ايه اخبار تعيين أوائل الكليات ياجماعة؟

[amralaraby]

يا جماعة لو فيه حد ماحصلوش نصيب فى التعيين عشا ن هو بعد العشرين يعنى مكرر احنا عاملين وقفة فى التنظيم والادارة يوم 14/1 الاربعاء

ياريت اللى اتظلم عشان اسمه مش من ال20 اسم يشارك معانا فلى الجروب بتاعنا على الفيس بوك وده اللينك بتاعه

http://www.facebook.com/groups/34142...group_activity

[د.عبدالرحمن المنياوي]

المشاركة الأصلية كتبت بواسطة فاطمة الزهراء 86

السلام عليكم

إلى الدكتور عبد الرحمن الفاضل ارجو منك تفسير بعض الاسئلة :

1- أنا حاليا أعمل بعقد مؤقت وإن شاء المولى عز وجل سوف استلم الجواب يوم 10 -1 وانا بعدها نوية علطول أخلي طرفي من المكان اللي أنا فيه لان حاصل معي مشاكل كتير مع المدير بتاعي وظلمني كتير اوي فهل هذا سيؤثر على العمل الحكومي اللي هياتي يعني هو لازم اكمل الرقم التأميني من الوظيفة دي الى الوظيفة دي يعنى لازم أفضل في الوظيفة المؤقته دي لحد ما استلم العمل في المكان الجديد عشان انا متأمن علي والله يا دكتور ا نا مش عارفة أوضح اللي انا عايزة اقوله إزاي .

قصدي اقول هل لو خليت الطرف بتاعي من المكان القديم وقعد مثلا في البيت حوالي شهر ثم استلمت العمل هيكون الوضع ايه .

2- هل ميعاد 22-1 هو ميعاد ثابت لإستلام العمل لكل الأوائل ولا الموضوع هيطول زي ما هما عمالين يقولوا على الفيس بوك .

3- آخر سؤال معلش يا دكتور لو جالي اعمل في وظيفة إدارية وانا مش عايزاها وعايزة أطلب أكون مدرسة ممكن هما يحولوا الجواب بتاعي يومها يعني في نفس اليوم لو انا عملت تظلم .

معلش يا دكتور عبد الرحمن انا تعبتك كتير من كتر اسئلتي واستفساراتي كتير بس والله عشمي كتير في حضرتك لأنك والله كنت بتريحنا كتير من حوالي سنة واحنا كنا صابرين .

ماتخليش طرفك إلا بعد استلام العمل الثاني ..
نعم موعد 22 ثابت ..
تتظلمي والنتيجة تظهر مع جامعتك في جدول التظلمات ..

[ام رهف]

المشاركة الأصلية كتبت بواسطة el ninio

بصراحة معرفش شهادة الخدمة العامة منين
لإني قدمت شهادة اتمام الخدمة العسكرية بتاعتي ومااحتجتش للخدمة العامة
اقرار الذمة المالية بتجيبيه من البريد
والفيش الجنائي بيتعمل في مديرية الأمن وبتاخديه تاني يوم
وماتستعجليش على الشغل خدي وقتك وبراحتك
بس تابعي معاهم كل شوية في الجامعة
وفي الفترة دي جهزي كل ورقك بحيث لما تروحي هناك تخلصي
على طول وتعملي اقرار قيام بالعمل
ومبروك

ممكن اجاوب انا
شهادة الخدمة العامة بتتعمل من مكتب الشئون الاجتماعية في المحافظة
ولازم الشخص نفسه اللي يروح يعملها ويكون معاه صورة الشهادة المؤقتة واصل وصورة البطاقة
يارب اكون افادتكم
تحياتى للجميع

[إياد العزازي]

اي جديد يا جماعة عن الاول والثاني بالازهر

[د.بتول]

دكتور عبد الرحمن :
الجامعة افضل ام التأمينات من حيث طبيعة العمل والمرتبات ؟؟؟؟
ولكم جزيل الشكر

[zoza246]

لو سمحت يا دكتور انا خريجه'طوحاصله علي ماجستير وجواب الترشيح مكتوب فيه مدرس ماده مساعد بجامعه اسيوط
ما معني مدرس مساعد ؟؟؟؟ ووظيفتي ف الجامعه هتكون عملها ايه؟؟؟؟
وما الفرق بينها وبين اخصائي وثائق ومكتبات؟؟
ولك جزيل الشكر

[zoza246]

لو سمحت يا دكتور انا خريجه طب بيطرى 2010وجواب الترشيح مكتوب فيهطبيب بيطرى ثالث بمدريةالطب البيطرى وانا الخامسه على الدفعه قدمت تظلم واسنلام جواب التظلم يوم 2/2/2012 هل اقدم على شغل المدريه ولا انتظر لما استلم جواب التظلم وللعلم كتبنا التظلم يوم استلام الجواب 5/1 هل هذا صح ولم ناخذ اى شيى يثبت تقديم التظلم
ولك جزيل الشكر

[د.بتول]

دكتور عبد الرحمن
الجامعة أم التأمينات؟

[د.عبدالرحمن المنياوي]

انا يا جماعة لا اعلم عن أوائل الأزهر شئ ..

مدرس مادة في الجامعة الناس مفكراها معيد وكده .. لأ لأ لأ .. جامعة المنيا انهارده بلغت أصحاب الوصف الوظيفي هذا بأنهم سيكونوا سكيرتارية للدكتور علشان رصد الدرجات وشئونه الخاصة بالمادة ..

اللي بتسأل عن الجامعة والا التربية والتعليم .. المرتب واحد بس التربية والتعليم إجازات أفضل ..

اللي بيسأل عن التأمينات الاجتماعية .. أقر بأنها أفضل مكان ترشح إليه الأوائل على الإطلاق .. مرتب الدرجة الثالثةالتخصصية بداية تعيين 1600 جنيه .. ولسه سائل وراجع من المقر هناك .. هي بس بتشتغل من 8 ص : 3 م .. والجمعة والسبت إجازة

[د.عبدالرحمن المنياوي]

هااااااااااام اوئل الازهر المجموعه الرابعه

يوم الاحد 12/2/2012

1 البنات الازهريه طيبه 2 الدراسات الاسلامية والعربية للبنات اسكندرية 3 الدراسات الاسلامية والعريية بنى سويف 4 االبنات الازهرية العاشر من رمضان 5 الدرسات الاسلامية والعربية بنات سوهاج 6 الدعوه الاسلامية القاهرة 7 الشريعه والقانون طنطا 8 اصول الدين والدعوه الزقازيق 9 اللغه العربيه ايتاى اباردوى بحيرة 10 الدرسات الاسلامية والعربيه دمياط 11 اللغه العربية الزقازيق


هااااااااااااااااام اوائل الازهر المجوعه الثالثه

يوم الاثنين 2012/2/6
1 اللغه عربيه المنصورة 2 الدراسات الانسانية تفهنا الاشراف الدقهليه 3 التربية تفهنا الائاف الدقهليه
4 التجاره بنات القاهرة 5 الشربعه والقانون دمنهور 6 الشريعه والقانون تفهنا الاشراف الدقهليه
7 اللغه العربية المنوفية 8 اصول اليدن والدعوه المنوفية 9 الرداسات الاسلامية والعربية (ديدامون) شرقيه 10 الدراسات الاسلامية كفر الشيخ والعربيه بنين دسوق 11 الدرسات الاسلامية والعربية بنات كفر الشيخ 12 البنات الاسلامية اسيوط

[aa.agri]

السلام عليكم ورحمة الله وبركاته



( الخدمة العامة مطلوبة من البنات ولا الرجال )


أنا كنت أعرف إن الخدمة العامة للبنات لكن لما روحت أقدم ورقي ( خطاب الترشيح وأصول أوراقي ) قالوا لي من ضمن الأوراق المطلوبة ورقة الخدمة العامة وقالوا إنها مطلوبة أيضاً من الرجال الذين لم يؤدوا الخدمة العسكرية ( الإعفاءات والتأجيلات )

[METO4050]

يا جماعة انا استلمت جواب الترشيح النهاردة وله الحمد
وجالى الجواب على مديرية التربية والتعليم
ولسة هروح بكرة ان شاء الله المديرية
وهشوف هعمل ايه

[amralaraby]

عمرو العربى
ميعادنــــــــــــــــــــــــــــــــــــــــــــ ـــــــــــا يوم الاربعاء الموافق 11/1 امام التنظيم والادارة فى مدينة نصر بجوار مسجد رابعة العدوية

مشكلتنا مافيش حد هايحلها غيرنا ..................................... عشان كده الكل لازم ييجى ويشارك

وجهزوا نفسكم اننا مش هنغادر القاهرة الا ومعانا اى امل سواء من النحاس او من الجنزورى
...
الحاضر يعلم الغايب ................................. الميعاد يوم الاربعاء فى التنظيم والادارة ومن هناك على الجنزورى ومن الجنزورى على مبنى الاذاعة

11/1...................................... الاربعاء ......................... وقفة المكررين

-----------------------------------------------------------------------------------

الكل لازم يشارك معانا ........................................... وياريت ما ننساش نجيب معانا كل اوراقنا لازم نعمل احتياطنا لاى شيئ

[amralaraby]

http://www.facebook.com/groups/34142...if_t=group_r2j

الاوائل المكررين لهم حق فى التعيين لانهم من ال20

[amralaraby]

الوقفة بكرة ان شاء الله امام الجهاز المركزى للتنظيم والادارة .



http://www.facebook.com/groups/341429885882919/