ايه اخبار تعيين أوائل الكليات ياجماعة؟

[تقى83]

المشاركة الأصلية كتبت بواسطة كيميائى وائل

أولا اشكرك على الاهتمام لانك الوحيدة اللى اهتميتى فجزاكى الله عنى خيرا

لكن المشكلة انى ما ينفعش آخذ أجازة من القطاع الخاص

واللى عايز اعرفه هل يمكن تأجيل وظيفة القطاع الحكومى ام لا

والله المستعان

مع الاسف ماينفعش . عندك فقط المهلة 60 يوم وبعدين بتروح الوظيفة عليك.حاول خلال المدة دى تظبط امورك وربنا معاك. الناحية المادية ربنا ييسرلك امرك ويساعدك. ممكن يكون الامر صعب ف الاول بس ع المدى البعيد انت المستفيد من القطاع الحكومى. حاول تحسب امورك كويس من كل الاتجاهات قبل ماتاخد قرارك انت سيد امرك.

[إياد العزازي]

يا جماعه ما فيش جديد عن اخبار معيدين الازهر وهل اللغات والترجمه استلمو ولا لسه طمنونا بالله عليكم لو حد يعرف حاجه

[maro19862009]

دكتور عبد الرحمن ممكن تقولى المرتب فى التامينات كام وهل هو مكان ووظيفة كويسة ولا فى اماكن افضل منه وكمان انا بشتغل معلم مساعد من سنتين ينفع اضم الفترة دى لما اشتغل فى التامينات

[م. يحيي ابراهيم]

يا جماعة ارجوكم انا سئلت الؤال دة كتير ممكن حد محترم يجاوبني علية
اية الفرق بين مهندس زراعي واخصائي زراعي

[د.عبدالرحمن المنياوي]

الأخت راجية مغفرة الله .. للاستفسار عن موضوع المنح .. كلميني على الفيس على الأكاونت د.عبدالرحمن المنياوي للأهمية .. drmano2020*********** .. أو كلميني على الخاص أعطيك رقم الهاتف للأهمية ..

المهندس يحيى إبراهيم بالطبع مهندس زراعي أفضل لكن النواحي المادية للوظيفتين لا اعلمها ..

مارو .. التامينات ممتازة مرتب الدرجة الثالثة يبدأ من 1500 جنيه .. بس العمل من 8:30 إلى 3 مساء .. وهي ممتازة .. والفترة بتاعتك هتنضم والتأمينات نفسها هي اللي هتعملك كده ..

يا جماعة وانا في التنظيم والإدارة الأسبوع الماضي تقابلت مع أخت فاضلة من كلية علوم أعتقد من طلاب منح الأكاديمية بأسيوط وهي بلدياتي من المنيا .. لو قرأت كلماتي هذه فلتكلمني لانني وفرت لها ماطلبته ..

الأخت قطر الندى .. نعم لكي أقدمية سنتين على الثالثة حسب قانون كادر المعلم رقم 155 لسنة 2007 .. وانت لو اتعينتي مع ااوائل موقفك هيبقى زي ماهو ..

كيميائي وائل .. آخر مدى لتأجيل التعيين هو 60 يوم فقط .. ولازم تحل مشكلتك ودي وغلا التعيين هيروح ..

رحاب كريم وفاطمةالزهراء .. اتعيين هيتم على دفعات 22 يناير أول دفعة ثم دفعات على الأسابيع التالية ..

[wafa2]

اسماء الاوائل وصلت جامعه المنصوره يا جماعه اللى هيشتغل فى الجامعه يبدا يروح يخلص ورق الكشف الطبى تقريبا الاستلام قريب خلال اسبوع او عشر ايام ان شاء الله

[wafa2]

هو انا لى استفسار صغير هو توزيع الاوائل كان بناء على ايه بس
انا اكتشفت ان الاماكن اللى اتوزع عليها اوائل كليتى حاسبات كانت بين اربع اماكن
الاول الجامعه ودى للاول والتانى وحملة الماجستير
الثانى التعبئة والاحصا لغايه الخامس والسادس
الثالث التامينات الاجتماعيه لغايه الخمسة عشر تقريب
الرابع مديريه التربيه والتعليم لغايه العشرين
والنهارده اكتشفت ان المرتبات ماشيه من تحت لفوق بيقولوا المدرسين من شهر 7 الجاى هيبقى الحد الادنى الف ونص
والتامينات من دلوقتى بتبدا من الف ونص والتعبئة والاحصاء حوالى الف والجامعه الفظيعععععععععععععه بتبدا من 330 جنيه قبل الحوافز وبعدها تقريبا بتوصل ل800 ودى بعد الست شهور طبعا
انا التانيه وجالى الجامعه ينفع اعمل تظلم واروح اى مكان تانى من التلاتة التانين ولا فى امل ان الجامعه مرتباتها تبقى كويسه؟؟؟؟

[فتحى الهاشم]

يا دكتور عبدالرحمن سؤال مهم ياريت تجاوبنى عليه هل يملك رئيس الجامعة تغيير وظيفتى اى ان المسمى الوظيفى مدرس مادة هل من حقه ان يغيره الى وظيفة اخرى مثلا اخصائى معمل او اخصائى شئون تدريس وجزاك الله كل خير

[كيميائى اسلام الشاعر]

المشاركة الأصلية كتبت بواسطة wafa2

اسماء الاوائل وصلت جامعه المنصوره يا جماعه اللى هيشتغل فى الجامعه يبدا يروح يخلص ورق الكشف الطبى تقريبا الاستلام قريب خلال اسبوع او عشر ايام ان شاء الله

بسم الله الرحمن الرحـــــــــــــــــــيم

انا جالى تعيينى أخصائى بمستشفى جامعة المنصورة و كنت هناك يوم الاثنين 16/1 و سألت الشئون ردوا إن مجلس ادارة الجامعة هياخد قرار كمان اسبوع تعالى يوم الأحد الموافق 22/1 تبتدى تقدم اوراقك فهل حضرتك متأكدة ان فى ناس من اوائل المنصورة اللى هيشتغلوا فى الجامعة استلموا بالفعل او على الاقل قدموا اوراقهم عشان أروح بكرة منتظرش الاحد ؟؟

[كيميائى اسلام الشاعر]

وبخصوص الكشف الطبى معلش فى عند حضرتك فكرة عن اجراءاته .

ولكى خالص التحية

[مصطفى ناجى الحوشى]

السلام عليكم أرجوا الإفادة ماهى آخر أخبار تعينات المعيديين بجامعة الأزهر وأوراق اللغات والترجمة اللى فى رئاسة الوزراء من أسبوع

[عبدالله أبو عبدالرحمن]

ياجماعة الخير

محدش يعرف ميعاد تسلم جوابات أوائل علوم أسيوط (أزهر)؟

[د.بتول]

يا دكتور عبد الرحمن امتى هنستلم الشغل كل ما نسأل في جهات التعيين يقولوا لسه مفيش حاجة جت من الجهاز بأسمائنا ؟
وانهاردة قالوا ان فيه كشوفات جت لهم بس سألت قالولي اسمك مش فيهم
نعمل ايه دلوقتي؟؟؟؟؟؟؟؟

[قطرالندى25]

المشاركة الأصلية كتبت بواسطة د.عبدالرحمن المنياوي

الأخت راجية مغفرة الله .. للاستفسار عن موضوع المنح .. كلميني على الفيس على الأكاونت د.عبدالرحمن المنياوي للأهمية .. Drmano2020*********** .. أو كلميني على الخاص أعطيك رقم الهاتف للأهمية ..

المهندس يحيى إبراهيم بالطبع مهندس زراعي أفضل لكن النواحي المادية للوظيفتين لا اعلمها ..

مارو .. التامينات ممتازة مرتب الدرجة الثالثة يبدأ من 1500 جنيه .. بس العمل من 8:30 إلى 3 مساء .. وهي ممتازة .. والفترة بتاعتك هتنضم والتأمينات نفسها هي اللي هتعملك كده ..

يا جماعة وانا في التنظيم والإدارة الأسبوع الماضي تقابلت مع أخت فاضلة من كلية علوم أعتقد من طلاب منح الأكاديمية بأسيوط وهي بلدياتي من المنيا .. لو قرأت كلماتي هذه فلتكلمني لانني وفرت لها ماطلبته ..

الأخت قطر الندى .. نعم لكي أقدمية سنتين على الثالثة حسب قانون كادر المعلم رقم 155 لسنة 2007 .. وانت لو اتعينتي مع ااوائل موقفك هيبقى زي ماهو ..

كيميائي وائل .. آخر مدى لتأجيل التعيين هو 60 يوم فقط .. ولازم تحل مشكلتك ودي وغلا التعيين هيروح ..

رحاب كريم وفاطمةالزهراء .. اتعيين هيتم على دفعات 22 يناير أول دفعة ثم دفعات على الأسابيع التالية ..

شكرا لرد حضرتك وربنا يجعله فى ميزان حسناتك

[تقى83]

[quote=كيميائى اسلام الشاعر;4230566]

بسم الله الرحمن الرحـــــــــــــــــــيم

انا جالى تعيينى أخصائى بمستشفى جامعة المنصورة و كنت هناك يوم الاثنين 16/1 و سألت الشئون ردوا إن مجلس ادارة الجامعة هياخد قرار كمان اسبوع تعالى يوم الأحد الموافق 22/1 تبتدى تقدم اوراقك فهل حضرتك متأكدة ان فى ناس من اوائل المنصورة اللى هيشتغلوا فى الجامعة استلموا بالفعل او على الاقل قدموا اوراقهم عشان أروح بكرة منتظرش الاحد ؟
انا من المنصورة كنت هناك انهاردة وخلصت اوراقى واستلموهامنى وخدت استمارة الكشف الطبى خدت معاد ف المستشفى الى ف المجزر يوم السبت. بس لسة ماحدش عارف هوا هيتوزع فين . بس لازم تخلص ورقك بسرعة عشان فية لف كتيير وبياخد وقت.