ايه اخبار تعيين أوائل الكليات ياجماعة؟

[METO4050]

يادكتور عبدالرحمن
فو جئت من حضرتك بان التعيين لسة هيتم على مراحل
طيب انا قالولى فى المحافظة ان اسمى فى المرحلة الثالثة ولسة الاسماء لم تصل من القاهرة واروح لسة الاسبوع الجاى علشان اسال وده هيكون يوم 22-1 اللى احنا كان عندنا امل ان ده يوم تعيينا
ممكن اعرف
ما هو الحد الاقصى للتعيينات على اساس اننا اخر مرحلة
طيب راى حضرتك ايه ان مديرية التربية والتعليم لم تطلب منا سوى صورة الجواب فقط

اقول لحضرتك على حاجة
احساسى بيقولى انهم هييجوا للاخر ويقولوا معلهش اصل احنا استكفينا
ارجو من الاخوة الا يستاءوا من كلامى
وان يرد علية الدكتور عبدالرحمن

[منايا الفردوس]

يا جماعة لو حد يعرف مراحل تعيين الاوائل دى ياريت يفيدنى لان دى بالنسبالى معلومة جديدة. وجزاكم جميعا خير الجزاء

[كيميائى اسلام الشاعر]

بسم الله الرحمن الرحيم

أفهم من كلام حضراتكم ان التعيين لسة هياخد وقت مش هيكون 22/1 انا بسأل لإن انا عاوز ابتدى فى اخلاء طرفى من شغلى ( قطاع خاص ) و عاوز ماخدش خطوة فى هذا الشأن الا و انا رجلى التانية فى الوظيفة ..
و ياريت لو تعرفوا اذا كان ينفع أقدم اوراقى فى المستشفى يوم السبت ( شغالين كإدارة يعنى ) ولا لأ؟؟
و هل الإدارة اللى تقصدوها انها هتستلم الأوراق ادارة الجامعة اللى جنب حقوق ولا ادارة المستشفى ؟؟؟

و أسف على الإطالة و لكن انا شغال و مقيم فى محافظة تانية و صعب انى أنزل و جزاكم الله كـــــــــــــل خير.

[فتحى الهاشم]

المشاركة الأصلية كتبت بواسطة emy_aa

رضينا بالهم والهم مش راضي بينا......نعم استلمت جواب التعيين ....ولكني غير مصدقة.....هل معقول ان تمضي الامور بسلاسة؟؟؟ دون تعقيد؟؟؟ دون مسلسل الاحباطات المستمر والذي يمضي امام عيني كان عمر كامل سرق مني؟؟؟؟اين التعجيز؟؟؟اين العفريت الذي يخرج لي كلما اقتربت من تحقيق الحلم....نعم محبطة ويائسة ...رغم جواب التعيين...اثق في حكمة الله سبحانه وتعالى...ولكني اتالم كلما ذهبت للجامعة ورايت معيدة تصغرني باعوام ..بلا شخصية بلا تقدير...وهي دكتورة..عرفت تجيب الواسطة ازاي وانا الاعلى تقديرا والاكثر تميزا لازلت كما انا.....اكمل رسالة الماجستير ...ولكن توقفت عن الاحلام....لا يهمني ان اتكون الرسالة مميزة ...لا يهمني ان ينتظر مني.الدكتور المشرف مستوى عالي...لا اريد بعد الان...احاول ان اخرج باقل خسائر ممكنة..ولكن الخسائر لا تعوض...الحلم بالتميز بالتفوق..لم يعد له وجود....اتذكر كلام قيل لي من مصدر مسؤل ..(لو حد جاب اعلى منك واتعين ابقي تعالي اتكلمي)وتعين 3 معيدين.....منهم من تكلمني من طرطوفة منخيرها ...تسالني انتي جايبة التقدير ده ...يا حرام..بس انا وضعي غير خالص....اكيدظروفنا غير.....اتذكر تقديمي في وزارةالعدل 3 مرات وطبعا لاشئ(اكشن تالت مرة) لا وسبحان الله....زميلتي التي كانت تنجح باعجوبة وجايبة مقبول تم قبولها....المحزن...اني اندم على اجمل ايام عمري التي قضيتها في حلم كان سراب..افتقد ايام الجامعة فانا لم اعشها ...اابتسم حين اتذكر قول والدتي(يا بنتي ارحمي نفسك سيبي الكتاب)....ابتسم حين اتذكر ايام الامتحانات .....كنت اتذكر رقم الصفحة في الكتاب عند الاجابة...اتذكر حين اخبرني احد اساتذتي والذي لم يكن يعرفني....في طالبة بعرف اجابتها من وسط مليون اجابة....كل هذا ذهب.....كل هذا يشعرني بالاحباط...كل هذا يجعلني لا اثق بالتعيين رغم جواب الترشيح....لازم يعملوا حاجة....عمر ما حاجة مشيت عادي كده وعذرا رفاقي ان تسرب احباطي اليكم...ولكني في امس الحاجة لالتمس التفاؤل منكم....زفلم يتبقى لي سوى ان احلم بان تكون ابنتي مفاجاتي للعالم...باذن الله سوف اجعلها شخصية مميزة مثقفة واثقة ناجحة.....رغم المحبطيين

العيب ليس فى مبارك ولا نظامه فقط العيب فى شعب امتلك اسوء الصفات وهى عدم احترام حقوق الاخر والرشوة والفساد والواسطة التى جعلتنا نكره وطننا ونغترب عنه

[كيميائى وائل]

المشاركة الأصلية كتبت بواسطة تقى83

مع الاسف ماينفعش . عندك فقط المهلة 60 يوم وبعدين بتروح الوظيفة عليك.حاول خلال المدة دى تظبط امورك وربنا معاك. الناحية المادية ربنا ييسرلك امرك ويساعدك. ممكن يكون الامر صعب ف الاول بس ع المدى البعيد انت المستفيد من القطاع الحكومى. حاول تحسب امورك كويس من كل الاتجاهات قبل ماتاخد قرارك انت سيد امرك.

جزاكم الله خيرا

وان شاء الله تحل كل المشاكل ولا تضيع الفرصة

شكرا

[كيميائى وائل]

المشاركة الأصلية كتبت بواسطة د.عبدالرحمن المنياوي

الأخت راجية مغفرة الله .. للاستفسار عن موضوع المنح .. كلميني على الفيس على الأكاونت د.عبدالرحمن المنياوي للأهمية .. Drmano2020*********** .. أو كلميني على الخاص أعطيك رقم الهاتف للأهمية ..

المهندس يحيى إبراهيم بالطبع مهندس زراعي أفضل لكن النواحي المادية للوظيفتين لا اعلمها ..

مارو .. التامينات ممتازة مرتب الدرجة الثالثة يبدأ من 1500 جنيه .. بس العمل من 8:30 إلى 3 مساء .. وهي ممتازة .. والفترة بتاعتك هتنضم والتأمينات نفسها هي اللي هتعملك كده ..

يا جماعة وانا في التنظيم والإدارة الأسبوع الماضي تقابلت مع أخت فاضلة من كلية علوم أعتقد من طلاب منح الأكاديمية بأسيوط وهي بلدياتي من المنيا .. لو قرأت كلماتي هذه فلتكلمني لانني وفرت لها ماطلبته ..

الأخت قطر الندى .. نعم لكي أقدمية سنتين على الثالثة حسب قانون كادر المعلم رقم 155 لسنة 2007 .. وانت لو اتعينتي مع ااوائل موقفك هيبقى زي ماهو ..

كيميائي وائل .. آخر مدى لتأجيل التعيين هو 60 يوم فقط .. ولازم تحل مشكلتك ودي وغلا التعيين هيروح ..

رحاب كريم وفاطمةالزهراء .. اتعيين هيتم على دفعات 22 يناير أول دفعة ثم دفعات على الأسابيع التالية ..

شكرا يا أخانا الفاضل على الجهد الكبير والردود

وان شاء الله يتم لنا الخير

وارجو الا تنسانى من صالح دعائكم

[كيميائى وائل]

المشاركة الأصلية كتبت بواسطة كيميائى اسلام الشاعر

بسم الله الرحمن الرحيم

أفهم من كلام حضراتكم ان التعيين لسة هياخد وقت مش هيكون 22/1 انا بسأل لإن انا عاوز ابتدى فى اخلاء طرفى من شغلى ( قطاع خاص ) و عاوز ماخدش خطوة فى هذا الشأن الا و انا رجلى التانية فى الوظيفة ..
و ياريت لو تعرفوا اذا كان ينفع أقدم اوراقى فى المستشفى يوم السبت ( شغالين كإدارة يعنى ) ولا لأ؟؟
و هل الإدارة اللى تقصدوها انها هتستلم الأوراق ادارة الجامعة اللى جنب حقوق ولا ادارة المستشفى ؟؟؟

و أسف على الإطالة و لكن انا شغال و مقيم فى محافظة تانية و صعب انى أنزل و جزاكم الله كـــــــــــــل خير.

انا تقريبا فى نفس ظروفك (قطاع خاص وفى محافظة أخرى ولا يمكن السفر ايضا) ولكن ما سافعله ان شاء الله هو تقديم الاوراق دون الاستقالة من العمل حتى أطمئن لمسئلة تسليم الشغل الحكومى وحتى لا أظل فترة بلا عمل وكذلك ايضا هى فرصة لحل اى مشكلات او معوقات قد تواجهك

المهم الا تترك عملك الان وقدم الاوراق دون استمار 6

واعتقد انهم سيراعون ذلك ان شاء الله

وربنا يوفقنا جميعا

[كيميائى وائل]

المشاركة الأصلية كتبت بواسطة عبدالله أبو عبدالرحمن

ياجماعة الخير

محدش يعرف ميعاد تسلم جوابات أوائل علوم أسيوط (أزهر)؟

اخ عبد الله انا بجد حاسس بيك ربنا ييسر لك امرك

لكن واضح ان الموجة الايام دى كلها تعليم عام بس ورجالة الازهر ما عندهمش جديد

اعتقد اى اخبار جديدة سوف تنقل ان شاء الله

ولا تقلق لعل تأخير الخطابات من رحمات رب الارض والسماوات

فحط فى بطنك بطيخة صيفى واطمئن

ربنا يوفق الجميع

[عبدالله أبو عبدالرحمن]

المشاركة الأصلية كتبت بواسطة كيميائى وائل

اخ عبد الله انا بجد حاسس بيك ربنا ييسر لك امرك

لكن واضح ان الموجة الايام دى كلها تعليم عام بس ورجالة الازهر ما عندهمش جديد

اعتقد اى اخبار جديدة سوف تنقل ان شاء الله

ولا تقلق لعل تأخير الخطابات من رحمات رب الارض والسماوات

فحط فى بطنك بطيخة صيفى واطمئن

ربنا يوفق الجميع

جزاك الله خيرا

[METO4050]

يا دكتور عبد الرحمن
ما مدى صحة القول بان التعيينات قد تطول لشهر 7 على بداية السنة المالية الجديدة

[كيميائى اسلام الشاعر]

بسم الله الرحمن الرحيم

الأخ كيميائى وائل

ايه التدابير اللى ناوى تاخدها بخصوص التأمين و الرقم التأمينى لأنه انا متأمن عليا و قلقان شوية من موضوع التأمين ده ؟ وهل ينفع ان يبقا فى رقم تأمينى تانى باختلاف المحافظة ياريت تفيدنى لو عندك علم ولك الشكر و بالتوفيق فى وظيفتك الجديدة ان شاء الله

[تقى83]

دكتور عبد الرحمن بعد إذن حضرتك لو ممكن تتواصل معانا فى موضوع اصحاب المنح ع المنتدى لو سمحت عشان مش عارفة اتواصل معاك عن طريق الفيس بوك

[الحمد لله علي كل شئ]

زملائي الاعزاء
الففففففففف ملييييييييييييون مبروك لكل اوائل الخريجين علي ان تتمم الله لهم عملية استلام خطابات ترشيحهم وعقبال الانتهاء الفعلي من تسليم العمل ان شاء الله
الي الاستاذ الدكتور عبد الرحمن جزاه الله كل الخير عني وعن جميع زملائي لتعبه معنا الفتره السابقه ومازال معنا يجيب عن استفساراتنا التي لا تنتهي
انا لي استفسار يا استاذنا المحترم : وهو
انا خريجة خدمة اجتماعيه جامعة الفيوم وجالي خطاب الترشيح علي مديرية الاوقاف بالفيوم علما بان ترتيبي الخامسة علي دفعتي فاريد ان اعرف من حضرتك اذا كان لديكم متسع من الوقت مرتبببببببببببببب العمل بالاوقاف كاخصائي خدمات اجتماعية كااااااااااااااااااااااااااااااام
ولسيادتكم جزيل الشكر
مع خالص تحياتي لحضرتك

[د.بتول]

هل استلام العمل على مراحل؟
وجامعة المنصورة اي مرحلة لان لسه مفيش حاجة وصلت من التنظيم لجهة العمل

[محمود المصري 2010]

السلام عليكم ورحمة الله وبركاته أعضاء المنتدي الكرام
لو سمحت يا دكتور عبد الرحمن، أرجو الرد علي هذه المفاجئة والتي أعتبرها من العيار الثقيل، وذلك لدرايتك التامة بشئون المعلم المساعد ، وهي كالتالي :
قدمت الورق اليوم في مصلحة الضرائب وسألت عن ضم مدة عملي في التربية والتعليم وهي حوالي سنتين وسبعة أشهر قالولي روح الترقيات سألت هناك كانت المفاجئة أنه قالي ما هو رقمك التأميني علشان نضيفه طبعًا قولتله وانتا عارف يا دكتور ( ماليش رقم تأميني ) قالي طيب إزاي كان متأمن عليك ... بصراحة معرفتش أرد عليه قلتله طيب اشتكيهم وأطالب بالخوصمات الي كانت ببتاخذ مني ، قالي إنتا حر بس لو إنتا عايز تضم المدة هات رقمك التأميني علشان نكملك عليه ومنعملكشي رقم جديد ....
أنا عارف إن إحنا متأمن علينا بقوة القانون زي ما حضرتك قلت قبل كدا ........
بس أنا مش عارف أعمل إيه يا ريت تقولي ..
ـ أروح التأمينات وأجيب رقم ... طيب ما هوا هيبقي جديد ... مش عارف
بس هوا قالي حاجه كويسه بخصوص الماجستير ... قالي هيضفلك 4 جنيه وأقدمية سنه ، لأنك حصلت عليه قبل العمل ....
ياريت يا دكتور تقولي أعمل إيه .... ضروري علشان ألحق أصرف ...وشكرًا لسعة صدرك .
والسلام عليكم ورحمة الله وبركاته