا لهم دعوات الطلاب والمعلمين

[نهي نوير خميس]

المشاركة الأصلية كتبت بواسطة محمود احمد محمد عمار

المنهج الجديد : سمك - لبن - تمر هندى ( مغشوش ) ،
بس للامانه هوا منهج شامل كل مواد الثانوية العامة جولوجيا - احياء- علم اجتماع - ..... دا حتى مسبش الحاسب الالى
والسؤال ؟ هيا لجنة وضع المنهج دى هيا اللى بتوافق عليه ولا لجنة تانية ؟

الصراحة حضرتك قلت اللي نفسي اقوله حسبنا الله ونعم الوكيل

[ayman deef]

يا ريت كان نزل منهج المستوى الرفيع القديم وأضاف اليه باب الحرية اسلامى والالزام الخلقى

[waleed abdel rahman]

"أرادوا ربط منهج الفلسغة بالواقع فخرجوا لنا بمنهج بلا فلسفة

[waleed abdel rahman]

ويمكن اما ندرس الموضوعات دى كويس تظهر لنا قيمتها ومدى تجاوب الطلاب معها

[ا/محمود نبيل]

منهج الفلسفة بس ده منهج تاريخ جغرافيا احياء جيولوجيا وعلوم بيئية كل المواد فى الفلسفة ,ولكن لايوجد فى المنهج فلسفة باستسناء المضوع الرابع امالمنطق فهو كارثة ومصيبة بمعنى الكلمة وحسبى الله ونعم الوكيل فى اللى خربوا المادة

[miss rasha reda]

لالالالالا تصلح

[الفيلسوف الفرعونى]

طبعا مستغربين عدم ظهور الأستاذ تامر ووسيم والكيال والقاضى وغيرهم من المشرفيين اصحاب الحصريات اللى كان معاهم الكتب من شهر وعملوا مذكراتهم واشتغلوا فى سناترهم وبعدين كل واحد منهم ينزل فصل ويقول حصريا الفصل الأول ونشكر المستشارة على مجهودها فى الارتقاء بالمادة ويدخل باقى المشرفين يهللوا .
لا تنتظروهم لأنهم لا يذكروا كلمه فى حق المستشارة الا بالشكر وهذا ما ادى بالمادة الى هذا المستوى المتدنى .. التطبيل للمستشارين لتحقيق مصالح شخصية ولو على حساب موت المادة المهم الظهور والتصوير مع المستشاريين .
صدقونى كلهم بيلعبوا بنا يجب وقفه ضدد هذا الهراء وكفانا لعب بأفكارنا لأنهم هيقولو احنا هنرفع مذكرة لسيادة المستشارة بإقتراحاتنا وما فيش حاجة هتحصل ... واظن منهج علم النفس بتاع محمد صالح الامام ليس ببعيد عنكم ولا نسيتو التغيرات المناخية وقضية المياة ... وايامها خرج المشرفيين يطبلوا للمستشاريين على المجهود فى وضع منهج علمى واتهمونا بأننا اللى مقصريين وغير مطلعين وان المنهج يميز بين المدرس اللى شغال واللى مايعرفش حاجة وكذلك موجهيين العموم لكل محافظة ... بإختصار كله بيخاف على مصلحته .
فى النهاية لابد من وقفة بدون الأستاذ تامر ووسيم والكيال والقاضى لهذا المنهج العقيم الذى لا علاقة له بالفلسفة ولا بالمنطق ... تقبلوا النقد
-اللى معايا فى الكلام يقول والمعترض يناقش.....

[المقهوريين]

حسبى الله ونعم الوكيل فى واضع المنهج

[sayed ahmad]

كتاب الفلسفة عار على الفكر الفلسفى

[b_hotmask]

هذا المنهج يصلح تدريسه فى الصحراء وليس لطلاب ثانوية عامة يغيشون فى عام 2016 الطالب يريد التفكير بالواقع ومعايشة ظروفه وليس كلام من هذا القبيل كما فى كتاب الفلسفة 2016 اين المدريسين اين المستشارة اين وزير التربية والتعليم اين نحن من هذا المنهج نحن لسنا اداة يحركها بعض الافراد لحساب مصالحهم الشخصية على حساب مستقبل طلاب ومستقبل وطن والله الموفق والمستعان

[محسن المنشاوى]

هذا منهج فاشل جدا ويساعد على الحفظ
[

[أ/محمد فتحى محمد]

سؤال حد يجاوبني :-
أين الفلسفة فى منهج الفلسفة
لو حد عارف يجاوبني