دفعة ثانوية عامة 2016

[Mohamed_Hamza]

الملف اللي فوق دا انا حليته ليلة الامتحان السنة اللي فاتت

[sindrasara]

ياريت حد يفيدنا الملف اللى فوق كويس يستاهل ابنى يشوفوا ولا ميضيعش وقت

[ران نيتشان]

اللهم لك الحمد حتي يبلغ الحمد منتهاه
كل واحد يصل ركعتين شكر لربنا ويدعي ييسر الباقي كمان

[Mohamed_Hamza]

المشاركة الأصلية كتبت بواسطة ران نيتشان

اللهم لك الحمد حتي يبلغ الحمد منتهاه
كل واحد يصل ركعتين شكر لربنا ويدعي ييسر الباقي كمان

عقبال الباقي تطلعوا منه فرحانين كدا

[Norhan Mostafa]

مبررووووووووووووووك
ربنا يفرح قلوبكم والله بتقوونا بكلامك ده
عقبال الباقي

[ahmedtarea]

الترجمة ينفع نجيب معني قريب من الكلمة ونترجمه
ذوي الاحتياجات الخاصه=المعاقين
الاندماج في المجتمع =الانغماس فيه

[Norhan Mostafa]

المشاركة الأصلية كتبت بواسطة ahmedtarea

الترجمة ينفع نجيب معني قريب من الكلمة ونترجمه
ذوي الاحتياجات الخاصه=المعاقين
الاندماج في المجتمع =الانغماس فيه

هي الاندماج في المجتمع بتساوي الانغماس فيه تمشي
بس مش شرط زوي الاحتياجات الخاصه يبقوا معاقين
والله اعلم

[Mohamed_Hamza]

المشاركة الأصلية كتبت بواسطة ahmedtarea

الترجمة ينفع نجيب معني قريب من الكلمة ونترجمه
ذوي الاحتياجات الخاصه=المعاقين
الاندماج في المجتمع =الانغماس فيه

ينفع ونص طبعا.. وكدا صح جدا

[ahmedtarea]

المشاركة الأصلية كتبت بواسطة mohamed_hamza

ينفع ونص طبعا.. وكدا صح جدا

الله يطمنك ي دوك

[رفيقة الامل]

المشاركة الأصلية كتبت بواسطة ahmedtarea

الله يطمنك ي دوك

طيب الفايند حلة ايه
والدرجة كلها ع تصحيج الخطا
ولا نطلعه ونصححة

[رفيقة الامل]

المشاركة الأصلية كتبت بواسطة mohamed_hamza

الملف اللي فوق دا انا حليته ليلة الامتحان السنة اللي فاتت

لو سمحت يادكتور
المفروض نعمل ايه لحد معاد الفيزيا
والنظام ازاى

[رفيقة الامل]

لو سمحت يادكتور
المفروض نعمل ايه لحد معاد الفيزيا
والنظام ازاى
ونحل ازاى وكل حاجة خاصة بالفيزيا

[ElSayed Fekry]

المشاركة الأصلية كتبت بواسطة Mohamed_Hamza

ينفع ونص طبعا.. وكدا صح جدا

انا عملت الاندماج فى المجتمع او مع المجتمع get in touch with the society صح ولا غلط ؟

[ران نيتشان]

لو سمحتم نماذج امتحانات احصاء عاوزه بس انجح >_<

[Mohamed_Hamza]

اولا كدا فيه حاجة اهم عايز اكلمكم عنها وياريت تسمعوها كويس..
سواءً الفيزيا او باقي المواد العلمية ماشاء الله مديينكوا قبلها 4 او 5 ايام لكل مادة، ف رجاء حار من كل واحد فيكم انه يبدأ بجد فعلا من اول يوم فيهم (من يوم ماترجع من الامتحان اللي قبل المادة) تبدأ مراجعة المادة.. ماتستهونش ولا تريح وتقول هذاكر بكرا لسه قدامي 4 ايام، اياك تعمل كدا، التأجيل بيجيب تأجيل والنوم بيجيب نوم، والله اسمع مني، وفي الاخر هيجي اليوم اللي قبل الامتحان وتلاقي نفسك ضيعت ال4 ايام اللي قبله ومعملتش فيهم حاجة وتبقى مضغوط في اليوم الاخير دا ومتوتر وحالك مايعلم بيه الا ربنا... فبلاااااااش عشان خاطري تعمل كدا، اعتبر في كل يوم من ال5 ايام اللي معاك قبل الامتحان دول ان الامتحان بكرا وانك لازم تبذل اقصى ماعندك في اليوم دا، مش تسيب الحمل كله لاخر يوم او يومين، كدا يبقى هزار بجد...

بالنسبة للفيزيا.. كل واحد عامل نظام يراجع عليه دا المفروض يعني..
اللي مش عمل لسه مطلوب منك من دلوقتي لحد الامتحان:
1-مراجعة النظري (بضميير جدا جدا) تكون حافظه زي اسمك النظري دا بحيث تسمعه لنفسك كدا تلاقي الكلام زي ما مكتوب في الكتاب او قريب جدا منه.. (ومن ضمن النظري التجارب والاستنتاجات على فكرة لازم تكون حافظهم كويس برسوماتهم بكله)
2-تقرأ القوانين بسرعة (لو انت بتراجع من الامتحان بيكون ورا كل قانون مثال محلول صح؟ حل انت المثال دا من نفسك بقى)
3-حل المسائل اللي انت معلم عليها ع المنهج كله (اللي انت معلم عليها بس)، مش تضيع وقتك في حل كله، (الفكرة فكدا ان باقي المسائل دي انت لما جيت تحلها حليتها بمجرد قرايتك للقانون اللي في الدرس مباشرة، فانت دلوقتي قرأت القوانين زي ماقولتلك فوق، فمش هتمثلك مشكلة خالص المسائل دي وهتعرف تحلها) اما اللي انت معلم عليها دي اللي خلاك تعلم عليها اصلا انك مجرد قرايتك للقوانين مش فادك في حلها، فيه فكرة تانية جنب القوانين انت محتاجها عشان توصل للحل، فعشان كدا بقولك حل دي بس.. عشان تلم الافكار التانية دي).. دا غير اصلا ان مفيش وقت لحل كل المسائل، اللي بيعمل كدا يبقى عايز يموت نفسه، لو لقيت فيه فكرة مش ثابتة من اللي انت معلم عليهم دول بعد ماحليتها... عادي جدا، هات مسائل زيها على نفس الفكرة وحلهم لحد ماتثبت..
4-حل التدريبات العامة اللي في آخر كتاب الوزارة كلها.
5-حل مثلاً 3 امتحانات في اليوم كل يوم من ال4 ايام (اربع-خميس-جمعة-سبت)، يعني 12 امتحان حلوين اوي، ويستحسن تكون امتحانات ثانوية سابقة او ازهر وثانوية براحتك وابدأ من امتحان السنة اللي فاتت 2015 وانت نازل... انت حليتها قبل كدا بس معلش حلها تاني... واللي عايز يحل 4 في اليوم برافو عليه.
6-دي كنت عايز اكتبها مع حل الامتحانات بس هخليها لوحدها عشان تاخدوا بالكم منها، وانت بتحل الامتحان مش تطنش حاجة، مش تطنش اخر سؤال بتاع الرسم البياني ابوس ايدك، السؤال دا مش دايما مباشر وسهل زي مانت متخيل ساعات بيكون فيه فكرة، معلش هات ورق رسم بياني وحله.. ع الاقل يبقى مألوف بالنسبالك، بس حله بمطاليبه كلها مش ترسم بس.
7-تحفظ صفحة الوحدات المكافئة اللي بتبقى تقريبا اول صفحة في كتاب الامتحان، تحفظها تستنتجها بقى براحتك انت، المهم انك لما تجيلك وحدة تعرف تجيب الباقي من نفسك.. يبقى اختبر نفسك فيها بردو.

انت كدا مستعد تدخل الامتحان وانت مطمن ومرتاح البال ع الاخر..

قسّم انت بقى الكام نقطة اللي فوق دول ع الايام اللي معاك، وزي ماقولتلك اجبر نفسك ع الالتزام، اتعامل مع نفسك بحزم اليومين دول ومش تسمع كلام النفس الامارة بالسوء اللي عايزاك تريح وتنام..

هكلمكوا عن الامتحان نفسه، بس بعدين ان شاء الله..