أخر أخبار مدرسين الحصة بأسيوط

[ايهاب90]

http://www.thanwya.com/vb/showthread.php?t=440119

[hon_hon]

مشفاهم حاجه يعنى ايه هايتغير العقد ولا ايه ولا هانمشى ولا ايه الواحد تاه خالص

[عادل عبدالواحد]

لازم يكون لينا رد جماعى كفاية الذل اللى شفناه طوال السنين اللى فاتت

[hon_hon]

ايه الحكايه خلاص بقينا مش عارفين ايه مصيرنا روحت الادارة النهارده محدش عارف حاجه
العقد هايتجدد ولا ايه او هايتغير
ايه رايكم لونعمل يوم نتجمع فيه عند مكتب وكيل الوزارة ويمكن لما يلقونا كده يتحركو ا وكل واحد يقول لحبايبه ونتجمع لان الظاهر ان الناس دى وحشتها الاعتصامات او احنا وحشناهم ايه رايكم خلينا نتحرك شويه وهما كمان يتحركوا معنا لانهم مش هايجوا غير بكده

[ajeebmido22]

خبر أكيد مليون المية
النهاردة كنت فى ادارة اسيوط فعرفت ان مطلوب شهادة الدبلومة التربوية لغير التربويين تعاقد 7/2 للتثبيت
والاشارة دى وصلت الادارة من المديرية يوم الخميس
وانا شوفت الاشارة بنفسى.
فعلى اى احد معه شهادة الدبلومة يتوجه بها الى ادارة اسيوط ويسلمها فى قسم التعيينات او توجيه قبل يوم 7/14

[يوسف باشاء]

حضرتك بتقول تعاقد2/7للتثبيت طيب وتعاقد3/9مفيش اي حاجةعنةلوحضرتك تعرف حاجةاواي حديقولناعشن نفسنانطمن

[ajeebmido22]

والله انا قرأت 7/2 واحتمال يكون كاتبين بتوع تعاقد 9 بس بصراحة انا مهتمتش ومش اخدت بالى لأن كنت بحاول اقرء بسرعة
وعلى العموم اكيد اللى هيسرى على 7 هيسرى على 9

[محمد حامد البدراوي]

يا استاذي الفاضل هناك تعاقد 2008م ولم ياتي لهم التثبيت بالرغم استكمال الشروط ( دبلومة و نجاح في الكادر ) و انا منهم الدولة دي محدش عارف فيها حاجة

[الاستاذ احمد جعفر]

المشاركة الأصلية كتبت بواسطة ajeebmido22

خبر أكيد مليون المية
النهاردة كنت فى ادارة اسيوط فعرفت ان مطلوب شهادة الدبلومة التربوية لغير التربويين تعاقد 7/2 للتثبيت
والاشارة دى وصلت الادارة من المديرية يوم الخميس
وانا شوفت الاشارة بنفسى.
فعلى اى احد معه شهادة الدبلومة يتوجه بها الى ادارة اسيوط ويسلمها فى قسم التعيينات او توجيه قبل يوم 7/14

انا سمعت بكده برضو فى ادارة البدارى بس ليه مفيش حد يعرف السبب

[ajeebmido22]

المشاركة الأصلية كتبت بواسطة محمد حامد البدراوي

يا استاذي الفاضل هناك تعاقد 2008م ولم ياتي لهم التثبيت بالرغم استكمال الشروط ( دبلومة و نجاح في الكادر ) و انا منهم الدولة دي محدش عارف فيها حاجة

يا أخى العزيز الكلام ده تروح تقوله لوزير التربية والتعليم هو انا مالى
انا بقولك اللى حصل والكلام ده على مسئوليتى لو طلع غلط والكل من الممكن يتأكد من الكلام ده.
لكن انك مش تحب الخير لغيرك ده يبقى كلام تانى
( ملحوظة ) انا مش معايا المؤهل التربوى بس قولت الخبر حتى يستفيد منه الجميع " حب لأخيك كما تحب لنفسك "

[mae999]

المشاركة الأصلية كتبت بواسطة ajeebmido22

يا أخى العزيز الكلام ده تروح تقوله لوزير التربية والتعليم هو انا مالى
انا بقولك اللى حصل والكلام ده على مسئوليتى لو طلع غلط والكل من الممكن يتأكد من الكلام ده.
لكن انك مش تحب الخير لغيرك ده يبقى كلام تانى
( ملحوظة ) انا مش معايا المؤهل التربوى بس قولت الخبر حتى يستفيد منه الجميع " حب لأخيك كما تحب لنفسك "

جزاك الله كل الخير
عقبال كل المتعاقدين بالمنوفية

[ajeebmido22]

النهاردة سلمت الافادة التربوية فى التوجيه حتى يسلموها الى قسم التعيينات
كل من لم يحصل على الدبلومة التربوية بأمكانه تقديم الافادة كما فعلت

[الاستاذ احمد جعفر]

المشاركة الأصلية كتبت بواسطة ajeebmido22

النهاردة سلمت الافادة التربوية فى التوجيه حتى يسلموها الى قسم التعيينات
كل من لم يحصل على الدبلومة التربوية بأمكانه تقديم الافادة كما فعلت

ممكن حضرتك تقولى ايه الافادة التربوية دى و هل هى ورقه من الكليه تفيد بانه بيدرس الدبلومه لان زمايلى فى الادارة قالولهم لازم الشهاده و غيرها مش هيتقبل

[ajeebmido22]

الافادة دى بتجيبها من كلية تربية قسم الدراسات العليا ودى افادة بتؤكد انك قدمت فى الدبلومة التربوية.
لا الادارة دلوقتى اضطروا يقبلوها بسبب الاعداد الكبيرة المقيدين بالدبلومة ولسه مش معاهم الدبلومة.
الاول فعلاً كانوا رافضين يأخدوها لكن الوضع الان اتغير وانا نفسى قدمتها النهاردة.

[ايهاب90]

المشاركة الأصلية كتبت بواسطة ajeebmido22

الافادة دى بتجيبها من كلية تربية قسم الدراسات العليا ودى افادة بتؤكد انك قدمت فى الدبلومة التربوية.
لا الادارة دلوقتى اضطروا يقبلوها بسبب الاعداد الكبيرة المقيدين بالدبلومة ولسه مش معاهم الدبلومة.
الاول فعلاً كانوا رافضين يأخدوها لكن الوضع الان اتغير وانا نفسى قدمتها النهاردة.

شكرا جزيلاً على خبر التثبيت ان شاء الله اللى أنا أول مرة أسمع الخبر ده من حضرتك هنا وبالفعل فى المدرسة قالولنا ان شهادة الدبلومة مطلوبة فى الادارة وبالفعل النهاردة الحمد لله سلمتها فى قسم التعيينات