تجمع طلبة تجارة انتظام "جامعة القاهرة" 2009\2010

[just_human]

اولا انا بنت
وانا الحمد لله محترمه سنى والمفروض الكلام دا تقوله للتانى وعلى فكره مش انا الى بستفز شوف كلامه الاول وبعدين اتكلم وبعدين دى مش اول حاجه يقولها من زمان وهو عمال يستفز ويتكلم بطريقه وحشه ومحسسنى ان الانتساب مرض هيعديه

[طالبه ثانويه]

انا مش والله الاخ attentionمضايق من بتوع انتساب للدرجه دى ليه بس بتوع انتساب احسن واجدع ناس ويا رب القرار يتلغى ويبقى ليكوا محاضرات عادى وتجيبوا تقديرات عاليه وتبقوا انتظام وتحضروا عادى زيينا ومحدش يا جماعه يضايق نفسه ان شاء الله كل حاجه هتبقى تمام

[just_human]

المشاركة الأصلية كتبت بواسطة طالبه ثانويه

انا مش والله الاخ attentionمضايق من بتوع انتساب للدرجه دى ليه بس بتوع انتساب احسن واجدع ناس ويا رب القرار يتلغى ويبقى ليكوا محاضرات عادى وتجيبوا تقديرات عاليه وتبقوا انتظام وتحضروا عادى زيينا ومحدش يا جماعه يضايق نفسه ان شاء الله كل حاجه هتبقى تمام

ميرسى اوى ياجميل على كلامك وانتى والله كلك زوق وعموما كل الى يجيبه ربنا كويس

[vampire1188]

اولا انا بنت وانا الحمد لله محترمه سنى والمفروض الكلام دا تقوله للتانى وعلى فكره مش انا الى بستفز شوف كلامه الاول وبعدين اتكلم وبعدين دى مش اول حاجه يقولها من زمان وهو عمال يستفز ويتكلم بطريقه وحشه ومحسسنى ان الانتساب مرض هيعديه

ياستي انا ماقولتش حاجة ..

لإن اللي حصل قبل كدا ان فيه خناقة دبت بين اتنين بسبب موضوع انتساب دا

فانا مش عايز خناقات تاني يعني ..

وياريت من الجميع يلتزم الهدوء في المناقشات ونبعد عن الاستفزازات اللي مالهاش لازمة دي

[mahmoud_mms2002]

صح يا مروه هما ناويين على الكلام ده من زمان بس كانوا مستنين الفرصه واديها جتلهم


انا تجاره انتساب سنه اولى انا رايح يوم السبت وهنسأل نبقى نتقابل ونشوف ابقى قوليلى ولو اى حد عرف حاجه يقولى

[mina_totti65]

لو حد رايح النهارده يقولنا حصل ايه اول ما يرجع

[harea]

ازيكوا يارجاله تجاره العظماء ويا بنات تجاره الجملاء انتوا عملين ايه انا زيملكم محمد اولى تجاره انتساب وزعلان مووووووت من القرار اللى تم اخذه بشاننا وان المحاضرات تبقا نظام الكترونى ويا جماعه احنا لزم ما نسكتش نهاى يعنى هو احنا اللى هنجيب المرض والا هنزوده والا انتظام مش عدهم كيبير وما بيجبوش تجمعات ويحصل فيها امراض لا لازم يصحوا دحنا حتى بنتعلم بفلوسنا اللى هى اكترمن انتظام تماما يا جماعه احنا لازم نتقابلاول يوم ونظبط الكلام ده كويس علشان حتى لو هيقعدونا فى البيت بقى فى الترم الاول بس مش التانى وما يحرومناش من اننا نشوفبعضنا نهاى يا جماعه انا لرايح يوم السبت 3/10 علشان اشوف النظام وانا مستنيكوا هنالك علشان نتقابل فى اى حته

[mina_totti65]

خدوا الجديد بقى
الكارنيهات بتاعتنا بقى لونها احمر عشان احنا وباء فبميزيونا عن الناس العاديه
زى ما كان بيحصل فى فرنسا زمان اللى كان بيبقى مسجل خطر كان بيبقى البطاقه بتاعته صفرا عشان الناس تاخد بالها منه وتتجنبه احنا بقى الكارنيهات بتاعتنا حمرا عشان اللى يشوفنا يبعدوا عننا لنعديه او نجبله وباء
وهتتحدد كمان ايام ندخل فيها الجامعه عشان لو عايزين نخلص اى حاجه او نشترى ملازم واكيد طبعا فى الوقت ده هيخلوا الجامعه والاماكن المحيطه عشان بتوع انتساب المرضى جايين

خلاص خلصت كده من الاخر مفيش دخول الجامعه نهائئئئئئئئئئئئئى لينا

مش عارف ليه بيحصل فينا كده
تجاره انتساب بتاعت حلوان وعين شمس الدنيا ماشيه هناك عااااادى جدا وانتساب بيحضروا كأن مفيش حاجه واداب انتساب القاهره هيروحوا يومين فى الاسبوع واحنا لاءمع ان معروف ان اعدادهم اعلى مننا بكتييير

فى الاخر ربنا يجازى اى واحد ظلمنا عشان مصلحه شخصيه او سوء تفكير او اى حاجه تانيه

[mano elgamed]

انا اسمى مروان 3 كليه تجاره جامعه القاهره طبعا انا زيكم مش فاهم حاجه بس انا مش فاهم يعنى ايه التجمعات وبعدين هما لما انتظام يدخلوا المدرج هو كده مش هينقلوا العدوه

[mano elgamed]

طيب ما هما طلاما خيفين كده مينفضوا بقى للتعليم السنه
طيب لو مثلا الواحد مش فاضى يشوف محاضرات فى التليفزيون
ولو النور قطع
يعمل ايه
وبعدين هو احنا هنفهم كده
اما احنا اصلا كنا بنقعد وقدمنا الدكتور مش فاهمين حاجه

[totti_pop_2008]

المشاركة الأصلية كتبت بواسطة mano elgamed

طيب ما هما طلاما خيفين كده مينفضوا بقى للتعليم السنه
طيب لو مثلا الواحد مش فاضى يشوف محاضرات فى التليفزيون
ولو النور قطع
يعمل ايه
وبعدين هو احنا هنفهم كده
اما احنا اصلا كنا بنقعد وقدمنا الدكتور مش فاهمين حاجه
بصوا من الاخر ده اميلى ابقى تعالوا نتكلم

يا نجم دول عالم ما بيفهموش اصلا وخلاص يا جماعة اللى حصل حصل ولازم نأقلم نفسنا على الوضع الجديد ولازم نأخد دورات السنادى على الاقل واحد لان احنا نش هنروح الجامعة غير يوم او يمومين فى الاسبوع(تلاته بكتيره) فلازم نشد شوية ونجبي جيد ان شاء الله على الاقل ونحاول منشيلش ولا ماده ان شاء الله......عشان منحطش نفسنا فى موقف زى ده تانــــــــــــــــــــــــى.........

[mina_totti65]

يا جماعه عايزين ناخد موبايلات بعض عشان لو فى حاجه فى الجامعه حصلت لحد واحنا هناك نقدر نساعد بعض وكده

[salomeh]

المشاركة الأصلية كتبت بواسطة totti_pop_2008

يا نجم دول عالم ما بيفهموش اصلا وخلاص يا جماعة اللى حصل حصل ولازم نأقلم نفسنا على الوضع الجديد ولازم نأخد دورات السنادى على الاقل واحد لان احنا نش هنروح الجامعة غير يوم او يمومين فى الاسبوع(تلاته بكتيره) فلازم نشد شوية ونجبي جيد ان شاء الله على الاقل ونحاول منشيلش ولا ماده ان شاء الله......عشان منحطش نفسنا فى موقف زى ده تانــــــــــــــــــــــــى.........

هو طبعا كل حاجه باذن ربنا
بس لازم لازم تجيب تقدير وتحول
لان الخبر الاجمد بقى
ان مفيش انتساب السنه اللى جايه واللى هيعيد مننا هيتحول جامعه مفتوحه يعنى تقريبا لازم كله يذاكر
وحتى ان مش جاب تقدير على الاقل مش يقع بعد الشر

[naruto-92]

يا جماعة طب الدروس الخصوصية نظامها ايه

[mostafa_music]

في ايه ياجماعه هو الواحد ميعرفش ينام شويه فى المنتدى ولا ايه
عمالين نازلين خناق مع بعض
وبعدين الحمد لله (عسى ان تكرهوا شيئا وهو خير لكم)
انا حسس ان موضوع الغاء محاضرات انتساب خير ان شاء الله