ايه اخبار تعيين أوائل الكليات ياجماعة؟

[meslmat]

الرقم التأمينى مثل الرقم القومى ثابت لكل مواطن
وكل ما فى الامر
ان هناك من هم غير مؤمن عليهم
وهناك اعمال حرة ومهن حرة
1وايضاً قطاع حكومى وعام
و2قطاع خاص
اذا كنت حقوق او تجارة اكيد تعرف دا

[د.عبدالرحمن المنياوي]

الرقم التأميني ثابت لكل مواطن بالفعل زي الرقم القومي والغرض منه هو الاستفسار هل مضاف لك على هذا الرقم تأمين من جهة عمل أم لا .. وانت هتلاقي ليك رقم تأميني وهتلاقي روحك مؤمن عليك لو انت معلم وواخد الدرجة .. والضرائب هتكمل على نفس الرقم وتأمن عليك هي .. والماجستير يضيف لك علاوة واقدمية سنة .. ولو اخدته في المده هيضاف لك حافز تميز علمي 100 جنيه

[د.عبدالرحمن المنياوي]

المشاركة الأصلية كتبت بواسطة تقى83

دكتور عبد الرحمن بعد إذن حضرتك لو ممكن تتواصل معانا فى موضوع اصحاب المنح ع المنتدى لو سمحت عشان مش عارفة اتواصل معاك عن طريق الفيس بوك

صفحتي ع الفيس هي

د.عبدالرحمن المنياوي

https://www.facebook.com/profile.php...70&ref=tn_tnmn

وللاسف يا أختي ماينفعش الكلام في الموضوع ع العام ولازم تراسليني على الخاص وده عرف سائد في هذه المسألة لضمان تيسير وسرية الأمور ..

[W_MOHAMMED]

السلام عليكم ورحمة الله وبركاته استاذ عبد الرحمن استحلفك بالله ترد على عشان الحق اتصرف ليه عدة تساؤلات
1 - هل يعنى تقديمى فى الوظيفة الجديدة ( مدرس مادة ثالث بجامعة دمنهور) انى اخليت طرفى من الحالية ( مدرسة لغة عربية) لان فى ورقهمن ضمن الورق ان اثنين من الموظفين يمضوا وتتختم بالوظيفه الحالية واسباب ترك الوظيفة السابقة وعدم الجمع بين وظيفتين
2- لو انا لم اقدم فى الوظيف بتاعت الاوائل دى ممكن الاستفادة من امتيازات تعيين الاوائل فى وظيفتى الحالية وازاى واعمل ايه؟ اقدم مثلا تظلم علما بأنى كنت الثانية على الدفعة ارجوك رد على لانى محتاره
3 - اخر ميعاد للتقديم فعلا بكرة ولا ايه؟
استحلفك بالله ترد على او اى حد عنده خبره فى الموضوع دا

[فاطمة الزهراء 86]

السلام عليكم ورحمة الله وبركاته
إلى الدكتور عبد الرحمن ارجو الاستفسار عن حالنا نحن في محافظة دمياط الذين تم تعينهم في الجامعة فعلا انتهوا من كل الاوراق واهيستلموا العمل يوم 22/1 لأن أسماءهم جاءت الجامعة ولكن نحن في التربية والتعليم كلما ذهبنا اليهم يقولون فوتوا علينا الاسبوع الجاي اصل لسه الاسامي لم تاتي بعد فذهبنا الى المحافظة كي نجد حل فوجدناهم يقولون لنا ان الاسامي الخاصة بجامعة المنصورة مرحلة ثالثة وان الاسامي التي وصلت لهم تبع خريجي محافظات تانية ولم يصل لهم الا المرحلة الاولى نفسي اعرف ازاي طيب والناس اللي خلاص هتستلم قبلنا في نفس البلد دي اسماءهم جاءت لهم واحنا لا ليه والله الواحد تعب نفسيا من اللي بيحصل ونفسي حد يفهمنا حاجة .

[maro19862009]

دكتور عبد الرحمن كنت عاوزة اسالك هو مرتب التامينات 1500 جنية صافى ولا شاملة للمعاشات والضرايب ولو مش صافى عاوزة اعرف هقبض كام كل شهر

[د.بتول]

من فضلكم حد إستلم العمل بالفعل في التأمينات؟

[إياد العزازي]

يا جماعه بالله عليكم
طمنونا عن الجديد في موضوع تعيين الاول والثاني معيدين بجامعة الازهر
ارجوكم حد يعرفنا اي شئ

[اسماء احمد عبدالسلام محمد]

ايه ياجماعة مفيش حد عنده اى اخبار عن نتيجة التظلمات او هنستلم الشغل امتى اصل والله الواحد خايف ليحصل اى حاجة فى عيد الثورة تاخر التعيين ربنا يستر ويسهل يااااااااااااااارب

[د.بتول]

دكتور عبد الرحمن
يعني ايه استلام العمل على مراحل؟
وجامعة المنصورة اي مرحلة؟؟
وفيه تعيين ولا بيضحكوا علينا

[METO4050]

المشاركة الأصلية كتبت بواسطة د.بتول

دكتور عبد الرحمن
يعني ايه استلام العمل على مراحل؟
وجامعة المنصورة اي مرحلة؟؟
وفيه تعيين ولا بيضحكوا علينا

يا اخت بتول انت من محافظة ايه وتعيينك فين
انا برده تبع جامعة المنصورة وتعيينى جالى فى التربية والتعليم
والحمدلله لاقدمنا ورق
ولا اسامينا جت من اصله
ولا حتى طلبوا مننا اى حاجة
وكل اللى بيقدروا عليه يقولوا لما نبقى نبعت حد علشان يجيب الاسامى

[METO4050]

يا دكتور عبدالرحمن
لو سمحت ممكن تريحنا بقى وترد علية

ليه كل لما بنسال فى المديرية او المحافظة يقولوا لسة الاسامى هنبعت نجيبها (محافظة دمياط)

يعنى ايه الكلام ده احنا كده بدانا نتعقد اكتر من الاول
طيب رد وقولى المفروض اتصرف معاهم ازاى وهما ولا على بالهم
كفاية كدة لما تلاقى واحدة تقولك يمكن تعيينك يبقى على شهر 7
يا ريت تقولى اعمل ايه وما مدى صحةان الموضوع ممكن يطول اوى كدة
استحلفك بالله ترد علية اشمعنى بتوع المديرية اتاخروا كدة مع ان اللى جالهم ضرائب او جامعة قاموا بارسال اصول الاوراق واحنا والله ما اخدوا مننا غير صورة الجواب

[ام يامن]

يا جماعة لو سمحتم حد يساعدنى فى اخذ القرار فانا والله فى حيرة لا يعلمها الا الله انا جالى التعين فى الجامعة طبيب بيطرى ثالث (مستشفيات) وعلمت ان العمل سيكون فى مستشفيات الجامعة وعلمت ايضا انه شغل صعب جدا وفيه مسؤلية كبيرة بالاضافة ان زوجى غير راضى عنه انا بامكانى ان احول مديرية الطب البيطرى وهذا العمل غير شاق بالاضافة انه قريب من منزلى وعلمت ان المرتب غير قليل حوالى 700 جنيه فانا اريد ان اعلم هل مرتبى بالجامعة يستاهل ان اضحى واسافر يوميا واترك تؤمى الصغار واتحمل تانيب زوجى ام ارفض واحول المديرية

[اسماء احمد عبدالسلام محمد]

المشاركة الأصلية كتبت بواسطة ام يامن

يا جماعة لو سمحتم حد يساعدنى فى اخذ القرار فانا والله فى حيرة لا يعلمها الا الله انا جالى التعين فى الجامعة طبيب بيطرى ثالث (مستشفيات) وعلمت ان العمل سيكون فى مستشفيات الجامعة وعلمت ايضا انه شغل صعب جدا وفيه مسؤلية كبيرة بالاضافة ان زوجى غير راضى عنه انا بامكانى ان احول مديرية الطب البيطرى وهذا العمل غير شاق بالاضافة انه قريب من منزلى وعلمت ان المرتب غير قليل حوالى 700 جنيه فانا اريد ان اعلم هل مرتبى بالجامعة يستاهل ان اضحى واسافر يوميا واترك تؤمى الصغار واتحمل تانيب زوجى ام ارفض واحول المديرية

انا من رايى لو المديرية قريبة من بيتك فاختارى المديرية لانها فى سبيل راحتك اولا ثم راحة اولادك ثم راحة زوجك لان الى هتاخديه فى الجامعة هتصرفيه مواصلات وحضانة لاولادك ده غير رضى زوجك كمان انا زيك بالظبط واخترت تربية وتعليم عشان اكون نص الوقت لبيتى واولادى وربنا معاكى واعلمى انك ما دمتى فى رضى الزوج نلتى رضا الله عليكى دائما (ده وجهة نظر فقط )لكى مطلق الحرية

[فاطمة الزهراء 86]

يا جماعة بالله عليكم تدلولنا نعمل ايه مع الموظفين اللي مش سالين في حاجة وملهمش دعوة بحاجة والوضوع بالنسبة لهم ولا شئ .

ارجو رقم دكتور صفوت النحاس