ايه اخبار تعيين أوائل الكليات ياجماعة؟

[تقى83]

المشاركة الأصلية كتبت بواسطة بيرو و الضحى

السلام عليكم انا الحمد لله جالى مصلحة الضرائب وباجهز فى ورق التعيين ومن ضمن الورق استمارة 103 بس مش عارفة املاها اللى يعرف يا جماعة طريقة ملا البيانات يفيدنى بالله عليكم

استمارة 103تكتبى فيهاانك لم تعملى ف القطاع الخاص ولا الحكومى من قبل بعرض الورقة وامضاء 2 موظفين وختم النسر

[wafa2]

المشاركة الأصلية كتبت بواسطة ام يامن

انا الحمد لله بعد صلاة الاستخارة عملت تظلم عشان اتنقل مديرية الطب البيطرى بدلا من الجامعة وهناك الموظفين قالوا لى ده شىء سهل الموافقة عليه وسئلت عن سبب تاخير استلام العمل ردت واحدة معرفة هناك وقالت ما كنت اخشاه ان احتفالات الثورة ممكن تاخر اشياء كثيرة لانهم مش ضامنين ظروف البلد فارجو من استلم وظيفته يطمنا لانى قلقانة جدا بعد سماع هذا الكلام

ربنا يوفق يارب ويكتبلك الخير انا ظروفى زيك بالظبط انا جالى الجامعه ولظروف زوجى واولادى برده عايزه اروح اى مكان يكون داخل المدينة اللى انا عايشه فيها دكرنس ومش عارفه اقولهم عايزه حاجه فى دكرنس ولا اختار مكان معين وهل هيبقى سهل التجويل ولا لا
انتى قدمتى خلاص اوراقك للجامعه ولا هتستنى نتيجة التظلم؟ وقابلتى مين ياريت تفيدينى علشان اروح انا كمان اعمل التظلم وياتترى لازم اروح بنفسى ولا ممكن حد ينوب عنى؟؟

[ام يامن]

اختى العزيزة انا روحت بنفسى لعمل التظلم مش عارفة ينفع حد ينوب عنك ولا لا معلش روحى انت بنفسك هتخلصى علطول اجراءات سهلة وانا كمان قدمت اوراقى فى الجامعة لعند ما تظهر نتيجة التظلم بس هما فى التنظيم والادارة قالوا لى استنى نتيجة التظلم وانشاء الله خير بس انا خفت بصراحة لحسن ما طولش حاجة خالص

[إياد العزازي]

المشاركة الأصلية كتبت بواسطة اسماء احمد عبدالسلام محمد

انا من رايى لو المديرية قريبة من بيتك فاختارى المديرية لانها فى سبيل راحتك اولا ثم راحة اولادك ثم راحة زوجك لان الى هتاخديه فى الجامعة هتصرفيه مواصلات وحضانة لاولادك ده غير رضى زوجك كمان انا زيك بالظبط واخترت تربية وتعليم عشان اكون نص الوقت لبيتى واولادى وربنا معاكى واعلمى انك ما دمتى فى رضى الزوج نلتى رضا الله عليكى دائما (ده وجهة نظر فقط )لكى مطلق الحرية

أحسنت يا أخت أسماء وبارك الله فيك

[د.بتول]

من فضلكم اللي قدم اقرار الذمة المالية يساعدني كتب ايه بالنسبة لرقم الاقرار والوظيقة وتاريخ الاقرار والملف الضريبي يعني كل حاجة من فضلكم وبسرعة علشان هقدمه
وجزاكم الله خيرا

[ام يامن]

يا جماعة من فضلكم اللى نتيجة التظلم بتاعتة بانت يعرفنا التظلم اتقبل ولا لا

[الفيروزة]

تظلمات جامعة المنيا ظهرت يوم 16/1
الذى جالة التربيةوالتعليم يشرح لى الاجراءات التى عملها
لانهم في المدرية قالولى اسال فى الادارة والادارة قالوا اسال فىالمدريةوانا خايف فرصت التقديم تروح عليا
جزاكم الله خيرا

[moonmony82]

الف مبروك للكل ممكن اعرف فى حد جاله تعين كيميائي صحه وسلامه فى مديره القوى العامله طيب هى دى احسن ولا التدريس احسن وحد يقولى ايه نظام الوظيفه دى

[هدي امة الله]

في حد من الازهر استلم جواب انهارده ؟؟؟؟ ارجو الرد

[تقى83]

المشاركة الأصلية كتبت بواسطة د.بتول

من فضلكم اللي قدم اقرار الذمة المالية يساعدني كتب ايه بالنسبة لرقم الاقرار والوظيقة وتاريخ الاقرار والملف الضريبي يعني كل حاجة من فضلكم وبسرعة علشان هقدمه
وجزاكم الله خيرا

اقرار الذمة المالية بتملى بياناتك ف اول صفحة اسمك وحل اقامتك باقى البيانات مالكيش دعوة بيها فى ف الصفحة التانية بيانات لو كنت متزوجة وعندك ابناء بتكتبى بياناتهم. آخر صفحة من فوق بتمضى اسمك ولو متزوجة اسمك زوجك تتكتبية . بس

[المكتبي]

ممكن بعد اذنكم حد يفيدنا :

الاي شغال تعاقد بالتربية والتعليم وسحب رقم تاميني ووجد انه مش مؤمن علية يعمل اية ؟
وازاي هيضم المدة السابقة للوظيفه الحالية في تعينات الاوائل ؟
شكرا

[ام يامن]

لو فيه حد استلم يا جماعة فى جامعة المنصورة يعرفنا وما نوعيه الشغل

[د.بتول]

شكرا يا تقى وجزاكي الله خيرا

[moonmony82]

عشان خاطر ربنا حد يفيدنى استلم فى القوى العاملة كيميائيه ولا افضل فى التدريس فى الازهر

[أبوخيرى]

مجموعة تنظيم أوائل جامعة الأزهـــــــــــر على الفيس بوك



http://www.facebook.com/groups/261339517255597/