دفعة ثانوية عامة 2016

[Mohamed_Hamza]

المشاركة الأصلية كتبت بواسطة حيااااااااة

ربنااا يوفقككك وشكراااا جزيلااا ع النصايح
بس هيا فعلا المشكلة ثقة بالنفس ، الثقة ضاعت ،
هواا ملزمة الاحصاء الي بعتها فين الاقيها !!

هتلاقيها في اول رد في الصفحة دي
http://thanwya.com/vb/showthread.php...32#post6418132

المشاركة الأصلية كتبت بواسطة ران نيتشان

دا انا بحل اي امتحان وحاسه اني قاعده ف اللجنة
اغبطك فعلا علي هدوءك ده ^^
سؤال/تواريخ الادب لازم تتحفظ؟

لا طبعا مش حفظ
بعد اغبطك دي ماتسأليش في العربي تاني

المشاركة الأصلية كتبت بواسطة رفيقة الامل

[COLOR="Purple"]الف شكر لييييييييييييك يادكتور
بس الواحد كله اللى ناقصة الثقة بالنفس مش عارفه اكتسبها ازاى الحته دى
نفسى اتخلص منها
وحاجة تانى
[هو عادى لحد دلوقتى احس انى متعبتش
انا حاسة ان سنة طويلة عريضة محسيتش انى تعبت فيه بجد والله مش حاسة انى تعبانة
لدرحة امى تدعيلى تقولى ربنا يديكى ع قد تعبك اقولها بلاش الدعوة دى ده عادى
وحاجة الواحد مش حاسس انه هيبقة ف لجنة بعد 5 ايام
انا كده طبيعة ولا ايه الدنيا
وحاجة تالته
هو الواحد والله مش عارف هو عمل اللى عليه ولا لا
انا حاسه انى مش عارفه عارفة حاجة ف اى حااااااااااااااااااااااااااااااجة
سواء الدنيا او المنهج احساس التوهااااااااااااااااااااااااااان ده
بس الواحد عشمه ف ربنا عشان امه وابوه والله حتى مش عشان نفسى انا ف داهيييييييييييه المهم هما
بس اكيد ربنا هيكرمنا ومش هيدينا ع قد اللى بنعملوه هيدينا ع قدر رجمته وكرمه هو ذو الفضل والاحسان

ممكن تساعدنى يادكتور
وشكرا /COLOR]

انا ف داهيييييييييييه المهم هما

لا في داهية ازاي، هما اه الاب والام بيتعبوا بس دا مايمنعش ان الواحد ينجح ويتفوق عشان شكله قدام نفسه اولا، صدقوني محدش فارق معاه اوي حتى اقرب الناس ليك، امي عايزاني اخش طب عشان تغيظ خالتي او مهما يكن، وبابا معاها او مش فدماغه اصلا، انت الاساس صدقني، الواحد مفروض لما يتحط فأي مكان يسد فيه ويكون الاول فيه لنفسه قبل اي حد تاني، عشان كدا لازم يختار المجال اللي بيحبه وشايف نفسه فيه، وقبل مايكون عايز ينجح عشان يفرح ابوه وامه، يكون عايز ينجح عشان صورته قدام نفسه وتقديره لذاته.. هما مسيرهم يموتوا ومش هينفعوك بحاجة خلاص، متبقاش حد غيرك انت، شايف نفسك ازاي وقتها..
الثقة بتيجي لما يكون الواحد مذاكر المنهج ولامه كويس..
فكري بإيجابية وتفاؤل وان الخير جايلك وكله هيبقى تمام، وشيلي من دماغك اي افكار سلبية متقوليش لنفسك مش هعرف احل لو جالي سؤال زي دا او اي كلام محبط شبه كدا شيليه من دماغك خالص عشان بيقلل الثقة..
والثقة بردو بتيجي لما تكوني عارفة الامتحان بيجي ازاي، وتكوني مذاكرة على اساس كدا، يعني لما اقولكوا احفظوا الاسئلة اللي في الرسالة على كل درس ماهي دي الاسئلة اللي جت قبل كدا وبتتكرر لو خدتي بالك، يعني هيجي السنادي زيها بالظبط اكيد، فلما تكوني حافظاها وانتي عارفة كدا (انها هتيجي يعني) دا هيديكي ثقة كبيرة بردو، ولما اقولكوا بردو احفظوا تعليق النصوص من كتاب الوزارة مانا بقول كدا عشان متأكد ان فيه اسئلة في النصوص هتيجي كوبي بست منها فلما تكوني بتحفطيها وانتي عارفة كدا نفس الكلام هيديكي ثقة بردو..
حل الامتحانات بردو بيدي ثقة بس بالنسبالي العربي مش مهم فيه حل الامتحانات اوي، طالما مذاكرة فروعه وحافظه الاسئلة اللي جت السنين اللي فاتت خلاص اعتبري نفسك حليتي امتحانات، بس ممكن تبصي على شكل الامتحان بيكون عامل ازاي عشان يبقى شكله مألوف بس..
الثقة بتجي من برود الاعصاب بردو، او ممكن برود الاعصاب هو اللي بيجي من الثقة مش عارف، المهم انك تكوني هادية يعني وتوكلي على ربنا مش على الاسباب بس، يمكن تطمني شوية..

احساس انك ماعملتيش حاجة طول السنة دا احساس مش حلو، حاولي تتخلصي منه، الشيطان بيقولك كدا عشان تتوتري قبل الامتحان.. انتي ياما حليتي اسئلة وذاكرتي وسهرتي فانتي لازم تكوني واثقة في المجهود اللي بذلتيه دا وان ربنا مش هيضيعه..
وممكن بردو احساس التقصير دا جالك عشان مهولة الامتحانات ومدياها حجم اكبر من حجمها بكتير، فبالتفكير دا مهما ذاكرتي هتلاقي نفسك مقصرة بردو.. فسيبك من الاحساس دا كمان، الامتحانات مش حاجة عملاقة لو انتي متخيلاها كدا يعني..
وحاسة انك مش هتبقي في اللجنة بعد 5 ايام عادي جدا، كدا كدا ليلة الامتحان هتحسي متخافيش..
زي ماقولتلكوا في الرد اللي فات، انتي عملتي اللي عليكي، او ع الاقل خلي تفكيرك انك عملتي اللي عليكي، عشان الاحساس دا هيأثر جامد، بصي انتي اللي بتتقرري تكوني هادية وواثقة او قلقانة وانتي اللي بتقرري تفكري بايجابية او بسلبية فقرري كويس..
احساس انك ناسية المنهج والتوهان دا احساس عادي، بس وهم بردو (وانا مجربه)، في الامتحان اول ماهتشوفي السؤال هتفتكري اجابته عشان كدا قولتلك وهم.. فمش تخليه يأثر عليكي يعني..
شدي حيلك بس اليومين دول على قد ماتقدري..
من الآخر كدا اللي بتقرأيه وبتراجعيه دلوقتي هو اللي هيجيلك في ورقة الامتحان مش هيجيلك حاجات غريبة، فكري كدا ودا هيديكي ثقة كبيرة ان شاء الله..

[ران نيتشان]

المشاركة الأصلية كتبت بواسطة Mohamed_Hamza

هتلاقيها في اول رد في الصفحة دي
http://thanwya.com/vb/showthread.php...32#post6418132



لا طبعا مش حفظ
بعد اغبطك دي ماتسأليش في العربي تاني




لا في داهية ازاي، هما اه الاب والام بيتعبوا بس دا مايمنعش ان الواحد ينجح ويتفوق عشان شكله قدام نفسه اولا، صدقوني محدش فارق معاه اوي حتى اقرب الناس ليك، امي عايزاني اخش طب عشان تغيظ خالتي او مهما يكن، وبابا معاها او مش فدماغه اصلا، انت الاساس صدقني، الواحد مفروض لما يتحط فأي مكان يسد فيه ويكون الاول فيه لنفسه قبل اي حد تاني، عشان كدا لازم يختار المجال اللي بيحبه وشايف نفسه فيه، وقبل مايكون عايز ينجح عشان يفرح ابوه وامه، يكون عايز ينجح عشان صورته قدام نفسه وتقديره لذاته.. هما مسيرهم يموتوا ومش هينفعوك بحاجة خلاص، متبقاش حد غيرك انت، شايف نفسك ازاي وقتها..
الثقة بتيجي لما يكون الواحد مذاكر المنهج ولامه كويس..
فكري بإيجابية وتفاؤل وان الخير جايلك وكله هيبقى تمام، وشيلي من دماغك اي افكار سلبية متقوليش لنفسك مش هعرف احل لو جالي سؤال زي دا او اي كلام محبط شبه كدا شيليه من دماغك خالص عشان بيقلل الثقة..
والثقة بردو بتيجي لما تكوني عارفة الامتحان بيجي ازاي، وتكوني مذاكرة على اساس كدا، يعني لما اقولكوا احفظوا الاسئلة اللي في الرسالة على كل درس ماهي دي الاسئلة اللي جت قبل كدا وبتتكرر لو خدتي بالك، يعني هيجي السنادي زيها بالظبط اكيد، فلما تكوني حافظاها وانتي عارفة كدا (انها هتيجي يعني) دا هيديكي ثقة كبيرة بردو، ولما اقولكوا بردو احفظوا تعليق النصوص من كتاب الوزارة مانا بقول كدا عشان متأكد ان فيه اسئلة في النصوص هتيجي كوبي بست منها فلما تكوني بتحفطيها وانتي عارفة كدا نفس الكلام هيديكي ثقة بردو..
حل الامتحانات بردو بيدي ثقة بس بالنسبالي العربي مش مهم فيه حل الامتحانات اوي، طالما مذاكرة فروعه وحافظه الاسئلة اللي جت السنين اللي فاتت خلاص اعتبري نفسك حليتي امتحانات، بس ممكن تبصي على شكل الامتحان بيكون عامل ازاي عشان يبقى شكله مألوف بس..
الثقة بتجي من برود الاعصاب بردو، او ممكن برود الاعصاب هو اللي بيجي من الثقة مش عارف، المهم انك تكوني هادية يعني وتوكلي على ربنا مش على الاسباب بس، يمكن تطمني شوية..

احساس انك ماعملتيش حاجة طول السنة دا احساس مش حلو، حاولي تتخلصي منه، الشيطان بيقولك كدا عشان تتوتري قبل الامتحان.. انتي ياما حليتي اسئلة وذاكرتي وسهرتي فانتي لازم تكوني واثقة في المجهود اللي بذلتيه دا وان ربنا مش هيضيعه..
وممكن بردو احساس التقصير دا جالك عشان مهولة الامتحانات ومدياها حجم اكبر من حجمها بكتير، فبالتفكير دا مهما ذاكرتي هتلاقي نفسك مقصرة بردو.. فسيبك من الاحساس دا كمان، الامتحانات مش حاجة عملاقة لو انتي متخيلاها كدا يعني..
وحاسة انك مش هتبقي في اللجنة بعد 5 ايام عادي جدا، كدا كدا ليلة الامتحان هتحسي متخافيش..
زي ماقولتلكوا في الرد اللي فات، انتي عملتي اللي عليكي، او ع الاقل خلي تفكيرك انك عملتي اللي عليكي، عشان الاحساس دا هيأثر جامد، بصي انتي اللي بتتقرري تكوني هادية وواثقة او قلقانة وانتي اللي بتقرري تفكري بايجابية او بسلبية فقرري كويس..
احساس انك ناسية المنهج والتوهان دا احساس عادي، بس وهم بردو (وانا مجربه)، في الامتحان اول ماهتشوفي السؤال هتفتكري اجابته عشان كدا قولتلك وهم.. فمش تخليه يأثر عليكي يعني..
شدي حيلك بس اليومين دول على قد ماتقدري..
من الآخر كدا اللي بتقرأيه وبتراجعيه دلوقتي هو اللي هيجيلك في ورقة الامتحان مش هيجيلك حاجات غريبة، فكري كدا ودا هيديكي ثقة كبيرة ان شاء الله..

تمام اوى ...المفروض كلام حضرتك يطمن الا انه زود الضغط انا بقيت ماشيه بالعكس
يارب استر

[توكلت علي خالقي]

دفعة ثانوية عامة ربنا معاكم يارب انا كنت ثانوية السنة اللي فاتت والحمد لله دخلت اسنان معلش الأيام دي مضغوطة عليكم شوية ربنا يوفق الجميع يارب

[Mohamed_Hamza]

المشاركة الأصلية كتبت بواسطة ران نيتشان

تمام اوى ...المفروض كلام حضرتك يطمن الا انه زود الضغط انا بقيت ماشيه بالعكس
يارب استر

ليه كدا بس ︶︿︶

[علا علي ٣٣٣]

في جملة في الامتحان التاني الكتاب الرسالة المراجعة
( ان صناع مسلسل الملك فاروق يعلمون ان من يرد الانتقام من اي امة )

هو عايز اعراب ( يرد ) مش المفروض دا فعل مضارع مرفوع بالضمة و هي اصلا ( يريد ) و دي جملة صلة الموصول
انا عايزة اعرف بس دا خطا مطبعي و لا اي

[علا علي ٣٣٣]

شكرا لحضرتك يا دكتور بتطمننا كتير

[ران نيتشان]

وليه مش فعل مضارع مجزوم
كملي الجمله
القطعه رقم كام اصل مسلسل دي مش غريبه عليا

[ahmedtarea]

مضاد اراد (يئس /رفض)
ظلاله (حكمه/كنفه)
دي اسئلة اخر قيم انسانية معلش حد يجاوبهم

[ران نيتشان]

رفض (على ما اظن )
ظلاله /حكمه (متاكده )
والله اعلم ..دى اكتر حاجة بتخوفنى ..الاختيارات

[ahmedtarea]

المشاركة الأصلية كتبت بواسطة ران نيتشان

رفض (على ما اظن )
ظلاله /حكمه (متاكده )
والله اعلم ..دى اكتر حاجة بتخوفنى ..الاختيارات

المشكلة لما كنا بناخد الدرس دا الاستاذ قال يئس
ومدرس تاني قال رفض

[ahmedtarea]

المشاركة الأصلية كتبت بواسطة علا علي ٣٣٣

في جملة في الامتحان التاني الكتاب الرسالة المراجعة
( ان صناع مسلسل الملك فاروق يعلمون ان من يرد الانتقام من اي امة )

هو عايز اعراب ( يرد ) مش المفروض دا فعل مضارع مرفوع بالضمة و هي اصلا ( يريد ) و دي جملة صلة الموصول
انا عايزة اعرف بس دا خطا مطبعي و لا اي

مجزوم فعل الشرط انا شوفت القطعه جواب الشرط فعليه بعدها

[ران نيتشان]

#ربنا يوفقك يا#الاء

[سوسوكاتى]

يارب نتجمع فى التوبيك ده فرحانين بالنتيجة ان شاء الله ومحدش يزعل ابدا وربنا يكرمنا
#قولوا #أمين

[علا علي ٣٣٣]

المشاركة الأصلية كتبت بواسطة ahmedtarea

مجزوم فعل الشرط انا شوفت القطعه جواب الشرط فعليه بعدها

اه خلاص انا مخدش بالي من باقي الجملة فهمتها غلط

[علا علي ٣٣٣]

المشاركة الأصلية كتبت بواسطة ران نيتشان

وليه مش فعل مضارع مجزوم
كملي الجمله
القطعه رقم كام اصل مسلسل دي مش غريبه عليا

هي الجميلة علي بعضها ( ان صناع مسلسل الملك فاروق يعلمون ان من يرد الانتقام من اى امة فعليه ان يدمر ذاكرتها )
خلاص معلش انا كنت فاهماه الجملة غلط 😞
هي في نموذج الامتحان التاني اخر نماذج في الكتاب