أخر أخبار مدرسين الحصة بأسيوط

[ايهاب بابا]

مافيش جديد يا متعاقدى اسيوط اللى عنده اى معلومه يقولها من فضلكم

[ايهاب90]

النهاردة 4 فى الشهر ومش عارفين ايه اللى هايحصل

[hon_hon]

ايه ياجماعه الجديد خلص ومش عارفين راسنا من رجلينا امبارح قابله واحد فى الاداره قالى انهم مستنيين التثبيت يجى لتعاقدات 1/7 1/9 خلال اسبوع ممكن مش صح ولا ايه الظاهر ان مفيش جديد خالص حد عنده

[وسيم البرنس]

يا جماعة إحنا هنفضل كده نايمين

[ايهاب90]

http://www.thanwya.com/vb/showthread.php?t=440119

[hon_hon]

مشفاهم حاجه يعنى ايه هايتغير العقد ولا ايه ولا هانمشى ولا ايه الواحد تاه خالص

[عادل عبدالواحد]

لازم يكون لينا رد جماعى كفاية الذل اللى شفناه طوال السنين اللى فاتت

[hon_hon]

ايه الحكايه خلاص بقينا مش عارفين ايه مصيرنا روحت الادارة النهارده محدش عارف حاجه
العقد هايتجدد ولا ايه او هايتغير
ايه رايكم لونعمل يوم نتجمع فيه عند مكتب وكيل الوزارة ويمكن لما يلقونا كده يتحركو ا وكل واحد يقول لحبايبه ونتجمع لان الظاهر ان الناس دى وحشتها الاعتصامات او احنا وحشناهم ايه رايكم خلينا نتحرك شويه وهما كمان يتحركوا معنا لانهم مش هايجوا غير بكده

[ajeebmido22]

خبر أكيد مليون المية
النهاردة كنت فى ادارة اسيوط فعرفت ان مطلوب شهادة الدبلومة التربوية لغير التربويين تعاقد 7/2 للتثبيت
والاشارة دى وصلت الادارة من المديرية يوم الخميس
وانا شوفت الاشارة بنفسى.
فعلى اى احد معه شهادة الدبلومة يتوجه بها الى ادارة اسيوط ويسلمها فى قسم التعيينات او توجيه قبل يوم 7/14

[يوسف باشاء]

حضرتك بتقول تعاقد2/7للتثبيت طيب وتعاقد3/9مفيش اي حاجةعنةلوحضرتك تعرف حاجةاواي حديقولناعشن نفسنانطمن

[الاستاذ احمد جعفر]

المشاركة الأصلية كتبت بواسطة ajeebmido22

خبر أكيد مليون المية
النهاردة كنت فى ادارة اسيوط فعرفت ان مطلوب شهادة الدبلومة التربوية لغير التربويين تعاقد 7/2 للتثبيت
والاشارة دى وصلت الادارة من المديرية يوم الخميس
وانا شوفت الاشارة بنفسى.
فعلى اى احد معه شهادة الدبلومة يتوجه بها الى ادارة اسيوط ويسلمها فى قسم التعيينات او توجيه قبل يوم 7/14

انا سمعت بكده برضو فى ادارة البدارى بس ليه مفيش حد يعرف السبب

[ajeebmido22]

والله انا قرأت 7/2 واحتمال يكون كاتبين بتوع تعاقد 9 بس بصراحة انا مهتمتش ومش اخدت بالى لأن كنت بحاول اقرء بسرعة
وعلى العموم اكيد اللى هيسرى على 7 هيسرى على 9

[محمد حامد البدراوي]

يا استاذي الفاضل هناك تعاقد 2008م ولم ياتي لهم التثبيت بالرغم استكمال الشروط ( دبلومة و نجاح في الكادر ) و انا منهم الدولة دي محدش عارف فيها حاجة

[ajeebmido22]

المشاركة الأصلية كتبت بواسطة محمد حامد البدراوي

يا استاذي الفاضل هناك تعاقد 2008م ولم ياتي لهم التثبيت بالرغم استكمال الشروط ( دبلومة و نجاح في الكادر ) و انا منهم الدولة دي محدش عارف فيها حاجة

يا أخى العزيز الكلام ده تروح تقوله لوزير التربية والتعليم هو انا مالى
انا بقولك اللى حصل والكلام ده على مسئوليتى لو طلع غلط والكل من الممكن يتأكد من الكلام ده.
لكن انك مش تحب الخير لغيرك ده يبقى كلام تانى
( ملحوظة ) انا مش معايا المؤهل التربوى بس قولت الخبر حتى يستفيد منه الجميع " حب لأخيك كما تحب لنفسك "

[mae999]

المشاركة الأصلية كتبت بواسطة ajeebmido22

يا أخى العزيز الكلام ده تروح تقوله لوزير التربية والتعليم هو انا مالى
انا بقولك اللى حصل والكلام ده على مسئوليتى لو طلع غلط والكل من الممكن يتأكد من الكلام ده.
لكن انك مش تحب الخير لغيرك ده يبقى كلام تانى
( ملحوظة ) انا مش معايا المؤهل التربوى بس قولت الخبر حتى يستفيد منه الجميع " حب لأخيك كما تحب لنفسك "

جزاك الله كل الخير
عقبال كل المتعاقدين بالمنوفية