الحملة الكبرى لإسترداد حقوق المدرسين المتعاقدين ( للإيجابيين فقط ) - الصفحة 34

أ/ هشام العيسوى · #**496** 07-09-2009, 02:00 AM

انا عارف ومتابعه من اول انشائه
وعارف نشاطات مؤمن والجروب والمنتدى
وانا بعتله ع الخاص دلوقتى وربنا يسهل ويرد

اقتباس:

المشاركة الأصلية كتبت بواسطة ranad2003

انا مكلم موقع كريزى من 10 ايام تقريبا ووعدونى بمساندتنا
والى الان لم اجد منهم اى خطوة عملية
ودا رابط موضوعى فى المنتدى

معلش ممكن نحاول تانى ممكن مبعوت ليهم اميلات كتير بس بجد هو موقع محترم

Observer · #**497** 07-09-2009, 02:01 AM

الرجاء من كل إخوانى وزملائى التركيز الشديد فى هذه الفترة الهامة جداً من الحملة وبذل أقصى جهد لتحقيق أهداف الحملة التى وضحناها فى البداية وهى :

( 1 ) مساواة المدرس المتعاقد بالدائم فى كافة الحقوق والبدلات والحوافز والاجازات بأنواعها

( 2 ) التثبيت الفورى لمن تنطبق عليه شروط التثبيت " 3 سنوات فى العمل أو أكثر "

ورجاء بالمشاركة الجادة ونشر رابط الحملة فى كل مكان داخل وخارج المنتدى وإخبار زملائنا فى المدارس والمعاهد الأزهرية بخطوات حملتنا وجعلهم يشاركون فيها قدر الإستطاعة حتى يتحقق النجاح المنتظر ونفتح الطريق لنا ولمن بعدنا من زملائنا المدرسين

ranad2003 · #**498** 07-09-2009, 02:04 AM

انا نزلت رابط للحملة فى منتديات كريزى كريزى دلوقتى ودة الرابط قولولى اية رايكم وناوية انشر نص الكلام دة فى اكثر من مواقع تعليمية

ranad2003 · #**499** 07-09-2009, 02:05 AM

http://egycrazy.com/vb/showthread.ph...174#post943174

Observer · #**500** 07-09-2009, 02:06 AM

وياريت كل واحد فينا يقول رأيه النهائى فى اقتراح الأخ محمد بخصوص تجميع المتعاقدين ومقابلة المسئولين بوضوح يعنى هنقول موافق أو غير موافق مع إبداء السبب أو وجهة النظر

عشان نشوف هنعمل إيه من بكرة إن شاء الله

سامح سلام · #**501** 07-09-2009, 02:06 AM

انتو نمتوا يا جماعة ولا اية؟

أ/ هشام العيسوى · #**502** 07-09-2009, 02:08 AM

ياراندا
انا قلتلك كلمتهم ولسه الرد
والرابط هيتحذف زى ما الرابط بتاعى اتحذف
انت تدخلى على موضوعى هناك فى قسم الشكاوى وتردى فيه وتحثيهم على التفاعل
لانى نا بس اللى بكلمهم هناك

اقتباس:

المشاركة الأصلية كتبت بواسطة ranad2003

انا نزلت رابط للحملة فى منتديات كريزى كريزى دلوقتى ودة الرابط قولولى اية رايكم وناوية انشر نص الكلام دة فى اكثر من مواقع تعليمية

Observer · #**503** 07-09-2009, 02:09 AM

ياريت نبص على الصورة الرمزية اللى تحت الإسم بتاعى ونتأمل شوية فى الصورة

عايزين نبقى زى الصورة دى بالظبط يا جماعة

ranad2003 · #**504** 07-09-2009, 02:09 AM

لا مقابلة مسئولين دى اخر حاجة نعملها لما نروشهم الاول لازم الموضوع يتعرف علشان لما نروح لمسئول يهتم مش يقولنا فوت علينا بكرة يا سيد لازم يكونوا قلقوا مننا لكن لو رحنا دلوقتى هيردوا ببساطة مفيش تعيين نستنى شوية لما العدد يكمل

ranad2003 · #**505** 07-09-2009, 02:10 AM

اراندا
انا قلتلك كلمتهم ولسه الرد
والرابط هيتحذف زى ما الرابط بتاعى اتحذف
انت تدخلى على موضوعى هناك فى قسم الشكاوى وتردى فيه وتحثيهم على التفاعل
لانى نا بس اللى بكلمهم هناك

حاضر انا هدخل اشوف بس قلت اعمل اللى علية وربنا يكرم

teacher120 · #**506** 07-09-2009, 02:13 AM

ياريت الى عاوز ينشر الرابط يستاذن اداره المنتدى الى هينشر فيه ويطالبهم بتنى الموضوع واكيد هيستجيبوا لانى نشرت فى منتدى محترم اوى ومع ذالك عملوا حذر للعضويه بس بعد كده بقيت اقول بعد اذن اداره المنتدى

ranad2003 · #**507** 07-09-2009, 02:17 AM

مفيش منتدى هيتبنى حملة فى منتدى تانى يا استاذة هدى هيعتبرها دعاية للموقع بتاع الحملة

Observer · #**508** 07-09-2009, 02:20 AM

طب فى فكرة يا جماعة

إيه رأيكو لو كل يوم كلنا نتجمع ونخاطب منتدى معين بشكل محترم إنه يتبنى حملتنا

والمنتدى دة نحدده مع بعض قبلها بيوم وتانى يوم كل واحد يجى يقول عمل إيه

أكيد لما يلاقوا مجموعة أعضاء كبيرة بتطلب منهم طلب زى دة بصيغة محترمة

هيوافقوا على طول إن شاء الله

متعاقد مظلوم · #**509** 07-09-2009, 02:20 AM

انا شايف نأجل ميعاد التجمع دلوقتي لحد ميزيد عدد المدرسين المتعاقدين معانا ويوصل صوتنا الاعلام ومن هنا يبدا الناس اللي خايفة تتجرا شوية
يعني نستمر في الفاكسات والايميلات زي ما احنا لحد ما نعدي رمضان وتبدا الدراسة وبعد كده ......................؟؟؟؟؟؟؟؟

ra23sh · #**510** 07-09-2009, 02:21 AM

اخواني الاعزاء أنا مع فكرة اننا نجتمع ونتفق على الخطوات التي تضمن لنا استرجاع حقوقنا اما فكرة لقاؤنا بالسادة المسئولين ارى انها لن تكون ذات جدوى في الوقت الحالي الا اذا استطعنا ان نخرج حملتنا ومطالبنا الى النور وفرضها على الراي العام وذلك من خلال وسائل الاعلام المختلفة وارسال الفاكسات والايميلات المكثفة حتى يكون لحملتنا صدى عند المسئولين وصناع القرار في هذا البلد ويكونوا تحت ضغط حتى لا يتم وعودنا بوعود زائفة