دفعة ثانوية عامة 2016

[علا علي ٣٣٣]

المشاركة الأصلية كتبت بواسطة mohamed_hamza

المسائل اللي مش عارفة تحلي عليها دي سواء كهربية او dna اسألي فيها ع المنتدى هنا مثلا عشان تعرفي طريقة الحل ازاي
ولما تعرفي الفكرة سجليها عندك وحلي مسائل كتير شبه المسائل دي لحد ما تتقنيها

مفروض تعملي اسبوع للعربي يعني من 29/5 تبدأي مراجعة عربي
يعني لسه 9 ايام اهو على ما تبدأي مراجعة عربي
ال9 ايام الباقيين دول تحلي فيهم امتحانات
حلي كل يوم امتحانين في كل المواد يعني 14 امتحان في اليوم
دا مش كتير يعني لو بتحلي الامتحان الواحد في نص ساعة، هتخلصي دا كله في 7 ساعات بس
باقي اليوم تعملي الحاجات دي:
-- شوفي الحاجات اللي واقعة منك زي درس التكاثر في النبات دا او الكهربية واحفظيها وكرريها وحلي عليها لحد ماتثبت.. عشان ليالي الامتحان مش هيكون فيه وقت تثبتي فيه حاجة.
-- ارسمي صفحتين من رسومات الاحياء (تقريبا 10 رسومات) وأي رسمة ترسميها تشوفي الكلام النظري اللي جمبها وتشوفي بياناتها كويس، عشان السنة اللي فاتت ناس اعرفهم رسموا الرسومات في الامتحان من غير معظم البيانات اللي عليها عشان كانوا بيرسموا الرسمة بس قبل كدا.
-- تحلي مسائل الفيزياء اللي وقفت قدامك طول السنة من تاني.
-- تحلي مسائل تخليق عضوية اللي هي من المركب س كيف تحصل على ص (حوالي 20 مسألة كدا)
-- تحلي 7 قطع نحو مثلا.

حددي وقت للامتحانات (انا فرضت انه 7 ساعات) وتحددي وقت للحاحات التانية دي بردو..
ويوم 27 و28 دول اقرأي فيهم المنهج كله مع حل الامتحانات عادي

حل الامتحانات ابدأي بالاحدث يعني 2015 بعدين 2014 وكدا...

معلش يادكتور استفسار بس ازاي الامتحان بياخد نص ساعة بس انا ممكن الامتحان ياخد معايا ساعتين مثلا حل و تصحيح و لا بتحل شفوي و لا اي ؟؟!!!

[Mohamed_Hamza]

المشاركة الأصلية كتبت بواسطة علا علي ٣٣٣

معلش يادكتور استفسار بس ازاي الامتحان بياخد نص ساعة بس انا ممكن الامتحان ياخد معايا ساعتين مثلا حل و تصحيح و لا بتحل شفوي و لا اي ؟؟!!!

دا انا كنت هقول تلت ساعة مش نص كمان
اه طبعا شفوي والي يحل تحريري دلوقتي يبقى بضيع وقته في الكتابة
اهم حاجة في اليومين دول الانجاز ولما تحلي الامتحان الواحد في ساعتين مش هتنجزي
الكتابة دي في حالة لو سؤال جديد في الامتحان مثلا دا يتكتب ويتحفظ ماشي، والمسائل والرسم ومعادلات الكيميا يتكتبوا بردو
غير كدا معظم الاسئلة هتلاقيكي حلاها قبل كدا و عارفة اجابتها كويس دي كفاية عليها تتحل شفوي

[ahmedtarea]

المشاركة الأصلية كتبت بواسطة mohamed_hamza

قصدك حالل كام كتاب مثلا ولا ايه؟
هو كتاب الامتحان في الفيزيا كفاية بس تكون حليته كله واتقنت كل اللي فيه، وتكون حالل امتحانات السنين اللي فاتت كلها، وتكون حالل التدريبات العامة الي في كتاب الوزارة، وتكون حافظ النظري والتجارب والاستنتاجات زي اسمك.
قبل الامتحان تراجع ع النظري وتحل المسائل اللي انت معلم عليها.

الانجليزي تكون بردو حليت ملخص واحد كفاية، وتحل اي امتحانات مش لازم السنين السابقة في الانجليزي، وتكون حالل امتحانات ال workbook وتكون حالل كتاب مراجعة نهائية بردو كامل.
وتكون قاري الريدنج كذا مرة كويس اوي وواخد بالك من التعبيرات اللي فيه وكلمة ايه جايه مع كلمة ايه وكدا، وقاري القصة كذا مرة بردو بحيث توصل لمرحلة تقدر تحكيها من نفسك، يعني مثلا تقرأ اول سطر في الفقرة تقدر تجيب باقي الفقرة من نفسك غيبا، مش لازم بالنص، حتى لو هتقولها بالعربي غيبا كويس بردو، يعني تكون عارف تفاصل القصة كلها، وتكون حفظت س و ج القصة، وتكون حافظ كلمات اليونتس والنوتس اللي فيها كويس.. ماتسبش حاجة يعني
وحافظ اماكن وشخصيات كتير عشان سؤال سبيكر، وتكون حافظ كلمات ترجمة بس مترهقش نفسك اوي بردو في حفظها كفاية ملزمة واحدة تحفظ منها كلمات، الجرامر طبعا مش هوصيك عليه ماتسبش قاعدة في المنهج ماتكونش فاهمها وحالل عليها.. بتهيألي قولت كل حاجة.

قبل الامتحان تقرأ المنهج كله والقصة وال س و ج بتاعها، ماتسبش حاجة متقرأهاش، وتراجع كلمات سؤال سبيكر وتراجع كلمات الترجمة بردو بسرعة من الملزمة اللي انت كنت بتحفظ منها كلمات الترجمة.

لو عملت كدا تخش الامتحانين دول مطمن جدا
لو حاجة من الحاجات دي ماعملتهاش او عملتها ناقصة تبقى مقصر

المشكلة ان الملخص الي حاله في الانجليزي والفزيا من زمان واكيد فيه فكر نسيهم منهم و مفيش وقت اراجعهم تاني كلهم ؟!

[Mohamed_Hamza]

المشاركة الأصلية كتبت بواسطة ahmedtarea

المشكلة ان الملخص الي حاله في الانجليزي والفزيا من زمان واكيد فيه فكر نسيهم منهم و مفيش وقت اراجعهم تاني كلهم ؟!

لا لازم تضغط على نفسك وتراجع مسائل الفيزيا اللي انت معلم عليها، دي تعتبر خلاصة تفكيرك ومجهودك في الفيزيا كلها اصلا فلو مش هتراجعها كأنك محلتهاش من الاساس فاهم قصدي؟
فتقديرا للوقت والمجهود اللي انت بذلته فيها راجعهم كلهم تاني، هتفرق معاك جامد والله وانت داخل الامتحان هتحس ان مفيش ناقصك حاجة، والاحساس دا كفيل يخليك تحل الامتحان كويس، اما لو مش راجعت الفكر دي هتحس ان فيه حاجات ناقصاك ودا ممكن يوترك ولا قدر الله يغلطك.
فانت حاول تدي المسائل دي ولو ساعتين كل يوم من النهاردا وهتخلصهم ان شاء الله، انت كدا كدا اصلا لازم تعدي عليهم تاني قبل الامتحان، فهتحلهم دلوقتي هتفتكرهم بسرعة قبل الامتحان، وهتلاقي وقت تراجع المنهج، مش هتحلهم دلوقتي، مش هتلحق تلمهم قبل الامتحان...
مش عارف اتكلمت كتير كدا ليه يارب تكون اقتنعت بس..
لو فيه كذا مسألة بنفس الفكرة كفاية واحدة منهم بس، وعلم عليها علامة تانية عشان تميزها.
ومش مهم تحل الي وقف معاك في الانجليزي قبل كدا، هيا لو جتلك تاني الحاجات دي هتحلها صح انا متأكد.. خليك في الفيزيا بس

[ahmedtarea]

المشاركة الأصلية كتبت بواسطة Mohamed_Hamza

لا لازم تضغط على نفسك وتراجع مسائل الفيزيا اللي انت معلم عليها، دي تعتبر خلاصة تفكيرك ومجهودك في الفيزيا كلها اصلا فلو مش هتراجعها كأنك محلتهاش من الاساس فاهم قصدي؟
فتقديرا للوقت والمجهود اللي انت بذلته فيها راجعهم كلهم تاني، هتفرق معاك جامد والله وانت داخل الامتحان هتحس ان مفيش ناقصك حاجة، والاحساس دا كفيل يخليك تحل الامتحان كويس، اما لو مش راجعت الفكر دي هتحس ان فيه حاجات ناقصاك ودا ممكن يوترك ولا قدر الله يغلطك.
فانت حاول تدي المسائل دي ولو ساعتين كل يوم من النهاردا وهتخلصهم ان شاء الله، انت كدا كدا اصلا لازم تعدي عليهم تاني قبل الامتحان، فهتحلهم دلوقتي هتفتكرهم بسرعة قبل الامتحان، وهتلاقي وقت تراجع المنهج، مش هتحلهم دلوقتي، مش هتلحق تلمهم قبل الامتحان...
مش عارف اتكلمت كتير كدا ليه يارب تكون اقتنعت بس..
لو فيه كذا مسألة بنفس الفكرة كفاية واحدة منهم بس، وعلم عليها علامة تانية عشان تميزها.
ومش مهم تحل الي وقف معاك في الانجليزي قبل كدا، هيا لو جتلك تاني الحاجات دي هتحلها صح انا متأكد.. خليك في الفيزيا بس

ماشي باذن الله
تسلم ي دوك ع نصايحك وتوجهاتك بصراحة انت انسان محترم وتستاهل كل خير بقدر كل كلمة قولتها لينا

[Abdelrahman M M]

سؤال ف أمتحان الكيمياء التجريبى :

عند تنقيط الماء على كربيد الكالسيم المختلط بالرمل يتكون :

1 - إيثان 2 - ميثان 3 - إيثي 4 - ماء جير

أيه الإجابه ولماذا ؟

السؤال الثانى : أحسب عدد مولات ماء التبلر فى عينه من كبريتات المغنسيم المتهدرته إذا علمت أنها تحتوى على 62.26% من كتلتها ماء تبلر
( Mg=24 s= 32 o=16 H =1 )

عايز اعرف طريقة الحل

[Duke Tefa]

ألف شكر يا دوك ع النصائح

[سوسوكاتى]

المشاركة الأصلية كتبت بواسطة abdo m a

سؤال ف أمتحان الكيمياء التجريبى :

عند تنقيط الماء على كربيد الكالسيم المختلط بالرمل يتكون :

1 - إيثان 2 - ميثان 3 - إيثي 4 - ماء جير

أيه الإجابه ولماذا ؟

السؤال الثانى : أحسب عدد مولات ماء التبلر فى عينه من كبريتات المغنسيم المتهدرته إذا علمت أنها تحتوى على 62.26% من كتلتها ماء تبلر
( mg=24 s= 32 o=16 h =1 )

عايز اعرف طريقة الحل

من المعادلة كربيد كالسيوم + ماء يدينا اسيتيلين + هيدروكسيد كالسيوم
وهيدروكسيد الكالسيوم هو ماء الجير ده اسمه الشائع
ومختلط بالرمل عشان يمتص الحرارة النتجة من التفاعل ويحمى الدورق من الكسر

[سوسوكاتى]

المشاركة الأصلية كتبت بواسطة Abdo M A

سؤال ف أمتحان الكيمياء التجريبى :

عند تنقيط الماء على كربيد الكالسيم المختلط بالرمل يتكون :

1 - إيثان 2 - ميثان 3 - إيثي 4 - ماء جير

أيه الإجابه ولماذا ؟

السؤال الثانى : أحسب عدد مولات ماء التبلر فى عينه من كبريتات المغنسيم المتهدرته إذا علمت أنها تحتوى على 62.26% من كتلتها ماء تبلر
( Mg=24 s= 32 o=16 H =1 )

عايز اعرف طريقة الحل

كل 100 جم من العينة فيها 62.26 جم ماء
يبقى كتلة الماء = 100-62.26 = 37.74 جم
وبعدين من النسبة والتناسب بين
Mgso4 ....xH2o
? الكتلة المولية 120
62.26 37.74

نجيب كتلة الماء وبعدين عدد مولاته بالقسمة على 18 (كتلة مول ماء )
هتطلع 10.99 مول تقريبا 11

[ران نيتشان]

المشاركة الأصلية كتبت بواسطة sayedfkry

اجابة التانى اهو
http://moe.gov.eg/exams_2016/namazeg...wer_2_2016.pdf

جزيتم خيرا...

[ahmedtarea]

Find m قصة
If the king was killed , hin name wouldnot be found

[علا علي ٣٣٣]

المشاركة الأصلية كتبت بواسطة mohamed_hamza

دا انا كنت هقول تلت ساعة مش نص كمان
اه طبعا شفوي والي يحل تحريري دلوقتي يبقى بضيع وقته في الكتابة
اهم حاجة في اليومين دول الانجاز ولما تحلي الامتحان الواحد في ساعتين مش هتنجزي
الكتابة دي في حالة لو سؤال جديد في الامتحان مثلا دا يتكتب ويتحفظ ماشي، والمسائل والرسم ومعادلات الكيميا يتكتبوا بردو
غير كدا معظم الاسئلة هتلاقيكي حلاها قبل كدا و عارفة اجابتها كويس دي كفاية عليها تتحل شفوي

حضرتك وفرت عليا وقت كتيييير جدا
شكرا جدا لحضرتك
ربنا يجازيك عننا كل خير

[علا علي ٣٣٣]

المشاركة الأصلية كتبت بواسطة علا علي ٣٣٣

علل : يطلق علي حمض الخليك النقي 100% حمض الخليك الثلجي ؟؟

محدش عارف الاجابة

[ahmedtarea]

المشاركة الأصلية كتبت بواسطة علا علي ٣٣٣

محدش عارف الاجابة

يتجمد في حوالي 16 دىجة مئوية ع هيئة بللورات شفافة من الثلج

[Norhan Mostafa]

تخيلوا انا عاوزه اقا الموضوع الجميل ده من اوله
اخيييييرا خلصت امتحانات تانيه
وداخلين للاسف تالته